Incest Koi To Rok Lo

[Pritam.bs]

Ko To Rok Lo {Update - 205}
____________________________

Aaj bhale hi meri aankhon me aansu nahi the. Lekin aaj mai mehsus kar pa raha tha ki, priya apne muskurate huye chehre ke pichhe kitna jyada dard chhupa kar rakha karti thi.

Priya ka chehra baar baar meri aankhon ke samne ghoom raha tha aur mere uske pas na jaane ki vajah se, jo dard mujhe ho raha tha, us dard ka aehsas nikki to kya koi bhi nahi kar sakta tha.

Mai apni yahi haalat nikki ko batana chahta tha. Magar usne mujhe apni koi baat kahne ka mauka hi nahi diya tha. Mai nikki se jara bhi naraj nahi tha. Lekin priya ke liye pareshan jarur tha.

Meri isi pareshani ne mujhe mere dil ki baat nikki se kahne par majbur kar diya aur maine jindagi me pahli baar apne dil se kuch likh kar nikki ko bhej diya.

Mera Sms “Aaj Acchi Si Koi Saza Do Mujhe.
Chalo Aisa Karo Aaj Rula Do Mujhe.
Usko Bhoolu To Maut Aa Jaye Mujhe.
Apne Dil Ki Gahrayi Se Ye Dua Do Mujhe.”​

Nikki ko Sms bhejne ke bad, mai aankh band karke baith gaya aur priya ki baton ko yaad karne laga. Thodi hi der bad, mere pas nikki ka Sms aa gaya.

Nikki ka Sms “Ek Parinde Ka Dard Bhara Fasana Tha.
Tute The Pankh Aur Udte Huye Jana Tha.
Toofan To Jhel Gaya Par Hua Ek Afsos,
Wahi Daali Tooti Jispe Uska Ashiyana Tha.”​

Ye Sms mujhe nikki ne bheja tha. Lekin is Sms me mujhe priya ka chehra aur uski bebasi najar aa rahi thi. Priya ki bebasi aur uske dard ko mehsus karte hi, mai chah kar bhi, apni aankhon ko chhalakne se na rok saka aur meri aankhon se aansuon ki barsat hone lagi.

Abhi meri aankhon ne barasna suru hi kiya tha ki, tabhi mujhe mehul meri taraf aate dikha. Use dekhte hi, mai apni aankhon ko saaf karne laga. Mehul ne mere pas aate hi kaha.

Mehul bola “abhi nikki ka call aaya tha. Usne bataya hai ki, nidhi didi ne kaha hai ki, kabhi kabhi dimag par chot lagne ya kisi mansik aaghat ki vajah se, marij gahri behoshi me chala jata hai.”

“Lekin kuch hi samay bad, wo behoshi se bahar bhi aa jata hai. Isliye abhi hume priya ke coma me jaane ki baat soch kar, nirash nahi hona chahiye aur priya ke hosh me aane ki puri ummid rakhna chahiye.”

Mehul ki is baat ko sunkar, mai samajh gaya ki, nikki bhale hi mujhse naraj thi. Lekin wo mujhe pareshan hote bhi nahi dekhna chahti thi. Isliye usne mehul ko call karke ye sab baten batayi thi.

Abhi meri mehul se baat chal hi rahi thi ki, tabhi anu mausi ne aakar bataya ki, chanda mausi ko hosh aa raha hai. Anu mausi ki ye baat sunte hi, mai aur mehul fauran hi, unke sath chanda mausi ke pas aa gaye.

Chanda mausi ko hosh me aate dekh kar, meri aankhon me khushi ke aansu chhalak aaye aur mai aakar unke pas baith gaya. Chanda mausi ke aankh kholte hi, unki najar sabse pahle mere upar hi padi.

Wo apne hathon se mere sharir ko tatol kar dekhne lagi. Mehul ne chanda mausi ko mere sharir ko tatolte dekha to, muskurate huye un se kaha.

Mehul bola “mausi, aap iski fikar mat karo. Ye bilkul thik hai. Aapne iske badan par ek kharoch tak nahi aane di. Ye bahut khushnashib hai ki, ise aap jaisi pyar karne wali mausi mili hai. Mujhe to koi pyar hi nahi karta.”

Mehul ki baat sunkar, chanda mausi ne haule se muskurate huye, use apne pas bulaya aur fir uske sar par bhi hath ferne lagi. Fir wo chhoti maa aur baki logon ke baare me puchhne lagi. Unki is baat ke jabab me anu mausi ne un se kaha.

Anu mausi boli “chanda, abhi thodi der pahle sab yahi tumhare pas the. Tumhare operation ke liye mumbai se nisha aur barkha aayi thi. Sunita ko kisi kaam se achanak unke sath mumbai jana pad gaya. Keerti aur vaani bhi sunita ke sath mumbai gayi hai.”

Anu mausi ki ye baat sunkar, chanda mausi kuch soch me pad gayi. Unhe soch me pada dekh kar, anu mausi ne unhe tokte huye kaha.

Aun mausi boli “kya hua chanda, tum kis soch me pad gayi.”

Anu mausi ki baat sunkar, chanda mausi apni soch se bahar nikal aayi. Lekin un ne anu mausi ki is baat ka koi jabab nahi diya. Humare ghar me papa ke alawa sabhi chanda mausi ko chanda mausi kah kar bulate the.

Lekin chanda mausi umar me anu mausi aur richa aunty se chhoti thi. Jis vajah se ye log chanda mausi ko unka naam lekar bulati thi. Magar ye log bhi chanda mausi ko wo hi maan samman deti thi, jo unhe chhoti maa deti thi.

Anu mausi ne jab chanda mausi ko unki baat ka jabab dete nahi dekha to, wo shayad unki is khamoshi ka matlab samajh gayi thi. Un ne chanda mausi ko samjhate huye kaha.

Anu mausi boli “chanda, tum kisi baat ki fikar mat karo. Sunita jaldi hi wapas aa jayegi. Tab tak tumhara khayal rakhne ke liye, mai tumhare pas hu aur fir tumhare ye dono bacche bhi to tumhare pas hi hai.”

“Tum nahi janti ki, nisha to punnu ko bhi apne sath mumbai le jana chahti thi. Lekin isne tumhe aisi haalat me chhod kar jaane se saaf mana kar diya. Kya ye sab janne ke bad bhi, tumhe kisi baat ki chinta karne ki jarurat hai.”

Anu mausi ki ye baat sunkar, chanda mausi ki aankhon me aansu aa gaye aur wo anu mausi se ami nimi ke baare me puchhne lagi. Unki is baat ke jabab me anu mausi ne kaha.

Anu mausi boli “richa aur ami nimi bhi abhi yahi the. Kuch der pahle punit unko ghar chhod kar aaya hai. Ami nimi abhi richa ke pas hi hai aur ab wo subah richa ke sath tumse milne aayegi.”

Iske bad, anu mausi ne chanda mausi se aaram karne ko kaha to, wo aankh band kar ke let gayi. Thodi hi der me unki nind lag gayi. Unki nind lagte hi, mai aur mehul bahar aa gaye. Bahar aate hi mehul ne mujhse kaha.

Mehul bola “ek baat bata, kya pahle kabhi tujhe kisi ne bataya tha ki, teri koi judwa bahan bhi hai.”

Mehul ki baat is baat ke jabab me maine us se kuch kaha to nahi, lekin use ghoor kar dekhne laga. Mere is tarah ghurne se mehul samajh gaya ki, mujhe uski is baat par gussa aa raha hai.

Kyoki hum dono ke bich kabhi kisi baat ka parda nahi tha. Yadi keerti ki baat ko chhod diya jaye to, meri koi bhi baat mehul se chhupi nahi thi. Apni baat par mujhe gusse hote dekh, mehul ne fauran hi apni baat ko badalte huye kaha.

Mehul bola “abe gussa kyo hota hai. Maine to aise hi is baat ko puchh liya tha. Lekin ab tu jaan gaya hai ki, teri koi judwa bahan bhi hai aur wo koi or nahi, balki priya hi hai to, aise me tera uske pas jana banta hai.”

“Ab to chanda mausi ko bhi hosh aa gaya hai. Aise me ab tu befikar hokar waha ja sakta hai. Meri baat maan aur tu kal hi mumbai nikal ja. Yadi ami nimi tere sath jana chahe to, unhe bhi le ja. Mai yaha sab kuch sambhal luga.”

Mujhe bhi mehul ki ye baat thik lag rahi thi. Isliye maine is baat par thoda gambhir hote huye kaha.

Mai bola “tu kah to thik raha hai. Lekin tune dekha nahi ki, meri judwa bahan ki baat khulte hi, chhoti maa, richa aunty aur anu mausi kis tarah se ghabra gayi thi. Un ne kuch soch kar hi, aaj tak is baat ko humse chhupa kar rakha tha.”

“Mohini aunty ki baat se hume ye to samajh me aa gaya ki, koi aadmi hospital se meri judwa bahan ko lekar bhaga tha. Lekin wo aadmi kaun tha aur usne aisa kyo kiya, ye baat abhi tak ek raz hi hai.”

“Kahin aisa to nahi ki, is sab ke pichhe chhoti maa ka hi koi hath ho aur is sab me richa aunty aur anu mausi bhi unke sath ho. Tabhi to is baat ke khulte hi, teeno is tarah se ghabra gayi thi.”

Meri baat abhi puri bhi nahi ho payi thi ki, mehul ne mera gireban pakad liya aur mujhe fatkarte huye kaha.

Mehul bola “apni juban ko lagam de. Yadi tune aunty ke baare me ek shabd ki galat kaha to, mai tera muh tod duga. Un ne ami nimi se jyada tujhe pyar kiya hai aur meri mummy ne bhi mujhse jyada tujhe pyar kiya hai.”

“Anu mausi jarur tujhe pasand nahi karti thi. Lekin un ne bhi kabhi tere sath kuch galat nahi kiya. Ye baat un logon ne tujhse chhupayi jarur hai. Magar ho sakta hai ki, wo log ye baat tujhe batane ke liye kisi sahi samay ka intejar kar rahi ho.”

“Un ne is tarah se is baat ke tere samne aa jane ki kabhi ummid nahi ki hogi. Isliye wo log us samay ghabra gayi thi. Magar aaj tujhe teri bahan ka pata kya chala gaya ki, tune ek pal me hi un sabke pyar ko paraya kar diya.”

“Mujhe meri mummy aur anu mausi par tere shaq karne ki baat ka jara bhi bura nahi laga. Mujhe bura is baat ka laga ki, tune aunty ke pyar par shaq kiya. Aaj tujhe apna dost kahte huye mujhe sharam aa rahi hai.”

Mehul us samay bahut gusse me tha, isliye maine use kuch bhi kahne se nahi roka. Lekin apni aakhiri baat kahte kahte, uski aankhon me nami aa gayi. Maine uske hath par apna hath rakhte huye kaha.

Mai bola “jitni takleef tujhe meri is behuda baat ko sunkar pahuchi hai. Us se bhi jyada takleef mujhe chhoti maa, risha aunty aur anu mausi ka ghabraya hua chehra dekh kar pahuchi thi.”

“Tu kahta hai ki, anu mausi mujhe pasand nahi karti. Lekin un ne bhi kabhi mere sath kuch galat nahi kiya. Mai bhi teri is baat ko galat nahi manta aur mujhe lagta hai ki, wo bhi mujhe kisi se kam pyar nahi karti hai.”

“Isliye us samay mai un sab ke ghabraye huye chehre ko dekh kar, apne man me uth rahe, har sawal ko bhool gaya tha. Mujhe yaad tha to, sirf itna yaad tha ki, wo teeno meri maa hai.”

“Unke man se is ghabrahat ko mitane ke liye, maine apne man ke har sawal ko hansi me udha diya tha. Yadi priya meri bahan na hoti to, chanda mausi ke hosh me aate hi, mera mumbai jana bahut aasan tha.”

“Lekin ab priya ke meri bahan hone ki vajah se mera mumbai ja pana itna aasan nahi hai. Mai kuch pal pahle mili bahan ke liye, mai in sabke barso ke pyar ko chhota nahi dikha sakta.”

Itna bol kar mai chup ho gaya. Lekin meri baat sunte hi, mehul ne mujhe apne gale se lagate huye kaha.

Mehul bola “mai bekar me hi tujhe galat samajh raha tha. Mummy sahi kah rahi thi. Tu to sach me bahut samajhdar ho gaya hai. Lekin fir bhi priya humari bahan hai aur tujhe is samay uske pas rahna hi chahiye.”

Mai bola “mujhe kab mumbai jaana hai, iska faisla mujhe nahi, balki chhoti maa, richa aunty ya fir anu mausi ko karna hai. Inke bole bina mai mumbai jaane ki baat soch bhi nahi sakta.”

Mehul bola “yadi tu mumbai nahi ja sakta to, fir mai mumbai jauga aur kal hi jauga.”

Abhi mehul itni hi baat bol paya tha ki, tabhi hume anu mausi ki aawaj sunayi di. Un ne mehul ki is baat ko sunne ke bad, hume tokte huye kaha.

Anu mausi boli “nahi, tumko mumbai jaane ki koi jarurat nahi hai. Mumbai punnu hi jayega aur tum yahi rah kar chanda ka khayal rakhoge.”

Anu mausi ki is baat sunkar, hum dono hi chauk bina na rah sake. Pata nahi wo kab se, hum dono ke pichhe khadi, humari baten sun rahi thi. Anu mausi ko apne samne dekh kar, hum dono se hi kuch kahte nahi ban raha tha. Lekin anu mausi ne humare pas aate huye kaha.

Anu mausi boli “priya ki jitni fikar tum logon ko hai. Us se jyada hume priya ki fikar hai. Humne bhale hi, is baat ko tum bacchon se chhupa kar rakha tha. Lekin fir bhi hum log hamesha priya ki talash me lage rahe the.”

“Jo aadmi priya ko lekar bhaga tha. Use kuch saal pahle uske ek parichit ne mumbai me dekha tha. Uska wo parichit tum logon ke mumbai jaane ke kuch din pahle humse mila tha aur usne ye baat hume batayi thi.”

“Humne is baare me vaani se baat ki thi. Us samay wo kisi case me busy thi aur usne kaha tha ki, wo jaldi hi kolkata aa rahi hai aur yaha aakar, wo us aadmi ki naye sire se talash suru karegi.”

“Usi samay tum log bhi mumbai ja rahe the. Lekin us aadmi ko talash karne ki baat yadi tumhare samne sunita ya richa rakhti to, tum is baat ko lekar un se sawal karna suru kar dete.”

“Isi vajah se un ne ye kaam mujhe karne ko kaha tha aur maine tumko uska mumbai me pata karne ka kaam saunpa tha. Lekin tumhari is talash se hume nirasha hi hath lagi thi.”

“Magar shikha se baat karke is baat ki khushi bhi huyi thi ki, maine tumhe jis pate par us aadmi ko talash karne ka kaam diya tha. Waha shikha rahti hai. Meri shikha se isi baare me thodi bahut huyi thi.”

“Maine shikha se bataya tha ki, mai jis aadmi ki talash kar rahi hu, wo meri saheli ka pati hai aur apni bacchi ko lekar gayab hai. Humhare pas uski koi tasveer nahi hai. Jis vajah se hum use abhi tak dud nahi paye hai.”

“Lekin ab uski talash karne ke liye meri bhatiji vaani waha aa rahi hai. Wo ek CID officer hai aur hume ummid hai ki, wo use jarur dud nikalegi. Isliye ab is baare me punnu se koi baat na ki jaye.”

“Iske bad hum log vaani ke yaha aane ka intejar karne lage. Lekin vaani ke yaha aane ke pahle hi, tumhare sath waha ek ke bad ek hadse ho gaye. Jise dekh kar, hume laga ki, kahin in sab hadso ke pichhe usi aadmi ka hath to nahi hai.”

“Bas isi dar ki vajah se sunita fauran waha pahuch gayi thi. Magar iske bad waha koi hadsa na hone se hume laga ki, shayad ye sab hum logon ka vaham tha aur humne is baat ko apne dimag se nikal diya tha.”

“Magar aaj jab tum par huye hamle ke bad, vaani ko un hadson ka pata laga to, usne usi aadhar par saari karyawahi karna suru kiya. Tum par hamla gauranga ne karwaya tha, isliye vaani ne use uske giroh ke sath girftar kar liya.”

“Gauranga se ki gayi puchh tachh me ye saaf ho gaya ki, usne tumhare naam ki supari lekar, tum par hamla kiya tha aur tumhare naam ki supari mumbai se ek aadmi dekar gaya tha.”

“Vaani ne gauranga aur uske sathiyon ke bayan ke aadhar par us supari de jaane wale aadmi ki tasveer banwayi aur wo tasveer hume dikhayi to, humne fauran pehchan liya ki, ye wo hi aadmi hai, jo tumhari bahan ko lekar bhaga tha.”

“Tum itne din mumbai me rahe. Lekin tumne ek baat par jara bhi gaur nahi kiya ki, waha tumhare ghar ke jo bhi bade the. Wo nikki ke keerti ke hamsakal hone ke bad bhi, use dekh kar jitna nahi chaukte the, us se jyada priya ko dekh kar chaukte the.”

“Priya pahli najar me hi sabki ladli ban jati thi. Sabka jhukav priya ke taraf hone ki vajah ye thi ki, jaise nikki ki shakal keerti se milti thi. Waise hi priya ki shakal bhi bahut kuch tumhari mummy se milti hai.”

“Yaha tak ki priya ki muskurahat, uska chulbulapan aur uski shararaten bhi bahut kuch tumhari mummy se milti julti hai. Lekin is sabke bad bhi, humare dimag me ye baat nahi aayi thi ki, priya hi tumhari bahan ho sakti hai.”

“Lekin vaani ne jaise hi, shikha ki shadi ke video me priya ko dekha, uske man me priya ke baare me janne ki utsukta bad gayi thi. Bas isi vajah se usne tumse priya ki janam tarikh aur janam sthan ke baare me sawal kiya tha.”

“Lekin is sawal ko karte samay, use bhi shayad is baat ki ummid nahi thi ki, uska kiya ye ek sawal hi, tumhari khoyi huyi judwa bahan ko, itni jaldi hum sabke samne lakar khada dega.”

“Mohini ki baton se ye baat to saaf ho gayi thi ki, priya hi tumhari judwa bahan hai aur jo mohini ki asli bhatiji hai, wo is samay us aadmi ke pas hai. Magar abhi hum is sachai ko nahi jante hai ki, ye raz mohini ke parivaar me kaun kaun janta hai.”

“Bas isi vajah se vaani aur sunita mumbai gayi hai. Wo pahle mohini ki asli bhatiji ko dudna chahti hai. Iske bad hi, wo priya ke tumhari judwa bahan hone ki baat mohini ke parivaar ke samne rakhna chahti hai.”

“Hume is wakt sabse jyada is baat ka dar sata raha hai ki, jo aadmi tumhe dekhte hi, tumhare khoon ka pyasa ho gaya tha. Usne mohini ki bhatiji ke sath, tumhari judwa bahan ke dhokhe me, pata nahi kya saluk kiya hoga.”

“Hum log is samay sirf priya ki salamati ke liye hi nahi, balki padmini ki asli beti ke liye bhi, ye dua maang rahe hai ki, uske sath koi anhoni na huyi ho. Kyoki humne ek maa ko apni bacchi ki judai me ghut ghut ke marte dekha hai.”

“Hum nahi chahte ki, aisa hi kuch padmini ke sath bhi ho. Yadi padmini ki beti ke sath koi anhoni ho gayi hogi to, humare liye priya ke tumhari judwa bahan hone ki baat uske samne rakh pana bahut hi mushkil ho jayega.”

Itna bol kar anu mausi chup ho gayi. Unka ye roop mere liye bilkul hi naya tha. Unki baton se saaf samajh me aa raha tha ki, wo sirf meri maa ko hi ache se nahi janti thi, balki mere atit ki baton ko bhi ache se janti thi.

Lekin is samay unke muh se meri mausi nahi, balki ek maa bol rahi thi. Jiske man me ek dusri maa ke dard ka aehsas chhupa hua tha. Mai bhi is padmini aunty ko pahuchne wale dard ka aehsas kar sakta tha. Isliye maine anu mausi se kaha.

Mai bola “mausi, aapka kahna jara bhi galat nahi hai. Padmini aunty ki haalat aisi nahi hai ki, wo apni beti ko khone ka dard sah sake. Yadi aisi ko stithi aati hai to, mai yahi chahuga ki, padmini aunty ke samne priya ki sachai ko kabhi na khola jaye.”

“Mai ye to nahi janta ki, unke parivaar me is sachai ko kaun kaun janta hai. Lekin maine ye apni aankhon se dekha hai ki, dada ji is sachai ko jante huye bhi, priya ko bahut pyar karte hai aur use riya, raj se jara bhi alag nahi samajhte hai.”

“Sirf dada ji hi nahi, balki aakash uncle, padmini aunty, raj aur riya ki bhi wo bahut ladli hai. Wo unke ghar ki raunak hai aur un sabki jaan hai. Priya bhi un sabko bahut pyar karti hai.”

“Na to wo log priya ke bina rah sakte hai aur na hi priya unke bina rah sakti hai. Aise me ye sachai un sabke samne rakhne ka matlab, sirf un sabki khushiyon ko khatam karna hi hoga.”

“Priya wahan un sabke sath bahut khush hai aur mai yahan apni bahno ke sath bahut khush hu. Isliye acha yahi hoga ki, aap log bhi is baat ko bhool jaye ki, priya meri bahan hai aur un sab ko pahle ki tarah khush rahne de.”

Meri baat sunkar, anu mausi ne aage bad kar, mujhe apne gale se laga liya. Meri jindgi me ye pahla mauka tha, jab anu mausi ne itne pyar se mujhe apne gale lagaya tha. Un ne pyar se mere sar par hath ferte huye kaha.

Anu mausi boli “mujhe maaf kar de. Maine hamesha tujhe dukh hi diya hai. Mujhe lagta tha ki, tu bhi apne bap ki tarah hi niklega. Lekin mai bilkul galat thi. Tu apne bap ki tarah nahi, balki apni maa ki tarah hai. Teri maa sach me bahut khushnashib thi, jise tera jaisa beta mila.”

Anu mausi ki baat sunkar, itne saalon me pahli baar, meri aankhon me janam dene wali maa ko yaad karke, aansu aa gaye. Lekin maine aansu bhari aankhon se, ek dard bhari muskan ke sath muskurate huye kaha.

Mai bola “mausi, aap meri maa ki kis khushnashibi ki baat kar rahi ho. Meri maa to duniya ki sabse badnashib maa thi. Jinke bete ne unhe unke marne ke bad hi, bhula diya. Yahan tak ki mujhe to, unka chehra tak yaad nahi hai.”

“Tabhi to priya ko dekhne ke bad, mai us se kahta tha ki, aisa lagta hai ki, jaise mera tumse pichhle janam ka koi rishta hai. Lekin mai us se ye kabhi na kah saka ki, tumhari surat meri maa se milti hai.”

“Lekin mai priya se ye baat kahta bhi to kaise kahta. Mujhe to apni maa ka chehra tak yaad nahi tha. Ab aap hi batao, jis maa ke bete ko uska chehra tak yaad nahi hai. Wo maa ek khushnashib maa kahlayegi ya fir badnashib maa kahlayegi.”

Meri baat sunkar, anu mausi ne mere aansu pochhte huye kaha.

Anu mausi boli “jis maa ka tera jaisa beta ho. Wo kabhi badnashib ho hi nahi sakti. Fir teri maa purnima to kisi poonam ke chand ki tarah thi. Jitna ujla uska tan tha, us se bhi jyada ujla uska man tha. Wo, mai aur richa teeno bahut pakki saheliyan thi.”

“Wo apni beti ki judai sah nahi payi aur isi gam me usne ghut ghut kar apni jaan de di. Lekin marne ke bad bhi, wo apne bete ko roj apni aankhon se dekhti hai aur aaj barson bad, apni khoyi huyi beti ko bhi apni aankhon se dekhegi.”

Anu mausi ki baten sunkar, mere sath sath mehul ki aankhen bhi puri tarah se bheekh chuki thi. Lekin anu mausi ki aakhiri baat sunkar, hume kuch samajh me nahi aaya aur hum dono hairani se unki taraf dekhne lage.

______________________________

 

[Pritam.bs]

Ko To Rok Lo {Update - 206}
____________________________

Mai bola “mausi, aap meri maa ki kis khushnashibi ki baat kar rahi ho. Meri maa to duniya ki sabse badnashib maa thi. Jinke bete ne unhe unke marne ke bad hi, bhula diya. Yahan tak ki mujhe to, unka chehra tak yaad nahi hai.”

“Tabhi to priya ko dekhne ke bad, mai us se kahta tha ki, aisa lagta hai ki, jaise mera tumse pichhle janam ka koi rishta hai. Lekin mai us se ye kabhi na kah saka ki, tumhari surat meri maa se milti hai.”

“Lekin mai priya se ye baat kahta bhi to kaise kahta. Mujhe to apni maa ka chehra tak yaad nahi tha. Ab aap hi batao, jis maa ke bete ko uska chehra tak yaad nahi hai. Wo maa ek khushnashib maa kahlayegi ya fir badnashib maa kahlayegi.”

Meri baat sunkar, anu mausi ne mere aansu pochhte huye kaha.

Anu mausi boli “jis maa ka tera jaisa beta ho. Wo kabhi badnashib ho hi nahi sakti. Fir teri maa purnima to kisi poonam ke chand ki tarah thi. Jitna ujla uska tan tha, us se bhi jyada ujla uska man tha. Wo, mai aur richa teeno bahut pakki saheliyan thi.”

“Wo apni beti ki judai sah nahi payi aur isi gam me usne ghut ghut kar apni jaan de di. Lekin marne ke bad bhi, wo apne bete ko roj apni aankhon se dekhti hai aur aaj barson bad, apni khoyi huyi beti ko bhi apni aankhon se dekhegi.”

Anu mausi ki baten sunkar, mere sath sath mehul ki aankhen bhi puri tarah se bheekh chuki thi. Lekin anu mausi ki aakhiri baat sunkar, hume kuch samajh me nahi aaya aur hum dono hairani se unki taraf dekhne lage. Anu mausi ne hume is taraf hairan dekha to, un ne humari hairani ko door karte huye kaha.

Anu mausi boli “isme itna hairan hone wali koi baat nahi hai. Ek accident me sunita ki aankhon ki roshni chali gayi thi. Purnima ne use apni aankhe dekar, uski adheri jindgi ko fir se roshan banaya tha.”

“Aaj sunita bhale hi purnima ki di huyi aankhon se ye duniya dekh rahi hai. Lekin is sachai ko wo khud bhi nahi janti hai ki, uski andheri jindgi ko roshan banane wali aankhne purnima ki hai.”

“Tumhari maa ek bahut hi mahan aurat thi aur uske dil me har ek ke liye beshumar pyar tha. Kya tumhe kabhi sunita ki aankhon me apni maa najar nahi aati. Jo tumhe apni maa ek badnashib maa lagti hai.”

Anu mausi ki is baat ko sunkar, maine apna chehra saaf karte huye kaha.

Mai bola “mausi, chhoti maa sirf aankhon se hi nahi, balki sar se lekar paanv tak meri maa hai. Unke pyar ne kabhi mujhe maa ki kami mehsus nahi hone di aur isi vajah se mujhe meri janam dene wali maa ka chehra tak yaad nahi raha.”

“Mujhe janam dene wali maa kitni mahan thi, ye to mai nahi janta. Lekin mai ye achi tarah se janta hu ki, meri chhoti maa duniya ki sabse achi maa hai aur ye meri khushnashibi hai ki, mai unka beta hu.”

Meri baat sunkar, anu mausi ne muskurate huye, ek baar fir mujhe apne gale se laga liya. Tabhi unka mobile bajne laga. Un ne mobile dekha to, chhoti maa ka call aa raha tha. Unke call uthate hi chhoti maa ne, unse kaha.

Chhoti maa boli “didi, hum log mumbai pahuch gaye hai aur ab priya ko dekhne hospital ja rahe hai. Waha chanda mausi ka kya haal hai aur punnu kaisa hai.”

Anu mausi boli “chanda ko hosh aa gaya hai aur abhi wo so rahi hai. Punnu aur mehul dono mere pas hi hai. Tu khud hi punnu se baat kar le.”

Ye kahte huye, anu mausi ne mujhe mobile thama diya. Chhoti maa ne mujhse sabka haal chaal puchha aur fir mujhe sabka dhyan rakhne ke liye samjhane lagi. Mujhse baat karne ke bad, wo fir se anu mausi se baat karne lagi.

Chhoti maa ke bad, anu mausi ki vaani didi se baat hone lagi. Un ne vaani didi se mujhe mumbai bhejne ke baare me puchha. Magar vaani didi ne abhi mujhe mumbai bhejne ke liye mana kar diya.

Vaani didi se baat hone ke bad, anu mausi mujhse aur mehul se aaram karne ko kah kar, wapas chanda mausi ke pas chali gayi. Unke jaane ke bad, meri mehul se baten hone lagi.

Mehul ne bataya ki, jab mai khana khane ghar gaya tha, tab shereen baji aur sheza aayi thi. Wo log tab bhi aayi thi, jab hum pritam ke ghar khana khane gaye the. Mehul ki baat sunkar, mai shereen baji ke baare me sochne laga.

Jab mai shereen baji ke ghar gaya tha, tab wo ghar par nahi thi aur jab wo mujhse milne hospital aayi to, tab mai yaha nahi tha. Mai jab se wapas aaya tha, tab se meri unse mulakat nahi ho payi thi.

Yadi unke pas mobile hota to, meri unse baat ho sakti thi. Lekin na to unke pas mobile tha aur na hi unke ghar me phone tha, jis vajah se meri abhi tak unse koi baat bhi nahi ho payi thi.

Mai abhi isi baare me soch raha tha ki, tabhi mujhe mehul ke kharraton ki aawaj sunayi dene lagi. Wo mujhse baat karte karte hi so gaya tha. Maine time dekha to raat ke 12:15 baj chuke the.

Ab mujhe bhi nind satane lagi thi. Lekin mai keerti se baat kiye bina nahi sona chahta tha. Magar uska call aane ka naam nahi hi le raha tha aur aakhir me uske call ka intejar karte karte meri nind lag gayi.

Subah 6 baje meri nind kisi ke mere sar par hath ferne se khuli. Maine aankh khol kar dekha to, meri bagal me shereen baji, ek kaale rang ka dushala odhe baithi muskura rahi thi.

Shereen baji umar me mujhse 8 saal badi thi aur jyada padi likhi nahi thi. Un ne apni school tak ki padai puri ki thi aur ab duniyadari ke college me apni padai puri kar rahi thi. Jisne unhe hum sab se kahin jyada samajhdar bana diya tha.

Shereen baji bahut jyada sundar thi aur unke kaale lambe ghane baal unki sundarta me char chand laga dete the. Keerti ke baal bhi bahut lambe the.

Lekin baji ke mukable me uske baal kuch bhi nahi the.

Keerti ke baal uski kamar ke niche tak aate the. Jabki baji ke baal unke ghutno tak aate the. Yahi vajah thi ki, mai jab kabhi bhi baji ke lambe baalon ki tarif karta to, keerti jal bhun jati thi.

Baji mujhe bahut pyar karti thi. Unhe keerti ka mujhse ladna jhagadna aur mujhe pareshan karna jara bhi pasand nahi aata tha. Wahin keerti ko mera baji ke pas itni der-der tak baithe rahna pasand nahi aata tha.

Yahi sab vajah thi ki, keerti aur baji ke bich me kabhi nahi patti thi aur dono ek dusre ko jara bhi pasand nahi karti thi. Unke hamesha ke is jhagre me mai pis jata tha. Isliye mai unke samne ek dusre ka naam lene se hi bacha karta tha.

Shereen baji ke ghar me, unke alawa aslam, sheza aur unki ammi thi. Unke abba ka kuch saal pahle intekal ho gaya tha. Unke abba ek sarkari naukri me the aur unki jagah ab shereen baji ko naukri mil gayi thi.

Tab se lekar aaj tak shereen baji hi apne parivar ki saari jimmedari nibhati aa rahi thi. Mai shereen baji ke pas baitha, un se ghanto baten kiya karta tha aur aisi hi kuch aadat shereen baji ko bhi lag gayi thi.

Wo har chhutti ke din mere aane ka intejar karti rahti thi aur jab kabhi mai unke ghar nahi ja pata tha to, wo pareshan ho jaya karti thi. Pichhle ek mahine se, mai keerti aur uncle ke chakkar me unke pas nahi ja paya tha.

Jis vajah se wo mujhe dudte huye pahle ghar tak aur ab hospital tak aa gayi thi. Maine unhe itni subah subah apne samne dekha to, mere chehre par muskurahat aa gayi aur maine muskurate huye unse kaha.

Mai bola “baji, aap itni subah subah yaha kya kar rahi hai.”

Meri baat sunkar, baji ne muskurate huye kaha.

Baji boli “tumko dekhe huye bahut din ho gaye the. Isliye socha ki, tumko sote me hi pakad liya jaye. Warna fir se tumse mil pana mushkil ho jayega.”

Baji ki is baat par maine sharminda hote huye kaha.

Mai bola “sorry baji, mai aapse milne gaya tha. Lekin aap ghar par nahi thi. Mai kal sham ko aapse milne aata. Magar uske pahle hi ye sab ho gaya.”

Meri is baat par baji ne pyar se mere gaal par chapat lagate huye kaha.

Baji boli “pagal, mai sab janti hu. Mujhe tujhse koi shikayat nahi hai. Mai khush hu ki, tu bilkul sahi salamat hai. Warna tujh par huye hamle ki baat sunkar to, meri jaan hi nikal gayi thi. Ab tu ye sab bekar ki baten chhod aur uth kar nashta kar le. Mai tere liye apne hathon se nashta bana kar layi hu.”

Baji ne abhi itna hi bola tha ki, mehul fauran uth kar humare pas aa gaya aur usne baji ke hath se tiffine lete huye kaha.

Mehul bola “baji aapne ye bahut acha kaam kiya. Mujhe subah uthte hi bhookh lagne lagti hai.”

Ye kahte huye mehul tiffine khol kar mere samne rakh diya aur mujhe nashta karne ko bol kar, khud bhi nashta karne laga. Maine nashta karte huye baji se kaha.

Mai bola “baji, aaj aap akeli hi kyo aayi ho. Kya wo hari mirch abhi tak sokar nahi uthi hai. Acha hua ki, aap use apne sath lekar nahi aayi. Warna wo subah subah hi mere dimag ka dahi kar deti.”

Meri ye baat sunte hi, mehul ko ek jordar thaska lag gaya. Use thaska lagte dekh, maine us par gussa karte huye kaha.

Mai bola “abe aaram se nashta kar, nashta kahin bhaga nahi ja raha hai.”

Magar wo meri baat sunkar bhi, fatifati aankhon se mujhe hi dekhe ja raha tha. Uske is tarah se dekhne se mai itna to samajh chuka tha ki, mujhse hi kahin koi galti ho gayi ho.

Lekin mere kuch samajh me nahi aaya to, mai mehul ki is harkat ko janne ke liye, sawaliyan najron se baji ki taraf dekhne laga. Baji ne mujhe apni taraf dekhte paya to, un ne mujhe apne pichhe dekhne ka ishara kiya.

Baji ka ishara samajh me aate hi, maine fauran apne pichhe palat kar dekha aur pichhe dekhte hi, meri bhi bolti band ho gayi. Mere pichhe hare rang ke salwar suit me sheza khadi thi.

Sheza umar me mujhse ek saal chhoti thi aur 9th class me padti thi. Uske upar baji ki hi parchayi padi thi. Wo baji ki tarah hi bahut sundar thi. Uske baal baji ke barabar to nahi the. Lekin baki ladkiyon se kahin jyada bade the.

Magar uski khasiyat uske chehre ki muskan thi. Uske chehre par har samay ek muskan thirakti rahti thi. Jo use aur bhi jyada sundar banati thi. Wo bahut hansmukh aur chanchal thi.

Pal bhar me naraj hona aur pal bhar me hi maan jana uski aadat thi. Meri us se jyada baat chit to nahi hoti thi. Lekin thodi bahut hansi majak chalta rahta tha aur wo kabhi mere kisi majak ka bura nahi manti thi.

Lekin is samay maine uska jo majak udhaya tha. Use sunkar, wo gusse me tamtamayi huyi mujhe dekh rahi thi. Meri us se najar milte hi, usne gusse me bhadakte huye shereen baji se kaha.

Sheza boli “appi aapne sun liya na. Bhaijan meri peeth pichhe kaise meri burayi kar rahe hai. Ab mai inse kabhi baat nahi karugi.”

Ye kahte hi, uski gusse me tamtamayi aankhon me aansu jhilmilane lage. Mai hamesha hi sheza ka isi tarah se majak udhaya karta tha aur wo bhi mere is majak ka kabhi bura nahi maana karti thi.

Magar aaj mai uska ye majak uski peeth pichhe udha raha tha. Jis vajah se mera ye majak uske dil ko chubh gaya tha. Lekin uski aankhon me aansu dekhte hi, maine fauran baat ko sambhalne ki kosis karte huye kaha.

Mai bola “are mai sirf majak kar raha tha aur tu mere is majak ko sach samajh kar, aansu bahane lagi. Maine to tujhe mere pichhe khade, pahle hi dekh liya tha.”

Meri baat sunkar, sheza ne sisakte huye kaha.

Sheza boli “bhaijan, ab jhuth bolne ki kosis mat kijiye. Mai janti hu ki, aapne mujhe nahi dekha tha.”

Sheza kah to sach rahi thi. Lekin ab usko manane ke liye mere pas apni galti par parda dalne ke siwa koi rasta nahi tha. Maine use apni safayi dene ke liye ek aur jhuth bolte huye kaha.

Mai bola “mai sach bol raha hu. Maine tujhe hara salwar suit pahan kar mere pichhe khade dekh liya tha. Tabhi to maine tujhe hari mirch kaha tha.”

Meri baat sunkar, sheza ka sisakna band ho gaya aur wo kuch soch me pad gayi. Use soch me pada dekh kar, baji ne bhi mera sath dete huye kaha.

Baji boli “sheza yadi tujhe iske majak ka itna hi jyada bura lagta hai to, aaj ke bad ye tujhse bilkul bhi majak nahi karega. Ye pahle se hi bahut pareshan hai. Ab tu subah subah aansu baha kar iski pareshani ko aur mat bada.”

Baji ki fatkar sunte hi, sheza ne fauran apna mood badalte huye kaha.

Sheza boli “appi aap bhi mujhe hi gussa kar rahi hai. Bhaijan ko to aapne kuch bhi nahi kaha, jab dekho, tab mera majak udhate rahte hai.”

Baji boli “ise ghar aane de, mai ise bhi bahut gussa karugi. Lekin abhi tu apni sikayat ka pitara band kar aur in dono ko chay de de.”

Baji ki is baat ko sunne ke bad, sheza apna gussa bhool kar, mujhe aur mehul ko chay nikal kar dene lagi. Hum logon ke chay peene ke bad, baji aur sheza chanda mausi se milne andar chali gayi.

Unke andar jaane ke thodi hi der bad anu mausi bahar aa gayi. Un ne bahar aate hi, mujhse aur mehul se kaha.

Anu mausi boli “shereen abhi richa ke aane tak yahi ruki hai. Isliye mai ab ghar ja rahi hu. Tum dono me se jo bhi mere sath ghar chalna chahta ho, wo ghar chal sakta hai.”

Abhi mehul ke ghar me shilpa ruki huyi thi. Isliye maine mehul ko hi anu mausi ke sath ghar bhej diya. Unke jaane ke bad, mai apna mobile nikal kar dekhne laga. Usme raat ko 1:30 baje ke aas pas keerti ke 3 call aaye the.

Lekin abhi subah ke 7 baj jane ke bad bhi, uska koi call nahi aaya tha. Isliye maine khud hi usko call laga lena thik samjha aur use call laga diya. Magar usne mera call jate hi, call kaat diya.

Uske call kaatne se mai itna to, samajh gaya tha ki, wo sokar uth chuki hai aur is samay kisi ke sath hai. Lekin meri samajh me abhi tak ye baat nahi aa rahi thi ki, aakhir is bandi ko mumbai jaane ki itni jyada utawli kyo padi thi.

Kahan to mere kahe kahe bhi, wo mumbai aane ko taiyar nahi thi aur ab kahan mujhe yaha akela chhod kar, apni itni tabiyat kharab hone ke bad bhi, jid karke mumbai me jakar baithi thi.

Mujhe uske mumbai jaane se koi pareshani nahi thi. Lekin abhi uski tabiyat sahi na hone ki vajah se uski fikar sata rahi thi. Mai abhi keerti ke baare me soch hi raha tha ki, tabhi uska call aane laga.

Uska call aate dekh kar, mere chehre par muskurahat aa gayi aur maine fauran hi uska call utha kar, muh fulane ka natak karte huye us se kaha.

Mai bola “tujhe mujhse baat karne ki badi jaldi fursat mil gayi. Ab itni jaldi bhi call karne ki kya jarurat thi. Sidhe yaha wapas aane ke bad hi baat karna tha na.”

Meri baat sunte hi, keerti khilkhila kar hasne lagi. Use hanste dekh kar, maine us par jhutha gussa dikhane ka natak chalu rakhte huye kaha.

Mai bola “kisi ka majak udane ki bhi had hoti hai. Mai tere upar gussa kar raha hu aur tujhe meri baat par hansi aa rahi hai.”

Meri is baat ke jabab me keerti ne hanste huye kaha.

Keerti boli “ae tumhara ye jhutha gussa dikhane ka natak bahut ho gaya. Apna ye natak band karo aur sidhe tarike se baat karo. Yadi tum sach me hi gussa hote to, apna muh fula kar baithe hote. Aise ek hi baar me mera call na utha liya hota.”

Keerti ki ye baat sunkar, meri bhi hansi chhut gayi. Maine gussa karne ka natak band karte huye us se kaha.

Mai bola “acha baba, ab tu ye bata ki, teri tabiyat kaisi hai.”

Meri ye baat sunkar, keerti ne thoda gambhir hote huye kaha.

Keerti boli “meri tabiyat bilkul thik hai. Magar priya ko abhi tak hosh nahi aaya hai. Mai aur vaani didi to raat ko 1 baje barkha didi ke sath, ajay bhaiya ke bungalow me aa gaye the. Lekin mausi riya ke ghar walon ke sath saari raat hospital me hi thi.”

“Abhi jab tumne mujhe call kiya tha, tab hi wo ajay bhaiya ke sath hospital se wapas lauti thi. Wo priya ki tabiyat ko lekar bahut jyada pareshan thi aur vaani didi se tumhe yaha bulane ki baat kar rahi thi.”

“Vaani didi ne unse dopahar tak intejar karne ko kaha hai. Shayad aaj raat tak ya fir kal kisi samay tumhe bhi ami nimi ke sath yaha ke liye nikalna pad sakta hai. Tum apni aur ami nimi ki yaha ke liye nikalne ki taiyari karke rakhna.”

Priya ki haalat ke baare me sunte hi, meri aankhon me nami chha gayi. Shayad keerti ko bhi meri is haalat ka aehsas tha, isliye usne mujhe samjhate huye kaha.

Keerti boli “tum fikar mat karo, priya ko kuch nahi hoga. Priya ka ilaj nidhi didi kar rahi hai. Nisha bhabhi bata rahi thi ki, nidhi didi ek bahut achi Neurosurgeon hai aur wo priya ki tabiyat par pal pal najar rakhe huye hai.”

“Mai janti thi ki, tum abhi yaha nahi aa paoge. Lekin tumhe waha priya ki tabiyat ki chinta satati rahegi. Isliye mai jid karke yaha aa gayi thi. Taki mai tumhe yaha ka saara haal batati rahu.”

“Maine tumhari mumbai wali sim chalu kar li hai. Tum bhi apne mobile me meri sim daal kar chalu kar lena. Wo sim se baat karna abhi bhi free hi hai. Us se tum yaha ki saari baat chit apne kaano se sun sakoge.”

Keerti ne thodi bahut baten karne ke bad, mujhse uski di huyi sim mobile me daal kar, ek missed call dene ki baat jata kar call rakh diya. Uske call rakhne ke bad, maine uski di huyi sim mobile me daali aur use ek missed call de diya.

Keerti ko missed call dene ke bad, mai uske baare me sochne laga. Wo jid karke mumbai sirf meri vajah se hi gayi thi. Is se hi pata chalta tha ki, wo meri soch se kahin jyada gahrayi tak mujhse judi huyi thi.

Mai abhi keerti ke baare me soch raha tha ki, tabhi sheza aa gayi. Usne mujhe gum-sum sa baithe dekha to, hansi majak karke mera dil bahlane lagi. Uske is hansi majak se mera saara tanav door ho gaya.

Aise hi sheza se baat karte karte 9 baj gaye. Abhi meri sheza se baat chal hi rahi thi ki, tabhi kisi ladki ki aawaj ne mujhe chauka diya. Maine pichhe palat kar dekha to, mere samne red color ka patiyala salwar suit me ankita khadi thi.

Ankita ko is tarah se achanak apne samne dekh kar, mere to pasine chhut gaye. Mujhe samajh me nahi aa raha tha ki, ye achanak yaha kaise aa gayi aur ab mai iske baare me sheza ko kya samjhauga.

Wahi dusri taraf sheza kabhi ankita ki taraf to, kabhi meri taraf gaur se dekhe ja rahi thi. Mujhe is baat ka dar bhi sata raha tha ki, kahin ankita sheza ke samne kuch ulta sidha na bol jaye. Isliye ankita ke kuch bolne ke pahle hi, maine us se kaha.

Mai bola “aap yaha kaise.? Kya aapka bhi koi yaha bharti hai.”

Meri baat sunkar, ankita ne muskurate huye kaha.

Ankita boli “are nahi, mera yaha koi bharti nahi hai. Wo to kal maine TV par news dekhi thi aur abhi meri friend se meri baat huyi to, us se pata chala ki, abhi aap yahi ho. Isliye mai aap se milne yaha chali aayi.”

Ankita ki ye baat sunkar, mai samajh gaya ki, abhi uski keerti se baat huyi hai aur keerti ne use yaha aane diya hai to, iska matlab hai ki, usne sab kuch samjha kar hi ankita ko bheja hoga.

Is baat ke samajh me aate hi, mere man me ankita ke aane se jo bhi dar tha, wo nikal gaya tha aur mere chehre par muskurahat aa gayi thi. Maine muskurate huye ankita se kaha.

Mai bola “un news walon ne to, raai ka pahad bana diya. Pata nahi unko aisa karne me kya mil gaya.”

Lekin ankita ne jaise meri is baat ko suna hi nahi tha. Usne sheza ki taraf ishara karte huye kaha.

Ankita boli “aapne inse to mera parichay karwaya hi nahi hai.”

Anikta ki baat sunkar, maine uska sheza se parichay karwate huye kaha.

Mai bola “ye mere dost ki bahan sheza hai aur sheza ye meri friend ankita hai.”

Mere un dono ka parichay karwa dene ke bad, dono aapas me baten karne lagi. Abhi un dono ki baat chal hi rahi thi ki, tabhi wheelchair par ek ladki ko hospital ke andar aate dekh kar, hum teeno ki hi najren us par jakar tik gayi.

Wo ladki is samay ek black skirt top pahni thi aur sheza ki umar ki lag rahi thi. Uske baal jyada lambe to nahi the. Lekin uske khule huye baal, uske chehre ko khoobsurat jarur bana rahe the.

Wo na to sheza ki tarah sundar thi aur na hi sheza ki tarah uske chehre par koi muskan thirak rahi thi. Fir bhi uske chehre par ek masumiyat jhalak rahi thi. Jo humara dhyan uski taraf khich rahi thi.

Us masoom se chehre wali ladki ko wheelchair par dekh kar, na jane kyo mujhe uske sath hamdardi si ho rahi thi. Aisa hi kuch shayad sheza aur ankita ke sath bhi ho raha tha. Wo dono bhi bade gaur se usi ladki ko dekh rahi thi.

Ek aadmi us ladki ki wheelchair ko dhakelte huye, use I.C.U. room ke andar le gaya. Us ladki ke humari najron se ojhal hote hi, sheza ne uske sath hamdardi jatate huye, mujhse kaha.

Sheza boli “bhaijaan, us ladki ka chehra kitna pyara lag raha tha. Lekin lagta hai ki, us bechari ke pair kharab hai.”

Maine bhi sheza ki is baat ki sahmati di. Iske bad, ankita hum dono se ijajat lekar, wapas jaane lagi. Sheza muskurati huyi, ankita ko jaate huye dekhne lagi. Mai janta tha ki, ab ye uske jaate hi, mere upar sawalon ki bauchhar kar degi.

Lekin ankita ke hospital se bahar nikalte hi, hume richa aunty aur ami nimi hospital ke andar aate dikhayi de gayi. Richa aunty ko aate dekh kar, maine bhi rahat ki saans li ki, ab mera sheza ke sawalon se pichha chhut jayega.

Richa aunty ne humare pas aakar sheza se ek do baten ki aur fir mujhse chanda mausi ki tabiyat ke baare me puchhne lagi. Maine unhe chanda mausi ki tabiyat ka bataya aur fir vaani didi ki anu mausi se huyi baat ka hawala dete huye kaha.

Mai bola “aunty, raat ko anu mausi ki vaani didi se baat huyi thi. Vaani didi ne kaha hai ki, wo jaldi hi mujhe bhi mumbai bula legi. Mujhe kisi bhi samay ami nimi ke sath mumbai ke liye nikalna pad sakta hai.”

Meri baat sunne ke bad, richa aunty mujhe mumbai jaane ki taiyari karne ke liye samjhane lagi. Lekin tabhi humari mumbai jaane ki baat sunkar, ami ne mujhe tokte huye kaha.

Ami boli “bhaiya, abhi meri school me exam chal rahe hai aur mai apne exam chhod kar mumbai nahi ja sakti hu. Yadi mai mumbai nahi gayi to, nimi bhi mere bina mumbai nahi jayegi.”

“Abhi yaha mummy aur keerti didi bhi nahi hai. Aapko pata hai ki, nimi raat ko akele me kitni jyada dar jaati hai. Aise me aap hum dono ko akele chhod kar mumbai kaise ja sakte hai.”

Ami ki ye baat sunkar, mere sath sath richa aunty bhi sann rah gayi. Kyoki kal priya ke baare me jo bhi baten huyi thi, wo ami nimi ke samne hi huyi thi. Wo dono apne kaano se sun chuki thi ki, priya meri judwa bahan hai.

Wo ye bhi achi tarah se janti thi ki, chhoti maa mumbai kyo gayi hai aur hum logon ko mumbai kyo jaana hai. Iske bad bhi ami ka ye baat kahna mere gale se niche nahi utar raha tha.

Nimi to abhi nasamajh thi aur us se is tarah ki baat karne ki ummid ki bhi ja sakti thi. Lekin ami me in sab baton ki achi khasi samajh thi aur us se is tarah ki baat karne ki ummid hargij nahi ki ja sakti thi.

Wo ek tarah se mujhe mumbai jaane se rokna chahti thi. Usne kolkata me ek aisa bomb foda tha. Jiski goonj mujhe mumbai tak sunayi de rahi thi aur jiske dhamake ne mere man me ek anjana sa dar paida kar diya tha.

______________________________

 

[Pritam.bs]

Ko To Rok Lo {Update - 207}
____________________________

Meri baat sunne ke bad, richa aunty mujhe mumbai jaane ki taiyari karne ke liye samjhane lagi. Lekin tabhi humari mumbai jaane ki baat sunkar, ami ne mujhe tokte huye kaha.

Ami boli “bhaiya, abhi meri school me exam chal rahe hai aur mai apne exam chhod kar mumbai nahi ja sakti hu. Yadi mai mumbai nahi gayi to, nimi bhi mere bina mumbai nahi jayegi.”

“Abhi yaha mummy aur keerti didi bhi nahi hai. Aapko pata hai ki, nimi raat ko akele me kitni jyada dar jaati hai. Aise me aap hum dono ko akele chhod kar mumbai kaise ja sakte hai.”

Ami ki ye baat sunkar, mere sath sath richa aunty bhi sann rah gayi. Kyoki kal priya ke baare me jo bhi baten huyi thi, wo ami nimi ke samne hi huyi thi. Wo dono apne kaano se sun chuki thi ki, priya meri judwa bahan hai.

Wo ye bhi achi tarah se janti thi ki, chhoti maa mumbai kyo gayi hai aur hum logon ko mumbai kyo jaana hai. Iske bad bhi ami ka ye baat kahna mere gale se niche nahi utar raha tha.

Nimi to abhi nasamajh thi aur us se is tarah ki baat karne ki ummid ki bhi ja sakti thi. Lekin ami me in sab baton ki achi khasi samajh thi aur us se is tarah ki baat karne ki ummid hargij nahi ki ja sakti thi.

Wo ek tarah se mujhe mumbai jaane se rokna chahti thi. Usne kolkata me ek aisa bomb foda tha. Jiski goonj mujhe mumbai tak sunayi de rahi thi aur jiske dhamake ne mere man me ek anjana sa dar paida kar diya tha. Wahin jab richa aunty ne ami ki ye baat suni to, use samjhate huye kaha.

Richa aunty boli “ami beta, tum ye kaisi baat kar rahi ho. Tum janti ho ki, priya tumhari didi hai. Abhi is wakt uski tabiyat sahi nahi hai. Aise me tum sab ka mumbai jaana bahut jaruri hai.”

Lekin ami ne unki ye baat sunkar, tunakte huye kaha.

Ami boli “keerti didi aur vaani didi bas hi humari didi hai. Inke siwa humari koi didi nahi hai. Hume kisi ko dekhne mumbai nahi jana hai aur hum mumbai se bhi yaha kisi ko nahi aane dege.”

Ami ki is baat ne uske dil ka dar khul kar, humare samne la diya tha. Abhi tak kisi ne bhi is baat par dhyan nahi diya tha ki, chhoti maa aur keerti ko mumbai jaate dekh kar bhi, ami nimi ne unke sath mumbai jaane ki jid kyo nahi ki thi.

Lekin ab nimi ke is jabab se unke mumbai na jaane ki baat ka matlab samajh me aa gayi thi, unke man me ye dar ghar kar gaya hai ki, kahin priya ki vajah se mai un se door na ho jau.

Ami ki baat sunne ke bad, richa aunty ne unhe samjhana chaha. Lekin maine richa aunty ko chup rahne ka ishara kiya aur fir ami ne kaha.

Mai bola “betu, aisa nahi kahte. Tu priya ko apni didi nahi manti hai to, tujhe koi use apni didi manne ke liye majbur nahi karega. Lekin tu is baat ko kyo bhulti hai ki, priya ke humari bahan hone wali baat hume abhi pata chali hai.”

“Jabki priya to abhi is baat ko janti bhi nahi hai. Mumbai se tum logon ke liye sabse jyada gift usne hi bheje hai. Usne sirf tum logon ke liye gift hi nahi bheje hai. Balki mumbai me meri jaan bhi bachai hai.”

“Wo humari bahan bad me, uske pahle wo meri ek bahut achi dost hai. Magar mere liye priya se bad kar tum dono ki khushi hai. Yadi ye sab janne ke bad bhi, tum dono mumbai jaana nahi chhati ho to, hum hargij mumbai nahi jayege.”

Ami gaur se meri baat sun rahi thi. Abhi wo kuch bolne hi wali thi ki, tabhi shereen baji aa gayi. Un ne aate hi kaha ki, chanda mausi ami nimi ko puchh rahi hai. Unki baat sunkar, maine ami nimi ko chanda mausi ke pas jaane ka ishara kiya.

Jiske bad, ami ne nimi ka hath pakda aur dono chanda mausi ke pas jaane lagi. Usi samay wo wheelchair wali ladki I.C.U. room se wapas nikal aayi. Wo shayad waha kisi se milne aayi thi.

Mere dekhte hi dekhte wo ladki hospital se bahar nikal gayi. Wahin dusri taraf shereen baji ne hum sabko kisi gahri soch me dekha to, hum se iski vajah puchhne lagi.

Maine unhe kal se lekar abhi tak ki saari baten batane laga. Jise shereen baji aur sheza badi hairani ke sath sunti rahi. Jab mai apni baat bol kar chup hua to, shereen baji ne kaha.

Baji boli “ami nimi to abhi bacchi hai. Lekin tum to samajhdar ho. Tumhe ami nimi ko samjhana chahiye ki, priya unki didi hai aur unhe is samay uske pas rahna chahiye. Magar tum ho ki, unki haan me haan mila rahe ho.”

Mai bola “baji, aapki baat sahi hai. Lekin is samay unhe samajhne se jyada, unke dil se dar ko nikalna jaruri tha ki, priya ke meri bahan hone se, mere dil me unke liye jo pyar hai, usme koi kami nahi aayi hai.”

“Mujhe ummid hai ki, meri is baat ko sunne ke bad, wo khud hi khushi khushi mumbai jaane ke liye taiyar ho jayegi. Fir rahi baat unke priya ko apni didi manne ki to, is baat ko hum bad me bhi samjha sakte hai.”

Meri baat sunkar, richa aunty ne bhi meri baat ki sahmati di aur fir wo mujhse ghar jakar aaram karne ki baat kah kar, chanda mausi ke pas chali gayi. Kuch der bad, ami nimi humare pas wapas aa gayi.

Shereen baji aur sheza unse baat karne lagi. Lekin ab koi bhi mumbai ke baare me baat nahi kar raha tha. Jab ami ne kisi ko bhi mumbai ke baare me baat karte nahi dekha to, fir usne khud hi is baat ko suru karte huye kaha.

Ami boli “bhaiya, yadi hum teeno bhi mumbai chale gaye to, fir yaha chanda mausi ka khayal kaun rakhega.”

Ami ki baat sunkar, maine muskurate huye kaha.

Mai bola “chanda mausi ka khayal rakhne ke liye yaha par anu mausi, mausa ji, richa aunty aur mehul hai. Baji bhi yaha roj aati rahegi. Lekin jab hume waha jaana hi nahi hai to, fir iske baare me sochne ka kya fayda hai.”

Ami boli “nahi bhaiya, un ne aapki jaan bachayi thi. Hum unko dekhne jarur jayege. Lekin aap saare samay humare sath hi rahoge.”

Ami ki baton se mere sath sath shereen baji aur sheza ke chehre par bhi muskurahat aa gayi. Maine pyar se ami nimi ke sar par hath ferte huye kaha.

Mai bola “tum log jaisa chahti ho, waisa hi hoga. Mai hum logon ke chalne ki taiyari kar leta hu.”

Ami, nimi, baji aur sheza se thodi bahut baat aur karne ke bad, mai aaram karne mehul ke ghar jaane ke liye hua to, shereen baji mujhe hospital ke bahar tak chhodne ke liye aa gayi.

Mujhe laga tha ki, wo aise hi mujhe bahar tak chhodne aa rahi hai. Lekin aisa nahi tha, un ne bahar aate hi, mujhe kuch aisi baat batayi. Jise sunkar mujhe keerti ke upar gussa aane laga.

Lekin mai apna gussa dabaye, chup chap baji ki baten sunta raha. Apni baat khatam hone ke bad, baji ne muskurate huye mere hath me ek chhota sa box thama diya. Jise dekh kar, maine baji se kaha.

Mai bola “lekin baji aapke pas itne paise kaha se aaye.”

Baji boli “are mai job karti hu. Kya mere pas itne paise bhi nahi ho sakte. Ise tu apne janamdin ka gift samajh kar rakh le.”

Mai bola “kab se aap apne liye ek mobile lene ki soch rahi hai. Lekin aaj tak aap ek mobile nahi le payi aur aaj aapke pas achanak itne saare paise aa gaye ki, aap mujhe sona gift karne lagi.”

“Ab aap bekar me mujhe bahlana band kijiye aur sidhi tarah se bataiye ki aapke pas itne paise kaha se aaye hai. Yadi aapne mujhe sach nahi bataya to, fir aaj ke bad, mai bhi aapko kuch nahi batauga.”

Baji boli “tum jid kar rahe ho to suno. Maine jo paise apne mobile ke liye jode the, unse hi ye liya hai.”

Mai bola “baji, aap fir mujhse jhuth bol rahi hai. Yadi aapne itne paise apne mobile ke liye jod liye hote to, aapka mobile kab ka aa gaya hota. Yadi aap sach batana nahi chahti to, jhuth bhi mat bataiye.”

Baji boli “mai jhuth nahi bol rahi. Kuch paise mere mobile ke liye jode huye the aur baki ke paison ke liye maine apne kaan ke jhumke girvi rakhe hai.”

Baji ki baat sunkar, mai hairani se unki taraf dekhne laga. Mujhse to wo kabhi koi mahnga gift leti nahi thi aur aaj mere liye apne kaan ke jhumke tak, girvi rakh diye the. Is se pahle ki mai unse kuch bolta, un ne mujhe tokte huye kaha.

Baji boli “abhi tum is sabke baare me mat socho. Na to mai kahin bhagi ja rahi hu aur na hi mere jhumke kahin bhage ja rahe hai. Hum is baare me fursat se baith kar baten kar lege. Abhi tum ghar jakar aaram karo.”

Maine iske badle me baji se kuch bolna chaha to, un ne mujhse chup kara diya. Mujhe bhi unki ye baat manna sahi laga aur mai unse ami nimi ka khayal rakhne ki baat bol kar mehul ke ghar ke liye nikal liya.

Mai jab mehul ke ghar pahucha to 10:30 baj chuke the. Uncle apne kamre me the aur mehul, kamal ke sath baitha TV dekh raha tha. Shilpa dikhayi nahi di to, puchhne par pata chala ki, wo apne ghar ja chuki hai.

Mehul ne mujhse khane ka puchha to, maine sokar uthne ke bad, khana khane ki baat boli aur fir mai mehul ke kamre me aa gaya. Kamre me aakar maine kapde badle aur fir priya ke baare me sochte sochte meri nind lag gayi.

Fir meri nind 1:30 baje nimi ke jagane par khuli. Wo aur ami shilpa ke sath ghar aayi thi. Maine uth kar fresh hone chala gaya. Fresh hone ke bad, mai taiyar hokar bahar aaya to, ami, nimi, kamal aur mehul khane par mera intejar kar rahe the.

Unke sath shilpa bhi thi. Shilpa ko fir se yahi dekh kar, mujhe samajh me nahi aa raha tha ki, abhi to nitika yaha nahi hai. Fir ye apne ghar me kya kah kar is tarah yaha ruki huyi hai.

Mai mehul se ye baat puchhna chahta tha. Lekin mai ye bhi janta tha ki, uske pet me ye baat jyada der tak nahi pach sakti. Wo mujhe khud hi saari baat bata dega. Isliye mai chup chap khana khane laga. Khana khane ke bad, maine mehul se kaha.

Mai bola “dekh, vaani didi ka call aate hi, mujhe kabhi bhi mumbai ke liye nikalna pad sakta hai. Mujhe apne mumbai jaane ke liye koi khas taiyari nahi karna hai. Lekin ami nimi ke saman ki packing karna bahut jaruri hai.”

“Tu aisa kar ki, shilpa aur ami nimi ko lekar ghar chala ja. Shilpa ami nimi ke saman ki packing kar degi aur tu mere saman ki packing dekh lena. Mai jo bag mumbai le gaya tha. Wo abhi waisa ka waisa hi mere kamre me rakha hua hai.”

“Maine usme se sirf pahne huye kapde alag kiye hai. Tu usme sirf kuch kapde rakh dena, iske siwa tujhe kuch bhi nahi karna hai. Mai keerti ko phone kar deta hu, wo shilpa ko sab bata degi.”

Maine mehul se packing ke bad, humare bag yahi laane ki baat bhi jatayi aur fir keerti ko bhi call karke saari baat bata di. Iske bad, mehul, shilpa aur ami nimi ko apne sath lekar mere ghar ke liye nikal gaya.

Ab mai aur kamal akele hi ghar me the. Thodi der mai kamal se yahan wahan ki baten karta raha. Iske bad kamal ne khud hi shilpa ke mehul ke ghar me ruke rahne ka saara raz khol kar diya.

Kamal se aise hi yahan wahan ki baat karte karte 4 baj gaya aur mehul log wapas aa gaye. Mehul ke aane ke bad mai uske sath hospital jane laga to, ami nimi bhi hospital jaane ki jid karne lagi.

Lekin maine unhe samjhaya ki, chhote bacchon ka hospital me jyada der rahna unki sehat ke liye acha nahi hota hai. Mere samjhane par wo meri baat samajh gayi aur fir mai mehul ke sath hospital ke liye nikal gaya.

Shereen baji aur sheza, roze ki vajah se, mere hospital pahuchne ke kuch der pahle hi ghar ja chuki thi. Ab chanda mausi ki haalat me bhi bahut kuch sudhar tha. Lekin abhi unhe kam se kam ek hafte ICU me hi rahna tha.

Din ke samay me chanda mausi ke pas richa aunty aur bua ji (vaani didi ki mummy) thi. Jabki raat ke samay me unke pas anu mausi ko rukna tha. Chhoti maa ke na rahne par bhi bahut achi tarah se chanda mausi ka khayal rakha ja raha tha.

Itne saare logon ke chanda mausi ke pas bane rahne se mujhe kisi baat ki koi chinta nahi thi. Shayad apne parivar ke sath rahne ka sabse bada fayda yahi hota hai ki, badi se badi musibat ghadi bhi apna jyada asar nahi dikha pati hai.

Mai hospital aane ke bad, baki ke saare samay hospital me hi raha. Bich bich me meri chhoti maa, vaani didi, keerti, shikha didi aur raj logon se bhi baat hoti rahi. Lekin nikki abhi bhi mujhse baat nahi kar rahi thi.

Aise hi dekhte dekhte sham ke 7 baj gaye aur mujhe ami nimi, shilpa ke sath hospital ke andar aati najar aayi. Unhe itni samay hospital me dekh kar, mai unhe gusse me ghurne laga. Lekin ami ne mere pas aate hi, apni safayi dete huye kaha.

Ami boli “bhaiya, humne hospital aane ki jara bhi jid nahi ki thi. Aunty ne hi ghar phone karke kaha tha ki, tum dono shilpa didi ke sath yaha aa jao. Fir hum charo ghar wapas chalege.”

Ami ki is baat ke bad, mere pas us par gussa karne ke liye kuch nahi bacha tha. Fir bhi maine apni baat rakhne ke liye us se kaha.

Mai bola “tum teeno yaha ho to, fir abhi uncle ke pas kaun hai.”

Ami boli “abhi uncle ke pas kamal bhaiya aur atul bhaiya (mehul ka dost) hai. Mehul bhaiya ne hi atul bhaiya ko uncle ke pas ghar bheja hai.”

Ami ki baat sunkar, maine use chanda mausi ke pas jaane ko kaha aur mai mehul ki taraf dekhne laga. Mehul ne is baat par safayi dete huye kaha.

Mehul bola “mai ye baat tujhe batane hi wala tha. Magar tu us samay kisi se phone par baat karne me laga tha. Uske bad ye baat mere dimag se hi nikal gayi.”

Itna kah kar, wo mujhse pichha chhudane ke liye ami nimi ke pichhe pichhe chanda mausi ke pas chala gaya. Mai uski is harkat ko achi tarah se samajh gaya tha. Isliye uski is harkat par muskuraye bina na rah saka.

Asal me shilpa abhi ek baar bhi chanda mausi se milne nahi aayi thi. Isliye mehul ne ami nimi ke bahane se shilpa ko hospital bulaya tha. Usne ghar me mujhe ami nimi ko hospital aane se mana karte bhi dekh liya tha.

Jis vajah se use is baat ka dar bhi laga hua tha ki, kahin mai ami nimi ke hospital aane ki baat sunkar, unhe hospital aane se mana na kar du. Isliye usne ami nimi ke shilpa ke sath, yaha aane ki baat mujhe nahi batayi thi.

Wo jarurat se bahut jyada tej bhag raha tha aur is teji me wo ye tak bhool gaya tha ki, shilpa ke baare me vaani didi sab kuch janti hai. Abhi wo bahut si baton me uljhi hone ki vajah se is baat ko thande baste me daal kar chali gayi hai.

Lekin yahan na hote huye bhi, unki bahut si aankhen yahan lagi huyi hai aur unhe yahan ki pal pal ki khabar mil rahi hai. Jab wo mumbai se yahan wapas aayegi to, iski ye saari harkaten, iske sath sath pata nahi kis kis ko le dubegi.

Mai abhi inhi sab baton me khoya hua tha ki, tabhi richa aunty phone par baat karte huye bahar aayi. Un ne mere pas aakar mujhe bataya ki, vaani didi ka phone hai. Mere hello kahte hi, vaani didi ne kaha.

Vaani didi boli “tumhare liye ek achi khabar hai. Ab tum kisi bhi samay yaha aa sakte ho. Tum fauran apne yaha aane ki taiyari kar lo.”

Vaani didi ki ye baat sunte hi, mere chehre par khushi ki lahar daud gayi aur maine dhadakte dil se un se kaha.

Mai bola “didi, meri wahan aane ki saari taiyari hai. Lekin kya padmini aunty ki ladki ka pata chal gaya hai.”

Vaani didi boli “haan, uska bhi pata chal gaya hai. Tum yaha aa jao, tumhe bhi sab pata chal jayega. Tum 8 baje se 10:30 baje tak ki, jis bhi flight se yaha aana chaho, us se aa sakte ho.”

“Mai abhi manik ko call kar deti hu. Wo kuch hi der me tumhare pas pahuch jayega. Tum us se jis flight ka bologe, wo us flight se tumhare yaha aane ka intejam kar dega.”

Iske bad, vaani didi ne mujhe kuch jaruri baten samjha kar, call rakh diya. Unke call rakhne ke bad, maine saari baten richa aunty ko batayi to, un ne kaha.

Richa aunty boli “haan, vaani mujhe ye sab baten bata chuki hai. Maine ami nimi ki bhi vaani se baat karwa di thi. Warna wo fir se koi naya natak suru kar deti.”

Richa aunty ki ye baat sunkar, meri hansi chhut gayi. Fir unke sath chanda mausi se milne aa gaya. Maine un se apne aur ami nimi ke mumbai jaane ki baat batayi to, un ne bade pyar se mujhe aashirwad diya.

Meri chanda mausi se baat chal hi rahi thi ki, tabhi manik aa gaya. Usne mujhse flight ka puchha to, maine us se 9:30 baje ki flight ka jata diya. Usne hum logon se airport par milne ki baat kahi aur wo chala gaya.

Uske jaate hi, hum chanda mausi, richa aunty aur bua ji se ijajat lekar, mehul ke ghar ke liye nikal pade. Shilpa bhi humare sath hi ghar wapas ja rahi thi. Ratse me maine ye baat batane ke liye, anu mausi ko call laga diya.

Lekin chhoti maa ne anu mausi ko call karke ye baat pahle hi bata di thi aur ab wo mehul ke ghar me humare aane ka intejar kar rahi thi. Kuch hi der me hum log mehul ke pahuch gaye.

Hume waha anu mausi aur uncle se milkar sidhe airport ke liye nikalna tha. Magar waha khana laga dekh kar, hum sab chauk gaye. Hume hairan dekh kar, anu mausi ne tokte huye kaha.

Anu mausi boli “jyada chaukne ki jarurat nahi hai. Tum sabko to der se khana khane ki aadat hai. Lekin mai ami nimi ko khana khaye bina yahan se nahi nikalne dungi. Isliye inke sath tum sabko bhi khana khana padega.”

Anu mausi ki ye baat sunkar, meri aankhon me keerti ka chehra aa gaya. Usne bhi chhoti maa ko bina khana khaye, ghar se nahi nikalne diya tha.

Maine ami nimi se khana khane ko kaha aur mai bhi unke sath khane ke liye baith gaya.

Waise to jab se maine priya ki tabiyat ka suna tha, ek niwala bhi mere gale se nahi utarta tha. Magar apni dono bahno ki khushi ke liye mujhe unke sath khane ke liye baithna hi padta tha.

Lekin aaj anu mausi ke pyar ne mujhe khane ke liye baithne par majbur kar diya tha. Hum sabne ek sath mil kar khana khaya. Khane ke bad, uncle aur anu mausi se ijajat lekar, hum airport ke liye nikal pade.

Hum 9 baje airport pahuche. Lekin manik ke wahan hone se, hume airport me kahin koi pareshani nahi huyi. Kuch hi der me humari flight ki ghoshna bhi ho gayi aur hum mehul se vida lekar flight ki taraf bad gaye.

Kuch hi der bad, mai ami nimi ke sath plane me tha. Ami nimi ka plane me safar karne ka ye pahla mauka tha. Isliye dono is safar ko lekar bahut hi jyada utsahit najar aa rahi thi.

Humhari flight ke udan bharte hi ami nimi ka josh dugna ho gaya. Wo viman ki khidki se viman ko dharti se upar jaate dekh rahi thi. Viman ke upar jaane se chhote chhote makano ko dekh kar nimi shor machane lagi.

Mai nimi ko shor machane se mana kar raha tha. Lekin wo bhi apni aadat se majbur kuch der chup rahne ke bad, fir se shor machane lagti thi. Kuch der tak aise hi chalta raha.

Lekin kuch der bad, nimi achanak hi chup ho gayi aur apne dono hathon se apne kaano ko masalne lagi. Fir achanak hi usne rona suru kar diya aur rote huye kaha.

Nimi boli “bhaiya, mere kaan sunya ho gaye. Mere kaan kharab ho gaye hai.”

Nimi ki baat sunkar, ami ne bhi uski haan me haan milate huye kaha.

Ami boli “bhaiya, mere kaan bhi sunya ho gaye hai. Mujhe bhi kam sunayi de raha hai.”

Unki baat sunkar, maine unhe samjhate huye kaha.

Mai bola “chhoti, tum dono bekar me dar rahi ho. Hum humara plane ab aasman me hai aur hawa ka dabaw kam hone ki vajah se aisa ho raha hai. Tumhare kaan ko kuch bhi nahi hua hai. Wo bilkul sahi hai.”

Meri baat sunkar, dono ne rahat ki saans li aur fir se plane ke bahar dekhne lagi. Ami nimi ki chhoti moti shararaton ke bich humara mumbai tak ka safar pura ho gaya aur 12 baje flight ne udan bharna band kar diya.

Mai ami nimi ke sath plane se niche utar aaya. Vaani didi ne kaha tha ki, wo hume lene aayegi. Isliye mai unko dekhte huye, waiting lounge ki taraf bad gaya. Waiting lounge me hume vaani didi, keerti aur barkha didi najar aa gayi.

Unko dekhte hi, nimi ne keerti ki taraf daud laga di. Mai aur ami bhi jaldi se unke pas pahuch gaye. Vaani didi ne mujhe apne gale se laga liya aur fir mere baalon par hath fer kar mera swagat karne lagi.

Barkha didi ne bhi muskurate huye mera swagat kiya. Keerti bhi mujhe dekh kar, bahut khush najar aa rahi thi. Lekin mai us se narajgi vajah se us ki taraf dekh bhi nahi raha tha.

Kuch hi der me hum airport se bahar aa gaye. Barkha didi, keerti aur ami nimi gaadi me pichhe baith gayi aur mai vaani didi ke sath gaadi me aage baith gaya. Lekin ab keerti mujhe gusse me dekh rahi thi.

Isi sabke bich hum log hospital pahuch gaye. Mere mumbai aane ki khabar sabko ho chuki thi. Isliye itni raat ho jaane ke bad bhi, abhi tak sabhi log hospital me hi ruke huye the.

Hospital me is samay chhoti maa, alka aunty, shikha didi, nisha bhabhi, ajay, aman, seeru didi, nikki, aakash uncle, padmini aunty, mohini aunty, raj, riya, nitika aur neha maujud the.

Chhoti maa ne mujhe dekhte hi apne gale se laga liya. Ami nimi bhi aakar chhoti maa se lipat gayi. Chhoti maa se milne ke bad, mai shikha didi se mila. Un ne bhi mujhe apne gale se laga liya.

Mujhe apne samne sahi salamat dekh kar, unki aankhon se khushi ke aansu chhalak nikal aaye. Maine unke aansu ponchhte huye kaha.

Mai bola “didi, ab to aapne dekh liya na ki, mai bilkul sahi salamat hu. Ab aap bilkul bhi aansu nahi bahayegi. Mujhse to aapne bahut laad kar liya. Ab apna thoda sa laad, meri do nanhi shaitano ke liye bacha kar rakh lijiye.”

Ye kahte huye maine ami nimi ko apne pas bulaya aur unhe shikha didi se milane laga. Ami nimi ko shikha didi ke pas chhod kar, mai padmini aunty ke pas aa gaya. Priya ki vajah se unki aankhen aansuon se bhari huyi thi.

Unhe dilasha dene ke bad mai aakash uncle aur raj, riya se mila. Un se milne ke bad, mai ajay aur aman se mila. Fir seeru didi se milne ke bad, mai nikki ke pas aa gaya. Nikki abhi bhi mujhse naraj lag rahi thi.

Mai uski narajgi ko door karna chahta tha. Magar uske liye ye samay sahi nahi tha. Isliye maine nikki se priya ka haal puchhte huye kaha.

Mai bola “priya ab kaisi hai. Kya mai abhi priya se mil sakta hu.”

Nikki boli “haan tum priya se mil sakte ho. Tum chal kar khud apni aankhon se dekh lo ki, wo kaisi hai.”

Ye kahte huye, usne mujhe apne sath chalne ka ishara kiya. Mai nikki ke sath priya ke pas jaane laga. Hume priya ke pas jaate dekh kar, nisha bhabhi riya aur keerti bhi humare pichhe aane lagi.

______________________________

 

[Pritam.bs]

Ko To Rok Lo {Update - 208}
____________________________

Mujhe apne samne sahi salamat dekh kar, shikha didi ki aankhon se khushi ke aansu chhalak aaye. Maine unke aansu ponchhte huye kaha.

Mai bola “didi, ab to aapne dekh liya na ki, mai bilkul sahi salamat hu. Ab aap bilkul bhi aansu nahi bahayegi. Mujhse to aapne bahut laad kar liya. Ab apna thoda sa laad, meri do nanhi shaitano ke liye bacha kar rakh lijiye.”

Ye kahte huye maine ami nimi ko apne pas bulaya aur unhe shikha didi se milane laga. Ami nimi ko shikha didi ke pas chhod kar, mai padmini aunty ke pas aa gaya. Priya ki vajah se unki aankhen aansuon se bhari huyi thi.

Unhe dilasha dene ke bad mai aakash uncle aur raj, riya se mila. Un se milne ke bad, mai ajay aur aman se mila. Fir seeru didi se milne ke bad, mai nikki ke pas aa gaya. Nikki abhi bhi mujhse naraj lag rahi thi.

Mai uski narajgi ko door karna chahta tha. Magar uske liye ye samay sahi nahi tha. Isliye maine nikki se priya ka haal puchhte huye kaha.

Mai bola “priya ab kaisi hai. Kya mai abhi priya se mil sakta hu.”

Nikki boli “haan tum priya se mil sakte ho. Tum chal kar khud apni aankhon se dekh lo ki, wo kaisi hai.”

Ye kahte huye, usne mujhe apne sath chalne ka ishara kiya. Mai nikki ke sath priya ke pas jaane laga. Hume priya ke pas jaate dekh kar, nisha bhabhi riya aur keerti bhi humare pichhe aane lagi.

Priya ke room ki taraf badte har kadam ke sath sath, mere dil ki dhadkane bhi teji se bad rahi thi. Mai abhi priya ke kamre ke pas pahucha hi tha ki, tabhi mera mobile bajne laga.

Maine mobile nikal kar dekha to, anu mausi ka call aa raha tha. Maine sabko ye baat batayi aur sabse andar chalne ko kah kar, mai mausi se baat karne ke liye bahar hi ruk gaya.

Meri baat sunkar, sab andar chale gaye. Magar keerti mere pas hi khadi thi. Maine uski taraf dekha to, wo yaha waha najar ghuma kar dekhne lagi. Maine uski is harkat ko andekha karte huye, mausi ka call utha kar kaha.

Mai bola “hello mausi.”

Anu mausi boli “tum sab ache se pahuch gaye ho na. Vaani tumko lene samay par pahuch gayi thi na.”

Mai bola “ji mausi, hum sab yaha pahuch gaye hai. Vaani didi bhi hume lene samay par aa gayi thi aur abhi hum sabke sath, yaha hospital me hai.”

Mausi boli “tu priya se mila ki nahi, ab priya ki tabiyat kaisi hai.”

Mai bola “nahi mausi, abhi mai priya se nahi mila hu. Mai us se milne ja hi raha tha ki, tabhi aapka call aa gaya. Mai abhi priya ke kamre ke bahar hi khada hu.”

Mausi boli “chal thik hai, tu priya se mil le. Maine sirf ye kahne ke liye call kiya tha ki, maine tujhse jo kuch bhi kaha hai, wo sab tu sunita se mat kah dena. Sahi samay aane par, wo khud hi tujhe saari baten bata degi.”

Mai bola “mausi, aap jara bhi fikar mat karo. Chhoti maa mujhe kuch bataye ya na bataye, mai unse koi sawal jabab nahi karuga aur na unke samne aapse huyi kisi baat ka jikar karuga.”

Meri baat sunkar, anu mausi ne rahat ki saans li aur fir priya ka haal batane ki kah kar call rakh diya. Unke call rakhne ke bad, maine keerti ki taraf dekha to, wo bade gaur se meri aur anu mausi ki baten sunne me lagi thi.

Mere uski taraf dekhte hi, wo fir se yaha waha dekhne lagi. Use samajh me to aa gaya tha ki, mai uski mummy se baat kar raha hu. Lekin mera bigda hua mood dekh kar, uski mujhse kuch puchhne ki himmat nahi ho rahi thi.

Uski is harkat par mujhe hansi to, bahut aa rahi thi. Lekin mai kisi tarah se apni hansi ko rokte huye priya ke kamre ki taraf bad gaya. Mujhe priya ke kamre me jaate dekh kar, keerti bhi mere pichhe pichhe aane lagi.

Sabko bahar khade dekh kar, meri samajh me nahi aa raha tha ki, is samay priya ke pas kaun hai. Lekin priya ke kamre me kadam rakhte hi, dada ji ko waha dekh kar, meri ye hairani khud ba khud door ho gayi.

Ek najar waha khade sab logon par dalne ke bad, maine priya ki taraf dekha to, wo behoshi ki haalat me bed par leti thi. Uske chehre par abhi bhi jamane bhar ki masumiyat tair rahi thi.

Use dekh kar aisa lag raha tha ki, jaise wo bahut gahri nind me so rahi ho aur abhi uth kar, hum sab se baten karne lagegi. Uske is masoom chehre ko dekh kar, mere kaano me uski hansi goonjne lagi.

Mai abhi priya ko dekhne me hi khoya hua tha ki, tabhi dada ji mere pas aa gaye. Unki aankhen aansuon se bheegi huyi thi. Mere pas aate hi, un ne mere gale lagte huye kaha.

Dada ji bole “beta dekho, humari priya ko kya ho gaya hai. Ye kal se aankh tak nahi khol rahi hai. Is se bolo na, hum sab se baat kare.”

Dada ji ki baat sunkar, mera dil bhar aaya. Lekin maine apne aapko sambhalte huye un se kaha.

Mai bola “dadu, aap fikar mat kijiye. Priya ko jaldi hi hosh aa jayega. Humari priya ko…………”

Lekin mai apni baat puri bhi nahi kar paya tha ki, meri aankhon ke samne priya ka hansta khilkhilata chehra aa gaya aur mere kaano me priya ki hansi goonjne lagi. Jiske goonjte hi, mera gala rundh gaya.

Mujhse aage kuch bhi kahte nahi bana aur priya ka chehra dekh dekh kar meri aankhon me nami chhane lagi. Jo ladki mere aane ki aahat se hi, mujhe pehchan jaya karti thi. Aaj use mere uske pas aane ka koi aehsas nahi tha.

Jo ladki mujhse hamesha saaye ki tarah chipki rahna chahti thi, wo aaj mujhe aankh khol kar dekh tak nahi rahi thi. Jo ladki mujhe apni jaan se bhi jyada pyar karti thi, wo hi mere samne bejan padi thi.

Magar mere liye sabse dard dene wali baat ye thi ki, jo ladki mere samne bejan si padi thi, wo meri judwa bahan thi. Mai uski khushi ke liye na to kal kuch kar saka tha aur na hi aaj uske liye kuch kar pa raha tha.

Meri is bebasi ne meri aankhon ki nami ko aansuon me badal diya. Mai dada ji ko dilasa dete dete khud hi un se lipat kar rone laga. Keerti ne mujhe rote dekha to, usne mere kandhe par hath rakha aur mujhe samjhane lagi.

Magar keerti ko apne pas pakar, meri rahi sahi himmat bhi jabab de gayi. Wo hi to ek thi, jo mere dard ko achi tarah se samajh sakti thi. Uske siwa meri haalat ko samajhne wala koi nahi tha.

Keerti ke samajhane ke mere upar koi asar nahi pada aur mai us se hi lipat kar rone laga. Mere is tarah rone ne keerti ki aankhon ko bhi aansuon se bhar diya aur uska mujhe samjhana band ho gaya.

Wo mujhe samjhana chahte huye bhi, apne khud ke bahte aansuon ki vajah se mujhse kuch bol nahi pa rahi thi. Wo apne honthon se apne aansu peeti ja rahi thi aur meri peeth par hath ferte huye, mujhe shant karwane ki kosis kar rahi thi.

Nisha bhabhi ne jab mujhe is tarah se rote dekha to, wo mere pas aa gayi. Un ne pyar se mere sar par hath fera aur mujhe hausla rakhne ko kahne lagi. Unki baton ka mere upar asar hua aur mai apne aapko sabhalne ki kosis karne laga.

Abhi wo mujhe hausla rakhne ke liye samajh hi rahi thi ki, tabhi nikki ne hum sabko chaukate huye kaha.

Nikki boli “bhabhi, bhabhi, ye dekhiye, priya ki aankh se aansu nikal rahe hai.”

Nikki ki baat sunte hi, nisha bhabhi mere pas se hat kar, priya ke pas chali gayi aur hum sab ki najar bhi priya ke chehre par jakar jam gayi. Priya ki aankhon ke kinaron se sach me aansu ki dharayen bah rahi thi.

Ye dekhte hi, nisha bhabhi ko laga ki, priya ko hosh aa raha hai. Wo priya ke gaal thapthapa kar use jagane ki kosis karne lagi. Lekin priya ke sharir ne koi bhi harkat nahi ki aur wo behosh hi padi rahi.

Nisha bhabhi ne nikki se fauran aman ko bulane ko kaha aur wo khud nidhi didi ko call karke ye sab baten batane lagi. Nisha bhabhi ki baat sunte hi nikki ne bahar ki taraf daud laga di.

Nisha bhabhi ne nidhi didi se baat karke phone rakha hi tha ki, nikki ke sath aman aur baki log bhi humare pas aa gaye. Nisha bhabhi ne priya ke aansu wali baat aman ko batayi to, wo bhi priya ko dekhne laga.

Lekin use bhi priya ke sharir me koi harkat hoti najar nahi aayi. Magar priya ke aansuon ne hum sabke man me priya ke hosh me aane ki ek ummid ki kiran jarur jaga di thi.

Kuch hi der me nidhi didi bhi aa gayi. Un ne aakar priya ko dekha aur uski kuch jaruri janch karne ke bad hum sab se kaha.

Nidhi didi boli “priya ki abhi ki report se to uski haalat me koi sudhar hota najar nahi aa raha hai. Lekin uske aansu nikalne se is baat ki ummid jarur jatayi ja sakti hai ki, wo jaldi hi hosh me aa sakti hai.”

Nidhi didi ki is baat ko sunkar, ek baar fir hum sab ke chehre latak gaye. Humare latke huye chehre dekh kar, aman ne hume samjhate huye kaha.

Aman bola “are aap sab is tarah nirash kyo hote hai. Aap logon ko shayad malum nahi ki, ek accident me aru ki haalat priya se bhi kahin jyada kharab ho gayi thi aur wo teen din tak hosh me nahi aayi thi.”

“Sabko lag raha tha ki, aru coma me chali jayegi. Lekin maine ummid nahi chhodi thi aur mai ghanton aru ke pas baith kar baten kiya karta tha aur aise hi meri baten sunte sunte teesre din aru ko hosh aa gaya tha.”

“Abhi bhi shayad aap logon ke bich chal rahi baton ki vajah se hi, priya ke aansu nikal aaye. Aap log yadi apni nirasha ko chhod kar, priya se baten karte rahege to, use jaldi hi hosh aa jayega.”

Hum sab gaur se aman ki baten sun rahe the. Mai nisha bhabhi aur ajay se is baare me pahle hi sun chuka tha. Isliye mujhe aman ki ye baat sahi lag rahi thi. Lekin nidhi didi ne aman ki is baat ko kaatte huye kaha.

Nidhi didi boli “kya jiju, aap ek doctor hokar bhi ye kaisi baten kar rahe hai. Abhi priya ke dimag ne puri tarah se kaam karna band kar diya hai. Jis vajah se wo humari kisi baat ko sun aur samajh nahi sakti hai.”

“Uske kaano tak humari baten jaati to jarur hai. Lekin humari baten uske kaan ke parde me padte hi, kisi kaanch ki tarah toot kar bikhar jaati hai aur uska dimag un baton ko jod nahi pata hai.”

“Isliye humhare kuch bhi bolne ya karne ka us par koi asar nahi padega aur na hi humare kuch karne se uska sharir koi harkat karega. Ye to abhi kisi sui ki chubhan tak mehsus nahi kar sakti.”

Ye kahte huye, nidhi didi ne ek injection liya aur priya ke hath me lagane lagi. Unke priya ko injection lagane par bhi priya ke sharir me koi harkat nahi huyi. Priya ko injection lagane ke bad, nidhi didi ne kaha.

Nidhi didi boli “aap log bilkul bhi nirash mat hoiye, priya ko jaldi hosh aa jayega. Yadi priya ko kal tak hosh nahi aaya to, parson hum priya ko apne naye hospital me shift kar dege.”

“Parson humare naye hospital ka lokarpan (Inauguration) hai aur usme mere guru Dr. robert bhi aa rahe hai. Dr. robert duniya ke Number One neurologist hai aur unki safalta ka pratishat, shat-pratishat (Cent percent) hi raha hai.”

“Meri unse priya ke baare me charcha ho chuki hai aur wo khud bhi aakar priya ko dekhege. Lekin uske pahle mai aap sab se priya ko lekar kuch jaruri baten karna chahti hu.”

Ye kahte huye nidhi didi ne hum sab se apne sath chalne ka ishara kiya aur wo priya ke kamre se bahar nikal gayi. Maine ek najar priya ki taraf dekha aur fir sabke sath sath mai bhi nidhi didi ke pichhe pichhe jane laga.

Nidhi didi hum sabko nisha bhabhi ke room me lekar aa gayi. Un ne hum sabko baithne ko kaha aur fir apni baat ko aage badate huye kaha.

Nidhi didi boli “aap sabko pata hai ki, priya dil ki marij hai aur is hadse ke bad wo dimag ki marij bhi ban gayi hai. Coma ek aisi bimari hai, jisme marij ka dimag so jaata hai aur uske dil ke alawa baki ka sharir kaam karna band kar deta hai.”

“Coma ke marij ke liye ye kahna mushkil hota hai ki, wo kab coma se bahar aayega. Kabhi kabhi to coma ka marij jindgi bhar hi coma me rahta hai aur kabhi kabhi aisa hota hai ki, coma ke marij ke coma se bahar aa jaane ke bad bhi, uske sharir ke kuch hisse jindgi bhar kaam nahi kar pate.”

“Ye sab baten aapko batane ke pichhe mera maksad aapko darane ya aapse ye kahne ka nahi hai ki, priya puri tarah se thik nahi ho sakti. Balki mai aapko sirf itna samjhana chahti hu ki, priya ke coma bahar aa jane ke bad bhi, uske dimag ko puri tarah se thik hone me ek lamba samay lag sakta hai.”

“Priya ke dil ki marij hone ki vajah se uske liye koi bhi sadma pahle hi jaan lewa tha. Aise me ab uske dimagi taur par bhi bimar ho jaane ki vajah se uski haalat aur bhi jyada sangeen ho gayi hai.”

“Ab koi bhi sadma uske dil aur dimag dono par bahut jyada asar karega aur yadi aisi haalat me use pata lage ki, wo itne barson tak jis ghar me pali badi, wo us ghar ki beti nahi hai to, is baat ka us par bura asar pad sakta hai.”

“Use aakash uncle ki beti na hokar, punit ki bahan hone wali baat ka hargij pata nahi chalna chahiye. Hume uske coma se bahar aane ke bad bhi, uske samne wahi mahol bana kar rakhna hoga, jo uske coma me jaane se pahle tha.”

“Yadi use bhoole se bhi is baat ki bhanak lag gayi aur wo fir se coma me chali gayi to, fir use dobara coma se bahar la pana humare to kya, bhagwan ke bas ki bhi baat nahi hogi.”

Itna bol kar nidhi didi chup ho gayi. Lekin unki ye baat sunte hi padmini aunty fafak kar ro padi. Unhe rote dekh kar, chhoti maa ne unhe dilasa dete huye kaha.

Chhoti maa boli “priya ko kuch nahi hoga. Wo jaldi hi thik ho jayegi. Wo thik ho jaye, is se jyada mujhe kuch nahi chahiye. Aapka aaj bhi priya par utna hi haq hai, jitna aaj se pahle tha.”

“Aap jab tak use apni beti bana kar rakhna chahe, rakh sakti hai. Priya aapke ghar ki nahi, humare ghar ki beti hai, ye baat mere ya mere ghar walon ke muh se ye baat kabhi bhi nahi niklegi.”

“Hum isi baat se santosh kar lege ki, humari beti sahi salamat hai aur ek aise parivar me hai, jahan use apne ghar se bhi jyada pyar mil raha hai. Fir bhi use humare ghar ki har chij par utna hi adhikar rahega, jitna ki punnu ko hai.”

Itna bol kar chhoti maa chup ho gayi. Lekin unke muh se priya ke padmini aunty ki beti bankar hi rahne ki baat sunkar, padmini aunty ke sath sath aakash uncle ki aankhon se aansu aa gaye.

Wo priya se kitna pyar karte the, ye baat mujhse chhupi nahi thi. Maine unhe sabse jyada priya se hi laad karte dekha tha. Aise me priya ke unse door hone ki baat se unke dil par kya gujari hogi, ye to unke siwa koi nahi jaan sakta tha.

Lekin is samay unke chehre par jo khushi jhalak rahi thi. Wo hum sabko jarur dikhayi de rahi thi. Lekin ye haal sirf padmini aunty aur aakash uncle bas ka nahi tha, balki raj aur riya ka bhi kuch aisa hi haal tha.

Un ne bhi jab chhoti maa ke muh se ye baat suni to, unki aankhon me bhi aansu jhilmilane lage aur dono uth kar, chhoti maa ke pas aa gaye. Riya aakar chhoti maa se lipat gayi aur raj ne jhuk kar, chhoti maa ke pair pakad liye.

Chhoti maa ne raj ko apne pairon se uthaya aur riya ke sath sath use bhi apne gale se laga liya. Riya ne chhoti maa ko apni bahon me jor se jakadte huye kaha.

Riya boli “aunty, humne jitna socha tha, aap to us se bhi jyada mahan hai. Aapne ek pal me hi humare ghar ki saari raunak, saari khushiyan hume wapas kar di.”

Raj aur riya dono chhoti maa se lipte huye the aur unki aankhon se khushi ke aansu bah rah the. Ye najara dekh kar, hum sabki aankhen bhi nam ho gayi. Wahin chhoti maa ne riya ki baat par samjhate huye kaha.

Chhoti maa boli “nahi beti, maine koi mahan kaam nahi kiya. Mai bhi ek maa hu aur ek maa ke dard ko achi tarah se samajh sakti hu. Punnu ko maine nimi ki umar se paala hai aur aaj meri khud ki do betiyan hai.”

“Iske bad bhi yadi aaj koi mujhe punnu se alag kar de to, meri jaan hi nikal jayegi. Fir tumhari maa ne to priya ke janam ke bad se hi, use apna dudh pila kar paala hai. Unke liye to priya ko chhod pana aur bhi jyada mushkil kaam hai.”

“Aaj jise tum meri mahanta kah rahi ho. Kal yahi baat jab logon ko pata chalegi to, wo ye hi kahege ki, meri khud ki do betiyan thi, isliye maine punnu ki sagi bahan ko us se door kar diya. Kyoki mai ek sauteli……”

Abhi chhoti maa apni baat puri bhi nahi kar payi thi ki, maine fauran hi unki baat ko bich me hi kaat kar, gusse me bhadakte huye kaha.

Mai bola “chhoti maa, kaun log, kaise log, aap logon ke kuch kahne ki parwah mat kijiye. Mai manta hu ki, aapne jo faisla liya hai. Bilkul sahi faisla liya hai. Mai aapke is faisle ke sath hu.”

“Lekin apne muh se dobara kabhi bhi is baat ko mat nikalne dena ki, aap meri sauteli maa hai. Aap sirf meri maa hai. Mere liye aapse bad kar, duniya me na to koi tha, na hi koi hai aur na hi kabhi koi hoga.”

Meri baat sunkar, chhoti maa ke chehre par muskurahat aa gayi aur baki sab bhi hanse bina na rah sake. Wahin jab vaani didi ne mujhe ye kahte suna to, pyar se mere sar ke pichhe chapat laga di.

Lekin vaani didi ki ye pyar se lagayi chapat bhi itni jordar thi ki, mai apne sar ke pichhe hath ferne laga aur sab vaani didi ko gaur se dekhne lage. Vaani didi ko bhi apni is galti ka aehsas hua aur un ne baat ko sambhalte huye kaha.

Vaani didi boli “ye pahle se bahut samajhdar ho gaya hai. Lekin gussa abhi bhi iski naak par hi baitha rahta hai. Pata nahi iski ye jara jara si baat par gussa karne ki aadat kab jayegi.”

Vaani didi ki baat sunkar, ek baar fir sabki hansi chhut gayi. Ab jab hansi majak chal raha ho aur seeru didi chup rah jaye. Aisa kaise ho sakta tha. Un ne vaani didi ki baat sunte hi, fauran sabko apni upastithi ka aehsas karate huye kaha.

Seerat boli “yadi iske gussa karne ke bad, aap ise aisi hi pyar bhari chapat lagati rahi to, mujhe ummid hai ki, iska gussa jaana to door ki baat hai, aana bhi bhool jayega.”

Seeru didi ki baat sunkar, ek baar fir sabke kahkahe goonj gaye. Ab sabke chehro par muskurahat najar aa rahi thi. Lekin neha kisi gahri soch me padi huyi thi. Vaani didi neha ko kisi soch me pada dekha to, sabka dhyan apni taraf khichte huye kaha.

Vaani didi boli “humne is baat ka faisla to kar liya ki, priya abhi padmini aunty ke pas hi rahegi. Lekin kisi ne ye nahi socha ki, neha to padmini aunty ki beti hai aur ab unke sath hi rahegi.”

“Ab yadi neha padmini aunty ke sath rahegi to, hume priya ko neha ke baare me kuch to batana hi padega ki, wo ab uske ghar me kis haisiyat se rah rah rahi hai. Ye baat to hum priya se chhupa kar rakh nahi sakte.”

Vaani didi ke muh se neha ke padmini aunty ki asli beti hone ki baat sunkar mujhe ek jhatka sa laga. Kyoki abhi tak mai padmini aunty ki asli beti kaun hai, is baat se puri tarah se anjan tha.

Lekin neha ke padmini aunty ki beti hone ki baat pata chalte hi, mujhe ye baat bhi samajh me aa gayi ki, durjan hi wo aadmi tha, jo priya ko bachpan me lekar bhaga tha. Magar usne aisa kyo kiya tha, ye baat abhi bhi mere liye ek raz hi thi.

Mai abhi isi soch me khoya hua tha ki, tabhi vaani didi ki baat sunte hi, raj ne tapak se kaha.

Raj bola “didi, isme pareshani wali koi baat nahi hai. Neha aur priya dono hi humari bahan hai. Hum punnu ki jagah neha ko priya ki judwa bahan bata dege aur baki ki kahani wo hi bata sakte hai, jo abhi hai.”

Raj ki ye baat sabhi ko sahi lagi aur sabne is baat par apni sahmati de di. Is baat ko sunte hi, neha ke chehre par bhi khushi jhalakne lagi. Aakhir us ghar ki asli beti to, wo hi thi aur usko andekha kiye jane se uska pareshan hona bhi galat nahi tha.

Lekin vaani didi ki samajhdari ne uske man ke is dar ko bhi alag kar diya tha aur ab sab khush najar aa rahe the. Lekin ab neha ke padmini aunty ki beti hone ki baat ne mere man me bahut saare sawal paida kar diye the.

______________________________

 

[Pritam.bs]

Ko To Rok Lo {Update - 209}
____________________________

Vaani didi ke muh se neha ke padmini aunty ki asli beti hone ki baat sunkar mujhe ek jhatka sa laga. Kyoki abhi tak mai padmini aunty ki asli beti kaun hai, is baat se puri tarah se anjan tha.

Lekin neha ke padmini aunty ki beti hone ki baat pata chalte hi, mujhe ye baat bhi samajh me aa gayi ki, durjan hi wo aadmi tha, jo priya ko bachpan me lekar bhaga tha. Magar usne aisa kyo kiya tha, ye baat abhi bhi mere liye ek raz hi thi.

Mai abhi isi soch me khoya hua tha ki, tabhi vaani didi ki baat sunte hi, raj ne tapak se kaha.

Raj bola “didi, isme pareshani wali koi baat nahi hai. Neha aur priya dono hi humari bahan hai. Hum punnu ki jagah neha ko priya ki judwa bahan bata dege aur baki ki kahani wo hi bata sakte hai, jo abhi hai.”

Raj ki ye baat sabhi ko sahi lagi aur sabne is baat par apni sahmati de di. Is baat ko sunte hi, neha ke chehre par bhi khushi jhalakne lagi. Aakhir us ghar ki asli beti to, wo hi thi aur usko andekha kiye jane se uska pareshan hona bhi galat nahi tha.

Lekin vaani didi ki samajhdari ne uske man ke is dar ko bhi alag kar diya tha aur ab sab khush najar aa rahe the. Lekin ab neha ke padmini aunty ki beti hone ki baat ne mere man me bahut saare sawal paida kar diye the.

Jinke jabab chhoti maa, vaani didi, keerti ya nikki me se hi koi de sakta tha. Magar chhoti maa se mujhe kuch puchhna nahi tha aur vaani didi se kuch puchhne ki mere andar himmat nahi thi.

Mai sirf keerti aur nikki se hi kuch puchh sakta tha. Lekin is samay apni narajgi ke chalte, mai keerti se baat karna nahi chahta tha. Jabki nikki apni narajgi ke chalte, mujhse baat nahi kar rahi thi.

Mai abhi isi soch me khoya hua tha ki, tabhi sabke kahkahe sunkar, mai apni soch se bahar nikal aaya aur ye dekhne laga ki, achanak sab hasne kyo lage hai. Sabki najar aman aur nisha bhabhi par tiki huyi thi.

Mujhe itna to samajh me aa gaya tha ki, sab inhi ki vajah se hans rahe hai. Lekin ye samajh me nahi aaya ki, aakhir hua kya hai. Jab meri kuch samajh me nahi aaya to, maine mere bagal me baithi barkha didi se kaha.

Mai bola “didi, kya hua.? Sab log aman aur nisha bhabhi ko dekh kar, hans kyo rahe hai.”

Meri baat sunkar, barkha didi ne mujhe hairani se dekhte huye kaha.

Barkha didi boli “tum yaha baithe baithe so rahe ho kya, jo tumko nahi malum nahi ki, yaha par abhi kya hua hai.”

Barkha didi ki baat sunkar, maine thoda sharminda sa hote huye kaha.

Mai bola “didi, mai kisi soch me khoya hua tha. Isliye mera dhyan yaha ki baton par nahi tha.”

Meri baat sunkar, barkha didi ne hanste huye kaha.

Barkha didi boli “jaisa abhi tumhara haal hai, waisa hi aman jiju ka bhi haal tha. Nidhi didi unse kuch puchh rahi thi. Magar wo bas ek-tak vaani didi ko dekhne me khoye huye the.”

“Jab nidhi didi ke do teen baar puchhne par bhi un ne koi jabab nahi diya to, nisha bhabhi ne unhe jor se kohni maari aur wo hadbada kar, yaha waha sabko dekhne lage. Bas isi vajah se hum sabko hansi aa gayi.”

Barkha didi ki baat sunkar, mai bhi aman aur nisha bhabhi ki taraf dekhne laga. Nisha bhabhi dhire dhire unhe khari khoti suna rahi thi aur aman unko apni safayi dene ki kosis kar raha tha.

Aman ki baat sunne ke bad, nisha bhabhi ke chehre par muskurahat aa gayi aur un ne muskurate huye, vaani didi se kaha.

Nisha bhabhi boli “vaani, tum apne jiju ka is tarah se tumko ghurne ka koi galat matlab mat nikal lena. Asal me tumhare jiju ek Plastic and Cosmetic Surgeons hai aur inhe logon ke chehre ki sundarta jyada prabhavit karti hai.”

“In ne khalid bhai se suna tha ki, vaani ek bahut khatarnak CID officer hai. Inko laga tha ki, vaani koi bahut sakht mijaj ki kathor chehre wali ladki hogi. Lekin tum to dekhne me bhaut sundar aur bahut najuk lagti ho.”

“Tumko dekh kar, inhe yakin nahi ho raha hai ki, ek chhuyi muyi aur najuk si dikhne wali ladki, khatarnak se bhi khatarnak mujrim ke chhakke chhuda deti hai. Ye isi soch me gum the ki, tum itna sab kuch bina kisi dar ke kaise kar leti ho.

Nisha bhabhi ki baat sunkar hum sabki hansi chhut gayi. Wahin vaani didi ne muskura kar, aman ki taraf dekhte huye kaha.

Vaani didi boli “aisa nahi hai. Sabki tarah mujhe bhi dar lagta hai. Magar mujhe kisi mujrim ka nahi, balki is baat ka dar lagta hai ki, mere hath se kabhi koi masoom ya begunah na maara jaye.”

Vaani didi ki ye baat sunte hi, neha ne pahli baar apna muh kholte huye kaha.

Neha boli “didi, mere baba begunah hai. Mai manti hu ki, un ne mujhe mere mata pita se door kar diya tha. Lekin un ne meri parvarish me kabhi koi kami nahi ki hai aur mujhe bade laad pyar se paala hai.”

“Yaha tak ki, garibi ke mahol me rahne ke bad bhi, un ne mujhe bade se bade school me padaya aur meri har chhoti badi khwahish ko pura kiya hai. Un ne ek pal ke liye bhi mujhe aehsas nahi hone diya ki, mai unki beti nahi hu.”

“Fir bhala mere baba gunahgaar kaise ho sakte hai. Aap alka bua aur shikha didi se puchh kar dekh lijiye ki, mere baba kaise hai. Is sabko karne ke pichhe jarur unki koi majburi rahi hogi. Warna mere baba itna bura kaam kabhi nahi karte.”

Ye kahte kahte neha ki aankhen aansuon se bhig gayi. Uski bheegi aankhon ko dekh kar hi pata chal raha tha ki, wo durjan se kitna jyada pyar karti hai. Use rote dekh kar, vaani didi uske pas aayi aur use samjhate huye kaha.

Vaani didi boli “mujhe kisi se kuch puchhne ki jarurat nahi hai. Tumhe sahi salamat dekh kar hi, mujhe samajh me aa gaya ki, un ne tumhare sath kuch bhi bura nahi kiya hai.”

“Lekin tum ye baat kyo bhulti ho ki, un ki vajah se ek maa ne apni bacchi ke liye tadap tadap kar jaan de di aur tumhe apni maa ke hote huye bhi, uski chhati se lag kar doodh pina nashib nahi hua. Tum jindgi bhar maa ke pyar ke liye tarasti rahi.”

“Ek bacche ko uski maa se door karna, sirf kanoon hi nahi, balki insaniyat ki najar me bhi gunah hai. Fir ye bhi to dekho ki, un ne punnu ke upar bhi jaan lewa hamla karwaya hai.”

Magar neha par vaani didi ki is samjhaish ka koi asar nahi hua. Usne fir durjan ka bachav karte huye kaha.

Neha boli “didi, mai nahi janti, mere baba ne aisa kyo kiya. Mai bas itna janti hu ki, jab se hosh sambhala hai. Tab se maine mere baba ko kabhi koi galat kaam karte nahi dekha.”

“Ye bhi to ho sakta hai ki, aap sabko koi galatfahmi ho rahi ho. Mere baba ne aisa kuch kiya hi na ho aur unko fasane ki kosis ki ja rahi ho. Mere baba kabhi aisa kaam kar hi nahi sakte.”

“Wo bechare abhi bahut bimar chal rahe hai. Unhe abhi ilaj ki bahut jarurat hai. Yadi mere baba ko kuch ho gaya to, mai unke bina jee nahi pahugi.”

Itna kah kar, neha fir bilakh kar rone lagi. Use is tarah se durjan ke liye rota dekh kar, mujhe bhi uske upar taras aane laga aur ab mera dil bhi yahi chah raha tha ki, durjan ko uske kiye ki, saza na di jaye.

Wahin neha ko rote dekh kar, shikha didi aur alka aunty uske pas aa gayi. Shikha didi neha ko chup karwane lagi aur alka aunty ne neha ke sar par hath ferte huye vaani didi se kaha.

Alka aunty boli “vaani beta, neha thik kah rahi hai. Durjan bhaiya pahle chahe jo rahe ho aur pahle un ne chahe jo kiya ho. Lekin ab wo waise bilkul bhi nahi hai. Wo puri tarah se badal chuke hai.”

“Kisi samay wo mambai ke maane huye gunde hua karte the. Lekin jaise jaise neha badi hoti gayi. Unke andar ka bura insan marta gaya aur uski jagah ek bap ne le li. Un ne neha ki dekh bhal bilkul sage bap ki tarah ki hai.”

“Maine neha ko apne inhi hathon ne paala hai. Mujhse is bacchi ka dukh dekha nahi ja raha hai. Tum se yadi ho sake to, durjan bhaiya ko chhod do. Punnu mera bhi beta hai aur mai jababdari leti hu ki, punnu ko unse koi khatra nahi hoga.”

Apni baat kahte kahte alka aunty ki aankhe bhi aansuon se bhig chuki thi. Neha aur alka aunty ke aansuon ne hum sabki aankhon me bhi nami la di thi. Wahin is mahol ko dekh kar, vaani didi bhi kuch pareshan si najar aane lagi thi.

Shayad wo is baare me kuch soch rahi thi. Vaani didi abhi apni soch me hi khoyi huyi thi ki, tabhi chhoti maa ne unke pas aate huye kaha.

Chhoti maa boli “vaani beta, yadi gunah karne wala gunahgaar hai to, gunah karne ke liye majbur karne wala bhi utna hi bada gunahgaar hai.”

“Yadi gunah karne wale ko saza mil rahi hai to, fir gunah karne ke liye majbur karne wale ko bhi saza milni chahiye aur yadi gunah ke liye majbur karne wale ko saza nahi di ja rahi hai to, fir gunah karne wale ko bhi saza nahi di jaani chahiye.”

Chhoti maa ki baat sunkar, vaani didi fati fati aankhon se chhoti maa ko dekhne lagi. Lekin us samay chhoti maa ke chehre par koi bhav nahi the. Unka chehra bahut sakht sa ho gaya tha.

Mujhe chhoti maa ki ye baat samajh me nahi aayi aur mai hairani se unko dekhta rah gaya. Magar shayad vaani didi unki baat ka matlab samajh chuki thi. Un ne chhoti maa ki is baat ke jabab me kaha.

Vaani didi boli “mausi, mai aapki baat ko manti hu. Lekin kanoon sirf sabuton ko manta hai aur abhi saare sabut unke khilaf hai. Gauranga aur mohini aunty ke bayan hi, unko saza dilwane ke liye kafi hai.”

Vaani didi ki ye baat sunte hi, mohini aunty ne fauran hi kaha.

Mohini aunty boli “yadi sab nahi chahte ki, unko saza mile to, mai apna bayan badalne ke liye taiyar hu. Mai kah dungi ki, mujhse unko pehchan ne me galti ho gayi thi.”

Mohini aunty ki baat sunkar, vaani didi ne muskurate huye kaha.

Vaani didi boli “aunty sirf aapke bayan badal lene se kuch nahi hoga. Unke sabse bade gunah ka gawah to gauranga hai aur wo bhala apna bayan kyo badalne laga.”

Abhi vaani didi ki baat puri bhi nahi ho payi thi ki, ek aawaj ne hum sabko chauka diya.

Aane wali aawaj “gauranga kya, apun to gauranga ke bap ka bhi bayan badalwa dega.”

Is aawaj ko sunte hi, hum sabne pichhe palat kar dekha. Khalid bhai apni mast chaal me, humare pas hi chale aa rahe the. Unki najar ajay aur aman par thi aur un ne apni us baat ke bad, aman logon se kaha.

Khalid bola “mai waha priya aur dada ji ke pas baitha, tum logon ke aane ka intejar kar raha tha aur tum dono chindi chor yaha mahfil jama kar baithe ho.”

Ye kahte huye khalid bhai ajay aur aman ki taraf bade aa rahe the. Lekin tabhi seeru didi ko na jaane kya sujha ki, wo daud kar khalid bhai ke samne jakar khadi ho gayi aur unse kaha.

Seerat boli “bhai jaan, acha hua aap aa gaye. Hum yaha mahfil saja kar nahi baithe hai. Hum sabko police ne hirasat me le liya hai.”

Seeru didi ki baat sunte hi, khalid bhai ko gussa aa gaya. Un ne gusse me aag babula hokar apni revolver nikalte huye kaha.

Khalid bola “mere rahte kisi police wale ki itni aukat nahi ki, wo tum logon ko hath bhi laga sake. Kaun hai wo saala, jisne tum logon ko hirasat me liya hai.”

Ye kahte huye khalid bhai yaha wahan dekhne lage. Wahin seeru didi ne badi hi masumiyat se kaha.

Seerat boli “bhai jaan, wo saala nahi, saali hai.”

Ye kahte huye, seeru didi unke samne se hat gayi. Seeru didi ke unke samne se hatte hi, khalid bhai ki najar sidhe vaani didi par padi aur unhe seeru didi ki saari shararat samajh me aa gayi.

Un ne apni revolver ko wapas jeb me wapas rakha aur seeru didi ki taraf badne lage. Unhe apni taraf badte dekh, seeru didi kahkahe lagate huye nisha bhabhi ke pichhe aakar khadi ho gayi. Khalid bhai ne seeru didi ko ghurte huye kaha.

Khalid bola “tune fir apun ko mamu bana diya.”

Seeru didi se itna kahne ke bad, khalid bhai vaani didi ke pas aaye aur unse kaha.

Khalid bola “madam aap aur mumbai me, mujhe abhi bhi apni aankhon par yakin nahi ho raha hai. Aap ne to kasam khayi thi ki, aap ek CID officer ki haisiyat se kabhi mumbai me kadam nahi rakhegi.”

Khalid ki ye baat sunte hi, aman ne aage aate huye khalid se kaha.

Aman bola “abe tu aate hi ye kya bakwas lekar baith gaya. Kya tujhe pata nahi hai ki, punit inka bhai hai. Uske liye to inko yaha aana hi tha.”

Aman ki baat sunkar, khalid bhai ne sharminda sa hote huye kaha.

Khalid bola “sorry madam, mera irada aapko chot pahuchane ka nahi tha. Asal me mujhe aapki pichhli baten yaad aa gayi thi. Punit aapka hi nahi, mera bhi bhai hai. Maine jab TV par news dekha to, mera bhi khoon khaul gaya tha.”

“Yadi aapne gauranga ko nahi pakda hota to, uski is galti ke liye, mai khud waha jakar uska game baja dalta. Aapko yadi us se koi bayan dilwana hai to, mujhe bataiye. Mere ek ishare par wo koi bhi bayan dene ko taiyar ho jayega.”

Khalid ki baat sunkar, vaani didi chhoti maa ki taraf dekhne lagi. Chhoti maa ne unhe haan me sar hila kar, ishara kiya. Jiske bad, vaani didi ne khalid se kaha.

Vaani didi boli “neha ke pita ne gauranga ko punnu ke naam ki supari di thi. Jis vajah se usne punnu par jaan lewa hamla kiya tha. Iske jabab me maine gauranga ke char sathiyon ka khatma karke, uske pure giroh ko hirasat me le liya.”

“Gauranga ke bayan ke anusar humne supari dene wale ki tasweer banayi aur usi aadhar par humne neha ke pita ko hirasat me le liya hai. Lekin ye sab chahte hai ki, neha ke pita ko iski saza na mile aur unko sudharne ka ek mauka diya jaye.”

Itna kah kar vaani didi chup ho gayi. Magar khalid bhai jaise Don ke samajhne ke liye itni hi baat kaafi thi. Un ne vaani didi ki is baat ke jabab me kaha.

Khalid bola “madam samajiye ki, aapka ye kaam ho gaya. Apne diye gaye bayan se mukarna mujrimo ke liye koi nayi baat nahi hai. Punnu par hamla gauranga ne karwaya tha to, ab uski saza bhi wo ya uska koi aadmi hi bhogega.”

Khalid ki ye baat sunte hi, neha ke chehre par muskurahat aa gayi aur wo aakar vaani didi se lipat gayi. Vaani didi ne pyar se uske sar par hath ferte huye kaha.

Vaani didi boli “mai is sabke sakht khilaf hu. Magar sirf tumhari vajah se ek mujrim ka sath de rahi hu. Kal subah tak tumhare baba tumhare pas honge. Lekin ye ab tumhari jababdari hai ki, tum apne baba ko sahi raste par lekar aao.”

Vaani didi ki baat sunte hi, neha ne chahakte huye kaha.

Neha boli “thanks didi, aap fikar mat karo. Mai kahugi to, mere baba aapki sab baat manege. Wo kabhi meri koi baat nahi kaatte hai. Wo aapko sikayat ka koi mauka nahi dege.”

Neha ki baat sunkar, khalid bhai ne bhi durjan ki wakalat karte huye kaha.

Khalid bola “madam, mai durjan ko achi taraf se janta hu. Wo ek bahut acha aur diler insan hai. Pata nahi, usne aisa ghatiya kaam kis khunnas me aakar kar diya. Mai bhi use apni taraf se samjhane ki kosis karuga.”

“Aapko yadi meri pahli wali baat buri lagi ho to, mai uske liye maafi chahta hu. Aap yakin maniye, aapko ek CID officer ki haisiyat se, ek baar fir se mumbai me dekh kar, mujhe sach me bahut khushi ho rahi hai.”

Khalid bhai ki is baat par vaani didi ne muskurate huye kaha.

Vaani didi boli “mai mumbai me jarur hu. Lekin ab mai ek CID officer nahi hu. Mumbai aane ke pahle hi, maine apni naukri se istifa de diya tha aur mere anurodh par mera istifa manjur bhi kar liya gaya hai.”

Vaani didi ki is baat ne ek-dam se sabko chauka diya tha. Nitika aur mohini aunty ke alawa, sabhi se vaani didi ko mile ek do din se jyada nahi hua the.

Iske bad bhi is baat ko sunte hi sabke chehre murjha gaye.

Lekin is baat ne sabse bada jhatka mujhe pahuchaya tha. Kyoki ek to unki ye naukri meri vajah se hi gayi thi aur dusra mujhe unke CID officer hone se, apne aap par bahut naaz tha.

Mai unke kaarname apni school me bahut bada chada kar bataya karta tha. Unke gauranga ko pakadne ke kaarname ne bhi pure west bangal me tahalka macha kar rakha kar rakha tha aur jis vajah se mera seena garv se chauda ho gaya tha.

Mujhe ummid thi ki, wo schoolgirl ke rape-case ko bhi chutkiyon me hal kar degi. Lekin unke istifa dene ki baat ne mera saara ghamnd choor choor karke rakh diya tha aur isi gusse me mai unko kha jaane wali najron se ghoor kar dekh raha tha.

Magar wo meri is haalat se anjan, aise muskuraye ja rahi thi, jaise ki kuch hua hi na ho. Achanak hi unki najar mujh par padi aur un ne mujhe is taraf se ghoorte dekha to, hanste huye kaha.

Vaani didi boli “ye tumhe kya hua. Tum aise kha jaane wali najron se mujhe kyo dekh rahe ho.”

Vaani didi ki baat ko sunkar, mai to khamosh hi raha. Lekin ajay ne pahli baar apna muh kholte huye kaha.

Ajay bola “aapke istife ki baat sunkar, jab hum logon ko itna bada jhatka laga hai to, fir punit ko to aur bhi bada jhatka laga hoga. Aakhir aapne ye sab usi ki vajah se hi to kiya hai.”

Magar ajay ki ye baat sunkar bhi vaani didi ke chehre par koi shikan nahi aayi. Wo mere pas aayi aur mere kandhe par hath rakh kar, pahle ki tarah hi, muskurate huye kaha.

Vaani didi boli “tumhe to mere kaam ki vajah se mai vaani nahi, sunami lagti thi na. Lo ab maine sunami wala kaam chhod diya aur apni juban ko bhi shikha ki tarah meetha kar liya hai.”

“Ab mere ‘I love u’ bolne par tumhare hone wale jiju ko na bolne ki himmat bhi aa jayegi aur unhe shadi ke bad, USA chhod kar india bhi nahi aana padega. Ab to tumhare jiju ki kismat kharab nahi hogi na.”

Vaani didi ye baat sirf mujhe chhedne ke liye kah rahi thi. Lekin unki in baton se samajh me aa raha tha ki, un ne mehul ke ghar me mere aur keerti ke bich, unke baare me huyi saari baten sun li thi.

Is baat ka aehsas hote hi, mera sar sharam se jhuk gaya aur maine is baat par sharminda hote huye unse kaha.

Mai bola “didi, mai keerti se wo baten sirf majak me kah raha tha aur jab aap aayi tab mai jiju ki kismat kharab hone ki baat nahi kah raha tha. Mai keerti se kahne wala tha ki, humhare jiju ki kismat achi hai. Lekin meri baat puri bhi nahi ho payi aur aap mere samne aa gayi. Jis vajah se meri baat adhuri rah gayi thi.”

Meri baat sunkar, vaani didi ne kaha.

Vaani didi boli “to apni us baat ko abhi sabke samne pura kar lo.”

Lekin mai vaani didi ki ye baat sunkar, bhi chup hi khada raha to, un ne fir se mujhe is baat ko pura karne ko kaha aur unke sath sath seeru didi bhi mujhe baat pura karne ke liye uksane lagi.

Kyoki vaani didi ki baton se shayad wo bhi samajh chuki thi ki, mai dil khol kar vaani didi ki burayi karne me laga hua tha aur aage ki baat bhi aisi hi kuch niklegi. Aakhir me unke baar baar kahne par maine apni us baat ko pura karte huye kaha.

Mai bola “didi, us din mai keerti se kahne wala tha ki, humhare jiju ki kismat achi hai, jo unki shadi humari didi se ho rahi hai. Unhe shadi ke bad, duniya me kisi se bhi dar nahi lagega.”

Itna kah kar mai ruk gaya. Mujhe baat puri karte na dekh kar, vaani didi ne mujhse kaha.

Vaani didi boli “aage bolo, tumhare jiju kyo kisi se dar nahi lagega.”

Mai bola “kyoki………”

Lekin iske aage kahne ki meri himmat hi nahi ho rahi thi. Mujhe aage ki baat kahne se hichakte dekh kar, seeru didi samajh gayi ki asli baat ab hi aane wali hai. Un ne mere pas aakar, mera hath hilate huye kaha.

Seerat boli “haan, haan, ruk kyo gaye. Tum tarif hi to kar rahe ho. Ab kyoki ke bhi aage bolo.”

Seeru didi ki baat sunkar, mai unko ghurne laga. Lekin wo mujhe chhedte huye baat puri karne ko kahne lagi. Jiske bad, maine apni baat ko pura karte huye kaha.

Mai bola “kyoki aap khud hi dar ka dusra naam ho. Shadi ke bad, jiju aap se hi itna dar jayege ki, unhe aapke dar ke alawa koi dar pareshan nahi kar payega.”

Meri ye baat sunte waha khade sabhi log hasne lage aur mai sar jhuka kar khada ho gaya. Aaj pahli baar maine vaani didi se itni majak bhari baten ki thi. Lekin ab andar hi andar mujhe unse dar bhi lag raha tha.

Kyoki vaani didi in sab baton me wo bahut sakht thi aur unhe chhoto ka bado ka majak udhana jara bhi pasand nahi tha. Yadi aur koi samay hota to, is baat ke kahne par un ne abhi tak mere kaan ke niche ek do baja diye hote.

Lekin aaj apne istife ki vajah mujhe pareshan dekh kar, un ne mera dil halka karne ke liye khud hi is baat ko chheda tha. Taki mai unki is baat me ulajh jau aur unke istife wali baat mere dimag se nikal jaye.

______________________________

 

[Pritam.bs]

Ko To Rok Lo {Update - 210}
____________________________

Mai bola “kyoki………”

Lekin iske aage kahne ki meri himmat hi nahi ho rahi thi. Mujhe aage ki baat kahne se hichakte dekh kar, seeru didi samajh gayi ki asli baat ab hi aane wali hai. Un ne mere pas aakar, mera hath hilate huye kaha.

Seerat boli “haan, haan, ruk kyo gaye. Tum tarif hi to kar rahe ho. Ab kyoki ke bhi aage bolo.”

Seeru didi ki baat sunkar, mai unko ghurne laga. Lekin wo mujhe chhedte huye baat puri karne ko kahne lagi. Jiske bad, maine apni baat ko pura karte huye kaha.

Mai bola “kyoki aap khud hi dar ka dusra naam ho. Shadi ke bad, jiju aap se hi itna dar jayege ki, unhe aapke dar ke alawa koi dar pareshan nahi kar payega.”

Meri ye baat sunte waha khade sabhi log hasne lage aur mai sar jhuka kar khada ho gaya. Aaj pahli baar maine vaani didi se itni majak bhari baten ki thi. Lekin ab andar hi andar mujhe unse dar bhi lag raha tha.

Kyoki vaani didi in sab baton me wo bahut sakht thi aur unhe chhoto ka bado ka majak udhana jara bhi pasand nahi tha. Yadi aur koi samay hota to, is baat ke kahne par un ne abhi tak mere kaan ke niche ek do baja diye hote.

Lekin aaj apne istife ki vajah mujhe pareshan dekh kar, un ne mera dil halka karne ke liye khud hi is baat ko chheda tha. Taki mai unki is baat me ulajh jau aur unke istife wali baat mere dimag se nikal jaye.

Magar unki is kosis ke bad bhi ye baat mere dimag se nahi nikal saki thi. Sabka hasna rukte hi, maine fir se usi baat par wapas aate huye kaha.

Mai bola “didi, mai koi baccha nahi hu, jo aap mujhe in baton se bahlana chahti hai. Yadi aap ek CID officer ki haisiyat se mumbai nahi aana chahti thi to, aapko yaha aana hi nahi chahiye tha.”

“Aapko meri vajah se istifa dekar mumbai aane ki koi jarurat nahi thi. Mujhe aapke CID officer hone ka bahut ghamand tha. Lekin aaj aapne istifa dekar mere saare ghamand ko choor chhor kar diya.”

Meri baat sunkar, vaani didi ke chehre ki muskurahat gambhirta me badal gayi aur un ne mujhe samjhate huye kaha.

Vaani didi boli “dekho, mere liye mere farz se bad kar, kuch bhi nahi hai. Maine apne har farz ko puri imandari ke sath nibhaya hai aur apne farz ko nibhane se kabhi pichhe nahi hati.”

“Abhi maine jo bhi kiya hai, wo mere parivar ke liye mera farz tha. Mere is farz ko nibhane me meri naukri ek diwar ban kar khadi thi aur maine us diwar ko tod diya. Jiska mujhe jara bhi afsos nahi hai.”

Itna kahne ke bad, unke chehre par wapas wahi muskan thirakne lagi. Unki is baat me gahri sacchai thi aur iski gawahi unka chehra de raha tha. Jisme unki naukri chale jaane ke bad bhi, ek shikan najar nahi aa rahi thi.

Un ne bina kisi soch vichar ke aur bina kisi ko is baat ki khabar lage, mere liye wo sab kuch kar diya tha. Jise laakh baar sochne ke bad bhi, mera bap kabhi nahi kar sakta tha.

Mujhe hamesha se yahi lagta tha ki, vaani didi sabse jyada keerti ko pyar karti hai. Lekin aaj unki is baat ne sabit kar diya tha ki, unke dil me mere liye bhi keerti se kam pyar nahi hai.

Shayad unhe kisi se apna pyar jatana aata hi nahi tha ya fir unhe kabhi is baat ki parwah hi nahi rahi ki, unke baare me kaun kya sochta hai. Wo bas apne hi banaye usulon par chalti rahi.

Unki itni jyada kamyabi ki ek vajah shayad ye bhi thi ki, un ne ghar ya bahar kisi ki bhi baat ki koi parwah nahi ki thi. Lekin mujhe unki parwah ho rahi thi aur unke is kadam se mere dil ko thes bhi pahuchi thi.

Shayad vaani didi is baat ko achi tarah se samajh rahi thi. Isliye jab un ne mujhe apni baat sunne ke bad bhi, kamosh dekha to, fir se mujhe samajhate huye kaha.

Vaani didi boli “ab tum kis soch me pade ho. Kya tum ye nahi jante ki, mai shadi karke USA me basna chahti thi. Magar apni naukri ki vajah se aisa kar nahi pa rahi thi. Lekin ab naukri chhod dene se meri shadi ka rasta bhi saaf ho gaya hai.”

“Tumhe to khush hona chahiye ki, tumhari vajah se mere shadi karne ka rasta khul gaya hai. Ab yadi iske bad bhi tumhe meri naukri jaane ka dukh ho raha hai to, mere pas tumhare is dukh ko door karne ka bhi ek rasta hai.”

Vaani didi ki ye baat sunkar, mere sath sath baki sab bhi sawaliya najron se vaani didi ki taraf dekhne lage. Vaani didi ne humari is hairani ko door karte huye kaha.

Vaani didi boli “mere pas CID officer se bhi badi ek naukri ki peshkash aayi hai. Sarkar mere kaam karne ke tarikon se prabhavit hokar mujhe Undercover agent banana chahti hai.”

Vaani didi ki ye baat sunkar, sabke muh khule ke khule rah gaye. Kisi ki samajh me nahi aa raha tha ki, aakhir vaani didi kya bala hai. Un ne ek naukri ko laat maari to, us se badi dusri naukri khud hi unke pas chal kar aa gayi. Mai bhi unki is baat ko sunkar, bas unhe dekhta rah gaya. Un ne apni baat ko aage badate huye kaha.

Vaani didi boli “ab tum khud hi faisla le lo ki, mujhe ab shadi kar lena chahiye ya fir abhi bhi ye hi sab kaam karte rahna chahiye.”

Vaani didi ki is baat ko sunkar, sabke chehre par khushi ki lahar daud gayi. Kyoki ab wo dono me se chahe koi bhi kaam karti baat khushi ki hi thi. Lekin unki is baat ne mujhe uljhan me daal diya tha.

Kyoki mai dil se chahta tha ki, wo shadi kar le. Lekin unke kaam se unki khud ki ek pehchan thi aur shadi ke bad, unki wo pehchan khatam hone wali thi. Meri samajh me nahi aa raha tha ki, mai unhe kya jabab du. Mai apni isi uljhan me uljha hua tha ki, tabhi keerti ne humari baat ke bich me kudte huye kaha.

Keerti boli “didi aap shadi kar lo. Hum log kab se aapki shadi hone ka intejar kar rahe hai.”

Keerti ki is baat par chhoti maa aur nitika ne bhi haan me haan mila di. Un sabko aisa karte dekh kar, maine bhi is baat par apni sahmati ki mohar laga di. Jiske bad vaani didi ne apna faisla sunate huye kaha.

Vaani didi boli “thik hai, mai abhi se baat karti hu. Waise bhi wo priya ko dekhne aane hi wala hai. Usi samay hum baki sab baten bhi tay kar lege.”

Vaani didi ki baat sunte hi, pahli baar ami ki aawaj sunayi di. Wo vaani didi ki shadi hone ki baat sunkar, bahut khush najar aa rahi thi. Lekin nimi keerti ki god me baithi baithi so chuki thi.

Yadi is samay nimi jaag rahi hoti to, usne jarur ye baat sunte hi nachna suru kar diya hota. In sab baton ke chalte 3 kab baj gaye, kisi ko pata hi nahi chala. Jab nidhi didi ne ghar jaane ki ijajat mangi, tab sabka dhyan is taraf gaya.

Iske bad, baki sab bhi ghar jaane ki taiyari karne lage. Raj bhi apne ghar walon ko ghar jaane ke liye kahne laga. Pahle to koi bhi ghar jaane ko taiyar nahi ho raha tha. Lekin bad me raj ke samajhane par wo bhi ghar jaane ke liye taiyar ho gaye.

Lekin nikki aur riya dono fir se hospital me rukne ki baat par aapas me bahas karne lagi. Unhe bahas karte dekh, raj ne nikki ko samjhaya aur use bhi baki logon ke sath ghar jaane ke liye taiyar kar liya.

Kuch hi der bad, mujhe raj aur riya ko chhod kar baki sab ghar jaane lage. Sabse pahle nidhi didi ghar ke liye nikli. Unke jaane ke bad dada ji, aakash uncle, padmini aunty, mohini aunty, nitika, neha aur nikki ghar ke liye nikale.

Iske jaane ke bad, chhoti maa, vaani didi, keerti, ami, nimi aur barkha didi bhi ghar chali gayi. Fir sabse aakhiri me khalid bhai, ajay, aman, nisha bhabhi, shikha didi, alka aunty aur seeru didi bhi ghar chale gayi.

Ajay mere sath hospital me hi rukna chahta tha. Lekin kal use apne naye hospital ki taiyari bhi dekhna tha. Jis vajah se maine jabardasti use ghar bhej diya tha. Ab riya andar priya ke pas baithi thi aur mai raj ke sath bahar baitha tha.

Bich bich me mai aur raj andar priya ko dekhne chale jaate aur fir wapas aakar wahi baith kar baten karne lagte. Meri raat bhar raj se yaha wahan ki baten hoti rahi aur aise hi humara saara samay kat gaya.

Subah ke 7 bajte hi aakash uncle hospital aa gaye. Unki aankhne bata rahi thi ki, humne unhe jabardasti ghar to bhej diya tha. Lekin wo ghar jakar bhi shukun ki nind so nahi paye aur subah hote hi wapas hospital aa gaye.

Wo aate hi, hum logon se ghar jaane ki bolne lage. Lekin hum unhe akela chhod kar jaana nahi chahte the. Isliye hum unke sath wahi ruke rahe. Fir 7:30 baje ajay aur shikha didi bhi aa gaye.

Unke aate hi, aakash uncle fir hum logon se ghar jaane ko kahne lage. Uncle ki baat sunkar, shikha didi ne humse kaha ki, ab wo priya ke pas rahegi. Hum log befikar hokar ghar jaye.

Ajay ne apne driver ko hume ghar chhodne ko kaha aur fir hum log ghar ke liye nikal pade. Pahle maine raj aur riya ko unke ghar chhoda aur fir mai ajay ke bungalow ke liye nikal pada.

Mujhe wahan pahuchte pahuchte 8:30 baj chuke the. Jab mai waha pahucha to, chhoti maa aur vaani didi taiyar baithi huyi thi. Maine unhe itni subah subah taiyar baithe dekha to, chhoti maa se kaha.

Mai bola “chhoti maa, aap sab itni subah subah kaha ja rahi hai. Kya aap log hospital ja rahi hai.”

Meri baat sunkar, chhoti maa ne kaha.

Chhoti maa boli “haan, hum log abhi hospital hi ja rahe hai aur wahi se chanda mausi ko dekhne ghar bhi jaana chahte hai. Hum soch rahe the ki, aaj hi mausi ko dekh kar wapas aa jaate.”

“Magar ye ami nimi humare sath ghar jaane ko taiyar hi nahi ho rahi hai. Dono jid kiye baithi hai ki, wo tumhare sath yaha aayi thi aur tumhare sath hi ghar wapas jayegi. Barkha aur keerti unko dusre kamre me samjha rahi hai.”

“In dono ladkiyon ne to meri naak me dam karke rakh diya hai. Dono ki jid dino din badti ja rahi hai. Ab inko sambhalna mere liye mushkil hota ja raha hai. Meri samajh me nahi aata ki, mai in dono ladkiyon ka kya karu.”

Chhoti maa ki baat sunkar, vaani didi ne unhe samjhate huye kaha.

Vaani didi boli “mausi, unke bigadne me aapka koi dosh nahi hai. Unko bigadne me pura hath isi ka hai. Isne hi unko sar par chada rakha hai. Jis vajah se un ki jid dino din badti ja rahi hai.”

“Yadi mai chahti to, mere chutki bajate hi, wo dono humare sath jaane ko taiyar ho jati hai. Magar tab hume inki dramebaji dekhne ko nahi mil pati. Ab ye laat-saab aa gaye hai to, inki aur inki ladliyon ki dramebaji bhi dekh lijiye.”

Ye kahte huye, vaani didi ne keerti ko aawaj lagayi aur us se ami nimi ko bahar le aane ko kahne lagi. Usi samay seeru didi, selu didi aur aru aa gayi aur wo log chhoti maa se chalne ke baare me puchhne lagi.

Chhoti maa unko ami nimi ke baare me bata hi rahi thi ki, tabhi keerti aur barkha didi, ami nimi ke sath bahar aa gayi. Un ne mujhe dekha to, sidhe mere pas aa gayi aur mujhse chhoti maa ki sikayat karne lagi.

Seeru didi unki baat sunkar, kuch bolne hi wali thi ki, vaani didi ne unko chup rahkar, humari baat sunne ka ishara kiya. Jiske bad wo bhi chup chap ami nimi ki baten sunne lagi.

Jab ami nimi ki sikayat karna band kiya to, maine bhi unki tarafdari karte huye kaha.

Mai bola “tum dono ki baat bilkul sahi hai. Tum dono mere sath yaha aayi ho aur tumhe mere sath hi ghar wapas jaana chahiye. Mere rahte tumhe kisi baat ki chinta karne ki jarurat nahi hai.”

“Mai sham ko sokar uthne ke bad, tum dono ko ghumane bhi le jauga. Lekin mai to din bhar yaha sota rahuga aur aaj naye hospital ki vajah se seeru didi logon ke pas samay nahi hai. Aise me tum dono yaha din bhar bor ho jaogi.”

“Chhoti maa sirf din bhar ke liye hi ghar wapas ja rahi hai. Yadi tum dono din bhar ke liye unke sath jaana chahti ho to, ja sakti ho. Mujhe tumhare jaane ka jara bhi bura nahi lagega aur mai tumhare aane ke bad, tumhe ghumane le jauga.”

Meri baat sunkar, ami soch me pad gayi aur nimi, uska chehra dekhne lagi. Ami shayad mere din bhar aur apne akele bor hone ki baat soch rahi thi. Kuch der sochne ke bad, usne mujhse kaha.

Ami boli “thik hai bhaiya, yadi aapko humare jaane ka bura nahi lag raha hai to, hum dono mummy ke sath ghar chale jaate hai. Aap fikar mat karna, hum log mummy ke pichhe pad kar, unhe sham tak jarur wapas le aayege.”

Ami ki baat sunte hi sabke chehre par muskurahat aa gayi. Wahin vaani didi ne chhoti maa se kaha.

Vaani didi boli “dekh liya mausi, mujhe pata tha ki, ye hi sab hona hai. Mai isi vajah se chup thi aur aapse bhi shanti banaye rakhne ko kah rahi thi. Ab aap apna gussa khatam kijiye aur jaldi chaliye. Hume apni flight bhi pakadna hai.”

Vaani didi ki baat sunkar, chhoti maa uth kar khadi ho gayi. Un ne mujhe kuch jaruri baten samjhane lagi aur barkha didi sokar uthne par khane ke liye call lagane ki baat jatane lagi. Iske bad sab chhoti maa ke sath chale gaye.

Unke jaane ke bad, maine darwaja band kiya aur kamre me aakar muh hath dhone laga. Muh hath dhone ke bad, maine kapde badle aur aakar bed par lette huye mehul ko call laga diya.

Mehul se baat karke maine uska call rakha hi tha ki, tabhi keerti ka call aa gaya. Wo mujhe us se sahi se baat na karne ki vajah se ladti rahi. Uske call rakhne ke bad, mai uske aur priya ki tabiyat ke baare me sochte sochte so gaya.

Fir meri nind kisi ke doorbell bajane ki aawaj sunkar khuli. Koi lagatar doorbell bajaye ja raha tha. Maine samay dekha to, 4:30 baj gaye the. Mai uth kar darwaja kholne chala gaya.

Maine darwaja khola to samne barkha didi aur nikki khadi thi. Wo mere liye khana lekar aayi thi. Unhe khana liye dekh kar, maine barkha didi se kaha.

Mai bola “didi, aapko mere khane ke liye pareshan hone ki jarurat nahi thi. Maine aapse kaha to tha ki, mai sokar uthte hi aapko call kar duga.”

Barkha didi boli “mujhe pata hai aur mai ye baat shikha didi ko bhi samjha rahi thi. Magar wo 12 baje ke bad se hi, mere pichhe padi thi. Fir jab wo khud hi yaha khana lekar aane ki baat kahne lagi to, mujhe yaha aana hi pad gaya.”

Unki baat sunkar, maine unhe bataya ki, mai abhi sokar utha hu aur mujhe taiyar hone me samay lagega. Mai nahane ke bad khana kha luga. Iske bad, mujhse thodi bahut baat karne ke bad, wo wapas chali gayi.

Unke jaane ke bad, mai fresh hone chala gaya. Fresh hone ke bad, maine khana khaya aur fir taiyar hokar hospital ke liye nikal gaya. Mujhe hospital pahuchte pahuchte 6:30 baj gaye.

Abhi hospital me padmini aunty, raj, riya, nikki aur barkha didi thi. Shikha didi ko puchhne par pata chala ki, wo barkha didi ke mere pas se wapas aate hi, ghar chali gayi thi. Jabki nisha bhabhi aur seeru didi log naye hospital me thi.

Is samay priya ke pas riya thi. Sabse milne ke bad, mai barkha didi ke sath priya ke pas chala gaya. Abhi mujhe priya ke pas thodi hi der huyi thi ki, fir se uski aankhon se aansu nikalne lage.

Ye dekhte hi, barkha didi ne fauran nidhi didi ko call laga diya. Nidhi didi bhi is samay naye hospital me thi. Un ne saari baat sunne ke bad kaha ki, unhe aane me thoda samay lagega. Wo priya ki janch karne duty doctor ko bhej rahi hai.

Unke call rakhne ke thodi hi der bad, ek doctor aaya aur priya ki janch karne laga. Priya ki janch karne ke bad, us ne nidhi didi ko call karke saari report de di. Tab tak riya ne bhi bahar jakar sabko ye baat bata di.

Sabhi bhagte huye, priya ke pas aa gaye. Abhi bhi priya ki aankhon se aansu bahne ke alawa, uske sharir me koi harkat nahi ho rahi thi. Magar is samay uske ye aansu sabko is baat ki ummid dila rahe the ki, shayad wo hosh me aa jaye.

Pichhle 48 ghanton se behosh padi, priya ke aansu bhi, is samay sabke liye uski muskan se kuch kam keemti nahi the. Magar uski is haalat ko sahan kar pana mere bas me nahi tha.

Jab mere sahan karne ki shakti khatam hone lagi aur meri aankhon me nami chhane lagi to, mai waha se bahar aa gaya. Mai bahar samundar ke kinare aakar baith gaya aur tanhai me priya ke baare me sochne laga.

Mai dekh to samundar ki taraf raha tha. Lekin mujhe najar sirf priya ka chehra aa raha tha. Meri aankhon me priya ka hansta hua chehra najar aa raha tha aur mai us chehre ko dekh dekh kar aansu bahaye ja raha tha.

Mere aansu bahte ja rahe the aur mai unhe ponchne ki kosis bhi nahi kar raha tha. Mai priya ko yaad karne me itna khoya hua tha ki, mujhe aehsas hi nahi hua ki, kab koi mere pas aakar khada ho gaya.

Mujhe is baat ka aehsas tab hua, jab kisi ne mere kandhe par hath rakha. Maine jab apna sar utha kar pichhe dekha to, mere pichhe keerti khadi thi. Use apne samne dekhte hi, mai fauran apne aansu ponchhne laga.

Mera aansuon se bhara chehra dekh kar, keerti ki aankhon me bhi aansu jhilmilane lage the. Usne mere pas baithte huye kaha.

Keerti boli “kya hua, mujhe dekh kar chup kyo ho gaye. Samajh lo mai tumhare pas hu hi nahi aur is tufan ko apne andar se bahar nikal jaane do. Apni bahan ke dard me aansu bahana koi buri baat nahi hai.”

“Magar tun na jaane kyo, kab se is tufan ko apne andar chhupaye huye ho aur andar hi andar ghute ja rahe ho. Aaj ise bahar nikal jaane do aur apne har dard ko isme bah jaane do. Shayad is se tumhare dil ka bojh kuch kam ho jaye.”

Keerti ki baat sunkar, maine apna chehra uske kandhon me chhupa liya aur ek baar fir meri aankhon se aansu chhalakne lage. Ab mujhse priya ka dard sahan nahi ho pa raha tha aur maine is dard se karahte huye kaha.

Mai bola “mujhse ab priya ki haalat dekhi nahi ja rahi hai. Wo upar wala pata nahi, us se kis baat ka badla le raha hai. Pahle use janam lete hi, uske mata pita se door kar diya. Wo is baat se anjan hone ki vajah se khush thi.”

“Magar us upar wale se uski ye khushi bhi nahi dekhi gayi. Usne use ek aisi bimari de di, jiski vajah se use uske sabse bade sapne swimming ko bhulna pad gaya. Fir bhi us ladki ne us upar wale par se viswas nahi uthaya.”

“Magar us upar wale ko itne ke bad bhi us masoom par raham nahi aaya aur usne uske dil me mere liye pyar paida kar diya. Wo shayad ise ek sundar sapna samajh kar bhool bhi jaati.”

“Lekin fir us upar wale ne mujhe uske samne lakar khada kar diya aur mere hi hathon se uska dil tudwa diya. Magar itna sab ho jaane ke bad bhi us masoom ne kisi se koi sikayat nahi ki aur har dard sahkar bhi muskurati rahi.”

“Shayad us upar wale ko uska muskurana hi pasand nahi tha. Usne abki baar us ladki ko paalne wale maa bap ko hi, us se paraya kar diya aur jis ladke ko wo apni jaan se jyada pyar karti hai, use uska bhai bana kar uske samne lakar khada diya.”

“Bas us upar wale ne us bejuban par ek mehrbani kar di ki, use coma me bhej diya. Warna is sacchai ko janne ke bad, wo chah kar bhi muskura nahi pati aur sunte hi, apna dam tod deti.”

“Hum dono judwa bhai bahan hai. Fir us upar wale ka ye kaisa insaf hai ki, mai hamesha hi khushiyon me palta raha aur meri masoom judwa bahan hamesha hi dukh dard sahti rahi.”

“Tum sab mujhse hamesha puchhte the na ki, mai jara si baat par ladkiyon ki tarah kyo rone lagta hu. Aaj mujhe samajh me aa raha hai ki, mai jara jara si baat par kyo rone lagta tha.”

“Mai isliye rota tha, kyoki meri bahan ko dard me bhi rona nahi aata. Apni bahan ke hisse ke aansu bhi mai hi baha liya karta tha. Mai abhi bhi jindgi bhar aise hi rone ko taiyar hu.”

“Bas wo upar wala meri bahan ke har dukh dard ka ant kar de aur uske chehre ki muskurahat use wapas kar de. Us masoom par wo raham kar de. Iske badle me wo chahe to, meri jaan le le.”

Mai keerti ke kandhe par apna chehra chupaye, rote huye, apne dil ka har gubar bahar nikale ja raha tha aur keerti chup chap meri baat sunti ja rahi thi. Uski aankhen bhi aansuon se bhari huyi thi.

Lekin wo na to khud ke aansuon ko bahne se rok rahi thi aur na hi mere aansuon ko bahne se rok rahi thi. Jab mai apni baat kahte huye shant ho gaya to, usne apne aansu ponchhe aur fir meri aankhon ko saaf karte huye kaha.

Keerti boli “nikki bata rahi thi ki, priya Siddhi vinayak ko bahut manti hai. Hum aisa karte hai ki, kal Siddhi vinayak mandir chalte hai. Wo humari prarthna jarur sunege aur unke aashirwad se priya jaldi thik ho jayegi.”

Keerti ki baat sunkar, mai uske chehre ko dekhne laga. Mujhe bhi uski ye baat sahi lag rahi thi. Is samay priya ko duaaon ki bahut jarurat thi. Lekin kal priya ko naye hospital me bhi le jaya jana tha. Isi baat ko dhyan me rakhte huye maine kaha.

Mai bola “lekin kal to priya ko naye hospital me shift kiya jana hai aur kal hi naye hospital ki suruaat bhi hai. Kya aise me humara waha jana thik hoga.”

Keerti boli “priya ko 2 baje ke bad yaha se shift kiya jayega aur naye hospital ka Inauguration ka samay10:30 baje ka hai. Hum subah jaldi waha chalege aur 10:30 baje ke pahle wapas bhi aa jayege.”

Keerti ki ye baat sunkar, maine use chalne ki sahmati de di. Abhi humari is baare me baat chal hi rahi thi ki, tabhi hume dudte huye, barkha didi ke sath ami nimi humare pas aa pahuchi. Un ne aate hi keerti se kaha.

Ami boli “didi, aap yaha bhaiya ko bulane aayi thi aur aap khud hi yaha baith kar rah gayi.”

Ami ki baat sunkar, keerti ne apni safayi dete huye kaha.

Keerti boli “mai to ise bulane hi aayi thi. Lekin iske sar me dard tha to, ye thodi der aur yaha baithne ki baat karne laga. Isliye mai bhi iske sath yahi baith gayi aur tum logon ko ghumne le chalne ki baat karne lagi.”

Keerti ki baat sunkar, ami gaur se mera chehra dekhne lagi. Mujhe laga ki wo ye dekh rahi hai ki, kahin keerti us se jhuth to nahi bol rahi hai aur ab shayad wo is baare me mujhse kuch sawal karegi.

Lekin jaisa mai soch raha tha, waisa kuch bhi nahi tha. Ami ne mera chehra gaur se dekhne ke bad, mujhse to kuch nahi kaha. Lekin barkha didi ki taraf dekhte huye, unse puchha.

Ami boli “didi, kya aaj bhaiya ne khane ke bad, chay nahi pi thi.”

Ami ki ye baat sunkar, barkha didi ne apna sar peette huye kaha.

Barkha didi boli “sorry, shikha didi ne mujhse kaha bhi tha ki, khane ke bad ise chay dena na bhulu. Lekin isne khana lekar hum logon wapas bhej diya tha. Maine bhi socha tha ki, jab ye yaha aayega to, tab yahi se chay lekar ise pila dugi. Magar jab ye yaha aaya to, ye baat mujhe yaad hi nahi rahi.”

Barkha didi ki baat sunkar, nimi ne ami se ek kadam aage badte huye kaha.

Nimi boli “humare bhaiya ko jab khane ke bad, chay nahi milti to, unka sar dard karne lagta hai. Mai abhi shikha didi ko jakar batati hu ki, barkha didi ne bhaiya ko chay nahi di thi.”

Ye kah kar nimi hospital ke andar jaane ke liye mud gayi. Lekin barkha didi ne fauran uska hath pakad kar, use rokte huye kaha.

Barkha didi boli “meri maa, tu shikha didi se kuch mat bol, warna wo abhi sabke samne mujhe khari khoti sunane lagi. Tu chal mere sath, mai abhi ise chay lekar deti hu.”

Ye kahte huye, barkha didi nimi ka hath pakad kar, chay lene jane lagi. Maine unhe rokne ki kosis karta raha, magar wo nahi ruki. Barkha didi aur nimi ko jaate dekh, ami bhi unke pichhe pichhe chali gayi. Mai aur keerti tab tak unhe jaate huye dekhte rahe, jab tak ki wo log humari aankhon se ojhal nahi ho gaye.

______________________________

 

[Pritam.bs]

Ko To Rok Lo {Update - 211}
____________________________

Ami boli “didi, kya aaj bhaiya ne khane ke bad, chay nahi pi thi.”

Ami ki ye baat sunkar, barkha didi ne apna sar peette huye kaha.

Barkha didi boli “sorry, shikha didi ne mujhse kaha bhi tha ki, khane ke bad ise chay dena na bhulu. Lekin isne khana lekar hum logon wapas bhej diya tha. Maine bhi socha tha ki, jab ye yaha aayega to, tab yahi se chay lekar ise pila dugi. Magar jab ye yaha aaya to, ye baat mujhe yaad hi nahi rahi.”

Barkha didi ki baat sunkar, nimi ne ami se ek kadam aage badte huye kaha.

Nimi boli “humare bhaiya ko jab khane ke bad, chay nahi milti to, unka sar dard karne lagta hai. Mai abhi shikha didi ko jakar batati hu ki, barkha didi ne bhaiya ko chay nahi di thi.”

Ye kah kar nimi hospital ke andar jaane ke liye mud gayi. Lekin barkha didi ne fauran uska hath pakad kar, use rokte huye kaha.

Barkha didi boli “meri maa, tu shikha didi se kuch mat bol, warna wo abhi sabke samne mujhe khari khoti sunane lagi. Tu chal mere sath, mai abhi ise chay lekar deti hu.”

Ye kahte huye, barkha didi nimi ka hath pakad kar, chay lene jane lagi. Maine unhe rokne ki kosis karta raha, magar wo nahi ruki. Barkha didi aur nimi ko jaate dekh, ami bhi unke pichhe pichhe chali gayi.

Mai aur keerti tab tak unhe jaate huye dekhte rahe, jab tak ki wo log humari aankhon se ojhal nahi ho gaye. Unke humari najron se ojhal hote hi, keerti ne kaha.

Keerti boli “kya tumne sach me chay nahi pi thi.”

Mai bola “haan, aaj mera chay peene ka man hi nahi kiya tha.”

Keerti boli “maine to tumhare rone ki baat chhupane ke liye unse sar dard ka bahana bana diya tha. Magar wo dono is bahane ko bhi sach samajh kar, apne ghumne jaane ki baat bhool kar, tumhare liye chay lene chali gayi.”

“Wo itni chhoti hokar bhi, tumhari pareshani ko, apni khushi se jyada aehmiyat deti hai. Kabhi kabhi to, mujhe khud bhi lagta hai ki, unke mukable me mera pyar kuch bhi nahi hai.”

“Mai janti hu ki, tum bhi unhe apni jaan se jyada pyar karte ho. Lekin mujhe lagta hai ki, tum logon ke bich priya ke aa jaane se, ami ko is baat ka dar sata raha hai ki, kahin unke liye tumhara pyar kam na ho jaye.”

“Aaj subah jab mai aur barkha didi, ami nimi ko ghar chalne ke liye samjha rahe the. Tab ami ulte mujhe hi ghar na jaane ke liye samjhane lagi. Uski baton se saaf samajh me aa raha tha ki, wo tumhe priya ke pas chhod kar jaana nahi chahti thi.”

Keerti ki ye baat sunkar, mere dimag me humare yaha aane ki samay ki baat ghoom gayi aur mai keerti ko ami se huyi baton ke baare me batane laga. Jise sunne ke bad keerti ne kaha.

Keerti boli “iska matlab ye hi hai ki, meri soch galat nahi thi. Yadi aisa hai to, hume jaldi hi unke man se is dar ko nikalna hoga. Warna unka ye dar, kahin unke aur priya ke bich me diwar na ban jaye.”

Keerti ki is baat ke jabab me maine kaha.

Mai bola “tera kahna thik hai. Lekin priya ko is sacchai pata nahi lagna hai aur chhoti maa ne bhi kah diya hai ki, priya padmini aunty ke sath hi rahegi. Aise me ami ke man se priya ka dar apne aap hi nikal jayega.”

Meri baat sunkar, keerti mujhe hairani se dekhne lagi aur fir achanak hi mujh par gusse me bhadakte huye kaha.

Keerti boli “lagta hai, priya ke sath sath tumhare dimag ne bhi kaam karna band kar diya hai. Are tum se jyada dimag to, us chhoti si bacchi ami ke pas hai. Jisne priya ke tumhari judwa bahan hone ki baat sunte hi, humare sath yaha aane ki jara bhi jid nahi ki aur tumhare sath waha chipki rahi.”

“Kya kabhi tumne ami ko nimi ki tarah jid karte dekha hai. Magar aaj to usne jid karne me nimi ko bhi pichhe chhod diya tha. Kal sabke samne ye sun lene ke bad bhi ki, priya yahi rahegi. Wo aaj tumhe yaha akela chhod kar, mausi ke sath jaane ko taiyar nahi ho rahi thi.”

“Tum ne mausi ke muh se priya ke yahi rahne ke baare sunkar, ye soch liya ki, mausi ne priya ko uske haal par chhod diya hai. Lekin mausi ne apna faisla bahut soch samajh kar liya hai.”

“Un ne padmini aunty se sirf ye kaha hai ki, wo jab tak priya ko apni beti bana kar rakhna chahe, rakh sakti hai. Un ne ye nahi kaha ki, wo priya ko apne sath nahi rakhna chahti hai.”

“Kyoki wo ache se janti hai ki, ye baat hamesha ke liye priya se chhupa kar rakh pana mumkin nahi hai aur priya ko is sachai ka pata chalne par yaha ke haalat badal bhi sakte hai.”

“Isliye un ne sabke samne ye baat bhi saaf kar di thi ki, priya ko unke ghar ki har chij par utna hi adhikar ragega, jitna ki tumhe hai. Mausi ke ye baat kahne ka maksad sirf ye tha ki, priya ke ghar ke raste uske liye hamesha khule hai.”

“Jab mausi aur ami priya ke ek na ek din apne ghar aane ki baat ko soch kar, apne kadam utha rahi hai to, tumhe bhi priya ke apne ghar wapasi karne ki baat soch kar hi, apne kadam uthana hoga.”

“Mausi ne aaj tak jis sautele-pan ke bhed bhav ko tumhare aur ami nimi ke bich me nahi aane diya. Ab us sautele-pan ke bhed bhav ko priya aur ami nimi ke bich me na aane dene ki, tumhari jimmedari hai.”

“Abhi ami nimi chhoti hai aur is samay yadi unke dil dimag par koi baat baith gayi to, use jindgi bhar use nikal pana aasan nahi hoga. Is samay wo dono bhi us mod se gujar rahi hai, jis daur se tum bachpan me apni nayi maa ko dekh kar gujare the.”

“Tumhe unki bhavnaon ko samajhna hoga aur unke dil par bina koi thes lagaye, unke dil me priya ko lekar jo jalan hai, use bahar nikalna hoga. Unhe ye aehsas karana hoga ki, priya ke aa jaane se bhi, wo dono hi tumhari ladli rahegi.”

“Ek baar ye baat unke man me baith gayi to, fir unke man me priya ke liye jo jalan hai, wo apne aap hi khatam ho jayegi aur unke dil me priya ko lekar jo dar samaya hua hai, wo dar bhi nikal jayega.”

Itna kah kar keerti chup ho gayi aur mai uski baton ko sochne laga. Uski saari baton me sachai thi aur mai bhi ami nimi ke baare me aisa hi kuch soch raha tha. Isliye maine keerti se kaha.

Mai bola “teri ye baat sahi hai aur mai bhi ami nimi ke baare me aisa hi kuch soch raha tha. Lekin mai unhe priya ke baare me kuch bhi samjhane se isliye bach raha hu. Taki unhe ye na lage ki, mai priya ki tarafdari kar raha hu.”

Meri ye baat sunte hi keerti hasne lagi. Itni gambhir baat par use hanste dekh kar, maine us se hasne ki vajah puchhi to, usne iski vajah batate huye kaha.

Keerti boli “aaj subah subah hi ami ne mausi par priya ki tarafdari karne ka iljam lagaya tha. Wo to vaani didi ne mausi ko rok liya aur hum ami nimi ko dusre kamre me le gaye. Warna tumko aate hi, ami nimi roti huyi milti.”

Uski is baat ko sunne ke bad, maine us se kaha.

Mai bola “is sabko dekhne ke bad bhi, tujhe lagta hai ki, mujhe abhi unhe kuch samjhane ki kosis karna chahiye.”

Keerti boli “haan, is sabke bad bhi mujhe lagta hai ki, tumko unhe samjhana chahiye. Kyoki tum unhe hum logon se jyada achi tarah se samajhte ho aur wo dono bhi sirf tumhari baat ko manti aur samajhti hai.”

“Iski ek misal subah tumhare samjhate hi, unka humare sath jaane ke liye taiyar ho jana hai. Tum ye achi tarah se jante ho ki, unhe kab, kis baat ke liye, kis tarah se samjhaya ja sakta hai.”

“Mai unhe apni taraf se samjhane ki puri kosis karugi. Lekin unke upar jitna asar tumhare samjhane ka padega. Utna asar mere ya kisi aur ke samjhane ka nahi padega. Isliye tumhe khud bhi unko samjhana padega.”

Keerti ki ye baat sunkar, mai ek baar fir se is ami nimi ko samjhane ke baare me sochne laga. Mai abhi keerti se kuch kahne hi wala tha ki, tabhi ami nimi barkha didi ke sath chay lekar aa gayi.

Barkha didi ne mujhe chay di aur fir mujhse ek do baten kane ke bad, ami nimi ko apne sath lekar wapas hospital me jaane ke liye mud gayi. Lekin maine unko jaane se roka aur fir ami ke sar par hath ferte huye us se kaha.

Mai bola “betu, mai chay peekar aata hu. Fir hum ghumne chalte hai. Tab tak tu chal kar chhoti maa ko jata de ki, hum log ghumne ja rahe hai.”

Lekin usne meri baat sunkar, bade hi bholepan se kaha.

Ami boli “bhaiya, aaj mai aur nimi bahut thak gaye. Aaj hum log aapke sath ghumne nahi ja payege.”

Ye kahte huye usne puchha.

Ami boli “kyo nimi, maine thik kaha na.”

Ami ki baat sunte hi, nimi ne apni aadat se majbur hokar, apne dono hath, apne pairo par rakhte huye kaha.

Nimi boli “haan bhaiya, mere pairo me itna dard hai ki, mujhse to ab chala tak nahi ja raha hai.”

Ye kahte huye, wo apne hi hathon se apne pairon ko dabane lagi. Uski ye harkat dekh kar, barkha didi aur keerti ke sath sath meri bhi hansi chhut gayi. Barkha didi ne hanste huye, aage bad kar nimi ko apni god me utha liya.

Un ne mujhe jaldi aane ka jataya aur ami nimi ko apne sath lekar, hospital ke andar chali gayi. Un ke jaane ke bad, keerti ne muskurate huye kaha.

Keerti boli “ye dono bahut badi nautanki hai. Pal pal me apne rang badalti hai. Abhi andar kah rahi thi, bhaiya ko jaldi bulao, hume ghumne jana hai aur ab kah rahi hai ki, hum log bahut thak gaye hai.”

Mai bola “tune nimi ki harkat nahi dekhi. Achi bhali chalte huye, chay lekar aayi thi. Lekin ami ki baat sunte hi, uske pairon me dard hone laga.”

Meri baat sunkar, keerti khilkhila kar hasne lagi. Aise hi ami nimi ki baat par hansi majak karte huye maine apni chay khatam ki aur fir keerti ke sath wapas hospital ke andar aa gaya.

Hum jab andar pahuche to, aakash uncle, padmini aunty, chhoti maa, nisha bhabhi, shikha didi, selu didi, aru, riya aur raj sab baithe aapas me baat karne me lage the. Mere unke pas pahuchte hi, nisha bhahi ne thoda gussa dikhate huye kaha.

Nisha bhabhi boli “ae hero, hum sab kya tumhe bevkuf najar aate hai. Jo hum sab yaha baithe hai aur tum bahar baith kar aaram se chay pee rahe ho. Tum yaha priya ki dekh bhal ke liye aate ho ya fir bahar baith kar chay peene aate ho.”

Nisha bhabhi ki ye baat sunkar, mujhe thodi sharmindgi si mehsus hone lagi aur maine unke samne sharminda hote huye kaha.

Mai bola “sorry bhabhi, mai to chay ke liye mana kar raha tha. Lekin barkha didi aur ami nimi ne meri baat nahi maani aur mujhe chay peena pad gaya.”

Meri is baat sunte hi, nisha bhabhi ki hansi chhut gayi aur un ne hanste huye kaha.

Nisha bhabhi boli “are mai to majak kar rahi thi. Maine in sab se pahle hi kaha tha ki, dekho mai kaise tumko darati hu. Magar tum to sach me mere majak se dar gaye.”

Unki baat sunkar, maine thoda muskurate huye kaha.

Mai bola “bhabhi, aap bhi seeru didi se kuch kam nahi ho. Lekin seeru didi yaha kahi dikhayi nahi de rahi hai. Kya wo priya ke pas hai.”

Nisha bhabhi boli “nahi, priya ke pas is samay nikki hai. Seeru to is samay ghar me hetal ke sath hai.”

Hetal didi ka naam sunte hi, mere chehre ki muskurahat gahri ho gayi aur maine nisha bhabhi se kaha.

Mai bola “bhabhi, kya hetal didi yahi par hai. Lekin wo priya ko dekhne aur mujhse milne kyo nahi aayi.”

Meri is baat ke jabab me nisha bhabhi ne thoda gambhir hote huye kaha.

Nisha bhabhi boli “wo aaj hi yaha aayi aur aate hi tumhare baare me puchh rahi thi. Lekin humne us se kah diya ki, tum kal aa rahe ho aur abhi humne use priya ki tabiyat ke baare me bhi kuch nahi bataya hai.”

Nisha bhabhi ki is baat par maine thoda hairan hote huye kaha.

Mai bola “lekin kyo bhabhi.”

Nisha bhabhi boli “wo kya hai ki, parson hetal ki plastic surgery hona hai. Jis surgeon ko uski surgery karna hai. Wo kal hospital ke Inauguration me yaha aa raha hai. Us se humari ye baat pahle hi tay ho chuki thi ki, Inauguration ke dusre din wo hetal ki surgery kar dega.”

“Lekin tumne khud dekha hai ki, hetal ne ajay ki shadi ki baat sunte hi, kaise apni surgery ko taal diya tha. Hume dar tha ki, wo kahin priya ki tabiyat ki baat sunte hi, fir se apni surgery ko taal na de.”

“Yadi hum fir se us surgeon ko surgery ke liye mana karte to, is se uske samne humari chhavi (image) kharab hone ka khatra tha. Isliye abhi hume hetal se priya ki tabiyat ki baat ko chhupa kar rakhna pada hai.”

“Hetal ne yaha aate hi, humse kaha tha ki, uski surgery ke samay tumhe jarur bula liya jaye. Lekin hum priya ki tabiyat ki baat us se chhupa rahe the. Isliye humne use tumhare yaha hone ki baat bhi pata nahi chalne di.”

“Humne us se kah diya ki, tum kal hospital ke Inauguration me aa rahe ho aur hetal ki surgery ki baat hum tumhe yaha aane par hi batayege. Isliye hetal ne bhi tumko achanak chauka dene ki baat soch kar, is baare me tumhe call nahi kiya.”

Nisha bhabhi ki ye baat sunkar, maine kuch sochte huye kaha.

Mai bola “bhabhi, ye to bahut khushi ki baat hai ki, hetal didi ki surgery ho rahi hai. Maine khud hi hetal didi se kaha tha ki, apni surgery ke samay par mujhe bulana mat bhulna.”

“Lekin bhabhi kal to priya ko naye hospital me shift kiya ja raha hai aur kal hetal didi bhi waha rahegi. Aise me priya ki baat unse kaise chhupi rah sakegi aur wo priya ke baare me bhi to puchh sakti hai.”

Meri ye baat sunkar, selu didi ne hanste huye kaha.

Selina boli “uski fikar tum mat karo. Unki har baat ka jabab dene ke liye seeru didi, har samay unke sath hai. Un ne hetal didi ke bina kuch puchhe hi, unko bata diya hai ki, priya abhi apni chachi ke ghar gayi hai.”

“Abhi bhi hum sabko yaha aana tha to, wo humare nikalne ke pahle hi, hetal didi ko apne sath lekar nikal gayi. Seeru didi ke rahte, tab tak koi gadbad nahi ho sakti, jab tak wo khud hi koi gadbad karna na chahe.”

Selu didi ki ye baat sunte hi, sabki hansi gunj gayi. Iske bad, sab kal ke baare me baat karte rahe. Fir 8:30 baje ke bad, nisha bhabhi log ghar chali gayi. Unke jaane ke kuch der bad, chhoti maa aur padmini aunty log bhi ghar chali gayi.

Ab hospital me kal ki tarah mai, raj aur riya hi rah gaye the. Shikha didi ne jaate jaate, padmini aunty se jata diya tha ki, hum logon ke liye khana wo bhejegi. Isliye ab raj ke ghar se kisi ke aane ki koi ummid nahi thi.

Aaj subah ke bad se, meri ajay se koi mulakat ya baat nahi ho payi thi. Lekin shikha didi ke khana bhejne ki baat ki vajahs se, mujhe abhi ajay ke aane ki ummid jarur lagi huyi thi.

Lekin dekhte dekhte, 10 baj gaya. Magar na to ajay ka kuch pata tha aur na hi abhi tak shikha didi ke yaha se humara khana aaya tha. Raj ne jab samay dekha to, mujhse kaha.

Raj bola “yaar, 10 baj gaya hai aur ab mujhe bahut bhukh lag rahi hai. Lekin humare khane ka kuch pata nahi. Kahin aisa to nahi ki, shikha didi ghar jakar, humara khana bhejne ki baat bhool gayi ho.”

Raj ki baat sunkar, maine muskurate huye kaha.

Mai bola “nahi, aisa nahi ho sakta. Tum bhool rahe ho ki, aman ke yaha dinner ke samay 9:30 baje ka hai. Mujhe lagta hai ki, humara khana ajay lekar aayega aur ajay yaha aaya to, fir wo der raat tak humare sath hi rukega. Isliye shayad humara khana unke dinner ke bad hi aayega.”

Meri baat sunkar, raj chup ho gaya. Lekin uski harkaton se pata chal raha tha ki, use sach me bahut jor ki bhookh lagi hai. Ek baar to, mera man kiya ki, mai shikha didi se call karke khane ki puchh lu.

Lekin fir maine kuch der aur intejar karne ki baat soch kar, apne ye irada taal diya. Mera sochna jara bhi galat nahi nikla. Kuch hi samay bad, hume ajay aur aman dono aate dikhayi de gaye. Ajay ne humare pas aate hi kaha.

Ajay bola “sorry yaar, is aman ki vajah se tum logon ka khana lane me der ho gayi. Mai khana lekar nikal hi raha tha ki, ye bhi mere sath chalne ki bol kar, khud dinner karne baith gaya.”

Ajay ki baat sunkar, aman ne apni safayi dete huye kaha.

Aman bola “yaar tum log hi bolo ki, maine dinner se fursat hone ke bad, yaha aakar kya bura kiya. Ab kam se kam hum bina kisi fikar ke, chahe jitni der yaha ruk sakte hai.”

Aman ki baat sunkar, ajay use latadne laga. Kuch der hum unki is pyar bhari nok jhok ka maja lete rahe. Fir aman ne is nok jhok se apna pichha chhudate huye kaha.

Aman bola “ab ye sab baten chhodo aur tum log apna dinner kar lo. Mai priya ke pas jata hu aur riya ko yaha bhejta hu.”

Ye kah kar, aman humare pas se chala gaya aur kuch hi der bad riya aa gayi. Riya ke aane ke bad, hum ek room me aa gaye. Ajay bina dinner kiye aaya tha. Isliye usne bhi humare sath hi dinner kiya.

Dinner karne ke bad, riya wapas priya ke pas chali gayi aur aman humare pas aa gaya. Iske bad humari kaafi der tak priya aur naye hospital ke baare me baten hoti rahi. Fir raat ko 1 baje ajay aur aman ghar wapas chale gaye.

Unke jaane ke bad, maine raj ko bataya ki, mai subah siddhi vinayak ke mandir ja raha hu. Isliye mai subah jaldi ghar chala jauga. Iske bad, meri raj se yaha waha ki baten hoti rahi.

Mai aur raj bich bich me, andar jakar priya ko dekh aate the. Aise hi karte karte subah ke 5 baj gaye. Subah hote hi, maine keerti ko call laga diya. Lekin shayad wo abhi bhi sokar, nahi uthi thi. Isliye usne mera call nahi uthaya tha.

Mere do teen baar call lagane par usne mera call utha liya. Maine us se apne ghar aane ki baat jata kar call rakh diya. Iske bad, maine raj ko ghar jaane ki baat jatayi aur mai ghar ke liye nikal pada.

Kuch hi der bad mai ghar pahuch gaya. Ghar pahuch kar, maine keerti ko call laga kar, darwaja kholne ko kaha. Thodi der bad, keerti ne aakar darwaja khola aur mai uske sath andar aa gaya. Lekin ghar ke andar ka najara dekh kar mai hairan huye bina na rah saka.

______________________________

 

[Pritam.bs]

Ko To Rok Lo {Update - 212}
____________________________

Unke jaane ke bad, maine raj ko bataya ki, mai subah siddhi vinayak ke mandir ja raha hu. Isliye mai subah jaldi ghar chala jauga. Iske bad, meri raj se yaha waha ki baten hoti rahi.

Mai aur raj bich bich me, andar jakar priya ko dekh aate the. Aise hi karte karte subah ke 5 baj gaye. Subah hote hi, maine keerti ko call laga diya. Lekin shayad wo abhi bhi sokar, nahi uthi thi. Isliye usne mera call nahi uthaya tha.

Mere do teen baar call lagane par usne mera call utha liya. Maine us se apne ghar aane ki baat jata kar call rakh diya. Iske bad, maine raj ko ghar jaane ki baat jatayi aur mai ghar ke liye nikal pada.

Kuch hi der bad mai ghar pahuch gaya. Ghar pahuch kar, maine keerti ko call laga kar, darwaja kholne ko kaha. Thodi der bad, keerti ne aakar darwaja khola aur mai uske sath andar aa gaya.

Lekin ghar ke andar ka najara dekh kar mai hairan huye bina na rah saka. Mujhe to lag raha tha ki, abhi sab so rahe hoge. Isliye maine ghar aane ke bad, doorbell bajane ki jagah, keerti ko call laga kar darwaja khulwaya tha.

Magar yaha ka najara to meri soch ke bilkul hi ulta tha. Is wakt ghar me sab kahin jaane ki taiyari karte najar rahe the. Jis vajah se ghar me kafi chahal pahal ka mahol bana hua tha.

Us se bhi badi hairani ki baat ye thi ki, is samay nikki aur nitika bhi yahi hona thi. Mai khade khade hairani se sabko dekh raha tha ki, tabhi barkha didi ne mere pas aate huye kaha.

Barkha didi boli “are, tum aate hi khade kyo ho gaye. Hum sab taiyar hai, tum bhi jakar jaldi se taiyar ho jao.”

Barkha didi ki baat sunkar, mujhe itna to samajh me aa gaya ki, shayad wo sab bhi humare sath hi ja rahe hai. Lekin ye sab kab aur kaise hua. Ye baat meri samajh me nahi aa rahi thi.

Maine bhi is samay is baat me samay gawana thik nahi samjha aur apne kamre me aakar fresh hone chala gaya. Mai jab naha kar bathroom se bahar nikla to, ami nimi mere bed par baithi thi.

Mujhe dekhte hi, nimi fauran daud laga kar bahar bhag gayi. Jabki ami wahi baithi rahi. Maine taiyar hote huye ami se kaha.

Mai bola “betu, ye nimmo mujhe dekh kar kyo bhag gayi. Kya isne subah subah koi shararat ki hai.”

Ami boli “nahi bhaiya, wo keerti didi ne hume yaha baithaya tha aur kaha tha ki, jaise hi aap naha kar bahar nikle, hum unko aakar bata de. Wo aapke liye chay lekar aa jayegi.”

Mujhe ami ki baton se samajh me to aa gaya tha ki, nimi mujhe dekh kar, is tarah kyo bhagi hai. Fir bhi maine anjan bante huye ami se kaha.

Mai bola “lekin betu, iske liye nimmo ko bhagne ki kya jarurat thi. Wo aaram se jakar bhi to keerti ko ye baat bata sakti thi.”

Ami boli “bhaiya, nimi ko laga ki, kahin us se mai jakar keerti didi ko ye baat na bata du. Isliye usne aapko dekhte hi daud laga di.”

Itna kah kar, wo khud hi apni baat par khilkhila kar hasne lagi aur uski is hansi me mai bhi uska sath dene laga. Mere taiyar hote hi keerti chay lekar aa gayi. Maine chay pee aur fir mai ami nimi aur keerti ke sath bahar aa gaya.

Mujhe dekhte hi, sab jaane ke liye uth kar khade ho gaye aur hum ghar ko taala laga kar bahar aa gaye. Lekin hum itne log ho chuke the ki, ek gaadi me nahi aa sakte the. Isliye nikki chhoti maa se ek car aur nikal lene ko kahne lagi.

Nikki ki baat sunkar, chhoti maa ne ek car aur nikal li. Lekin ab sawal ye uth raha tha ki, kaun kiske sath baithega. Kyoki sabke sab chhoti maa ke sath hi baithne le liye khade huye the.

Kyoki vaani didi se abhi bhi sabko dahshat lag rahi thi. Vaani didi ne hume gaadi me baithne ki aawaj lagayi to, maine keerti ko vaani didi ki car me chalne ishara kiya aur barkha didi ko bhi apne sath le aaya.

Hum teeno aakar vaani didi ki gaadi me baith gaye aur baki sab chhoti maa ke sath ho gaye. Hum sabke gadiyon me baithte hi, humari gadiyan siddhivinayak mandir jaane ke liye nikal padi.

Abhi subah ke 6:15 baje the, isliye raste me jyada bhid nahi thi. Hum 6:30 baje siddhivinayak mandir pahuch gaye. Lekin waha itni subah subah bhi achi khasi bhid najar aa rahi thi.

Gaadiyon ko parking me lagane ke bad, chhoti maa prasad lene lagi. Vaani didi ne bhid se bachne ke liye, chhoti maa se VIP darshan karne ki baat kahi to, chhoti maa ne unko samjhate huye kaha.

Chhoti maa boli “hum koi film dekhne nahi aaye hai ki, bhid se bachne ke liye black se ticket le le. Hum bhagwan ke darshan karne aaye hai aur bhagwan ke dar par koi chhota bada, amir garib nahi hota hai.”

“Bhagwan chhota bada, amir garib nahi dekhte. Wo to kewal bhakti bhav dekhte hai aur jo un ke darshan puri shraddha aur aashtha ke sath karta hai. Wo use apne darshano ka fal jarur dete hai.”

“Isliye hum sab bhi aam logon ki tarah hi bappa ke darshan karege. Mujhe viswas hai ki, bappa hume apne darshano ka fal jarur dege aur humari priya jaldi hi coma se bahar aa jayegi.”

Chhoti maa ki is baat ko sunne ke bad vaani didi ne kuch nahi kaha aur fir hum sab aakar darshan karne walon ki katar me khade ho gaye. Lekin darshan karne walon ki katar me lagne ke kuch hi der bad, nimi ki nautanki suru ho gayi.

Wo apne pairon me dard hone ki baat kah kar, keerti ki god me aa gayi. Ab nimi itni chhoti bhi nahi thi ki, keerti jyada der tak use apni god me le sake. Kuch hi der bad, keerti ke hath dard karne lage aur usne nimi ko nitika ki god me thama diya.

Magar kuch hi der bad, nitika ko bhi hathon me dard mehsus hone laga to, usne nimi ko nikki ki god me de diya. Lekin kuch der bad, nikki ki himmat bhi jabab de gayi aur nimi barkha didi ki god me aa gayi.

Barkha didi ko nimi ko god me lene se jyada pareshani nahi huyi. Lekin jab wo bahut der tak use god me liye rahi to, vaani didi unse nimi ko apni god me dene ki baat kahne lagi. Nimi ne jaise hi vaani didi ki god me jaane ki baat suni to, usne fauran barkha didi ki god se niche utarte huye kaha.

Nimi boli “didi, ab mere pair ka dard thik hai. Mai ami didi ke pas jati hu.”

Ye kahte huye, wo daud kar ami ke pas chali gayi aur baki sab uski is harkat ko dekhte rah gaye. Nimi ki is harkat par nitika ne bura sa muh banate huye kaha.

Nitika boli “ye nimi bhi badi ajib hai. Hum sabki god me rahkar, humare hathon me dard kar diya aur jab vaani didi ki use god me lene ki baari aayi to, uske pairon ka dard hi gayab ho gaya.”

Nitika ki ye baat sunkar, sab hasne lage aur kuch hi der me hum katar me chalte chalte bappa ke samne pahuch gaye. Hum sab ne baari baari se bappa ke darshan kiye. Fir chhoti maa ke prasad chadane ke bad hum bahar aa gaye.

Abhi sirf 8 baje the. Humare subah jaldi yaha aa jane ki vajah se hume na to jyada bhid bhad ka samna karna pada tha aur na hi hume darshan karne me jyada samay nahi laga tha.

Magar subah jaldi uthne aur nashta na karne ki vajah se ab sabko bhukh lagne lagi thi. Barkha didi nashta karne ke liye sabse ghar chalne ki baat kahne lagi. Lekin vaani didi ne unki baat kaatte huye kaha.

Vaani didi boli “nahi, hume 10 baje ke pahle hospital ke Inauguration me bhi pahuchna hai aur yadi humne ghar jakar nashta kiya to, hume hospital ke liye nikalne me der bhi ho sakti hai.”

“Isliye acha yahi hoga ki, hum yahi aas pas ke kisi restaurant me chal kar nashta kar le aur wahi se priya ko dekhte huye, naye hospital chal chalege.”

Vaani didi ki ye baat hum sabko sahi lagi. Humne pas ke hi ek restaurant me nashta kiya aur nashta karne ke bad, hum sab 9:15 baje priya ko dekhne hospital pahuch gaye.

Is samay hospital me aakash uncle, mohini aunty aur dada ji the. Dada ji aur mohini aunty bahar baithe the. Jabki aakash uncle priya ke pas the. Hum sab dada ji aur aunty se milne lage.

Unse mil lene ke bad, chhoti maa, ami nimi aur nikki priya ke pas chali gayi. Thodi der bad, chhoti maa aur ami nimi, priya ko dekh kar wapas aayi to, vaani didi aur barkha didi priya ko dekhne chali gayi.

Unke priya ke pas se lautne ke bad, keerti aur nitika priya ko dekhne gayi. Jab wo log bhi priya ko dekh kar, aa gayi to, fir mai priya ke pas pahucha. Aakash uncle uske pas baithe the aur nikki uske bed par hi baithi thi.

Lekin wo is sab bekhabar behoshi ki nind me soyi huyi thi. Uske chehre par koi bhav nahi tha. Fir bhi wo hamesha ki tarah bahut pyari lag rahi thi aur aisa lag raha tha ki, jaise wo abhi aankh khol kar mujhse baten karne lagegi.

Mai uske chehre ko dekhne me khoya hua tha ki, tabhi uski aankhon se aansu bahne lage. Uske aansu bahte dekh, uncle ne kankapati aawaj me nikki se kaha.

Aakash uncle bole “nikki beta, jaldi se nidhi ko call lagao. Ye dekho fir se priya ke aansu aa rahe hai.”

Nikki ne priya ke aansu dekhe to, uski aankhon me nami aa gayi aur usne priya ke aansu ponchhte huye uncle se kaha.

Nikki boli “uncle, nidhi didi ko call lagane ka koi fayda nahi hai. Wo pahle hi bata chuki hai ki, priya ke aansu dawaiyon ki vajah se aa rahe hai. Jab tak iska sharir koi harkat nahi karta, tab tak ye coma me hi hai.”

Nikki ki ye baat sunkar, uncle ki aankhon ne barasna suru kar diya. Wo priya ka hath apne hathon me lekar, use apni aankhon me lagaye, roye ja rahe the. Na jaane kitni baar mai unhe priya ke liye rote dekh chuka tha.

Mai pahle se is priya ke liye unke is pyar ki kadar karta tha. Lekin aaj unke in aansuon ki keemat bahut jyada bad gayi thi. Kyoki aaj unki aankh se girne wala har aansu sirf unki beti ke liye hi nahi, balki meri bahan ke liye bhi gir raha tha.

Wo roye ja rahe the aur nikki unko chup karane ki kosis kar rahi thi. Unka rona dekh kar meri aankhon me bhi nami aa rahi thi. Lekin maine apni aankhon ki nami ko saaf kiya aur uncle ko pakad ke apne sath bahar le aaya.

Mai unko dilasa dete huye bahar sabke pas le aaya aur nitika ko andar bhej diya. Uncle ki ye haalat dekh, chhoti maa aur vaani didi unko dilasa dene lagi. Unki baat sunkar, uncle ne aansu bhari aankhone se apni bebasi jahir karte huye kaha.

Uncle bole “priya meri sabse ladli beti hai aur uski hansi se mera saara ghar gunjta rahta tha. Lekin aaj uski hansi ke bina mera ghar, ghar hi nahi lagta. Maine apne inhi hathon ke jhulon me maine use jhulaya hai aur meri inhi ungaliyon ko pakad kar usne chalna seekha hai.”

“Lekin aaj ye hath itne bebas aur lachar ho gaye hai ki, apni beti ko uski nind se jaga bhi nahi pa rahe hai. Pata nahi, mere kis gunah ki saza meri is masoom beti ko mil rahi hai. Mujhse uski ye haalat dekhi nahi ja rahi hai.”

Apni baat kahte kahte uncle ke sabar ka bandh toot gaya aur bilakh kar rone lage. Unka rona dekh kar, hum sabki aankhen bhi aansuon se bheeg gayi. Dada ji ne unhe aage bad kar apne gale se laga liya aur unhe samjhane lage.

Tabhi kahin se nidhi didi aa gayi. Unko is samay yaha dekh kar, hum sabko thodi hairani ho rahi thi. Lekin wo khud bhi yaha ka mahol dekh kar kuch hairan aur pareshan si ho gayi. Un ne humare pas aate hi kaha.

Nidhi didi boli “kya hua, yaha sab thik to hai na.”

Nidhi didi ki baat sunkar, maine unhe saari baat bata di. Jise sunne ke bad, un ne uncle ko dilasa dete huye kaha.

Nidhi didi boli “uncle aap priya ki jara bhi fikar mat kijiye. Priya ki jitni fikar aapko hai. Utni hi uski fikar mujhe bhi hai. Tabhi to mai Dr. robert ke yaha pahuchte hi, unhe pahle priya ko dikhane lekar aayi hu.”

Ye kahte huye, nidhi didi ne apne sath aaye Dr. robert ka parichay uncle se karwaya aur fir wo Dr. robert ko lekar, priya ke kamre ki taraf bad gayi. Hum log bhi unke pichhe priya ke kamre tak aaye.

Lekin nidhi didi ne hum sabko bahar hi rok diya. Nidhi didi ke andar jaane ke thodi der bad, nikki aur nitika bhi bahar aa gayi. Un ne bahar aakar bataya ki, nidhi didi ke sath aaye, doctor ne un logon ko bahar bhej diya.

Iske bad, hum sab badi bechaini se nidhi didi ke bahar aane ka intejar karne lage. Karib 10 min bad, nidhi didi bahar aayi aur aakash uncle ko apne pas bulaya. Unki kuch der aakash uncle se baten hoti rahi.

Fir aakash uncle ne humare pas aakar nikki ko nidhi didi ke pas bhej diya. Nikki ke nidhi didi ke pas pahuchne par nidhi didi ne us se kuch baten ki aur fir use apne sath priya ke kamre me le gayi.

Shayad unke sathi doctor ko nikki se kuch puchna tha. Karib 10 min bad nikki bahar aayi aur chhoti maa ko apne sath bula kar le gayi. Ab andar shayad chhoti maa se mere baare me kuch puchha jana tha.

Chhoti maa ke andar jaane ke karib 15 min bad, nikki ko chhod kar, baki sab bahar nikal aaye. Chhoti maa humare pas aakar khadi ho gayi aur nidhi didi, Dr. robert ko lekar apne room me chali gayi.

______________________________

 

[Pritam.bs]

Ko To Rok Lo {Update - 213}
____________________________

Lekin nidhi didi ne hum sabko bahar hi rok diya. Nidhi didi ke andar jaane ke thodi der bad, nikki aur nitika bhi bahar aa gayi. Un ne bahar aakar bataya ki, nidhi didi ke sath aaye, doctor ne un logon ko bahar bhej diya.

Iske bad, hum sab badi bechaini se nidhi didi ke bahar aane ka intejar karne lage. Karib 10 min bad, nidhi didi bahar aayi aur aakash uncle ko apne pas bulaya. Unki kuch der aakash uncle se baten hoti rahi.

Fir aakash uncle ne humare pas aakar nikki ko nidhi didi ke pas bhej diya. Nikki ke nidhi didi ke pas pahuchne par nidhi didi ne us se kuch baten ki aur fir use apne sath priya ke kamre me le gayi.

Shayad unke sathi doctor ko nikki se kuch puchna tha. Karib 10 min bad nikki bahar aayi aur chhoti maa ko apne sath bula kar le gayi. Ab andar shayad chhoti maa se mere baare me kuch puchha jana tha.

Chhoti maa ke andar jaane ke karib 15 min bad, nikki ko chhod kar, baki sab bahar nikal aaye. Chhoti maa humare pas aakar khadi ho gayi aur nidhi didi, Dr. robert ko lekar apne room me chali gayi.

Hum sab bechaini se unke wapas aane ka intejar karne lage. Kuch der bad, wo apne kamre se bahar nikli. Unke chehre par khushi jhalak rahi thi. Un ne humare pas aakar muskurate huye kaha.

Nidhi didi boli “uncle, ek khush-khabri hai. Dr. robert to yaha sirf aaj ke liye aaye the. Lekin priya ko dekhne ke bad, un ne apna irada badal diya hai aur un ne faisla kiya hai ki, wo kuch din yahi rahkar, khud hi priya ka case dekhege.”

“Unke baare me to mai aapko pahle hi bata chuki hu ki, wo apne kisi bhi case me asafal nahi rahe hai aur ye hum sabke liye bahut khushi ki baat hai ki, un ne khud hi priya ka case apne hath me le liya hai.”

Nidhi didi ki baat sunkar, hum sabke chehre par raunak aa gayi. Wahi is baat ko sunte hi nitika ne kaha.

Nitika boli “ye sab aaj bappa ke darshan karne ka fal hai. Un ne hi Dr. robert ke man ko badal diya hoga.”

Nitika ki is baat ke jabab me nidhi didi ne muskurate huye kaha.

Nidhi didi boli “ye sach hai ki, sacche man se ki gayi prarthana kabhi bekar nahi jati aur ye bhi sach hai ki, upar wala acchhon ke sath kabhi bura nahi karta hai. Isliye viswas rakho ki, priya jaldi thik ho jayegi.”

Nidhi didi ki ye baat sunkar, sabko bahut hausla mila. Lekin mera dhyan is samay in sab baton par na hokar, chhoti maa ke upar tha. Wo priya ke kamre se bahar aane ke bad se chup chup si thi.

Abhi bhi nidhi didi ki baat se un par koi asar padte nahi dikha. Wo hum sab ke sath hote huye bhi, na jaane kis soch me khoyi huyi thi. Wo apni soch me gum thi ki, nidhi didi ne apni baat ka rukh unki taraf modte huye kaha.

Nidhi didi boli “aunty, Inauguration ka samay to kab ka ho chuka hai. Kya aap waha nahi jayegi.”

Nidhi didi ki is baat ko sunkar, chhoti maa ne chuakte huye kaha.

Chhoti maa boli “haan, haan, hum sab bhi wahi ke liye nikalne wale the ki, tabhi tum aa gayi. Ab der karna thik nahi hai, chalo chalte hai.”

Ye kah kar, chhoti maa ne aakash uncle, dada ji aur mohini aunty se jaane ki ijajat le li. Magar keerti ne humare sath aane se mana kar diya. Usne kaha ki, wo priya ke sath hi waha aayegi.

Chhoti maa ne bhi use yahi rukne ki ijajat de di. Iske bad, nikki ko bulaya gaya to, usne bhi sabse yahi baat kahi. Lekin nidhi didi ne jab use hetal didi ke baare me samajhaya to, wo humare sath chalne ko taiyar ho gayi.

Iske bad, keerti aur nitika ko priya ke pas hi chhod kar, hum sab nidhi didi ke sath naye hospital ke jaane ke liye nikal pade. Kuch hi der me hum sab naye hospital pahuch gaye.

Mai pahli baar is hospital me aa raha tha. Isliye ise dekh kar, meri aankhen khuli ki khuli rah gayi. Hospital ki imarat tees manjila hone ke sath sath, uske aas pas ka mahol bhi hospital ke hisab se hi tha.

Hospital ke ek taraf vishal samundar to, dusri taraf ek bahut bada Garden tha. Is samay Garden me achi khasi bhid najar aa rahi thi. Inauguration program usi Garden me chal raha tha.

Jis hospital me abhi priya thi, ye hospital us se char guna bada tha. Hospital ke samne gadiyon ki parking ke liye bahut badi jagah di gayi thi. Jo abhi gaadiyon se puri tarah se bhari huyi thi.

Hum bhi apni gaadiyan wahi park karne lage. Gaadi se utarte samay meri najar us parking ke pichhe bani ek aalishan imarat par padi. Jo kisi hotel se kam nahi lag rahi thi. Use dekh kar, maine barkha didi se uske baare me puchha to, un ne kaha.

Barkha didi boli “ye ek dharamshala hai. Ise bahar se aane wale marijon ko dhyan me rakh kar banaya gaya hai. Jis se ki marij ke sath aane walon ko yaha rukne me koi pareshani na ho. Yaha rukne ke sath sath khane peene ki bhi suvidha hai.”

Barkha didi se baat karte huye hum sab usi Garden me pahuch gaye. Ajay ne apne khas mehmano se humara parichay karaya. Is samay waha santri se lekar mantri tak sabhi maujud the.

Magar mere janne walo me, ajay, aman, nisha bhabhi, shikha didi, aman ki mom, chacha, chachi, seeru didi, selu didi, aru, hetal didi, hetal didi ki mom, dhiru shah, abhay, khalid aur ajay aman ke kuch rishtedar ke alawa koi nahi tha.

Isliye mai chhoti maa ko sabse milta chhod kar, shikha didi ke pas aa gaya. Meri shikha didi se baat chal rahi thi ki, tabhi seeru didi aur hetal didi aa gayi. Hetal didi ne muskurate huye mujhe apne gale se laga liya.

Ami nimi unko dekh kar, thoda ghabra rahi thi aur unki is ghabrahat ko dekh kar, mai unka parichay hetal didi se karwane se bach raha tha. Kyoki mai ami nimi ki kisi harkat ki vajah se hetal didi ke dil ko chot pahuchana nahi chahta tha.

Lekin hetal didi ki najar ami nimi par pad gayi aur un ne khud hi mujhse unke baare me puchh liya. Aakhir me majbur hokar, maine unka parichay ami nimi se karwate huye kaha.

Mai boli “didi, ye ami nimi hai.”

Iske sath hi maine ami nimi ko bhi hetal didi ka parichay dete huye kaha.

Mai bola “betu, chhoti ye hetal didi hai.”

Mere muh se hetal didi ka naam sunte hi, ami nimi ka saara dar bhag gaya aur unke chehre par muskurahat aa gayi. Unke chehre par muskurahat dekh kar, mera chehra bhi fir se khil utha.

Asal me unke is dar ke bhag jaane ki do vajah thi. Pahli sabse jaruri vajah to ye thi ki, yaha walon ke bheje gaye, gift aur khilono me se unhe sabse jyada, hetal didi ke bheje huye khilone hi pasand aaye the.

Jabki dusri vajah ye thi ki, wo video me hetal didi ko pahle hi dekh chuki thi. Us samay mai unko bata chuka tha ki, tumko itne pyare gift bhejne wali hetal didi yahi hai aur jaldi hi surgery se inka ye chehra thik ho jayega.

Us samay to un dono ne bhi bade josh me kah diya tha ki, chehra kharab hone se kya hota hai. Humari sabse achi didi to yahi hai. Lekin yaha achanak unko apne samne dekh kar, wo shayad unhe pehchan nahi payi aur ghabra gayi.

Magar jab unhe hetal didi ka naam pata chala to, unka dar khud-ba-khud bhag gaya aur unke chehre par muskurahat aa gayi. Magar yaha bhi nimi apni harkat se baaj nahi aayi. Usne hetal didi ke samne apna rona rote huye kaha.

Nimi boli “didi, aapne ami didi ko kitni achi nachne wali gudiya di hai. Lekin mujhe dhol bajane wala, aisa gudda diya hai ki, wo dhol bajate bajate hi gir jata hai aur sab mera majak udate hai.”

Nimi ki baat sunkar, sab hasne lage aur hetal didi ne uske samne baith kar, pyar se uske sar par hath ferte huye kaha.

Hetal didi boli “tum fikar mat karo. Mai tumhe us se bhi pyari gudiya dungi.”

Hetal didi ki baat sunte hi, nimi ne khush hote huye kaha.

Nimi boli “didi, jaldi se de dena. Nahi to aap hospital me…….”

Abhi nimi apni baat puri bhi nahi kar payi thi ki, tabhi seeru didi ne use apni god me utha liya. Ye dekh kar hetal didi ne, seeru didi ko tokte huye kaha.

Hetal didi boli “are use kaha le ja rahi ho. Use uski baat to puri karne do.”

Lekin seeru didi ne unki baat ko ansuna karte huye kaha.

Seeru didi boli “are ye jab se aayi hai, tum se hi batiaaye ja rahi hai. Is se thoda mujhe bhi to baat karne do. Tab tak tum punnu se apni jaruri baat ko pura kar lo.”

Ye kahte huye, seeru didi ne ami ko apne sath aane ka ishara kiya aur un dono ko humare pas se door lekar chali gayi. Hetal didi ko seeru didi ki ye harkat samajh me nahi aayi aur wo hairani se unhe dekhti rah gayi.

Lekin mai unki is harkat ko samajh chuka tha. Asal me nimi shayad baton baton me hatel didi ke bharti hone ki baat bolne wali thi. Jise wakt rahte seeru didi ne bolne se rok diya tha aur isi vajah se wo unhe hum se door le gayi thi.

Hetal didi ko is tarah hairan dekh kar, maine baat ka rukh apni taraf modte huye kaha.

Mai bola “didi, wo log abhi wapas aa jayegi. Aap ye bataiye ki, aapko mujhse kya jaruri baat karni hai.”

Meri baat sunkar, hetal didi ka dhyan seeru didi ki taraf se hat gaya aur un ne muskurate huye kaha.

Hetal didi boli “pahle tum ye batao ki, tum kitne din ke liye yaha aaye ho. Tab hi mai tumhe apni baat bataugi.”

Mai unki baat ka matlab samajh raha tha. Fir bhi maine anjan bante huye kaha.

Mai bola “didi, mai to hospital ke Inauguration ke liye aaya hu aur iske bad chala jauga.”

Hetal didi boli “tab tum apna jaana kuch din ke liye taal do.”

Mai bola “kyo didi.”

Hetal didi boli “kyoki kal meri surgery hone wali hai. Aise me tumhe ek do din to mere pas rukna hi padega.”

Hetal didi ki ye baat sunkar, maine bhi thoda nakhra karte huye kaha.

Mai bola “nahi didi, mai to yaha khud se aaya hu. Aapne to mujhe ye baat batane ki jarurat hi nahi samjhi. Yadi mai yaha nahi aaya hota to, mujhe ye baat pata bhi nahi chalti aur aapki surgery bhi ho gayi hoti.”

Meri baat sunte hi, hetal didi ne kasam khate huye kaha.

Hetal didi boli “are nahi nahi, mai tumko call karne hi wali thi. Tabhi nisha bhabhi ne bataya ki, tum yaha aa rahe ho. Tumko chaukane ke liye hi, humne ye baat abhi tak chhupa kar rakhi thi.”

“Lekin ab yadi tumne meri surgery ke pahle yaha se jaane ki baat sochi bhi to, mai surgery se sach me bhag jaugi aur tum jante ho ki, mere liye aisa karna koi badi baat nahi hai.”

Unki ye baat sunkar, mujhe man hi man hansi aa gayi. Kyoki isi dar ki vajah se to, sab unse priya ki baat ko chhupa kar rakhe huye the. Maine unki is baat ko sunkar, unhe yakin dilaya ki, mai unki surgery ke bad bhi yahi rukuga.

Iske bad, meri unse isi baare me baat chalti rahi. Tabhi nidhi didi hume bulane aa gayi. Ab karyakram ke mukhya-atithi hospital ka lokarpan karne wale the. Hum sab unhi ke pas aakar khade ho gaye.

Un ne taaliyon ki gadgadahat ke bich ke sang-marmar ke shila-lekh ka anavran kiya aur fir se taliyon ki gadgadahat goonj gayi. Lekin jaise hi meri najar shila-lekh par likhe hospital ke trustees ke naam par padi, mai chauke bina na rah saka.

Hospital ke trustees me mera naam bhi likha hua tha. Trustees me apna naam dekh kar maine chaukte huye nisha bhabhi se kaha.

Mai bola “bhabhi ye sab kya hai. Hospital ke trustees me mera naam kyo likha hua hai.”

Meri baat sunkar, nisha bhabhi ne muskurate huye kaha.

Nisha bhabhi boli “tum trustees me shamil ho. Isliye tumhara naam likha hua hai. Tum pure naam pado, tumhe aur bhi naye naam najar aayege.”

Nisha bhabhi ki baat sunkar, mai ek baar fir se hospital trustees ka naam padne laga. Trustees me sabe pahle Ajay, fir Aman, fir Nisha bhabhi, Fir Shikha didi, fir Nidhi didi, fir Barkha didi, fir Hetal didi, fir Seeru didi, fir Selu didi, fir Aru, fir Nikki, fir priya aur sabse aakhiri me mera naam tha.

Pahle hospital ke 7 trustees banaye gaye the. Jinme ki ajay aur aru ka naam joda jaana tha. Lekin ab hospital ke 13 trustees the. Jinme ajay aur aru ke sath sath, nidhi didi, nikki, priya aur mera naam bhi jod diya gaya tha.

Mujhe usme kisi ke naam par koi aetraj nahi tha. Lekin fir bhi apna aur priya ka naam jode jaane par kuch ajib jarur lag raha tha. Maine apni is hairani ko nisha bhabhi par jahir karte huye kaha.

Mai bola “bhabhi, isme baki naam to thik hai. Lekin isme mera aur priya ka naam kyo joda gaya hai.”

Nisha bhabhi boli “priya nikki ki saheli hai aur uska naam nikki ke kahne par joda gaya tha. Isliye priya ka naam dekh kar tumko hairan hone ki jarurat nahi hai. Haan tum apne naam ka jarur puchh sakte ho ki, wo kiske kahne par joda gaya.”

Mai bola “isme puchhna kya hai. Mera naam shikha didi ya barkha didi ke kahne par joda gaya hoga.”

Meri baat sunkar, nisha bhabhi ne muskurate huye kaha.

Nisha bhabhi boli “nahi, tumhara naam hum me se kisi ke kahne par nahi joda gaya. Asal me tumhare jaane ke bad, hum sab tumhari hospital ka naam badalne ki baat par charcha kar rahe the.”

“Shikha aur barkha to is baat par apni sahmati de chuki thi. Lekin alka aunty se is baare me baat karna baki rah gaya tha. Jab humne unse is baare me baat ki to, un ne bhi is par koi aetraj nahi jataya.”

“Un ne sirf itna kaha ki, unhe hospital ka naam shekar ke naam par na rakhe jaane se koi aetraj nahi hai. Lekin wo chahti hai ki, punnu unke bete jaisa hai aur usne shekhar ki jagah, shikha ke bhai ka farz nibhaya hai.”

“Yadi is hospital me kisi tarah se usko bhi jod liya jaye to, unhe behad khushi hogi. Unki ye baat sunkar, hum sabke chehre khushi se khil uthe aur aman ne tumhara naam trustees me jode jaane ki baat rakh di.”

“Tumhara naam trustees me naam jode jaane ke bad, ajay, aru aur nikki ka naam bhi wapas trustees me jode jaane ki baat chal rahi thi ki, tabhi barkha ne nidhi ka aur nikki ne priya naam jodne ki baat rakh di.”

“Priya ka naam trustees jode jaane ki sahmati humne aakash uncle se le li thi. Jabki tumhara naam jode jaane ki sahmati seeru ne sunita aunty se li thi. Is tarah ye saare naam sabki sahmati se hi jode gaye hai.”

Nisha bhabhi ki is baat se yaad aaya ki, jab yaha se jaane ke bad, hum mehul ke ghar me the, tab seeru didi ne chhoti maa se baat karke, unka gussa shant kiya tha. Shayad yahi baat karke un ne chhoti maa gussa shant kiya tha.

Lekin nikki ka naam wapas jode jaane ki baat meri samajh me nahi aa rahi thi. Kyoki nisha bhabhi ne pahle jin 7 trustees ke naam bataye the, unme nikki ka naam nahi tha. Maine jab nisha bhabhi ke samne ye baat baat rakhi to, un ne kaha.

Nisha bhabhi boli “nikki ka naam pahle trustees me shamil kiya jaana tha. Lekin jab ajay aur aru ka naam usme shamil nahi kiya gaya to, nikki ne bhi apna naam shamil karne se mana kar diya tha.”

Meri nisha bhabhi se baat chal rahi thi ki, tabhi shikha didi mere pas aa gayi aur meri unse baat hone lagi. Ab sabhi log hospital me the aur aman sabko hospital me pradan ki jaane wali suvidhaon ke baare me bata raha tha.

Is sabke chalte chalte 1 baj gaya aur logon ka jaana suru ho chuka tha. Kuch hi der me kuch khas logon ko chhod kar, baki log ja chuke the. Ab aman naye hospital ke doctor aur nurse se charcha kar raha tha aur unhe kuch jaruri nirdesh de raha tha.

Jab aman ka sabko nirdesh dena ho gaya to, wo humare pas aa gaya aur hetal didi se ghar jakar aaram karne ko kahne laga. Magar hetal didi hum sabko chhod kar ghar jaane ko taiyar nahi ho rahi thi.

Tab aman ne mujhse aur seeru didi se hetal didi ke sath ghar jaane ko kaha. Hum aman ke aisa karne ka matlab samajh rahe the. Isliye hum bina koi sawal jabab kiye, hetal didi ke sath jaane ko taiyar ho gaye.

Nisha bhabhi humse ami nimi ko apne sath ghar le jaane ko kahne lagi. Jiske bad, mai, ami nimi, seeru didi aur hetal didi ghar ke liye nikal gaye. Aman ke ghar pahuch kar, hum sab yaha waha ki baten karte rahe.

Isi bich hum logon ne ek sath me khana khaya. Fir 5 baje ke bad selu didi, aru, aman aur nisha bhabhi ghar wapas aa gayi. Un ne bataya ki priya ko naye hospital me shift kar diya gaya aur ab hum log waha ja sakte hai.

Nisha bhabhi se ijajat milne ke bad, mai seeru didi aur ami nimi ke sath hospital aa gaya. Priya ka room hospital ke 25th floor par tha. Hum log sidhe 25th floor par pahuch gaye.

Priya is samay jis room me thi, use dekh kar, lag hi nahi raha tha ki, wo is samay kisi hospital me hai. Uska room kisi hotel ke suite se kam nahi lag raha tha. Is samay priya ke pas sabhi log maujud the.

Ajay un se kuch baat kar raha tha aur kisi ne bhi hume aate huye nahi dekha tha. Lekin tabhi priya ki aankhon se fir aansu bahne lage aur priya ke aansu dekhte hi, ek ek karke, sabki najar khud-ba-khud darwaje ki taraf badti chali gayi.

______________________________

 

[Pritam.bs]

Ko To Rok Lo {Update - 214}
____________________________

Tab aman ne mujhse aur seeru didi se hetal didi ke sath ghar jaane ko kaha. Hum aman ke aisa karne ka matlab samajh rahe the. Isliye hum bina koi sawal jabab kiye, hetal didi ke sath jaane ko taiyar ho gaye.

Nisha bhabhi humse ami nimi ko bhi apne sath ghar le jaane ko kahne lagi. Jiske bad hum ami nimi ko apne sath lekar, hetal didi ke sath ghar ke liye nikal pade. Aman ke ghar pahuch kar, hum sab yaha waha ki baten karte rahe.

Isi bich hum logon ne ek sath me khana khaya. Fir 5 baje ke bad selu didi, aru, aman aur nisha bhabhi ghar wapas aa gayi. Un ne bataya ki priya ko naye hospital me shift kar diya gaya aur ab hum log waha ja sakte hai.

Nisha bhabhi se ijajat milne ke bad, mai seeru didi aur ami nimi ke sath hospital wapas aa gaya. Priya ka room hospital ke 25th floor par tha. Hum log sidhe 25th floor par pahuch gaye.

Priya is samay jis room me thi, use dekh kar, lag hi nahi raha tha ki, wo is samay kisi hospital me hai. Uska room kisi hotel ke suite se kam nahi lag raha tha. Is samay priya ke pas sabhi log maujud the.

Ajay un se kuch baat kar raha tha aur kisi ne bhi hume aate huye nahi dekha tha. Lekin tabhi priya ki aankhon se fir aansu bahne lage aur priya ke aansu dekhte hi, ek ek karke, sabki najar khud-ba-khud darwaje ki taraf badti chali gayi.

Mujhe sabka is taraf se mujhe dekhne ka matlab samajh nahi aa raha tha. Isliye mai bhi sabko hairani se dekhe ja raha tha. Tabhi aakash uncle ne meri taraf ishara karte huye nidhi didi se kaha.

Uncle bole “ab to aap logon ne khud dekh liya na ki, kaise punit ke aate hi, priya ki aankhon se aansu bahne lage. Kya ab bhi aapko lagta hai ki, priya ki aankhon se aansu dawaiyon ki vajah se aa rahe hai.”

Uncle ki is baat ko sunkar, nidhi didi ne thoda gambhir hote huye kaha.

Nidhi didi boli “uncle, hum ye baat pahle se hi jante hai ki, priya ke aansu punit ki vajah se hi nikal rahe hai aur is baare me meri Dr. robert se bhi charcha ho chuki hai. Un ne bhi is baat par apni sahmati de di hai.”

“Humne aap logon se ye baat sirf isliye kahna thik nahi samajha. Kyoki kahin aapko ye na lage ki, jis ladki ko aapne itne saal tak pala hai. Use aap me se kisi ke bhi hone ka koi aehsas nahi hai.”

“Magar wo coma ki haalat me bhi apne judwa bhai ke aane ka aehsas kar leti hai aur uske aate hi, aansu bahana suru kar deti hai. Is baat se aapke dil ko koi chot na pahuche. Bas isi vajah se humne ye baat aap logon se nahi kahi thi.”

Nidhi didi ki ye baat sunkar, aakash uncle ne un se kaha.

Uncle bole “nidhi beta, tum ye kaisi baat kar rahi ho. Mai judwa bacchon ki khasiyat ko acchi tarah se janta hu. Kuch judwa bacche to aise bhi hote hai, jinhe apne judwa ko lagi chot ka aehsas tak hota hai.”

“Bas isi vajah mai is baat par jor de raha tha ki, priya bhale hi coma me ho. Lekin use punnu ke aane ka kuch na kuch aehsas jarur hota hai aur tum logon ko is baat ko andekha nahi karna chahiye.”

Uncle ki baat sunkar, ajay ne unko samjhate huye kaha.

Ajay bola “uncle, aapki baat bahut had tak sahi hai. Lekin aap judwa bacchon ki jis khasiyat ki baat kar rahe hai. Wo sirf ek-saman judwa (Identical twins) me hi dekhne ko milti hai.”

“Jab maa ke pet me bhruna (Embryo) banne wala anda kisi kaas paristithi, me bhruna (Embryo) banne ke pahle hi, do hisso me vibhajit ho jata hai to, ek hi ande se do bhruno ka vikas hona suru ho jata hai.”

“Is tarah ek hi ande se bane judwa bacchon ko ek-saman judwa (Identical twins) kahte hai. Aise bacchon ke chehro aur unki harkaton me bahut jyada samanta dekhne ko milti hai.”

“Lekin ek-saman judwa (Identical twins) hamesha ek hi ling ke hote hai. Wo ya to ladke ladke hi ho sakte hai ya fir ladki ladki ho sakte hai. Ek ladka ek ladki kabhi ek-saman judwa (Identical twins) nahi hote hai.”

“Priya aur punnu asaman judwa (Fraternal twins) hai. Jab maa ke pet me ek hi samay me do alag alag ando se, do bhruna (Embryo) ka vikas hota hai to, use asaman judwa (Fraternal twins) kahte hai.”

“Asaman judwa (Fraternal twins) bacche ek saman ling ke bhi ho sakte hai aur alag alag ling ke bhi ho sakte hai. Aam taur par aise bacchon ke chehro aur unki harkaton me koi samanta dekhne ko nahi milti hai.”

“Magar ye judwa bacche hi ek sath ek hi samay me apni maa ke garbha me rahte hai. Isliye inki 50 pratishat aadaten aur harkaten aapas me milti hai. Lekin priya hume is baat ka apwad banti najar aa rahi hai.”

“Uske dimag ne puri tarah se kaam karna band kar diya hai. Lekin uska dil dhadak raha hai aur achi tarah se kaam bhi kar raha hai. Uska dil hi use punnu ke uske pas hone ka aehsas karata hai aur uske aansu nikalna suru ho jate hai.”

“Is tarah ki baten aksar ek-saman judwa (Identical twins) bacchon me hi dekhne ko milti hai aur asaman judwa (Fraternal twins) baccho me aisi koi baat kabhi dekhne ko nahi milti hai.”

“Magar priya ke sath aisa hone ki vajah shayad uske dil ka sharir ke bayen taraf (left side) hone ki jagah dahini taraf (right side) hona bhi ho sakta hai. Jis vajah se uske dil ko maa ke pet se hi punnu ke dil ko mehsus karne ki aadat pad gayi hai.”

Itna bol kar, ajay chup ho gaya. Lekin uski baat sunkar, chhoti maa, keerti aur mai use hairani se dekhne lage. Chhoti maa ne ajay ke pas aate huye kaha.

Chhoti maa boli “priya ke dil ke dahini taraf (right side) hone se kya matlab hai. Kya priya ka dil hum sabki tarah nahi hai. Kya use is se koi khatra hai.”

Chhoti maa ki is baat ko sunkar, ajay ne unhe dilasa dete huye kaha.

Ajay bola “aunty, priya ka dil hum sabki tarah sharir ke bayen taraf (left side) na hokar, uske sharir ke dahini taraf (right side) me hai. Aisa hajaron logon me se kisi ek insan me hi dekhne ko milta hai.”

“Priya ka dil bimari ki vajah se kamjor jarur hai. Lekin uska dil achi tarah se kaam kar raha hai. Apne dil ki vajah se use koi khatra nahi hai. Wo apne iradon ki bahut majbut ladki hai aur uski yahi baat uske kamjor dil ko bhi majbut banati hai.”

“Hum sabke sharir se ek mansik tarang nikalti hai. Lekin hum ek dusre ki tarango ko mehsus nahi kar pate hai. Magar ek-saman judwa (Identical twins) bacchon me ek dusre ki mansik tarango ko mehsus karne ki takat hoti hai.”

“Bilkul wo hi takat hume priya me bhi dekhne ko mil rahi hai. Uska dil punnu ke sharir se nikalne wali tarango ko mehsus kar leta hai. Aksar kisi sadme ka asar humare dil par padta hai aur hume dil ka daura pad jata hai.”

“Lekin priya ne jab punnu ke sath huye hadse ki news dekhi to, iska asar sirf uske dimag par pada aur uske dimag ne kaam karna band kar diya. Magar is news ka koi asar uske dil par nahi pada.”

“Kyoki kahin na kahin priya ke dil ko is baat ka pura aehsas tha ki, punnu ko kuch bhi nahi hua hai aur isi vajah se uska dil apna kaam karta raha. Abhi bhi jab punnu uske karib aata hai to, uske dil ki dhadkane bahut jyada bad jaati hai.”

“Uska dil punnu ko apne pas pana chahta hai. Lekin uske dimag ke kaam na karne ki vajah se bebasi me uske aansu nikalne lagte hai. Is samay wo khud se hi ek jang ladne me lagi huyi hai.”

“Dr. robert ko ye saari baten humne vistar se bata di hai aur aaj se un ne priya ka ilaj suru bhi kar diya hai. Unka kahna hai ki, yadi sab kuch unke mutabik chalta raha to, priya jaldi hi coma se bahar aa jayegi.”

Ajay ki baat sunkar, sabke chehre par ummid ki ek kiran jagmaga uthi. Lekin priya ki haalat ko jaan kar, mera dil rone ko kar raha tha. Apna dhyan is baat par se hatane ke liye, maine baat badalte huye chhoti maa se kaha.

Mai bola “chhoti maa, vaani didi yaha dikhayi nahi de rahi hai. Wo kaha gayab hai.”

Meri baat sunkar, chhoti maa ne muskurate huye kaha.

Chhoti maa boli “wo abhi aur uske papa ko lene airport gayi hai.”

Chhoti maa ki baat sunte hi, maine chaukte huye kaha.

Mai bola “kya jiju yaha aa gaye hai. Lekin vaani didi ne ye baat pahle kyo nahi batayi. Mai bhi unke sath jiju ko lene chala jata. Vaani didi ki ye baat jara bhi achi nahi hai.”

Abhi mai itna hi bol paya tha ki, tabhi mujhe vaani didi ki aawaj sunayi di.

Vaani didi boli “kise meri kaun si aadat achi nahi lagti hai.”

Vaani didi ki aawaj sunte hi, sabki najar darwaje ki taraf chali gayi. Wo abhi jiju aur unke pitaji ke sath aa rahi thi. Maine unhe dekha to, dekhta hi rah gaya. Wo white color ke suit me bilkul kisi hero ki tarah dikh rahe the.

Maine ab tak unhe sirf photo me hi dekha tha aur unka photo dekh kar hi, mai unhe vaani didi ke liye pasand bhi kar chuka tha. Meri abhi un se ek do baar phone par baat ho chuki thi. Lekin unhe apne samne dekhne ka ye mera pahla mauka tha.

Un ne aate hi, chhoti maa ke pair chuye aur fir priya ko dekhne, uske pas chale gaye. Vaani didi ne unhe priya ki tabiyat ke baare me bataya aur fir unka sabse parichay karwane lagi. Abhi jiju ne sabse milne ke bad, nidhi didi se kaha.

Abhi jiju bole “mujhe vaani ne bataya tha ki, priya ka ilaj Dr. robert karege. Isliye maine Dr. robert ke yaha aane ke pahle hi, un se yaha rah kar, priya ka ilaj karne ke baare me baat kar li thi. Ab Dr. robert yahi rah kar priya ka ilaj karege.”

“Iske bad bhi yadi aap logon ko priya ke ilaj ke liye USA to kya, duniya ke kisi bhi kone se, kisi chij ki jarurat ho to, aap behichak hokar mujhe kah sakte hai. Mai palak jhapakte hi, use aapke samne hajir kar duga.”

Abhi abhi jiju ki baat puri bhi nahi ho payi thi ki, tabhi na jaane vaani didi ko kya hua ki, unke tevar achanak hi badal gaye. Un ne gusse me bhadakte huye abhi jiju se kaha.

Vaani didi boli “ye log pichhle char din se priya ke liye raat din ek kar rahe hai aur tum ne aate hi, apni baton se inhe nicha dikhana suru kar diya. Mujhe tumse aisi baat ki jara bhi ummid nahi thi.”

“Ye jo ajay tumhare samne khada hai, iski ginti desh ke top 5 udyogpation me hoti hai. Abhi tum jis hospital me khade ho. Ye hospital bhi ajay ka hi hai. Priya ke liye ajay ke pyar ka andaz isi baat se lagaya ja sakta hai ki, usne priya ko bhi is hospital ke trustees me shamil kiya hai.”

“Ye hi nahi, yadi tum daulat ki baat karo to, priya ki chhoti maa ki daulat me itne zero hai ki, yadi tumhari aur ajay ki saari daulat ko bhi mila diya jaye to, wo priya ki chhoti maa ki daulat se ek zero ko bhi kam nahi kar sakti.”

“Wo priya ke ilaj ke liye USA to kya, duniya ke kisi bhi kone se, kuch bhi palak jhapakte hi manga sakti hai. Lekin unhe priya ke ilaj me kahin koi kami najar nahi aa rahi hai. Isliye wo is mamle khamosh hai.”

Itna kah kar, vaani didi chup ho gayi. Unki is baat ne waha khade sabhi logon ki bhi bolti band kar di thi. Vaani didi ki is baat se abhi jiju aur unke pita ji ka chehra bhi chhota sa ho gaya tha.

Vaani didi ke swabhav ko sabhi ache se jante the. Unko kisi baat ko samjhane ki kosis karna, sirf unke gusse ko badana hi tha. Isliye hum me se koi bhi, unko samjhane ki himmat nahi kar pa raha tha.

Chhoti maa, ajay aur baki logon ko bhi samajh me nahi aa raha tha ki, is mahol ko kaise fir se pahle jaisa banaya jaye. Tabhi keerti ne seeru didi ko kuch karne ka ishara kiya. Jiske bad, seeru didi ne hans kar, taali peette huye abhi jiju se kaha.

Seerat boli “wah jiju, aapne bhi kya khoob vaani didi ko bevkuf banaya hai. Unki to samajh me hi nahi aaya ki, hum sab mile huye hai aur unko gussa dilane ke liye hi ye natak kar rahe the.”

Seeru didi ki ye baat sunte hi, sab seeru didi ki taraf dekhne lage. Lekin seeru didi ne ulte sabki taraf sawal dagte huye kaha.

Seerat boli “are aap logon ko kya ab bhi samajh me nahi aaya ki, abhi jiju sirf vaani didi ko gussa dilane ke liye ye natak kar the. Un ne pahle hi, call karke, ye baat humko bata di thi. Yadi aapko meri baat par yakin na ho to, keerti se puchh lo. Jiju ne usko hi call kiya tha.”

Seeru didi ki is baat ko sunkar, sab keerti ki taraf dekhne lage. Keerti ne bhi fauran seeru didi ki baat par haan me haan mila di. Jiske bad sabke chehre par hansi wapas aa gayi.

Sabko ache mood me dekh kar, abhi jiju ke chehre par bhi rahat aa gayi. Wahi vaani didi ka chehra aisa ho gaya. Jaise ki unhe sach me kisi ne bevkuf bana diya ho. Kuch der seeru didi isi mamle ko suljhane me lagi rahi.

Jab sab kuch pahle ki tarah ho gaya to, abhi jiju ne is baat ko sambhalne ke liye, keerti aur seeru didi ko thanks bola. Kuch der bad vaani didi, abhi jiju aur unke pitaji ko apne sath lekar chali gayi.

Unke jaane ke bad, nidhi didi, ajay, shikha didi bhi chale gaye. Fir 7 baje ke bad, chhoti maa, barkha didi aur keerti bhi ami nimi ke sath ghar chale gaye. Raat ke 10 baje tak sab ghar ja chuke the.

Ab hospital me mai, riya aur raj hi the. Aaj hum sab ghar me hi khana kha kar aaye the. Isliye hume kisi ke aane ki ummid nahi thi. Lekin aaj bhi ajay raat 10:30 baje aa gaya aur raat ko 12:30 baje ghar wapas chala gaya.

Ajay ke jaane ke bad, hum teeno priya ke pas hi rahe. Lekin aaj mere aur raj ke priya ke pas hi rahne ki vajah se riya so gayi thi. Nind to mujhe aur raj ko bhi bahut jyada sata rahi thi.

Magar ek dusre se baat karte rahne ki vajah hume jaagne me jyada pareshani nahi ho rahi thi. Bas aise hi baat karte karte subah ke 7 baj gaye. Subah hote hi, aakash uncle aur nikki aa gaye.

Aaj Sunday tha aur aaj hetal didi ki surgery bhi hona thi. Isliye mujhe aaj din bhar hospital me hi rukna tha. Nikki logon ke aate hi, mai unko jata kar, fresh hone ke liye ghar aa gaya.

Ghar aane ke bad, maine fresh hua aur taiyar hone laga. Mere taiyar hote hi, keerti chay nashta lekar aa gayi. Maine keerti se baat karte huye, chay nashta kiya aur fir mai keerti ke sath kamre se bahar aa gaya.

Chhoti maa, vaani didi, barkha didi aur ami nimi pahle se hi taiyar baithi thi. Mere aate hi wo uth kar khadi ho gayi aur fir 8:15 baje hum sab hospital jaane ke liye nikal pade.

Humare pchuchne ke kuch hi der bad, hetal didi ki surgery suru ho gayi. Unki surgery 3 baje tak chali. Surgery ho jaane ke bad, unko priya ke pas wale room me hi, shift kar diya gaya.

Unko room me shift karne ke bad, mai ami nimi aur keerti ke sath 3:30 baje ghar aa gaya. Aaj abhi jiju ko wapas bhi jaana tha. Lekin ab mujhe bahut nind sata rahi thi. Isliye mai ghar wapas aate hi so gaya.

Fir meri nind 9:30 baje keerti ke jagane par khuli. Usne mujhe bataya ki, abhi jiju aur unke pitaji sham ki flight se ja chuke hai. Keerti se thodi bahut baat karne ke bad, mai fresh hone chala gaya.

Fresh hone ke bad, mai taiyar hua aur fir sabke sath, dinner karne baith gaya. Dinner ke bad, mai 10:30 hospital pahuch gaya. Hospital pahuchte hi, mai sabse pahle hetal didi se milne unke pas gaya. Unhe abhi bhi hosh nahi aaya tha.

Is samay unke pas unki mummy, seeru didi, selu didi, aru, aur shikha didi thi. Unse milne ke bad, mai priya ke pas aa gaya. Priya ke pas is samay aakash uncle, padmini aunty, ajay, nikki, nitika, riya aur raj the.

Mere pahuchne ke kuch hi der bad, aakash uncle, padmini aunty aur nitika ke sath ghar wapas chale gaye. Unke jaane ke kuch hi der bad, selu didi, aru, aur shikha didi bhi ajay ke sath ghar wapas chali gayi.

Ab hospital me hetal didi ke pas unki mummy, seeru didi aur nikki thi. Jabki priya ke pas mai, raj aur riya the. Lekin bich bich me seeru didi, nkki, riya, raj aur mai is karme se us kamre me hote rahte the.

Raat ko 1 baje ke bad, hetal didi ko hosh aa gaya. Unke hosh me aate hi, mai unse jakar mila. Maine unhe bataya ki, ajay ne humare rukne ke liye ek kamra khulwa diya hai aur hum usi me ruke huye hai.

Meri ye baat sunkar, wo bahut jyada khush huyi. Iske bad hum sab thodi thodi der me yaha se waha hote rahte the. Hetal didi dawaiyon ke asar ki vajah se jyadatar samay soti hi rahi.

Aise hi karte karte raat beet gayi aur subah ke 7 baj chuke the. Aaj Monday tha aur priya ke coma me rahne ka 6wan din tha. Lekin usne ab tak apne aansu bahane ke siwa, koi bhi harkat nahi ki thi.

Mai isi baare me soch raha tha ki, tabhi uncle aur nitika aa gaye. Maine unko ghar jaane ki baat jatayi aur hetal didi se milne aa gaya. Hetal didi se milkar, maine unhe sham ko aane ki baat jatayi aur mai ghar aa gaya.

Mai jab ghar pahucha to, keerti ne mujhe chay lakar di. Mai chay peene laga to, keerti ne mere samne aaj ka akhbar rakh diya. Akhbar dekhte hi, mai samajh gaya ki, aaj Monday hone ki vajah se wo mujhe akhbar de rahi hai.

Mai chay peete peete akhbar me Tripti ki rachna dudne laga. Lekin pura akhbar dekh lene ke bad bhi, mujhe kahin bhi Tripti ki rachna najar nahi aayi aur maine mayus hokar akhbar ko ek kinare rakh diya.

Aaj ke akhbar me Tripti ki rachna ko na pakar, ab mujhe bhi keerti ki ye baat sahi lagne lagi thi ki, priya hi tripti hai. Lekin mera dimag abhi bhi is baat ko manne ke liye taiyar nahi tha.

______________________________