UPDATE-254
“Kitni nafarat ho gaye hai mujhe es jagah se ki ab to en hawao me hi ghutan mahsus ho rahi hai. Ek waqt tha jab te mera ghar hua karti thi aur ek aaj ka time hai ki yaha saas tak nahi liya ja raha”
Heaven me khada lucifer apne aapse baat kar raha tha
Uske chehre ka rang utra hua tha aur use sach me vaha saas tak lene me dikkat ho rahi thi
Vo vaha mojud to tha lekin vaha hona nahi chahta tha. Pata nahi kaise apne aapko control kar rakha tha usne
Ek lambi saas chhod kar usne us jagah ka nirakshan karna suru kara jaha se guruji gayab hue the
Use abhi bhi aawaz aa rahi thi aur ab kuch saaf bhi ho rahi thi lekin etni nahi ki samjh me aa jaye. Lucifer ko sare magics ke bare me bahut deep knowledge thi esliye vo sirf hawao se hi pahchan gaya tha ki yaha kya hua hai
Aur ye bhi ki kon kar sakta hai bas ab use do chhije pata karni thi ek to esko toda kaise jaye aur dusra vo kaaran jiski vajah se supreme se guruji ko hi bandhan me baand diya. Ye koe chhota karan to raha nahi hoga esliye lucifer ki esme dilchaspi bahut adhik badh gaye thi
“ Apne ghar me chhup chhup kar nahi aana chahiye. Mukh dwar humesha khula hi rahta hai apne ghar ka apno ke liye”
Lucifer ke piche se ek madhur aawaz aae
Kiski aawaz thi ye pahchana lucifer ke liye jara bhi muskil nahi tha. Vo jamane door se es aawaz ko pahchan sakta tha. Ab jab tumhe janam dene wali tumhe pukare to tum kaise nahi pahchanoge use?
Mata- kuch dund rahe ho? Main madad karu?
Lucifer- aap firse mere samne aa gaye? Aakhiri baar ki mulakat me aapko mera muh band karna pada tha
Mata- jo tum mangane wale the vo main puri nahi kar sakti thi
Lucifer- aur agar aaj vapas main vohi maang liya to? Kya fir aap mera upar shakti pardarshan karoge?
Mata- us waqt tum par jajbaat bhari thi lekin ab tum kuch kuch samjh chuke ho esliye mujhe nahi lagta ki aisi koe naubat aayegi
Lucifer- jajbaton par kabu pana bahut pehle sikh liya tha maine
Mata- fir bhi tum yaha aa gaye? Yaha tum aaye kyuki tumhre jajbaton ne tumhe majbur kiya hai. Tum guruji ko kuch nahi hona dena chahte. Ye jajbaat nahi to aur kya hai?
Lucifer- mere yaha aane ka to kaaran hai lekin aap yaha kyu ho?
Mata- pura sansaar hi mera hai main kahi bhi aa ja sakti hu
Lucifer- lekin lucifer ke samne nahi aa sakti. Aap bahut ache se jante ho main kya kya kar sakta hu es sansaar ke sath aud vo bhi tab jab aap aur supreme dono ek sath mere samne ho. Main tab bhi aapke es pyaare sansaar ko ujaad sakta hu
Mata- lekin ujhadna kyu hai? Kya tumhe es se pyaar nahi hai? Tum se savaar sakte ho lucifer
Lucifer- mujhe banaya hi ujhadne ke liye gaya hai to main kyu savaru? Jisko aapne es kaam ke liye banaya hai usko bolo na
Mata- tum aaj tak apne jeevan ka udeshay hi nahi jaan paye
Lucifer- bhagwan nahi baj jata agar ye jaan leta to?
Mata- unse kam bhi to nahi ho tum
Lucifer- vo din hai to main raat, vo dooph hai to main baarish, vo achai hai to main burai
Hum dono same nahi hai kabhi ho hi nahi sakte
Mata- hum din ki utni hi jarurat hai jitni raat ki aur baarish ke baad doop nikalna hi shristi ka niyam hai
Lucifer- mujhe aapse bahas nahi karni. Aap mere raste se hat jaye aur mujhe mera kaam karne dijiye
Mata ne apna ek hath aage badaya usme se kuch safed roshini nikali aur guruji bahar aa gaye
Mata- esliye hi aaye the na tum yaha? Lo maine kar diya tumhra kaam aasan
Lucifer- shit shit shit
Ab samjha puri kahani main sala dimag use karna chahiye tha. Aapne guruji ko sirf esliye kaid kiya taki main yaha aa saku. Aap dono ko pata tha ki sirf guruji hi aise vaykti hai jinhe bachane ke liye main es nark me apne pair rakhunga esliye aapne aisa kiya. Lekin kyu?
Ab kyu mujhe yaha laya gaya hai?
Koe bhi karan kyu na raha ho lekin lucifer aapki koe madad nahi karega, aapke kisi jaal me nahi fasega lucifer ab to kosis bhi mat karna
Mata- main to bas madad karne ki kosis kar rahi hu
Guruji- mate maine kabhi aapke samne aankhen tak nahi upar nahi ki lekin ab mujhe yaha ghutan ho rahi hai. Ya to aap mujhe aazad kar dijiye ya fir mujhe maar dijiye. Main aise nahi jee sakta
Mata- aapke jeevan ka udesay abhi pura nahi hua hai esliye us se pehle aapke praan nahi ja sakte lekin main aapke aazad kar sakti hu. Aap jaha jaye ja sakte hai jo chahe kar sakte hai koe aapko nahi rokega
Guruji- aur supreme?
Mata- mere vachan ko todne ki himmat kisi me nahi hai chahe vo supreme ho ya lucifer ya fir eda. Maine aapko jubaan di hai aap jaha chahe ja sakte hai
Guruji- sukriya maate
Jaldi hi milte hai lucifer
Aur guruji vaha se gayab ho gaye
Lucifer- mujhe bhi yaha se chalna chahiye. Saas lene me dikkat ho rahi hai kahi aisa na ho lucifer ki pradusit saas yaha ke vatavaran ko dushit kar de
Mata- meri baat abhi khatam nahi hue hai
Lucifer- message kar dena mujhe. Jab waqt milega tab padh lunga
Mata- galti hue hai mujhse aur uske liye abhi pachtane ka koe fayda nahi hai. Mujhe na to tumhre aisa na hi maechal ke sath aisa karna chahiye tha. Tum dono ko mujhe achai ka prateek banana chahiye tha jinhe dekh kar log sikhte, protsahit hote, tumhre jaise banane ki kosis karte lekin maine tumhe sataan bana diya
Lucifer- aakhir kaar sach nikal hi gaya aapke muh se
Mata- tum dono ki ekta ke dam par mujhe burai ka ant karana chahiye tha lekin maine tum dono ko hi ek dusre ke aamne samne khada kar diya
Mata- lucifer jitna maine socha tha us se bahut aage nikal gaya kalyug aur ab eska ant bahut aavask hai. Es se pehle ki insaan insaan ko khane lage, sare rishte nate bhul jaye ek naye yug ek naye kaal ki bahut jarurat hai. Esliye…
Lucifer- esliye kya???
Mata- esliye main chahti hu tum eska ant kar do, ek naye yug ki sathpna karo
Lucifer- mujhe kya milega es se?
Mata- moksh
Lucifer- ab man nahi raha moksh pane ka. Jaise bhi jee raha hu acha lag raha hai aur khush hu
Mata- tumhe ye karna hi padega lucifer
Lucifer- nahi to? Aap meri premika ko maar doge? Meri jagah unko moksh de doge?
Mata- aisa hi kuch samjh lo
Lucifer- to samjho de di lucifer ne unki kurbani. Aapko harte hue dekhne ke liye main kuch bhi kar sakta hu
Mata- kafi chhije aisi hoti hai jinhe hum taal nahi sakte
Lucifer- main taal sakta hu. Main mere apno ko kuch nahi hone dunga sath me aapka koe kaam bhi nahi karunga. Agar rok sako to mujhe rok kar dikhao aur ha main sadu ban gaya hu ab esliye mujhe gussa bilkul nahi aata kahi aap ye soch rahi ho ki mujhe gussa dila kar aap khoon bahva doge to aisa nahi hoga
Mata- es yug ka ant to nischit hai lucifer aur sari burai ka ant bhi. Ek naye savere ke liye mujhe bhi kuch kimat to chukani padegi hi
Lucifer- samjh raha hu main. Aap us chakrvahyu me usko fasaoge jiske mare jane ke baad main adharm par utar jaunga lekin aap ye bhul rahe ho ki main hi adharam hu. Aap apna khel kheliya main apna khelta hu fir dekhte hai kaha leke jati hai humari manjil hume
Mata- dark lord ne apni atma ke teen tukde kiye hai aur jab tak vo teeno tukde khatam nahi ho jate tab tak use mara nahi ja sakta. Esliye sabse pehla kaam hai un teen tukdo ko dundna jaha usne apni soul chhupaye hai uske baad hi tum use maar sakte ho
Lucifer- mood change ho gaya mera. Nahi marna ab mujhe usko. Jane deta hu vaise bhi bahut bada dil hai mera
Mata- tumhra ego pata nahi tumhe kaha leke jayega
Lucifer- aapko hi nahi pata to kisko pata hoga? Mere ander ek ek chhij aapne hi to banaye hai? Aapko to sab pata hona chahiye?
Mata- suruvaat maine ki thi lekin ant tumhe hi karna hai
Lucifer- bahut acha laga aapse mil kar. Bahut pyaar diya aapne apne bete ko main to rani ho gaya aapke pyaar ka. Umeed karta hu bhavisay me bhi mujhe etna hi pyaar milta rahe
Aur lucifer piche mud ke jane laga
Mata- to es tarah badla loge tum mazikeen ka? Aise mil jayegi vo tumhe vapas? Ya fir uske liye bhi tumhre dil me kuch nahi tha?
Lucifer- padh lo mera dil pata chal jayega aapko
Mata- tumhe pata hai na vo kabhi vapas nahi aayegi?
Aur uski maut ka karan kya hai?
Lucifer- uski maut ka kaaran ho aap aur supreme
Aap dono ki galtiyo ki vajah se vo aaj es dunia me nahi hai. Esliye uska to naam hi na lo to acha hoga
Mata- achi demon thi vo. Bahut saalo se usne tumhri seva ki mujhe afsos hai ki main tumhre liye kuch nahi kar sakti.
Lucifer ke chehre ka rang badalne lag gaya tha, gussa apna level ke upar ja chuka tha aur ab vo sochne samjhne ki halaat ke bahut niche ja chuka tha
Lucifer- I, LUCIFER MORNINGSTAR, FIRST BORN OF THE ULTIMATE ONE CHALLENGES YOU FOR ONE’o ONE COMBAT……
