Fantasy Vengeance ~ Revenge is sweet [ᏚᎩᏚᎢᎬᎷ]

[nazmin]

लाजवाब

 

[ckkhandu]

awesome update bro

 

[Vk248517]

UPDATE 80 ~
(MOTHER'S LOVE)​

Abandoned Factory
Mumbai Outskirts ~ 5:59 PM


*Cough*


Abhi Tarun Akansha ko potion pila he raha tha ke Akansha khansane lagi, Uske muh se khoon nikalne laga, Lekin uski saanse abhi bhi chal rahi thi.


Carlson: Strange! Aisi halat me bhi potion kaam ker raha hai? Higher grade ka potion hai.....*Smug*.....Lekin abhi bhi ye ladki bach nahi sakti.


Tarun: Huh?


Sora: Poison uski puri body me fail gaya hai! Uske organs bhi poison se affect ho gye hai, Agar tum uski body heal ker bhi rahe ho to uske paas 10-15 minute se zyada samay nahi hai.


Tarun: Lekin tumhare paas antidote hai na?


Carlson (Smile): Nope! Ye sab se deadly poison hai, Iska kabhi antidote bana he nahi hai.


Akansha(Whisper): T......Tarun!


Tarun(Sniff): Agar hum abhi samay per association pohanche to tum bach sakti ho! Unke paas poison nullification ability wale player ho gye....... I'm sure wo kuch na kuch ker sakte hai.


Tarun bina samay barbad kiye Akansha ko uthane laga, Lekin Akansha ne uska haath pakad ker rok diya, Tarun uski taraf herani ke saath daikhne laga, Akansha ki aankhe aansuon se bhari huwi thi.

​

Akansha: That's it for me! *gasping* I-I... can feel it... the poison... spreading! Hum association se bohat dur hai......Bhaagna ho ga....You have to... get out of here, Tarun! Save yourself.


Akansha ki skin rang badalne lagi thi, Uski halat bigad rahi thi, Uske liye kaafi der ho gayi thi, Ye baat Tarun ko bhi pata lag gayi thi, Lekin phir bhi wo Akansha ko chhod nahi raha tha.


Tarun ke haath kaanpne shuru ho gye the aur uski aankhe bhi aansuon se bheeg gayi thi, Akansha uske kandhe per haath rakh ker uske chehre ki taraf daikhne lagi.


Akansha(Whisper): Please....Run! Main bache huwe Mana se tumhare liye portal bana deti hu, Utna dur to nahi ban sake ga, Lekin tum phir bhi bach sakte ho.



Alex(Grin): Aur tujhe kya lagata hai hum ye karne de gye?......Bohat ho gaya, Yanha ab aur maza nahi aa raha......main sab kuch khatam karne wala hu.


Alex tang aa gaya tha aur kehte huwe unki taraf badhne laga, Usne haath ko diamond body se hard ker liya aur punch bana ker Akansha ki taraf daikhne laga.


Ek jhatke ke saath Alex ka punch Akansha ki taraf badhne laga, Uske punch hava ko cheerte huwe Akansha ki taraf badh raha tha.


*Thud*


Alex(startled): Huh?


Alex ki aankhe heraani ke saath buri tarha se fail gayi, Uska punch abhi Akansha tak pohancha bhi nahi tha ke beech me he ruk gaya, Lekin ye usne khud nahi roka tha.


Uski kalai ko beech me he Tarun ne apne haath se pakada huwa tha, Uske haatho ki pakad se lag nahi raha tha ke usko Alex ko rokne me kuch bhi mushkil ho rahi ho.


Alex(Furious): Y- *Crack*! Aggghhhhhhh.


Alex abhi kuch kehne he laga tha ke Tarun ne uski kalai ko dabate huwe tod ker rakh diya, Alex dard se chilane laga, Lekin phir bhi Tarun ne usko pakade rakha.


Ye sab daikh ker Sora aur Carlson bhi buri tarha se chaunk gye the, Alex ka haath abhi diamond hard tha, Lekin phir bhi usko Tarun ne kisi khilone ki tarha tod diya tha.


Sora aur Carlson dono he tezi se bhaagte huwe unke paas aa gye, Carlson situation daikhte huwe Akansha ko target karne laga, Kyu ke abhi usko Tarun ki halat ka kuch bhi pata nahi tha.


*Wooooosh*


*Booooom*


Lekin unke kareeb ane se pehle he Tarun ne Alex ko kalai se pakad ker uthate huwe unki taraf phenk diya, Hava me unki taraf ate Alex ko dodge karne ke liye dono side ho gye.


Sora(Gasping): Ye sab kya ho raha hai?


Sora ko kuch bhi samajh nahi aa rahi thi ke ye kya ho raha hai, Usne Carlson ki taraf daikha to usko bhi kuch khaas idea nahi tha, Lekin dono ko ye pata lag gaya tha ke Tarun dangerous hai.


Akansha: Tarun?


Tarun Akansha ko ek ped ke saath baitha ker uth gaya, Lekin uske paas ka aura ab bilkul badal gaya tha, Uski aankhe laal aur chehre per nishan ban gye the.


*Gaze*

​

Ek piercing gaze ne Sora aur Carlson dono ke he raungte khade ker diye, Dono ladne ke liye taiyar ho gye, Lekin Tarun ki nazar unse aage uthte huwe Alex ki taraf thi.


*Bam*


*Woooosh*


Tarun jhatke ke saath Alex ki taraf tezi se bhaagne laga, Uski speed itni tez thi ke Carlson aur Sora dono he usko unke paas se nikalte huwe daikh nahi sake.

​

Alex(Scream): Diamond Body!


Alex ne ek baar dobara Diamond body ka Use kiya, Lekin ab ki baar uski puri body he diamond hard ho gayi thi, Puri body ko he diamond hard karne se uski duration kam hoti thi to wo ye Use nahi karta tha, Lekin ab usko maut dikhayi de rahi thi to usne risk nahi liya.


*Booooom*


*Stab*


Tarun ka haath seedhe Alex ki chhati ke paar ho gaya tha, Alex ko chilane ka bhi mauka nahi mila aur uske pran nikal gye the.


*Gasping*


Alex ke mrit sharir ke paas Tarun danvon ki tarha lambi lambi sanse le raha tha, Uski skin ka rang badalne laga aur sharir ka aakar bhi badalne laga.


Sora(Shivering): What are you?


Tarun ki skin chhil rahi thi aur uska sharir bilkul laal hone laga tha, Lekin uske chehre per ek muskurahat saji huwi thi, Sirf uski taraf daikh ker he Carlson aur Sora dono ki halat bigad rahi thi.


Tarun(Grin): Run.... Little Rabbits, Run!


****
Sayani Mansion
New-York ~ 2014


*Click*



Archana uske kamre me baithi camera set ker rahi thi, Camera set ker ke Archana ek chair per baith gayi, Uska chehra daikh ker he lag raha tha ke usne kayi dinon se kuch bhi khaya nahi aur naa he sahi se soyi hai.


Archana aise he baithi sirf camera ki taraf daikhti rahi, Uske aur camera ke beech aise he kuch samay tak khamoshi chayi rahi, Aisa lag raha tha ke wo kuch kehna to chah rahi hai, Lekin usme kehne ki himmat he nahi ho rahi.


Archana(Breath): A-Aarav......! K-Kaise ho?



Ye keh ker Archana ek baar dobara chup ker gayi, Nervous ho ker wo apni ungliyan marod rahi thi.


Archana: I-I know ke tum kya soch rahe ho gye! Ye he na ke main ne wo sab kuch kyu kiya?.....S.... Shayad tum mujhe duniya me sab se zyada nafrat bhi karte ho gye....Aur main deserve bhi karti hu.


*Shivering*


Archana: Mujhe pata hai ke main tumhari maafi deserve nahi karti.......! L-Lekin tum to sach sun'nna deserve karte ho na? Ye video main sach batane ke liye he bana rahi hu.


Archana keh ker seedhe ho ker baith gayi aur khud ko calm karne lagi, Lekin phir bhi wo shaant nahi ho rahi thi.



Archana: Aarav!......Vansh ko tum se nafrat ho gayi thi, Uske liye tum uske sab se bade dushman ban gye the.....Lekin Aakash ka tumhara saath dena uske liye bardasht se baahir ho gaya tha, Usne tumhe barbad karne ka nirnay le liya tha.....Phir chahe ye uske jeevan ka aakhiri kaam he kyu nahi hota.....Vansh tumhe barbad karne ke liye he hospital gaya tha.


Archana ki awaaz ladkhadane lagi, Sirf un lamhon ko yaad ker ke he uski halat bigad rahi thi.


Archana: Ye hamay tab pata laga jab kuch log Adarsh ko bandi banane aye! Sab pata lagte he main bina kuch soche hospital ke liye bhaagi aur raaste me Aakash ko bata diya...... Raaste me Vanshika ko bataya to wo pehle se hospital thi, Tum se milne ke liye, Main sirf Vansh ko rokne ke baare me he soch rahi thi........Leki........Lekin main haar gayi thi.......Aarav.....Main haar gayi!



*Sniff*


Archana: Main gayi to Vansh ko rokne ke liye thi! Lekin usko rokna mumkin he nahi tha.....Wo badle ki aag me sab kuch bhool gaya tha.......Rishte.......Pyaar aur apno ko sab ko bhool gaya tha.


*Breath,


Archana ki saanse bhaari ho rahi thi, Usko pasina bhi aa raha tha, Lekin usne aage bolna shuru ker diya.


Archana: Main ne tumhare saath wo sab kuch kyu kiya? Ab tak ye he soch rahe the na?.....Kyu ke meri ek beti ko lift me bandhi bana liya gaya tha........Meri dusri beti aur uske pati ko beech sadak per roka huwa tha.......Mere husband ko uske khud ke he office me pakada huwa tha......Mera dusra beta un khatarnak logo se lad raha tha, Aur ye sab kuch karwane wala mera khud ka he beta tha.


Archana ke chehre per sharam ke bhaav aa gye, Vansh ne galat kiya tha, Lekin usko aise bigadne me unka he haath tha, Uski sab galtiyon ko ab tak Adarsh aur Archana chhupate huwe aye the, Ye he kaaran tha ke wo aisa ho gaya tha.


Archana: Vansh ne sab ko bachane ke liye ek kaam karne ke liye kaha!..........Mujhe tumhe ek injection lagana tha, Usne kaha tha ke ye sirf tumhari shaktiyon ko cheen le ga.....Lekin mujhe pata tha ke sirf itna he nahi ho ga......*Sniff*.......Lekin main ye jaante huwe bhi taiyar ho gayi........Aur kya ker sakti thi?


Archana ki bebasi uski awaaz me sunayi de rahi thi.


Archana: Main taiyar ho gayi! Lekin main ne ye bhi soch liya ke sab kuch khatam hone ke baad main bhi zinda nahi rahu gi, Ye nirnay lete huwe main ne apne paas ek gun rakh li......Lekin kise pata tha ke goli Urvi per chalani padh jaye gi?.......Urvi ko main rakshason ke beech tanha nahi rehne de sakti thi........Kyu ke tum nahi the aur main usko unke beech se nikaal nahi sakti thi......Usko bachane ka mujhe ye he sahi raasta dikhayi diya......Kyu ke wo rakshas bhi usko zinda nahi rehne dete.......Uski zindgi ko narkh bana ker khatam hone se acha ye he tha ke usko wanha khatam ker diya jaye.


*Sniff*



Archana: Mera nirnay acha nahi tha! Lekin tab mujhe wohi sahi laga..........Urvi ko bachane ka ye he raasta tha.......Vanshika ki tarha he wo bhi meri beti thi, Agar uski jagha Vanshika bhi hoti to mera nirnay ye he rehne wala tha.


*Gulp-Gulp*


Archana glass ko utha ker paani peene lagi, Usne ye nirnay liya to tha, Lekin ye uske liye kaisi kayamat thi usko he pata tha.


Archana: Vansh baahir gir gaya tha! Uske saath ke logo ko tum ne maar diya tha, Ye daikhte he main ne lift me bandhi huwi Vanshika ko khol diya......Uski aankhon me mere liye nafrat ko main bina uski taraf daikhe he mehsoos ker sakti thi.......Usko meri taraf daikhne se bhi ghin aa rahi thi.


*Sigh*


Archana: Lekin usko bhi ye ehsaas tha ke uski Maa kitni bebas thi! Main Vanshika ko azaad ker diya aur kuch samay ke liye usko kanhi chupne ke liye keh diya......Sab kuch khatam ho gaya tha.......Ab bas reh gaya tha to mera khud ko khatam karna.



Archana kehte huwe ruk gayi, Uske chehre per ek banavati muskan aa gayi.


Archana: Lekin kismat abhi mujhe mere gunahon ki saza dene ke liye taiyar nahi thi! Abhi main Car me baithi khud ko kaise khatam karu ye soch he rahi thi ke hospital ke andar se Veronica bhaagte huwe baahir aa gayi, Uske peeche Vansh ke saath aye kuch log the.....Ye daikhte he main ne samay barbad kiye bina Veronica ko car ma baithaya aur hospital se nikal gayi.



Archana ne kehte huwe desk se ek file ko utha liya aur usko daikhne lagi.



Archana: Veronica ke haath me ye report thi!.....*Smile*......She was pregnant, Uski kokh me tumhara bacha tha, She just got the test results and wanted to surprise you with the good news.....Lekin.....Uski doctor bhi Vansh ke saath thi, Usne sab kuch he uske logo ko bata diya, Veronica ab unki target ban gayi thi......Unhe Veronica aur bache dono ko maarne ke liye kaha gaya tha..........Main usko le ker ek hotel chali gayi......Lekin uska har pal ek sawal tha ke Aarav kanha hai? Ye log kon the? Aarav ko kuch huwa to nahi hai na?



Bache ka batate huwe Archana ke chehre per muskan ayi, Lekin aage batate huwe uski muskan gilani me badalne lagi.



Archana: Lekin usko ab main kya batati ke uske bache ko baap ke saath kya huwa hai?.........Main ne usko jhoot keh diya ke tum kanhi dur gye huwe ho aur tab tak uski raksha ka kaam mera hai.......Lekin main mehsoos ker sakti thi ke usko sachai ka kuch shak hone laga hai......Lekin apne bache ke liye wo bhi chup ho gayi......Lekin kuch he dinon me Vansh ke logo ko kanhi se hamara pata lag gaya aur hum ek baar dobara bhaag gye, Lekin unhone hamara peecha nahi chhoda aur har jagha hamare peeche ate rahe.....Phir ek din!


Archana ke bhaav badalne lage.


Archana: Veronica ko march me he labour pain shuru ho gaya! Ye kaafi chaunka dene wali baat thi, Kyu ki uski pregnancy ko abhi sirf 2 month he huwe the, Lekin main bata sakti thi ke Veronica delivery ke liye bilkul taiyar hai.....Hum ek village me khaali ghar per the, Hamare paas koi bhi aur raasta nahi tha, Hum ne udhar ki he ek aurat ki madad li aur usne Veronica ki delivery ker di.........Mujhe ab bhi yaad hai wo drishya, Veronica uske haatho me tumhare bete ko liye baithe huwe thi, Uski aankhon aansuon se bheegi huwi thi, Lekin uske chehre per khushi ki koi had nahi thi, Uske honton per sirf ek naam tha......Arya!



Archana ke chehre per bhi muskurahat aur gehri ho gayi, Lekin ye zyada samay ke liye aisa nahi raha, Uske saamne jaise kuch dardnak drishya aa gye the, Uski aankhon se aansu behne lage aur sharir kaanpne laga.



Archana: Lekin uski khushiyan kuch zyada lambi nahi thi......! Uski delivery ke kuch he samay ke baad hamay village me Vansh ke logo ke ane ka pata lag gaya........Hum ek baar dobara bhaagne lage the, Lekin ab ki baar Veronica ne inkar ker diya......Uski naa sun ker main chaunk gayi.......Veronica sirf tumhare bete ko daikh rahi thi......Uski aankhon me bache ko daikhte rehne ki bhook thi, Lekin uske saath he ek bebasi bhi thi.



“Aunty! Ab tak to ye log sirf mere peeche he the........Lekin agar main aj yanha se bhaagi to mera bacha bhi unke nishane per ho ga aur ye me kabhi bhi hone nahi de sakti, Aunty! Please mere bache ka dhayan rakhna......Aur Aarav se kehna.........I Love Him”


Archana khamosh ho gayi, Uska pura ka pura chehra aansuon se bheeg gaya huwa tha, Uski nazar uske haatho per thi.


Archana: M-Main tumhare bache ko le ker bhaag gayi! V-Ve....Veronica ne khaali ghar ko aag laga di, Khirki per main Veronica ko daikh sakti thi, Lekin uski ek bhi cheekh baahir nahi ayi.......Apne bache ke liye aisa sacrifice ker ke wo khush thi.....Uski soch sahi thi, Kisi ko bhi shak bhi nahi huwa ke Veronica ne kisi ko janam diya bhi hai aur uske peeche aa rahe sabhi log ruk gye.




Archana ka haath uski chhati per chala gaya, Uska mann bhaari hone laga tha.


Archana: Abhi bhi tumhara beta surakshit hai! Lekin main yanha bata nahi sakti ke wo kanha hai.....Kyu ke main nahi chahti ke ye video kisi aur ke haath lage aur ek Maa ka balidan barbad ho jaye, Lekin wo surakshit hai.


Archana ne ek picture camera ke aage ker di, Picture me Derek khara huwa tha, Uski taraf daikh ker Archana bhi muskurane lagi, Lekin uski muskurahat bhi kaafi bhaari ho gayi thi.



Archana: Usko suraksha ki pushti karne ke baad main waapis aa gayi!.......L-Lekin sab kuch barbad ho gaya tha........Sab kuch he barbad ho gaya tha.......Vansh ne uska vada nahi nibhaya tha.....Usne khud ke he baap ko aur behan ko maar diya tha, Khud ke bhai ko maut ki halat me pohancha diya huwa tha.....Lekin ye sab karne ke baad bhi usko tumhara naam tak yaad nahi tha, Sab kuch barbad ho gaya hai, Aarav.....Sab kuch he barbad ho gaya huwa tha......Main kisi ek ko bhi bacha nahi saki........Kitni badkismat hu main?



Archana uska sar pakad ker baith udhar he baith gayi, Uski aankhon me aansuon se zyada dukh tha, Uske hoton se khoon bhi nikalne laga tha.


Archana: A-A-Aarav.....Main tumhari saza ka intezar ker rahi hu!....Lekin mai ek kayar hu, Mujhe nahi lagta ke main ye bojh le ker zyada samay chal saku gi.


*Sob*


Archana ne uske aansuon ko ponch liya aur seedhe ho ker baith gayi, Dobara ek baar camera ki taraf daikhte huwe uske chehre per muskan aa gayi, Lekin ye wali muskan kitni banavati thi saaf dikh raha tha.



Archana: Zyada samay nahi tha! Lekin ek bete ke roop me tumhe pa ker main khush thi......Kaash sab kuch waise he ho sakta jaise hum ne socha tha, Sab kuch khatam hone ke baad tum hamare saath rehne aa jaate, Urvi ka cancer cure ho jaata, Hum ek family ki tarha reh sakte......... I'm sorry ke main ye sapna sach nahi ker saki.....I'm sorry, Aarav!



****
Player Association Building
Japan Branch ~ 9:38 PM



*Paused*


Screen per chal rahi Video ko peter ne rok diya, Meeting room me baithe sabhi logo ke beech khamoshi chhai huwi thi, Koi bhi kuch bhi nahi keh raha tha.


Kuch video daikh ker emotional ho gye the aur kuch ab aage kya kahe ye soch rahe the, Lekin sabhi ke beech baitha Michael sab se zyada pareshan tha.


Uski pareshani ka kaaran kuch aur nahi Aarav ki khamoshi thi, Aarav khamosh baitha huwa tha, Video rukne ke baad bhi uski nazar abhi bhi screen per he thi, Uske paas se ane wali sard feeling sab ke he raungte khade ker rahi thi.

​

Michael(Gulp): Aarav! Kya hum baat ker sakte hai? Ye sab kuch bina lade bhi to resolve ho sakta hai na?


Aarav: Right now, You are either! On my side, By my side, or in my fucking way, Choose wisely.

​

****
Abandoned Factory
Mumbai Outskirts ~ 6:12 PM



*Booooom*


Tarun ne Carlson ko pakadne ki koshish ki, Lekin Carlson ek assassin tha to wo Tarun se bach ker nikal raha tha, Tarun ki speed tez thi, Lekin wo abhi bilkul berserk state me tha to wo Carlson ke moves ke saath move nahi ker raha tha.



Carlson(Gasping): Ye kaisa rakshas hai? Har baar dodge karte huwe lag raha hai ke ab gaya ya ab gaya, Aakhir ye hai kon?


Carlson ne Sora ke paas he aa ker khare hote huwe pucha, Sora ki halat bhi kaafi bigad gayi thi, Uske liye bhi Tarun ko baar baar dodge karna mushkil ho raha tha.


Sora(Frustrated): I don't know! Lekin yanha se nikalne ke liye bhi portal banane ka chance nahi mil raha, Aise chalta raha to hum aur zyada ke liye tik nahi sake gye.


Sora kehte huwe uth gayi aur carlson ke aage aa gayi, Uski nazar seedhe Tarun ki taraf thi, Aisa lag raha tha ke wo Tarun ko challenge ker rahi hai.


*Woooosh*


Tarun bhi bina kuch soche uski taraf ane laga, Berserk state me uske paas se uski sochne ki kshamta chin gayi thi, Lekin uski taraf Tarun ko ate daikh ker bhi Sora udhar he khari rahi.


*Bzzzt*


Sora ke paas ate he Tarun usko pakadne ke liye kud gaya, Lekin Sora bhi Ussi pal ka intezar ker rahi thi, Usne apne saamne ek portal bana diya aur Tarun seedhe uske andar chala gaya.


*Bzzzt*


Tarun ke andar jaate he Sora ne portal ko band ker diya, Portal ke band hote he Sora ghutnon per gir gayi, Uski body buri tarha se kaanpni shuru ho gayi thi.



Carlson: Sora?



Sora(Shivering): Fuck! Portal ke paas ate he mere portal ka mana he khinchana shuru ker diya tha, Agar ek pal bhi timing idhar udhar hoti to sab kuch bigad sakta tha aur main mar sakti thi.


Sirf ye soch ker he Sora ki ruh kamp rahi thi, Carlson usko support dene laga.


Carlson: Bheja kanha hai? Jaldi waapis to nahi aye ga na?


Sora: Yanha se kaafi dur bheja hai! Uski tez speed se bhi aya to 30 minute lage gy-


*Bzzzt*


Sora ke muh se nikalte shabdon ko break lag gayi, Uski aankhe heraani se failne lagi, Usko khud ki aankhon per vishwas nahi ho raha tha.


Uska portal ek baar dobara se khul raha tha, Lekin ye Sora ne nahi khola tha, Ye tarun forcefully reopen ker raha tha, Uske haath portal ko pakade huwe the.

​

Sora uth gayi aur dusri taraf bhaagne lagi, Usme ab ladne ki bhi himmat nahi thi, Ab usko sirf survive karna tha, Usko aise daikh ker Carlson bhi heraan tha.


*Booooom*


*Woooosh*


Portal khulte he Tarun baahir aa gaya aur Sora ki taraf bhaagne laga, Uski speed ab aur bhi tez ho gayi thi aur uski puri skin red Aura se cover ho gayi thi, Usko aise paas daikh ker Sora ki phat gayi.

​

*Slash*


Tarun ne Sora ko beech se kaat diya aur Sora 2 tukro me bant ker gir gayi, Ye daikh ker Carlson ki halat aur bhi bigad gayi, Ab usko bhi nahi lag raha tha ke wo ye speed dodge ker sake ga.



*Grrrrooowwr*


Tarun upar daikhte huwe dahadne laga aur phir seedhe ho ker Carlson ki taraf daikhne laga.



****
Unknown Place



*Grrrrooowwr*



Vyakti uski kursi per baitha huwa Tarun ko ladte huwe daikh raha tha, Uske paas he aur bhi windows khuli huwi thi, Lekin uski nazar Tarun ki screen per thi.


“Uski help karne ki soch rahe ho kya?”


Vyakti ke paas he shadows ban gayi aur unke andar se Ezra baahir aa gayi, Usko daikh ker Vyakti bhi seedhe ho ker baith gaya.


Vyakti: Ye rules ke against hai! Hum bina kisi bade kaaran ke beech me interfere nahi ker sakte, Ye unki ladai hai, Unhe khud ladni ho gi.


Ezra: Sushant! Baap ho uske, Ye he kaaran kaafi hai.


Ezra ki baat sunte he Vyakti ki muthi kas gayi, Uske chehre per bebasi ke bhav aa gye, Lekin usne khud ko shaant ker diya.


Sushant/Vyakti: Ye aur bhi bada kaaran hai ke mujhe wanha nahi hona chahiye! Ye uske liye ek kathin pariksha hai, Lekin agar main wanha chala gaya to kuch karne se khud ko rok nahi saku ga.


Ezra: Lekin tumhe nahi lagta ke tum uske saath galat ker rahe ho? Uske andar ek monster ko seal ker ke tum ne usko kisi maut ke kuen me gira diya huwa hai, Ab tumhe nahi lagta ke ek baap ko uska sahara ban ker saath khara hona chahiye? Sushant, Bete ko kho bhi sakte ho tum.



Ezra ko ab thoda gussa ane laga tha, Ye gussa Sushant per bhi tha aur uske liye bhi tha, Usko ache se pata tha ke Sushant ko Tarun kitna pyaara tha.


Sushant: Ye chunauti bhi Tarun paar ker sakta hai! Usko samay lag sakta hai, Lekin wo ye ker sakta hai.


Ezra: Aur tum ye kaise keh sakte ho?



Sushant(Smile): Ek baap ko uske bete per vishwas! Ek baar tum ye vishwas Avinash ke roop me daikh chuki ho, Aj bhi wohi vishwas hai.



Ezra: Lekin tum usko zyada he kathinaiyon se guzar rahe ho! Aisa kuch bhi nahi karo ke tum baad me baith ker pachta rahe ho.



Sushant(Smug): Ezra, Tarun mera beta hai! Uske liye ye kathinaiyan khud paar karni zaroori hai, Main acha baap to bilkul bhi nahi hu, Lekin main phir bhi usko khud se aage daikhna chahta hu.



****


“Huh?”


Tarun ne aankhe kholi to wo darkness ke beech khara tha, Uske aas-paas he Dark mana hava me float ker raha tha, Tarun ne saamne daikha to uske saamne seal bani huwi thi aur andar mother spirit kaid thi.



Spirit(Disappointed): Pathetic! Kya soch rahe the tum? Mujhe laga tha ke tum ab strong ho rahe ho, Lekin abhi bhi tum wohi darpok bache ho jo bed ke neeche dubak ker chupe rehte the.


Mother Spirit ki awaaz me disappointment saaf mehsoos ho rahi thi, Tarun Leech se uska dark mana kheench raha tha, Lekin aisa karne se dark mana usko he vash me ker raha tha aur uske negative emotions baahir nikal rahe the.


Lekin ek baar puri tarha se dark mana ka slave ban'nne ke baad dobara normal hone ka koi raasta nahi tha, Tarun hamesha ke liye ek monster ban sakta tha.



Tarun(Sigh): Huh, Ap shayad sahi he keh rahi hai! Abhi bhi main waisa he darpok bacha hu, Kuch bhi nahi badla, Main kitni bhi koshish kyu na ker lu, Lekin main kisi ko bhi bacha nahi sakta, Main hamesha he sirf ek looser tha aur ek looser he rahu ga.



Spirit: Kya tum chahte ho ke Aarav tumhe aise daikhe?.......Mujhe wo insaan sab se bura lagta hai, Lekin ye kehna ho ga ke wo strong hai.......Uske paas mera half Evil god heart hai, Mujhe laga tha ke uski bhi halat aisi he ho gi, Lekin aisa kuch bhi nahi huwa.......Usne khud ko control kiya huwa hai.....Usne apne demons ko hara ker crown pehna huwa hai.....Agar wo ye ker sakta hai to tum kyu nahi?



Tarun: Huh?



Spirit(Sigh): Hamat ek dusre ke saath 18 saal ho gye hai! Mere liye ye lamba samay nahi hai, Lekin 18 saal main tumhe daikhte ayi hu......Har pal tumhe mujhse dar laga hai, Lekin ek din tum mere saamne khare ho gye.......Aur tum khare huwe the apne boss ke liye, Usko milne ke baad tum badalne lage the, Tumhari fake smile me sachai ane lagi thi, Ek baar dobara tum hansna seekh rahe the, Kya tum wo sab khona chahte ho?.....Kya wo tumhare liye sach me boss hai ya.....Bhai?


Tarun neeche gir gaya, Uski aankhe bheeg gayi, Usko kuch bhi samajh nahi aa raha tha.


Tarun: Lekin ab main kya he ker sakta hu?Akansha? Main usko bacha nahi sakta.



Spirit(Smile): Tumhe sach me lagta hai ke tumhara bhai usko kuch hone de ga? Usko trust karte ho na? Have some faith.


Tarun ko kuch bhi raasta dikhayi nahi de raha tha, Lekin phir bhi usko Mother Spirit ki baato per vishwas ho raha tha, Usne ab tak usko nafrat he ki thi, Lekin aj uska bharosa karne ko dil chah raha tha.


Tarun: Lekin tum meri help kyu ker rahi ho? Agar main weak huwa to ye tumhare liye he acha hai na? Ye he to chahti thi na tum?


Spirit: Main ye chahti thi! Lekin tab mujhe tum ek bekar insaan lagte the, Mujhe tum se kuch bhi umeed nahi thi.....Lekin ab sab kuch badal gaya hai, tum strong ban sakte ho, Main ek weak pathetic vyakti se zyada ek strong vyakti se jeetna pasand karu gi.



Tarun mother spirit ki taraf sirf daikhta he reh gaya, Lekin agle he pal usko hansi aa gayi aur wo zor zor se hansane laga, Usko aise hanste daikh ker mother spirit bhi heraan ho gayi.


Spirit: Kya ho gaya hai?



Tarun(Laughing): You're not as evil as i think you were!



Spirit: No, I'm much worse! Now, Conquer or die.



****
Abandoned Factory
Mumbai Outskirts ~ 6:23 PM


“Ughhhhhhhh”



Tarun ke Carlson ki taraf badhte huwe kadam beech me he ruk gye, Tarun uska sar pakad ker zor se chilane laga, Uske sharir ka aakar lagatar bigad raha tha aur skin ka rang bhi aur gehra ho raha tha.


Carsol: Huh?



Carlson bhi Tarun ko aise daikh ker thoda chaunk gaya, Lekin Tarun ko aise tadapte daikh ker usko moka mil gaya tha, Carlson ne uske dagger nikal liye aur Tarun ki taraf dhayan se badhne laga.




Akansha(Whisper): Tarun, Run!


Ek ped ke sahare baithi Akansha sab kuch daikh rahi thi, Tarun ke aise girne se usko ab Tarun ke liye dar lagne laga tha, Lekin wo uski ungali tak ko hila nahi sakti thi.


Aise khud ko bebas mehsoos ker ke uski aankhon me aansu aa gye, Poison ab uske vision ko bhi blur karne laga tha, Usne ab tak mushkil se poison ko roka huwa tha.


Lekin ab wo uski limits per thi, Lekin Tarun ko aise daikh ker usko aur bhi takleef ho rahi thi, Akansha ped ke ek taraf ko gir gayi, Uski aankhon ke saamne ab andhera sa chaane laga tha.


Akansha(Sob): Aarav! Help Us.


*Thud*


Ek awaaz ne Akansha ko chaunka ker rakh diya, Usko kuch bhi dikhayi nahi de raha tha, Lekin usko kisi ke paas hone ka ehsaas ho raha tha.


Akansha: Aarav?

“Soul Binding”​

Ek awaaz Akansha ko sunayi di, Lekin ye awaaz Aarav ki nahi thi, Ye awaaz kisi aurat ki thi.


Akansha: K-Kon?
.
.
.
.
.
.
.
.
[Aj ke liye itna he, Ye update 5K+ Words ka tha, Ab daikhte hai ke ye ap logo ko kaisa lagta hai, Target hamara wohi hai 90 likes ke liye, Milte hai agle update per, Tab tak ke liye, Sayonara!!!]

Awesome update

 

[Mk1]

Very emotional and deep update

 

[Salty~Otaku]

Great update. To akhir Vansh ne Sayani Mansion ko bhi bech diya. Yeh Mr. Billy kaun hai, Aarav ka hi koi aadmi to nahi hai.

Maybe or maybe not

Aur is tarah se pehle Akash ki marriage album dekhna, phir sabse uper cover page per Aarav aur Vanshika ki magazine dekhna, jab weh modelling ker rahe the, sab kuch keval by chance tha ya phir pre-planned, by Aarav. Agar Aarav ka plan tha, tab weh safal ho gaya, Vansh ki Aarav ke sath judi huyi memories wapas aa gayi, yani Aarav yaad aa gaya.

Nope! Aarav chahta tha ke uski memory waapis aye, Lekin ye sab uska plan nahi tha, Ye uske liye bhi shocking tha

Iska matlab Yoo-Jung aur Tsubame ko Aarav ki yaad thi.

Main ne ye bataya tha na? Un dono ke he Aarav yaad tha, Lekin sab ki memory aise erase hone ke kaaran wo kuch bhi ker nahi rahi thi.

Yeh Meera ke senses bahut tej hain.

Yes

Ab weh do logon ko call kar sakta hai, shayad Shadow aur Lime, dono ko kare kyonki Rahul akela to Demon Cult ke logon ke saamne kuch bhi nahi hai.

Lime ko kaise? Baaki to ap ne sab kuch padh he liya ho ga

Update 48 - Veer ne Aarav ke liye 'Corpse' naam hi kyon choose kiya tha, sochne ki baat hai. Kya iska sambandh Veer ke twins se hai jisko mara hua smajh liya tha.

Maybe or Maybe not

Yahan kuch locha lag raha hai... As if someone, hehehehe..., is trying to give some clue...

Indeed

Great writing skill, the dots after Aarav tells a lot about the feelings Tanu has developed for Aarav.

Glad you noticed

 

[Salty~Otaku]

Na na aap galat way me le gaye isko.... maine Aarya k present halat par ek funny comment kiya tha...
Mere Kahane ka matlab tha ki Jab Se Arya Wapas Aaya Hai vah Keval dusri chijon per focus kar raha hai jaise ki ...business ..may be iska Kuchh connection Hoga aage...
New relation devlop karna..
New team banana...

Han Agar system ne Arya ke full status ko block nahin kiya Hota To ho sakta hai Arya ine Sab chijon Ke Piche Nahin Padta.

Ha next update padhne k bad clear ho gaya ki wo kuch na kuch Vansh ko fasane k liye game khel gaya hai..

Ap ko true to my words quest yaad hai? Usme ek task tha ke Vansh ko kisi bhi tarha ki saza dene se pehle uski memory waapis ani zaroori hai, Requirements puri na hone per punishment bhi thi

 

[Salty~Otaku]

Badhiya update tha......and last me devilish laugh

Edited? But why?

 

[Salty~Otaku]

Bahut badhiya update hai bhai........bahut dino.baad review deraha.hoon.....scene jada hone ke karan jada interest nhi mila kyu ki.jab maja aane lagta tabhi scene change ho jata

I can understand

or update kafi achha hai

or ab shayed vansh ki lagne wali hai.....or aarav ka sabhi team member bhi jaldi hi milega.....jiski shuruwat pehle ishabell uske baad daisuke se ho chuki hai

Yes

aarav ka pita ka naam kya tha bhula geya

Avinash!

aarav ka pita ke team members me se ek vansh se mila tha hotel me......ager mera hishab sahi nikla to sheyani family me attack or aarav ke behen urvi ko uthana uski chhal thi

Maybe or maybe not But good observation

kyu ki wo admi vansh ko kaha tha ki kab kya karna hai main tumhe bata dunga or sath me ye bhi kaha tha ki kab tak aur ke saye me jiyoge.......or shayed akash ko usi admi.ne attack kiya.....waise bhi age pata chal hi jaaye....

Ye baat usne Yoo-Jung ke liye kahi thi

 

[Salty~Otaku]

Bhai samaj nahi aaya aarav ne indian association ko kya bataya ki sab log chowk rahe please explain????

Kyu ke Aarav ek he samay per Tokyo aur india dono jagha tha

Bas itna samajh aaya ki sab arav ka plan tha aur ab sabki marega

Nice

 

[realfriend]

Bhai log jo bhi is update mein likes ke badle reaction diya hai please change . Phichhle updates mein isi ke liye (difference only req 3 likes) story 3 se 4 din late ho gaya.... please its a request.