- 5,758
- 13,139
- 189
UPDATE 93
Iss baar bhi late?
Nisha naarajgi me munh dusri taraf ghuma leti hai.
Lekin jab usne mehsus kiya ki Atul haanf raha tha to fir Atul ki taraf ghabraate hue dekhne lagti hai...Raat hone ki vajah se shayad usne pehle notice nahi kiya tha.
Atul sach me haanf raha tha...Jaise bahut thak gaya ho...Lekin face me ek muskaan tha...Jaise usne kuch kar dikhaya hai.
Nisha:- Ye kya haal bana rakha hai tumne?
Atul ke bikhre hue baal aur thoda paseena se bheega chehre ko dekhti hui Nisha be pucha.
Nisha:- Tum thik to ho naa?
Iss baar sach me ghabraate hue Nisha ne pucha.
Atul jyada bolne ki haalat me nahi tha...Bas chehre se hi "Haa" me ishaara kiya.
Atul wohi chhat ki railing ka support le kar rest karne laga...Iss beech Nisha usse kayi bar sawaliya najro se ghoor rahi thi.
Atul:- Wo kehta thaa naa tumhaare liye chaand aur taare tod laaunga.
Pyar bhari aawaj me Atul Nisha ki aankho me dekh kar bola.
Nisha:- Haa...Badi badi baatein to karte rehte ho...Isme naya kya hai?
Atul:- Agar mai kahu ki iss baar sach me aisa kiya hai toh?
Nisha:- Aur mai bhi kahu ki mai bewakoof nahi hu ki tumhari bakwas par yakin kar lu.
Atul:- Yakin kar lo dear.
Fir Atul apne pocket se ek jhilmilaata hua Star nikaalta hai...Uska design aur chamak dekh Nisha se raha nahi jaata...Wo Atul ki haatho se chheen leti hai.
Nisha:- Bahut hi khubsurat hai...Kaha se lekar aaye?
Atul:- Bas abhi market se.
Atul ka bas itna hi kehna tha ki Nisha ko saari baatein samajh me aa jaati hai...Uska thakaan...Uska haanfna sab kuch...Aur usse bhi bada sawaal.
Nisha:- Kyanjarurat thi iss vakt jaane ki...Abhi kuch der pehle to tej baarish ho rahi thi naa?
Atul:- To kya hua?
Nisha:- To kya hua? Agar beemar pad gaye to?
Atul:- Beemaar...Aur wo bhi mai...Kisi bhi Bacteria aur Virus me itna dum nahi ki mujhe beemar kar sake.
Atul ne bas itna hi kaha tha ki wo jor se cheenkta hai.
Ye dekh Nisha apne aap hi hasne lagti hai...Aur Atul ka haalat aisa ho gaya tha jaise kisi chhote bacche ki chori pakdi gayi ho.
Nisha aise hi Atul ki baal par haath ferne lagti hai ki...Tabhi usse ehsas hota hai ki kuch der pehle wo Atul ko paseene me bhingne ki soch rahi thi wo asal me...
Nisha:- Ye kya tum to puri tarah bhinge hue ho?
Thoda gusse ke saath Nisha Atul ko dekhti hai.
Atul:- Jaldbaazi me baal sukha nahi paaya.
Nisha kuch kahe bina hi chhat se chali jaati hai.
Atul:- Nisha?
Ek do baar Atul Nisha ko aawaj lagaata hai lekin Nisha kuch sune bina hi waha se chali jaati hai.
Room me pahunch kar Nisha pehle to wo star ko pyar se table par rakhti hai...Usse dekh ek baar fir wo muskuraati hai...Muskuraaye bhi kyu naa...Itne pyar se Atul ne jo diya tha usse.
Fir ek towel le kar Atul ke paas chali jaati hai.
Nisha:- Ye lo...Acche se pocch lo.
Atul:- Itna pyar? Dekh lena...Ek din tumhara yahi pyar mujhe maar daalegi.
Atul ne Nisha ko dekh muskuraate hue kaha.
Nisha:- Fir bakwaas?
Atul:- Accha sorry...Ye to bataao...Kaisa laga wo star?
Nisha:- Tum se thik ulta...Bahut hi pyara hai.
Atul:- Aur mai?
Nisha:- Tum to ullu (owl) jaise dikhte ho.
Atul:- Accha...Abb pata chala...Ullu bhi handsome hote hai.
Atul ki iss baat par Nisha kuch der usse ghurti rahi fir achanak hi hasne lagi.
Nisha:- Tum bhi naa.
Fir kuch der dono ke bich khaamoshi chhaa jaati hai.
Nisha:- Aise kya dekh rahe ho?
Atul ko lagatar apni taraf ghoorta dekh Nisha ne pucha.
Atul:- Chaand...Jaanti ho mai sirf taara hi laaya...Chaand nahi...Chaand mere hi paas hai...Mere saamne.
Sach me iss chaand ki roshni me tumhaari khubsurati Chaand se kam nahi.
Nisha:- Kya tum bhi?
Nisha sharmaate hue boli.
Atul:- Jaanta tha...Ye joke tumhe pasand aayega.
Nisha:- Joke?
Nisha gusse se dekhti hui boli.
Atul:-Nahi nahi...Mai to...
Ek baar fir darne ki acting ki Atul ne...Darne ki kam Nisha ko hasaane ki koshish jyada thi...Aur koshish sadal bhi hua...Nisha fir Atul ko dekh hasne lagi.
Nisha:- Accha ye bataao...Itni tej baarish me itna dur wo bhi bhingte hue kyu gaye thhe?
Atul:- Bas hausla buland hona chaahiye...Kuch bhi sambhav hai...Aur ye to pyar ka hausla hai madam...Kuch bhi kar jaata mai tumhaare liye.
Nisha:- Mai kuch puch rahi hu aur tum jawaab kuch aur hi de rahi ho.
Atul:- Bas kuch yaad aa gaya tha iss liye.
Nisha:- Kya yaad aaya tha?
Atul:- Ek din mera kandhe par pyar se sir rakh kar mujh se baat kar rahi meri Nishu...Uski khwahish...Ki uska Atul uske liye aasmaan se chaand taare tod laaye.
Aasmaan se to tod nahi saka...Ha lekin dhakka mukka karte hue bheed wali dukaan se wo taara jarur tod laaya.
Nisha:- Kahi chhot to nahi lagi? Kya jarurat thi ye sab karne ki?
Nisha ne fikar ke saath pucha
Atul:- Chhot bilkul bhi nahi laga...Bas thoda thak jarur gaya tha.
Aur kyu naa laau...Aakhir meri Nishu ki khwahish hai...Puri kaise nahi karta.
Nisha:- Kisi aur din laate? Aaj hi kyu?
Atul ne abb udaas hone ki acting ki.
Atul:- Tum mujhse pyar hi nahi karti.
Nisha:- Abb ye kya naya bakwaas kar rahe ho.
Atul:- Tumhe aaj ka date bhi yaad nahi.
Nisha kuch der tak sochti hai aur fir achanak se excited ho kar kehti hai.
Nisha:- Our Anniversary.
Atul:- Exactly...Anniversary...1 saal ho gaye hamaare pyar ko...Hamaare Relationship ko.
Lekin tumhe ye yaad kaha?
Nisha Atul ki gaal par pyar se pinch karte hue.
Nisha:- Agli baar se yaad rakhungi.
Itna hi kaafi nahi tha ki ek aur surprise Atul ne Nisha ke saamne rakh diya.
Ek Cake.
Nisha ki khushi ka thikaana hi nahi raha...Pyar se usne Atul ko gale laga liya.
Fir aise hi hansi majaak me dono Cake cut karte hai aur ek dusre ko khilaate hai.
Atul:- Chalo abb munh mithaa karaao?
Nisha:- Abhi to cake khaya humne.
Atul:- Cake se kya hota hai? Munh mitha to kuch aur tarike se hota hai.
Nisha ki hontho par ungli firaate hue Atul ne kaha.
Nisha:- You?
Fir dhire se Nisha Atul ko maarne lagti hai.
Aur fir dono lag jaate hai ek dusre se pyar jataane...Apne hontho se.
Nisha aaj bahut khush thi...Atul ka ye deewanapan...Ye paagalpan...Uski ek khwahish ke liye Atul ne kya nahi kiya.
Bas yahi to pyar tha dono ka...Jo ek dusre ko aur bhi pyar karne par majbur kar raha tha ek dusre se.
Nisha jo hamesha sochti thi ki Atul kabhi usse pyar karega ya nahi...Aaj wo usse toot kar pyar karne laga tha...Uska deewanapan roj nayi unchaai par pahunch raha tha.
Aise hi pyar aur mastiyan karne ke baad dono jab jaane hi wale thhe tab.
Atul:- Nishu.
Nisha Atul ki taraf dekhti hai.
Atul:- Tumne Chaand Taare maange thhe Maine laa kar diya...Abb kahi meri jaan hi naa maang lena...Warna wo bhi de dunga.
Nisha ek baar fir usse jhuthe gusse se ghoorne lagi...Atul bhi darne ki acting kar apne room me chala gaya.
Atul ke jaane ke baad.
Nisha:- Buddhu.
Fir Nisha bhi khushi khushi apne room me chali gayi...Aaj kitna khaas bana diya tha unka anniversary ko Atul ne.
for the update
