AB TAK AAPNE PADHA KI MADDOX AUR NISHKALIKA ME YUDH HOTA HAI JISKA KOI NISHKARSH NAHI NIKALTA WAHIN VIKRAM AUR AVANTIKA KO MR & MISS VALENTINE KA KHITAB MILTA HAI...
AB AAGE:-
CHAPTER-2
( CURSE OF THE SWEET POISON )
UPDATE-71
PLANET- GLUTO
PLACE- PALACE GARDEN
YE KAISA LADKA HAI?????DIN BHAR YA TOH YUDH KALA KA PRASHIKSHAN KARTA REHTA HAI YA FIR DHYAN ME BAITHA REHTA HAI...!!!
subah ka waqt hai......MADDOX NISHKALIKA ke mahal ke baahar bane garden me dhyan awastha me baitha hua hai........
subah subah BHUVIKA jab sair karne nikli thi toh usne MADDOX ko garden me hi talwar aur anya shashtron ka abhyas karte hue dekha tha..
aur pure 2 ghante baad jab wo lauti toh usne MADDOX ko dhyan ki awashta me baithe hue dekha.......
kahani ko aage badhane se pehle chaliye pehle hamare naye par FUTURE ke ek important character ke baare me jaan lete hain....
''BHUVIKA''.........jitna adhbhudh aur alag ye naam hai utni hi alag aur charming is naam ke adhipati ka vyaktitv bhi hai......
ye toh aap sab ko pata hi hai ki BHUVIKA NISHKALIKA ki choti behen hai........
par iska nature aur character NISHKALIKA ke bilkul opposite hai............
jahan NISHKALIKA kroor hai wahin BHUVIKA bohot komal hai.....
na toh koi chhal,nahi koi kapat,ek dum saaf suthri dil ki ladki..............waise toh NISHKALIKA khud kaali shaktiyon ka ek bohot bada shroth hai aur usse ache aur sacche logon se nafrat hai........
par wo apni behen jo ki ek nek dil ladki hai,uspar jaan chidakti hai..usne khud hi apni behen ko apni kaali shaktiyon ke prabhav se door rakha hai.......
NISHKALIKA toh apne grah ko chhod shakti ki talash me GLUTO aa gayi par BHUVIKA apne grah par hi rahi.....
NISHKALIKA ne GLUTO ki maharani banane ke baad bhi BHUVIKA ko khudse door hi rakha ye sochkar ki kahin uski behen uski sangat me rehkar ussi ki tarah KROOR naa ho jaaye......BHUVIKA beech beech me apni behen se milne GLUTO aaya karti hai....
aisa nahi tha ki BHUVIKA ko NISHKALIKA ki sacchayi pata nahi thi,BHUVIKA ko sab kuch pata tha,par wo apni behen se itna adhik prem karti thi ki usse zyada fark nahi padta tha........
un dono ke maa baap ke guzar jaane ke baad jis tarah NISHKALIKA ne uski puri zimmedari uthayi thi,usse uske dil me apni badi behen ke liye maa ka sthaan bana liya tha.....
waise toh BHUVIKA ek soft hearted chulbuli si sabko hasane waali ladki thi,par agar baat uski behen ki ho toh wo sab sahi galat bhul jaati thi......
uske liye uski behen hi sahi thi aur wo uske khilaf kuch bhi nahi sun sakti thi....
ab ye ATTITUDE kya rang laata hai,ye dekhna mazedar rahega.......
filhal ke liye kahani me wapas chalte hain...
BHUVIKA ne jo kaha tha,MADDOX ne usse DHYAAN awastha me hote hue bhi sun liya tha....
MADDOX ne apni aakhen khol di.......
MADDOX- apne lakshya ki prapti ke liye lagatar abhyas karna galat toh nahi hai.....???
BHUVIKA MADDOX ke yun achanak aankh kholne aur usse baat karne se hadbada gayi........
BHUVIKA- aap toh dhyan awashta me the naa,fir aapne meri baat kaise suni.didi toh kehti hain ki dhyan awashta me hamara sampark baahari duniya se toot jaata hai....
MADDOX- tumhari didi sahi kehti hain......par ek sach aur hai........jiske baare me shayad tumhari didi tumhe batana bhul gayin!!!!!
BHUVIKA- meri didi kabhi kuch nahi bhulti hai.....zaroor aapko hi dhyaan me baithna nahi aata hoga....
BHUVIKA ke apni didi ke baare me baat karte waqt MADDOX ne uski aankhon me ek zid dekhi,jisse wo samajh nahi paaya par KOI AUR THA JO SAMAJH GAYA THA..........
MADDOX- mai jab bhi dhyan me baiththa hun toh mere KAAL CHAKRA aas paas ki har gatividhi par dhyan dete hain....
aur tumhare aate hi mere KAAL CHAKRA ne mujhe bata diya tha ki tum mere saamne ho isiliye maine tumhari awaaz sun li......
BHUVIKA- haan toh wo aapne khud hi apni surakhsha ke liye kiya hai naa,isme bhoolne waali kaun si baat hai....
meri didi sabkuch jaanti hai par mujhe jitna batana chahiye ,wo utna hi batati hain....
NISHKALIKA- arre waah,aap toh kaafi samajhdaar ho gayi hain,lagta hai aapke vivah ka samay aa gaya hai......
BHUVIKA ne palat kar dekha,jahan uski didi uski taraf aa rahi thi.....
BHUVIKA- mai koi shaadi vaadi nahi karne waali,bata deti hun........
NISHKALIKA- aur wo bhala kyun????
BHUVIKA- 2 baatein hain.pehli toh ye ki mujhe abhi tak koi pasand nahi aaya hai......
NISHKALIKA- aur dusri??????
BHUVIKA- mai kisi aur ke ghar kabhi nahi jaaungi......mai aap ke paas hi rahungi.....
MADDOX- par shaadi ke baad toh pati ka ghar hi tumhara ghar hoga naa......!!!!!!!
abhi NISHKALIKA kuch kehti usse pehle hi MADDOX ne apni baat keh di..........
NISHKALIKA ko MADDOX ki aankhon me ye bolte waqt ek jigyasa dikhi thi jiska matlab wo achi tarike se samajhti thi.....
NISHKALIKA- kyun????shadi ek baad pati ka ghar ki ladki ka ghar kyun hoga????
MADDOX- arre.ye riwaz so sadiyon se chala aa raha hai?????
NISHKALIKA- chala nahi aa raha hai,tum mard zaat ye riwaz sadiyon se chalate chale aa rahe ho....
aur kyunki auroton me itni himmat nahi ki is dakiyanusi riwaz ke khilaf kuch bolen,isiliye ye bakwaas pratha aaj bhi kaayam hai.....
par BHUVIKA NISHKALIKA ki behen hai.kisi pratha ki,kisi mard ki itni aukad nahi jo NISHKALIKA ki behen ko apne hisab se chala sake......
jis bhi ladke ko hamari behen pasand karegi usse yahi hamare saath rehna hoga....aur wo bhi hamare behen ke hisab se......
MADDOX- koi bhi acha aur yogya ladka iske liye kabhi bhi nahi maanega....
NISHKALIKA- yogya???????apne purusharth ko prathamikta dena kaha se ek yogya purush ki nishani ho gayi.......
ye bas ek ghatiya soch hai jo sadiyon ke is rudi waadi mithya ko purush ke dimag ne satya ka roop de diya hai...
Par NISHKALIKA ki behen kisi bhi soch ke bandish me nahi aati..uski shaadi ussiki sharton ke hisab se hogi.....
BHUVIKA- didi.....aapse behter koi nahi.....
ye bolkar BHUVIKA NISHKALIKA ke gale lag gayi.....
didi,hume aapse kuch kehna hai!!!!!!!
BHUVIKA ki baat ko,actually jis tarike se BHUVIKA ne didi kaha tha,usse sunkar NISHKALIKA has padi........
BHUVIKA- aap has kyun rahi hain????
NISHKALIKA- kyunki hame pata hai ki tum is tarike se tabhi baat karti ho,jab tumhe kuch chahiye hota hai........bolo,kya chahiye????
BHUVIKA- pehle aap vachan dijiye ki hum jo bhi maanenge,aap mana nahi karenge.....
NISHKALIKA ne ek pal BHUVIKA ki aankhon me dekha aur agle hi pal NISHKALIKA ke haathon me ek talwar chamak uthi.....
NISHKALIKA- MADDOX,hamara ek kaam karoge?????
MADDOX toh NISHKALIKA ke haathon me talwar ko dekhkar hi chownk gaya tha...
wo soch raha tha ki apni jis behen se NISHKALIKA itna zyada pyar karne ka dawa karti hai,uski ek khwahish pe usse marne ke liye talwar nikal li.....
MADDOX- kaisa kaam??????
NISHKALIKA- jo bhi khwahish humari behen humare saamne rakhe,agar hum us khwahish ko maanene ya puri karne se mana kar den,toh is talwar se hamara sir kaat dena....
MADDOX NISHKALIKA ki baat sun kar shocked ho gaya...wo kya soch raha tha aur ho kya gaya......!!!!!!!
wahin BHUVIKA apni behen ki baat sunkar uske gale lag gayi.......
BHUVIKA- aap bhi naa di,choti si baat ko kitna bada kar deti ho........arre wo toh maine aise hi puch liya tha,mujhe pata hai ki aapke liye meri zid se upar kuch bhi nahi hai.....
NISHKALIKA- tune bataya nahi ki tujhe kya chahiye?????
BHUVIKA- hume apne liye kuch bhi nahi chahiye..wo daradsal hum jab ghumne gaye the toh humne dekha ki aapke sainik kuch logon ko ghar se nikal rahe the..
humne jab wajah puchi toh wo bole ki un logon ne 1 mahine ka kar nahi chukaya hai isiliye unke ghar par kabza kiya jaa raha hai...
toh mai chahti hun ki un logon ke kar ko maaf kar diya jaaye.....
NISHKALIKA ke chehre par apni behen ki baat ko sunkar ek muskaan aa gayi....
wahin un dono ke saamne khada MADDOX bhi ye dekhna chahta tha ki PAAP KI MURAT NISHKALIKA apni behen ki baat maan kar apne swaroop ko chunouti degi ki nahi.....!!!
NISHKALIKA ne ek sainik ko jo wahin unse thodi door par khada tha,usse awaaz di....
wo daudta hua aaya aur NISHKALIKA ke saamne sir jhukakar khada ho gaya......
NISHKALIKA ne BHUVIKA ke sir par haath rakha,BHUVIKA ke sir se kuch roshni nikli aur saamne hawa me rook gayi...
us roshni ne ek chalchitr ( film ) ka roop le liya aur usme wo log dikhne lage jinhe NISHKALIKA ke sainik ghar se nikaal rahe the...
NISHKALIKA- jao aur sainkon se kaho ki un logon ke kar ko zindagi bhar ke liye maaf kar diya gaya hai aur abhi tak un logon ko jitna bhi nuksaan hua hoga,usse bhi bhar diya jaaye...
SAINIK sir jhukaaye hi waapas chale gaya...
NISHKALIKA- ab khush.........
BHUVIKA-bohot khush.....aap is bramhaand ki sabse achi didi ho..........
NISHKALIKA- galat...tum is bramhaand ki sabse pyari ladki ho.ek aisi ladki jiski baat koi nahi taal sakta..........
BHUVIKA NE NISHKALIKA ke gaal ko hum liya aur uchalti koodati MEHEL ke andar hali gayi.......
NISHKALIKA- paagal...abhi tak iska bachpana nahi gaya......
NISHKALIKA jaise hi MADDOX ke taraf palti,usse hasin aa gayi kyunki MADDOX usse aankhen faade dekh raha tha.....
NISHKALIKA- pehli baar toh nahi dekh raho mujhe...phir tumhari aankhen kyun fati hui hai??????
MADDOX-tumhe naa sahi par tumhara ye roop toh pehli baar hi dekha hai naa.
tum itni dariyadil kabse ho gayi?????
MADDOX ki baat sunkar NISHKALIKA ke honthon pe ek muskaan naach gayi....
NISHKALIKA- pehle mere ek sawaal ka jawaab do???tum meri behen ko itna ghoor ghoor kar kyun dekh rahe the............????
MADDOX NISHKALIKA ki baat sunkar hadbada gaya...
MADDOX- mai,mai kahan ghoor raha tha....
NISHKALIKA- jhooth bolne ki zaroorat nahi hai MADDOX....aur ek baat kaan khol kar sun lo,meri behen ka khayal apne dimag se nikal do....
jaise mai tumhare bhai ke liye nahi bani thik waise hi meri behen bhi tumhare liye nahi bani hai.......
abhi MADDOX kuch kehta usse pehle hi NISHKALIKA ne ek naam budbudaya...
agle hi pal NISHKALIKA ke saamne ek BLACK SORCERER prakat hua....
NISHKALIKA ne kuch der pehle toh chal chitra chal rahi thi,usse fir se chala diya....
NISHKALIKA- in logon ko dhyaan se dekho.aaj raat tumhe in sab ko khatm kar ke jala dena hai..inke astitv tak ko raakh me mila do.....
wo sorcerer ne bhi NISHKALIKA ke aage apna sir jhukaya aur gayab ho gaya....
MADDOX jo ki apna paksh rakhne hi waala tha,NISHKALIKA ka ye roop dekar ek jhatka khaakar reh gaya....
MADDOX- jab unhe maarna hi tha toh unka kar maa kyun kiya???bas apni behen ke nazaron me acha dikhne ke liye.....
NISHKALIKA- meri behen ne unke kar ko maaf karne ke liye kaha tha,unhe zinda rakhne ke liye nahi....
jab wo mujhe kar hi nahi de sakte,toh jee kar kya karenge,isiliye unhe mout ki saza mili....
NISHKALIKA ne MADDOX ko ek zehrilli muskaan di aur nikal gayi...
MADDOX sochta reh gaya ki saali ye chiz kya hai.....???????
PLANET-EARTH
PLACE- DREAM LAND......
SCENE-1
ye toh galat log nahi hain.......fir inki aatma kaali kaise ho gayi hai????
arre.......maine abhi tak is matter ko samjha nahi hai.....arre kahan le jaa rahe ho..mujhe un logon se baat karni hai...unhe thik karna hai mujhe...
SCENE CHANGE
ab ye kya jagah hai...?????ye patthar kyun hil raha hai?????itni roshni kahan se aa rahi hai???jaa kar dekhta hun.....
ab ye kya bala hai???????
SCENE CHANGE:-
arre yaar.koi matter toh theek se samjhun....har baat ko puzzle bana kar chhodna zaroori hai kya????
ab ye kaun si jagah hai????arre ye toh........iska matlab ye wo jagah hai jahan??????par wo hai kahan??????
SCENE CHANGE
ab ye mai kahan aa gaya??????koi dusre yug me toh nahi pahunch gaya mai?????
ab ye kaun hai??????AAHHHHH.........fir wahi dard???par isse dekhkar kyun????kahin iske paas???nahi nahi,iske andar toh DARK ENERGY hai.......
aur mujhe toh WHITE ENERGY ki talash hai?????ek baar paas se dekhta hun????
SCENE CHANGE
lo,ab ye firse shuru ho gaya......kuch bolna bhi bekar hai......ab ye kaisi jagah hai????ek min,ye toh GOD'S BARRIER hai....
par iske aage toh DEVIL'S BARRIER laga hai......saala ab ye kaisi paheli hai???
arre aap?????aap yahan kaise ????
nahiiiiiiiiiiii.......ye kaise....????iska matlab,nahi nahi,mai ye nahi kar sakta..............
SCENE CHANGE:-
yaar,wahan toh rook jaata....mai wo nahi hone de sakta??????nark waali feeling dekar swarg le aaya tu.........
TUM..............!!!!!!!!!!!!nahi nahi....ye nahi ho sakta........
ye kaisi jagah hai.....????aur ye mere saath kyun hai??????
arre nahi yaar,abhi nahi................arree arre,andhera kyun ho gaya....usse kahin kuch ho naa jaaye....
mujhe kamsekam ye toh dekhne de ki wo sahi salamat hai yaa nahi.........!!!!!
arre,haashhhhhhh....kamse kam wo toh thik hai...par uske,paas jaa raha hun,gayab mat kar dena!!!!arre ye toh,nahi nahi....aisa kaise!!!!!!!!!!
ye yahan!!!! arre ye kya aur kyun?????????
adbhudh.................
SCENE CHANGE:-
pehli baar........THANKS..............pura scene toh dikha..
par laaya kahan hai is baar???chalo,aage chalkar pata karta hun.....waise jagah darawani si hai........
TUM!!!!!!!!!
yahan bhi............iski kya zaroorat hai?????
ab ye kaun hai.................
arre!!!!!!iske gaal me ye ????????
arre firse!!!!!ye ho kya raha hai isse......
ab ye dard bhara shor kaisa????chal kar dekhta hun......
ye ladki mere aage aage kyun chal rahi hai????issike piche ho leta hun....
arre ye sab log......???inhe bhi...........
mere kaan baje ki mujhe sach me sunayi diya.....nahi nahi,mujhe sach me uska naam sunayi diya...... aur fir usne kuch bola.......
aur jaise mere dimag me uski boli hui baat gunji,meri neend toot gayi aur mai ek jhatke me uth kar baith gaya......
MAI- saala,aaj toh mere saath ajeeb chutiyapa hua......
OH SHIT............
hua ye ki maine time dekha toh mujhe jhatka laga....kyunki abhi subah ke 8 baj rahe hain..
ye mere life me first time tha jab mai itni der tak soya tha.....
maine apna mobile check kiya,ANJALI aur RONIT ke 5,5 miss calls the.......
MAI- kamal hai.....itni gehri neend ki mujhe mobile ki ring bhi sunayi nahi di!!!!!
aisa toh tab bhi nahi hua tha jab mere paas koi shakti nahi thi....
phir achanak mujhe apne sapne yaad aaye...
aisa kuch bhi mere saath pehli baar hua tha.......
kuch der tak mera dimag inhi sab baaton me uljha raha,par fir maine apna dimag jhatka kyunki mai already college ke liye late ho chuka tha...
mai turant bathroom me ghusa aur fresh hokar shower lene laga...
baaki ke hisse toh nahi,par mere dimag me mere sapne ka ek hissa bohot zyada ghum raha tha..
mai chaah kar bhi usse bhul nahi paa raha tha....
khair,mai fatafat ready hokar neeche aaya jahan meri family baithi hui thi.......
maine sabko baari baari GOOD MORNING greet kiya aur breakfast karne baith gaya...
par braekfast karte waqt bhi mera dimag mere sapne ke ussi hisse par atka hua tha...
mera breakfast kab khatm hua,mujhe pata hi nahi chala....
MAI- ok,bye every body..........
DAD- ek minute beta........
maine abhi baahar jaane ke liye kadam badhaye hi the ki dad ki awaaz sunkar mai rook gaya....
MAI- ya dad,whats up????
DAD- kuch baat karni hai.chalo,mai bhi tumhare saath bahar tak chalta hun.....
MOM- kya hua???kya baat karni hai aapko mere bete se jo yahan nahi kar sakte....!!!
DAD- business related baat hai MINU.......ab hamara beta commerce padhne laga hai toh maine socha ki usse kuch tips lelun.....
MOM- aap bhi naa.khud toh hamesha business me uljhe rehte hain aur ab mere bete ko bhi ussi me uljha rahe hain...
MAI- oh,common mom.....aakhir ye sab bussiness aage chalkar mujhe hi toh sambhalna hai..toh abhi se kuch kuch pata rahe toh acha rahega naa....
MOM- chup..dad ka chamcha.........
NANAJI- beta,wo galat thodi na bol raha hai.ulta tumhe toh khush hona chahiye ki mera pota abhi se apne dad ko aaram dene ke baare me soch raha hai....
MAI- exactly..thanks nanu...lets go dad...
mai aur dad bahar ki taraf nikal gaye...
waise mujhe pata tha ki dad ne mujhe kyun roka hai par main unke dimag ke saare vicharon ko padhne se khud ko rok diya tha..
bhale hi mai kuch bhi kyun na ban jaaun,pitah ki baaton me jo LOGIC hote hain,unhe MAGIC se samajhna,galat hota...
MAI- ji dad..boliye??
DAD- ma nahi tum bolo..what's teh problem???
MAI- problem!!!kaisi problem????mujhe toh koi problem nahi hai...
DAD meri baat sunkar kar muskura diye..
DAD- beta mai jaanta hun ki ab tum kaafi intelligent ho,ab bade bhi ho gaye ho,tumhari apni ek life hai,par in sab baaton se ye zaroori toh nahi hai naa ki tum har problem ko khud hi solve kar lo.....
kabhi kabhi apni problems bata dene se solution apne aap nikal aata hai.ya fir ab tum mujhe apna life line nahi maante...???
MAI- aisa kuch bhi nahi hai dad....aap hi mere life line the ,hain aur hamesha rahenge...
DAD- toh fir batao,aisa kaun si paheli hai jo mera super intelligent solve nahi kar paa raha hai..
MAI- kabhi kabhi zyada hoshiyar hona bhi galat hota hai dad....isse aapko saare jawab pata hote hain..
aur saare jawab pata hona hamesha acha nahi hota.....
par usse bhi bura hota hai jab aap sab jaante hain aur aapko pata hota hai ki jo bhi aap jante hain,wo theek nahi hai,fir bhi aap kuch nahi kar sakte,aise me kaisa lagta hai,ye imagine karna bhi mushkil hai.....
DAD- tumhe pata hai ki tumhare paida hote waqt kya hua tha????
MAI- haan,mom ne bataya tha ki unki jaan ko khatra tha.....
DAD- aaj ki taarikh me mai agar sabse zyada pyar karta hun toh wo tumse karta hun my son....
par pata hai,jab doctor ne mujhse bataya tha ki MINU ki delivery me complications hai aur maa aur bacche,dono me se kisi ek ko hi bachaya jaa sakta hai,toh maine tumhari maa ko chuna tha..
aur pata hai,tumhari mom ne mere faisle ko maanane se inkar kar diya tha..wo tumhe paida karna chahti thi....
uski bas itni si khwahish thi ki tumhe ek baar dekh sake.....
us din toh mujhe uske faisle par bohot ghussa aaya tha par dheere dheere mujhe ye ehsas hua ki wo apni jagah bilkul sahi thi...
hum har cheez ko jaan toh sakte hain par usse control nahi kar sakte....
hume bas khud kya karna hai,wahi tay karne ka hak hota hai,aur baaki sab waqt aur upar waale par chhod dena hota hai..
ho sakta hai ki jo result nikle wo hume acha na lage,par har cheez jo achi na lage,wo buri ho,ye zaroori nahi hota...
aaj ek baar fir saabit ho gaya tha ki bina taklif ki jad ko jaane agar koi rooh tak ko sukoon dila sakta hai toh aisa chamatkar sirf ek PITAH hi kar sakta hai.....
maine dad ko ek baar hug kiya aur college ke liye nikal gaya.....
IN COLLEGE:-
ANJALI- toh MISS VALENTINE,party kab de rahi hai????
AVANTIKA dheere se- MR VALENTINE ko toh aa jane de.....
ANJALI- kya kaha ???
AVANTIKA- kuch bhi toh nahi..waise ye V.J kahan reh gaya....
RONIT- pata nahi,aaj subah jogging karne bhi nahi aaya....aur phone bhi nahi utha raha....
AVANTIKA- ek aur baar try kar......
SHANAYA- uski zaroorat nahi hai..wo dekho,V.J aa raha hai..
V.J- hey guyzzz.sorry haan,mai thoda late ho gaya...
ANJALI- thoda.tu pure 2 lectures ke baad aa raha hai????
MAI- haan yaar,aaj neend hi nahi khuli....
meri baat sunkar ANJALI aur RONIT ko shock laga par dono chup hi rahe...
SHANAYA- matlab teh great V.J bhi perfect nahi hain.unse bhi chuk ho jaati hai...
SHANAYA ki baat sunkar sab has diye.
AVANTIKA man me- kal raat kitna acha mouka tha....mai apne dil ki baat V.J se keh sakti thi..
par jab bhi sochti hun ki isse apne dil ki baat kahungi,pata nahi aisa kyun lagta hai jaise mujhe andar hi andar koi rok raha hai aisa karne se......
MAI- abhi time nahi hua hai...........
ye baat maine AVANTIKA ki aankhon me dekhkar kahi thi jisse sunkar wo hadbada gayi.......
SHANAYA- kis cheez ka time??
MAI- arre mai puch raha hun ki third lecture ka time nahi hua hai kya????
SHANAYA- oh shit.....2 minute upar ho gaye..lets go guys......
ANJALI- hum aate hain,tum dono jaao...
AVANTIKA aur SHANAYA class ki taraf nikal gaye....
RONIT- chal bhai,shuru hoja.......
maine RONIT ko ghur kar dekha...
RONIT- tere ghurne se mai darne waala nahi hun..
ANJALI-sahi kaha.hume sach sach bata ki aisa kya hua tha ki tu aaj nahi aaya....
maine ek lambi saans chhodi aur maine jo bhi sapne dekhe the,wo sab kuch dono ko bata diya.....
RONIT- saala aadhi se zyadi baat toh samajh hi nahi aayi....
ANJALI- wo sab chhod...V.J,tune bataya ki tune sapne me 2 ladkiyan dekhi thi jisme se ek ka naam bhi tune suna tha....
aur usse kuch batate hue bhi tune suna tha jiske baare me tujhe kuch bhi nahi maalum...
MAI- haan par naam mai dono ladkiyon ke hi jaanta hun.........
DONO- what!!!iska matlab pehli waali ladki ka naam tu pehle bhi kabhi sun chuka hai!!!!
MAI- kabhi kya,har roz sunta hun..mai hi kya,tum dono bhi sunte ho....
DONO- hum bhi sunte hain????kaise,matlab kaun hai wo ladki..........?????
MAI- AVANTIKA........
is baar toh dono aise uchle jaise dono ke seat ke niche kisi ne spring laga diya ho........
ANJALI- apni AVANTIKA........
RONIT- par wo wahan kar kya rahi thi????
( maine dono ko sirf itna bataya tha ki maine apne sapne me AVANTIKA ko dekha tha,aur kuch nahi )
MAI- abbe maine bataya na ki jaise hi uska chehra aaya,scene change ho gaya....
RONIT- arre haan.........
ANJALI- aur dusri ladki!!!!???????
MAI- ANALIA.........
RONIT- ye wahi ladki hai naa jisne kuch aisa kaha tha jiske baare me tu bhi kuch nahi jaanta.......!!!!!
MAI- haan....
DONO- KYA????????
MAI- CURSE OF THE SWEET POISON.......
AAJ KE LIYE ITNA HI...........
AAPKA APNA V..J......
one of the best stories i loved in xf
