Schedule |
|---|
UPDATE# | DATE |
|---|---|
Update 117  | November 28th 11:30 PM |
Update 118 | December 6th 11:30 PM |
Update 119  | December 12th 11:30 PM |
Update 120  | December 16th 11:30 PM |
Update 121 | December 20th 11:30 PM |
UPDATE 2 ~Tv
[THE PROMISE]
Recap
[You must survive in this tower while trying to go back to your world]
[Name- Aarav Arya
Level- 1
Rank- F
Title- None
****
HP- 27
MP- 13
Strength- 22
Agility- 22
Endurance- 23
Stamina- 19
Intelligence- 17
****
Skill- 2
[Will to live] ~ [Slash (E)]
****
Weapon- None]
[New Quest Available]
[Quest: To complete the quest, you have to kill the orc king, The location of orc king will be given below
(Rewards)
(1) Orc king's Blood Axe
(2) 20 stats points (every party member)
(3) MVP will get Additonal 20 Stats Points
(4) You can go back to home
Time Limit: 7 Days
Quest Failure Penalty: (Death)]
[You are now entering the Tutorial Tower]
[Good luck]
Ab aage...
Manali
Night~ 11:46 PM
"Sorry Bhayia"
Aarav ke bazoo per sar rakhe leti uss ki behan Urvi ne halke se kaha, Us ki ankho me se ansoo nikalne ko the, Aarav apni socho me gum tha, lekin apni behan ki Runasi Awaz sun us ka dhayan apni behan ki taraf ho gya, Aarav ne us ko laite huwe side se gale laga lia.
Abhi dono hospital se wapis aye the, Urvi ki kuch dino se tabiyat kharab ho rahi thi, har waqt bukhar rehne laga tha jism me bewajah dard uthne laga tha, jis ke chalte Aarav us ko zabardasti hospital le gaya.
Doctor Aarav ke Purane dost ke Papa he the iss liye unho ne fees kam karwa di, Report me to time tha lekin Doctor Shirish ek kabil doctor the, unho ne pehle he apni raye dete huwe keh dia ke ye Cancer ke syptoms hai.
Ye sun Urvi ko khud se zada apni bhai ki fikar hone lagi, kiu ke agar ye sach tha to us ka bhai apni puri koshis karne wala tha apni behan ke ilaaj ke liye.
Pehle he us ki wajha se Aarav ne khud parhai chorr di aur kam ker ke Urvi ko parhane ke liye mehnat ker raha tha, Urvi ke laakh mana karne per bhi wo na maana aur zabardasti urvi ko School bhejta raha.
Urvi ko andaza tha ke us ke bhai ke paas Treatment ke liye paise nahi the, iss liye wo mann ne me dua mangti rahi ke Doctor sirish ka khayal galat sabit ho jaye, per aj jab wo report lene gye aur wahan stage 2 ke cancer ke bare me unhe pata laga to dono ke chehre ke rang Urr gye.
Urvi khud ko tab se sambhale huwi thi lekin apne bhai ke gale lag us ki himmat jawab de gayi aur wo rone lagi.
Urvi: (Crying) Sorry bhayia!
Urvi bus gale lagi roti rahi us ke muh se Sorry ke siwa koi aur lafz nahi nikal raha tha, Apni behan ko yun rota daikh Aarav ne us ko aur zor se baahon me bheench lia.
Aarav: Pagal ho gayi hai kia? Tu kis baat ki mafi maang rahi hai? Ab bimari puch ker thori ati hai.
Aarav khud buri tarha dara huwa tha apni Behan ki halat ke baare me sun ker lekin us ne kabhi apni kamzoor halat apni behan ko nahi dikhayi thi, uss ke liye wo hamesha ek mazboot bhai ki tarha bane rehne ki koshis karta jis ke agosh me us ki behan sab duniya ki takleefo se azad Aram ker sake.
Lekin aj apni behan ko yun rota daikh usse khud takleef ho rahi thi, Aarav ne ek lamba Saans bhara aur kuch pal shaant rehne ke baad chehre per halki muskurahat saja li.
Aarav: Urvi! Hum ne bohat se mushkil waqt ek saath daikhe hai, Maa ke bina zindagi guzarne ka mushkil waqt, Sharab ki aur juwe ki latt ki wajha se papa ke saath wo karze wale dino ke bure waqt, Phir Papa ke chale jane ke baad puri duniya se akele larte huwe waqt, Lekin tujhe pata hai? in sab waqto se main ne kia seekha hai?
Urvi apna sar uthaye apne bhai ki taraf daikhne lagi, Aarav in sab takleefo me bhi chehre per ek muskurahat sajaye baat ker raha tha, Us ka bhai hamesha se aisa he tha, chahe jo bhi ho jaye, Us ke chehre ki ye muskurahat se Urvi ke dil ko rahat mil jati thi.
Aarav: In sab palo me mujhe Ehsaas huwa! Waqt chahe jitna bhi bura kiu na ho us ne guzar he jana hota, jaise ache pal hamesha nahi rehte aur guzar jate hai waise he bure pal bhi guzar jate hai, Mujhe in dono palo me tujh se ek he cheez chahiye.
Us ke bhai ko us se kuch chahiye ye sun Urvi ne apne ansoo saaf kiye aur seedhe ho ker baith gayi, Maano puch rahi ho ke us ke bhai ko us se kia chahiye? Uss ki ye harkat daikh Aarav ki muskurahat aur gehri ho gayi.
Aarav: (sigh) Vishwas! Sirf tera Yaqeen chahiye mujhe, wo yaqeen jis me tere mann me sirf ek baat ho, "Cahahe Jaisa bhi waqt kiu na aa jaye mera bhai sab theek ker sakta hai".
Aarav ki baat sun Urvi ke Chehre per muskurahat aa gayi, kahan wo soch rahi thi us ka bhai pata nahi kia mange ga, per us ka jawab sun us ne khudh ke sar per he haath marr dia, Aarav ne apna haath Urvi ke kareeb ker dia.
Aarav: (Smiles) bata kare gi mujh per aisa Vishwas?
Urvi Apne banhe philaye aage barhi aur apne bhai ko dobara gale laga lia aur us ke gaalo ko chum lia.
Urvi: (Blush) Haan ji! Mujhe ap per pura Vishwas hai.
****
[You are now entering the Tutorial Tower]
[Good luck]
"Ye sab kia ho raha hai?"
Aarav ne chilate huwe kaha, yun Achanak us ke saamne andhere me ye sab likha ane laga, pehle he wo khud ko mara huwa samajh ke dara huwa tha upar se ye us ke saath hone laga tha.
Aarav: (Scared) Koi mujhe bataye ga ye sab kia hai? Hello koi hai kia yahan?
Aarav awaz dene laga ke shayad koi sun le, per kisi ka jawab na sun Aarav mayoos ho gya, tabhi achanak us ko apne neeche wohi cirlcle dobara banta dikhayi dia.
Aarav: (Frightened) Nahi Nahi! Dobara nahi.
Wo circle dobara chamakne laga aur us me se lapte nikli, Aarav ko un lapto ke ilawa kuch aur nazar nahi aya , Aarav ki body ek dum se dabao me aa gayi aur us ke saamne se lapte hatne lagi.
Lapte khatam hote he Aarav ne saamne Daikha to wo ek jungle me khara tha, Jungle jagha jagha se baraf se dhaka huwa tha, yani wo kisi barfile ilaqe me tha, Per Sawal ye tha ke konse barfile ilaqe me?
Aarav: (Frowns) Ye konsi jagh....!
"Where the Fuck I am?"
Iss se pehle Aarav apni baat puri karta us ko peeche se kis larke ki awaz ayi us ne ghoom ker daikha to us ke peeche use kuch log khare dikhayi diye, Aarav tezi se un ki taraf bhaag para.
Aarav: Oye! idhar daikho, main yahan hu.
Aarav bhaag ker un ke paas unhe bulate huwe jane laga, Unhe daikh ker Aarav ko ek umeed ki kiran nazar aa rahi thi, use khushi ho rahi thi wo yahan akela nahi hai, us ke haath se khoon abhi bhi beh raha tha jis ke dard se use khud ke zinda hone ka ehsaas ho raha tha.
"Ochitsuke!"
Un me se ek larke ne Aarav ko daikh ker kahan to Aarav uss ki shakal daikhne laga kiu ke us ka kaha kuch bhi Aarav ko samajh nahi aya tha.
Aarav: (confuse) konsa suke?
Aarav ne dhayan se daikha to wo larka dikhne me chinese lag raha tha, Aarav ne bakiyo ko daikha to baki bhi indian nahi lag rahe the, Wahan Aarav ko mila ker 6 log the 4 larke aur 2 larkiye,
Sab ke chehre per khoof tha waisa he khoof jo Aarav ke chehre per tha, Jis se Aarav ko ehsaas ho gya ke unhe bhi kuch nahi pata aur wo bhi Aarav ki tarha he yahan aye hai, Un sab me sirf wo chinese larka tha jo iss Situation me calm tha Per aisa kiu tha ye pata lagane ke liye us se baat karni zaroori thi, Aarav ne us larke ki taraf ishara karte huwe dheeme lehje me bola.
Aarav: Chinese?
Larka: No Chinese! Japan
[New Skill Available]
[Enhanced Language Understanding]
[Capabilities: The user has the ability to understand, decipher and translate any written and typed language into the user's own native tongue, or through subliminal intuition of what by physical communication means. This ability may even employ telepathic faculty, where the psychic energy is read (by hearing or sight) to understand what the message is meant to convey.]
[3 intelligence points will be deducted]
[(Accept)~(Cancel)]
Apne saamne dobara cheeze likhi daikh Aarav dar gaya, Aarav ne bohat kam parhai ki thi jis ke chalte use English samajh nahi ati thi, Us ne thori bohat jo English sikhi thi to wo Manali me ane wale tourist logo ko bolte sun seekhi thi.
"Accept"
Wo japanese larka ek dum se bola to sab ka dhayan us ki taraf chala gaya, Sab ke chehro per dar saaf daikha ja sakta tha, Us larke ne sab ki taraf nazre ghoomayi aur dobara bola.
Larka: Trust me guys! Just Click on Accept, I will Explain everything later.
Larke ki baat sun Sab ne ek dusre ki taraf daikha jaise ek dusre se puch rahe ho ke kia karna chahiye? Larke ki baat sun ye to sab ko pata chal gaya tha ke sab ke saamne Same cheez he likhi aa rahi hai.
Larka: I'll count to 3! After 3 let's do it together.
Larke ki baat sab ne haan me sar hila dia, kiu ke un ke paas koi aur Raasta bhi nahi tha, abhi tak jo un ke saath huwa tha us ke baare me kisi ko kuch nahi pata tha, Wanhi us japanese larke ki awaz me Confidence tha, to sab ne us per yaqeen karne ka faisla ker lia.
Larka: 3, 2, 1 click!
Larke ke 1 kehte he sab ne hawa me he Accept per ungli maar di, un ko daikh Aarav ne bhi wohi kia, click karte he.
*Aahhh!!*
Sab ke Sar me ek tez dard ki lehar uthi, Maano koi un ke sar ko kisi cheez se cheer raha ho, Sab ghutno ke bal gir gye, Wanhi Aarav seedha barf per gir gaya us ki naak se khoon behne laga, Ankho ke aage Andhera chaane laga.
[3 Intelligence points deducted]
[You have acquired the skill
(Enhanced Language Understanding)]
Ye Notification Aarav ki ankho ke saamne aya aur us ka pura sar ka dard khatam hone laga, Aarav ne apne haatho ko neeche rakha aur un per zor de ker uthna chaha, tabhi use us ke gale me se ulti upar ati mehsoos huwi, Jis ko us ne bahir udhel dia, aur wanhi ghutno ke bal baitha khanste huwe lambi lambi saanse bharne laga.
*Cough* *Cough*
*huh* *huh*
"Kuch behtar mehsoos huwa kia?"
Aarav ke kaano me awaz ayi to us ne sar utha ker daikha ye wohi Japanese larka tha, Lekin us ki hindi sun Aarav heran ho gya, Abhi kuch lamhe pehle is larke se English bhi nahi boli ja rahi thi, Lekin ab hindi aise bol raha tha mano Mumbai me he puri zindagi guzari ho us ne, Us larke ko bhi jaise Aarav ki herani ki wajha samajh aa gayi thi.
Larka: (Chuckle) Heran mat ho! Sab Samjhata hu pehle khare ho jao.
Larke ne apna haath aage barhaya to Aarav us ke haath ka sahara le ker khara ho gya, Sab logo ki halat Aarav se kuch khaas alag nahi thi, Sab lambi lambi saanse bhar rahe the unki ankhe laal ho rahi thi puri, Wanhi 1 larki ki halat un sab se behtar thi, sar me us ke bhi dard tha lekin bakiyo ki tarha us ne ulti nahi ki thi.
Japanese larka: Great! Lagta hai tumhari Intelligence bohat high hai, Kitne points hai Intelligence me tumhare?
Larke ne larki ki taraf haath barhate huwe kaha, jis ko us larki ne side per ker dia aur khud apne sahare khari ho gayi, aur garajti nazar larke per daal ke boli.
Larki: 72!
Larka: Damn! Koi shak nahi tum per itna faraq kiu nahi para.
Un ki baate sun baki sab jo khamoosh the un me se ek larka gusse se bol he para.
Larka 2: (annoyed) Agar tumhari baate ho gayi ho to batana chaho gye ke yahan ye sab kia chal raha hai?
Larka: Oops, Sorry! to main apne naam se shuru karta hu, mera naam Daisuke takahashi hai, main Japan PSIA (Public Security Intelligence Agency) Agent hu, Waise baki sab bhi agar apna naam bata dete to aage baat karna Easy hota.
Sab ka muh Daisuke Ke PSIA agent hone se he khul gaya, Lekin un ke saath jo kuch ho chuka tha us ke saamne ye kuch nahi tha.
Koi bhi pehal nahi ker raha tha sab khamoosh khare ek dusre ko daikh rahe the, Jab kuch der koi kuch nahi bola to Aarav apna introduction dene ke liye aage ho gya.
Aarav: (Awkward) Hello! Mera Naam Aarav hai, Main India, Manali se hu, Aur mujhe kuch nahi pata yahan kia ho raha hai.
"Andrew! Main nigeria se hu, Ek Army Officer, aur mujhe bhi nahi pata ye sab kia hai"
Un me se ek aur Admi bola dikhne me wo kafi mazboot insaan lag raha tha 34 ke paas to lag rahi thi us ki age, us ke upar Army ki job sahi bhi lag rahi thi.
"Hi! Isabelle Adjani here, Main France se hu ek doctor."
Dusri larki ne apna introduction dete huwe kaha, Isabelle ek Heart specalist thi Surgery Department me, Dikhne me khubsoorat thi.
"Seriously! Hum sach me iss waqt ye ker rahe hai, Hum nursery School me nahi hai jo introduction, Hume yahan se wapis jane ke baare me sochna chahiye, Agar Wapis jaane ka Raasta pata hai to batao? pata hai mujhe kitni mushkil ho rahi hai thand me?"
Daisuke: (Smirk) Got It! AP ke pita ji kisi Bari company ke owner hai right?
Larka: Wait! Tumhe kais....Wait Wait, Ye sab planning thi, Oh my god main kaise tumhari baato me aa gaya? *Huh* Batao kitne Paise chahiye tumhe, Mere Dad muh per maar de gye tumhare paise bus Keemat bolo, batao kitne chahiye? Bloody Cheap Bastards.
Daisuke: Beta ji baat suno, Sab se pehle to Baap ke paiso per itna nahi urte, Dusri baat hum yahan koi tumhe kidnap ker ke nahi laye, Saath rehna hai to raho warna Ja sakte ho jahan jana chaho.
Larka: Youuu!
Andrew: Kid! Abhi larne ka waqt nahi hai, Aur naam batane se tumhara koi nuksan nahi hone wala, Just trust us.
Larke ko gussa to aa raha tha per Andrew ki baat bhi sahi thi Naam batane se kisi ka nuksaan nahi ho raha tha.
Larka: (Tsk) Vansh Sayani.
Itna bol ker Vansh chup ho gya kisi aur ne bhi use cherna sahi nahi samjha, aur unho ne aage barhna he sahi samjha.
"Kim Yoo-Jung! 19 Years old,From south Korea, Student, Also in Archery team"
Yoo-Jung ne apna introduction dia aur dobara chup ker ke khari ho gayi, Abhi tak Unho ne Yoo-Jung ka chehra nahi daikha tha kiu ke us ne mask laga ke rakha tha, Us ke kandhe per Bow aur Arrows bhi the jaise wo yahan ane se pehle Shooting practice he ker rahi thi.
Daisuke: Good! Sab ka Inroduction ho gya ab mujhe bhi samjhane me Easy ho ga, to hum PSIA wale pichle 2 Saal se ek case per kaam ker rahe, balke ye kehna sahi ho ga pure world ki intelligence force ek case per kaam ker rahi hai,2 Saal pehle Achanak 6 Log alag alag countries se achanak gayab ho gye, Jaise hum sab Achanak gayab ho gye, After 29 Days un me se sirf 4 wapis aye, Un ke parents aur relatives ne police Report bhi karwayi Police ne simply Human Trafficking ka case samjha isse, But Intteligence ka dhayan un per tab gaya Jab baki 4 logo me achanak supernatural powers dikhi.
Vansh: What! matlab kuch bhi, Apni taraf se banate ja rahe ho sab kuch.
Daisuke: Exactly! Mujhe iss Reaction ki he umeed thi iss liye main ne sab ko pehle Skill Accept karne ko kaha, Tumhe khud experience karne ke baad bhi yaqeen nahi ho raha, khud Socho tum 6 Alag Countires ki language Achanak se kaise samajh pa rahe ho?
Daisuke ki baat sab ke mann Se shak khatam ho gya wanhi vansh ne sirf gusse se apna muh pherr liya.
Daisuke: Continuing! Un supernatural Powers ko daikh Intelligence ka Dhayan un per Gaya...........
*Grrrrr*
Iss se pehle ke daisuke apni baat aage barhata tez gurahat ne sab ke rongte khare ker diye, Awaz itni unchi thi ke dur se bhi us ko saaf sun sakte the.
Daisuke: (Frightened) Everyone! Please Calm down.
Daisuke ne kehte huwe halke se ghoomna shuru kia, Saamne ka nazara daikh Daisuke ke bhi pair kaanp uthe, Un ke saamne iss waqt 30 ke kareeb Wolves gura rahe the, Lekin ye cheez unhe dara rahi thi, Inhe dara raha tha un ka size, Ek ek Wolf size me Normal Wolf se Triple tha.
Daisuke: (Gulp) Koi koshis bhi mat karna! Ye normal wolf nahi hai Demon Wolf hai, sirf 1 se larna he mushkil hai hamare liye.
Isabelle: (Scared) To....To....Toooo....Hum kia kare ab?
Daisuke: Wait! mere signal per sab bhaage gye.
Daisuke ne ishara de ker un sab ko roka, Wolf me se ek chalte huwe un ki taraf ane laga dheeme dheeme wo bhagne laga us ke saath baki sab bhi in sab ki taraf bhaage.
*Kabooom*
Daisuke ne ek Gernade jis ko us ne pehle he unpin ker dia tha sahi waqt per wolf ki taraf phenk dia.
Daisuke: Runnnn!!!!
Daisuke ka ishara milte he sab dusri taraf bhagne lage, Wo sab kisi pahar ke upar the jis ki wajha se un ke peeche Dhalan aa gayi jis per wo Tezi se bhaag paa rahe the, per sirf Ek galti Aur wo usi Dhalan per ghoomate huwe Wolves ka shikar ban sakte the.
Daisuke: (Shouts) Sab log bina peeche daikhe seedhe bhaago!
Vansh: Hume aur kitni der bhaagna ho ga?
Daisuke: Pata nahi!!! Pehli baat to ye wolves yahan hone he nahi chahiye the, Map ke hisaab se in ka Den hum se bohat Distance per tha, Phir in wolves ko yahan konsi cheez kheench layi?
*Blood*
Aarav ke zehan me achanak click huwa, Aarav ke haath se khoon beh raha tha aur wolves khoon door se he soongh sakte the.
Aarav: Kia meri wajha se?
Aarav ko jaise he iss cheez ka ehsaas huwa use khud per gussa ane laga, Isse Confirm karne ka ek he raasta tha Aarav bhaagte huwe Bakiyo se alag hone laga aur jaisa uss ne socha tha waise he mostly Wolves bakiyo ko chorr ker us ki taraf bhaagne lage.
Daisuke: Aaaaarav!!!
Daisuke ne Aarav ko alag hote daikha to us ne us ko wapis bulana chaha per Aarav bina kuch sune bhaagta raha, Daisuke ne khud Aarav ke paas jana chaha per beech me bohat zada Wolves the jis wajha se wo us taraf na ja saka.
*Swish*
Achanak ek Arrow Daisuke ke saamne se hote Aarav ke peeche bhag rahe wolves ki taraf gaya jis ko wolves ne dodge ker lia, Daisuke ne Side per daikha to Yoo-Jung Bhaagte huwe lagatar Arrows Wolves ki taraf chalati ja rahi thi.
Daisuke ko us ki bhi fikar ho rahi thi aise Arrows chalate huwe bhaagna Khatrnak tha, Daisuke ko apni taraf daikhta daikh Us ne ankho se he ishara ker dia Maano keh rahi ho ke wo ye ker sakti hai, Jis per Daisuke bhi seedhe bhaagne laga.
Daisuke: I'll Freakin' Kill you if any of you die!
Wanhi Jab Aarav ne apni taraf Arrows ate daikhe to us ke chehre per halki si muskurahat aa gayi, Arrows ko dodge karne ki wajha se Wolves ki speed slow ho rahi thi jis se Aarav ko distance barhane ka moka mil raha tha.
Per ye khushi kuch palo ki he thi, bhaagte huwe Aarav ko apne saamne ek khayi dikhi, Khayi daikh ker Aarav apne Kadmo per zor dete huwe ruka.
*Grrrr*
Per Us ke rukte he ek wolf Aarav per kud para aur us ne Aarav ke kandhe per apne daant gara diye jis Aarav ka balance kharab huwa aur wo larkharate huwe seedhe khayi me gir gaya.
Aarav: i'm Sorry!!!!! Urvi.
.
.
.
.
.
[Aj ke liye itna he guys, Umeed karta hu ap logo ko update pasand aye ga, Pichle update per ap logo ne bohat pyaar diya jis ke chalte main ne iss update ki length barha di hai, Umeed hai iss update per bhi ap logo ka Pyaar daikhne ko mile ga, Next Update Saturday Evening ko tab tak ke liye, Sayonara!]
First of all congratulationsUPDATE 1 ~Manali
[THE TUTORIAL TOWER]
Evening ~ 04:14
*Thud*
"Ye ho gya akhri Sofa" Single Sofe ko neeche rakhte huwe 1 admi ne bola phir usi sofe per baith ker saanse drust karne laga.
"Itne me thak gye Parth? abhi to aur bhi samaan nikalna hai Truck me se" Dusre Adhik umar ke Admi ne table ko rakhte huwe hans ker kaha.
Parth: (sigh) Pata hai pata hai! Ab saans lene to ruk he sakta hu.
"Arey Manohar bhai sahib! Aram se ker lo ap kaam koi baat nahi, Ap ki bhabhi ne chaye banayi hai ye pee lo phir ker lena baki kaam" Ek aur Admi ne haath me chaye pakre kamre ke andar ate huwe kaha.
Manohar: Arrey! Ashwin main ne kab kaha aram ne kare? per Aram karne jitna kaam bhi to kare na pehle akhir paise kis kaam ke leta hai?
Ashwin: Chale koi baat nahi bacha hai abhi wo, kaam to ho jaye ga chaye pee le pehle warna ap ki bhabhi Gussa kare gi.
Ashwin ne chaye ko table per rakhi aur Manohar ko Sofe per baitha dia, Manohar ne bhi aage kuch na kaha aur chup chap chaye peene laga.
Manohar ki umar 35 saal thi uss ka apna Furniture ka kaam tha aur iss waqt wo Furniture Deliver karne aya huwa, Wiase to manohar dukan me kaam karne wale larko ko bhej deta tha lekin ye furniture us ke purane dost Ashwin ke ghar ana tha iss liye wo khud bhi saath aya tha.
Us ke saath us ki dukan me kaam karne wala larka baitha tha Parth, Kaam to karta tha per nakhre bhi bohat the aksar Manohar se us ko daant bhi sun'ni parti thi
Ashwin: Bhai sahib Aarav ko bhi andar ane ko keh dete! Bechara kab se laga huwa hai wo bhi kuch der baith jaye, us ki halat bhi mujhe kuch sahi nahi lag rahi.
Ashwin ne khirki se bahir ek Jawan larke ko December ki thand me kaam karte daikhte huwe kaha
Manohar: (Sigh) Ap ko kia lagta hai? agar use bula sakta to main kiu na bulata? use agar kahe gye bhi to wo nahi aye ga, Yahan se uss ko jaldi kaam pura ker ke dusre kaam per nikalna hai, Iss liye yahan ka kaam wo jaldi niptana chahta hai.
Manohar ne chaya ka khali cup wapis Table per rakhte huwe kaha, Us ki ankho me Mayooshi jhalakne lagi thi maano wo bebas ho is mamle me.
Ashwin: (Frowns) Per iss halat me dusra kaam? Aise agar wo kaam karta raha to wo khud ko koi bara nuksaan pohancha baithe ga.
Manohar: kia kahu Ashwin! Bechare Bache ko kis muh se kahu ke wo aram ker le Maa Bachpan me dono behan bhai aur baap ko chorr gayi, Upar se jo baap tha wo zimedariyo ko nibhane ke kabil he nahi tha, aur akhir main 2 saal pehle wo bhi duniya se chala gaya bache ke sar per 18 saal ki umar me kanwari behan ki zimedari aa gayi iss liye School chorr ker kaam per lag gaya Zindagi itna sab us bache se le ker bhi khush na huwi ke kuch arsa pehle us ki behan ki medical report me Cancer dikh gaya, Sirf stage 2 hone ki wajha se cancer curable to hai lekin paise to us me bhi lagte hai na? ab ye bacha 18 ghante lagatar alag alag jagha per kaam ker ke paise ikathe ker raha hai apni behan ke liye.
Manohar ki baat sun Ashwin ki ankho me Aarav ke liye hamdardi jhalakne lagi, wo daikhne laga kis tarha bina kisi bhi cheez ki parwah kiye 1 jawan larka mehnat ker raha hai
*****
Wanhi bahir Aarav ek ek ker ke sab cheeze truck se bahir rakhne me laga huwa tha, Aarav 20 saal ka ek jawan larka tha us ke kapre purane the use daikh ker he pata lag sakta tha ke wo theek se khana nahi khata us ki ankho ke neeche dark circle ban rahe the der raat tak kaam karne ki wajha se.
Sab cheeze bahir rakh ker Aarav Truck se neeche utarne ke liye truck ke kinare per aa gya, Aarav neechhe utarne he laga tha jab achanak us ka paon phisal gaya us ne khud ko bachane ke liye truck ki side ko pakar lia per wahan ek ek keel nikli huwi thi jo seedhi Aarav ke haath per lagi aur us ki hatheli cheer di.
Aarav neeche girte girte bacha lekin us ke haath se khoon behne laga tha, Us ne jaldi se apne haath ki muthi band ker li aur apne dusre haath se apni jeb me rakha romal nikalne laga,Romal nikal ker Aarav ne apne haath per lapait lia.
Aarav ne dobara haath ki muthi bana li aur upar asman ki taraf daikhte huwe dard ko bardasht karne laga, December ka maheena tha aur Aarav ko mehsoos ho raha tha ke Snowfall hone wali hai.
*ring* *ring*
Abhi Aarav ko khare kuch der he huwi thi ke us ke phone per Call ane lagi Aarav ne apna keypad wala phone nikala jis ko type laga ker apas me jora huwa tha, Aarav ne screen daikhi aur thook nighal ker call attend ker li.
Aarav: Hello!
Caller: Kahan Reh gye larke? yahan hotel me customer ane shuru ho gye aur tumhara kuch pata he nahi hai, 1 ghante me mujhe tum yahan chahiye ho, warna kanhi aur daikh lena kaam.
Saamne se caller ne chilate huwe kaha jo us hotel ka malik tha jahan Aarav ne iss ke baad jana tha, Kaam se nikaalne ka sun ker Aarav ke chehre per pareshani ke bhav aa gye.
Aarav: Sorry! Main aa raha.
Caller ne jawab sun ker Call band ker di, Aarav ne ek lamba saans bhara aur dobara Chair ko uthane laga.
"Aarav" Ghar se bahir nikalte huwe Manohar ne Aarav ko awaz lagayi, Aarav ne saamne daikha to Manohar, Ashwin aur Parth teeno chalte huwe aa rahe the.
Manohar: (Frowns) Aarav ye tumhare haath per kia huwa hai?
Manohar ne aage barh Aarav ka haath pakra aur romal khol ker daikhne laga, Aarav ke haath se khoon lagatar beh raha tha Manohar ne gusse Aarav ki taraf daikha to Aarav ne apna sar jhuka lia.
Parth: Aarav Chal mere saath yanhi paas Clinic hai wahan se Dressing karwa ate hai.
Aarav: Us ki zaroorat nah....!
iss se pehle Aarav apni baat puri karta manohar ne use ghoor ke daikha to Aarav chup ker gaya, Aarav ko pata tha Manohar kabhi kisi per aise gussa nahi hota, Aarav ki use fikar thi wo Aarav ko apne bete ki tarha samajhta tha, iss liye wo Aarav per gussa ker jata tha jis ka Aarav ne bhi kabhi bura nahi mana, Waise bhi Manohar ne Aarav ki bohat madad bhi ki thi mushkil waqt me.
Manohar: Parth isse le ker ja! Aur tu fikar mat ker ye samaan hum rakh le gye Tere paise bhi nahi katu ga. Aur Aarav tere bhi nahi katu ga waise bhi tujhe jitna bhi rok lu to hotel me to jaye ga he? behtar ye he hai teri maram pati hone ke baad aram ker ke jaye
Aarav ko acha to nahi lagta tha aise Manohar se ehsaan lena per Manohar bhi apni jagha sahi tha, Parth ko saath iss liye bheja tha Manohar ne kiu ke agar akele Aarav ko bhejta to wo bina Clinic gye seedha hotel chala jata.
Paarth aur Aarav clinic ke liye nikalne lage jab achanak kale badalo ne pure Asman ko dhak lia, Tez hawa chalne lagi jo sab ke rongte khare ker rahi thi, Sab ne apne paas rakhi cheezo pakar lia.
Sab taraf shor sharaba mach gaya hawa se baraf urne lagi aur Paas ki cheeze dikhni bhi band ho gayi.
Ashwin: (Shouts) Sab ghar ki taraf chalo!
Ashwin ne chilate huwe kaha to sab ghar ki taraf bhaage, Hawaye sab ko peeche ki taraf push ker rahi thi, Sab apne gharo ki taraf bhaagna chah rahe the lekin hawa ki wajha se chalna bhi mushkil ho raha tha.
"Uncle!!!" Manohar ko peeche Aarav ki Awaz ayi
Manohar ne peeche ghoom ker daikha to Aarav ek jagha khara huwa tha, us ke gird ek circle bana huwa tha jis me peele rang ki roshni jagmagah rahi thi, sab kuch dhoondla tha per Aarav ke gird maano halki si hawa tak bhi nahi thi dheeme dheeme wo roshni aag lapto me badalne lagi.
Aarav: (Scared) Uncle me hil nahi pa raha apni jagha se!
Aarav ne chilaya Manohar bina kuch soche us ki taraf bhag gaya per jaise he wo Aarav ke kareeb gaya, Un lapto ne mano Manohar ko dhaka de ker peeche gira dia ho, Tabhi Aarav ke saamne hawa me kuch likha aa gaya.
[The tutorial tower can only be entered by certain player]
Lapte Aarav ke gird lipatne lagi, Per wo Aarav ko jala nahi rahi thi, Lekin Aarav tab bhi dar raha tha kiu ke wo bilkul bhi hil nahi pa raha tha, Aarav ki ankho me ansoo aa gye.
Aarav: (Crying) Uncle! main marna nahi chahta, Uncle please mujhe nikal lo yahan se, Please!!!!!!!
Aarav ke ye akhri Lafaz the jab wo aag ek dum se bharki aur khatam ho gayi wahan bachi to tooti huwi zameen, Wahan zameen thar tharane lagi, Manohar bhaag ker wahan gaya jahan Aarav tha lekin Wahan ab kuch nahi tha.
Manohar wanhi zameen per toote pathro ke idhar udhar phenkne laaga maano wahan un pathro ke beech Aarav ko dhoond raha ho, Abhi kuch pal pehle un ke saamne Aarav khara tha Lekin ab wahan us ka namu nishan nahi tha, zameen aur zor se thar tharane lagi to Parth ne aage barh manohar ko pakar ke uthaya to Manohar us se chutne ki koshis karne laga,
Parth: Uncle! khud ko sambhaliye, hume yahan se nikalna ho ga,
Manohar: Kahan jaye! Hum Aarav ko chorr ker kanhi nahi ja rahe, Aarav meri awaz sun raha hai na tu? kahan hai tu?
Manohar ki ankhe bheeg gayi us ki awaz rondhaya gayi, Parth bhi shock me tha lekin wahan ke halat daikh ker use apne emotions side per rakh ker soch samajh ker faisle lene parne the.
Parth Manohar ko kheenchte huwe ghar ke andar le gaya, Aur darwaza lock ker dia, Manohar us se chutne ki koshis karta raha, Aur cheekhte huwe Aarav ko pukarta raha.
Manohar: Aarav!!! Aarav!!!
*****
Charo taraf gehra andhera tha kuch nazar nahi aa raha tha, un lapto me se Aarav seedha iss andhere me aa dooba tha, us ke mann me ek he sawal tha?
"Kia Main Mar Gaya Hu?"
Ye soch ker he Aarav ko khud per gussa ata ja raha tha, use ye bhi nahi pata tha ke wo kaise mara hai? wo aag na to jala rahi thi na garam thi phir wo kaise mar gaya?Aarav ye sab soch he raha tha jab uss ke saamne dobara kuch likha aa gaya
[Welcome, Player]
Aarav: [Frowns] Player ye kia hai? Aur kahan Welcome?
[You must survive in this tower while trying to go back to your world]
****
[Name- Aarav Arya
Level- 1
Rank- F
Title- None
****
HP- 27
MP- 13
Strength- 22
Agility- 22
Endurance- 23
Stamina- 19
Intelligence- 17
(Stats Points: 0)
****
Skill- 2
[Will to live] ~ [Slash (E)]
****
[Weapon- None]
[New Quest Available]
[Quest: To complete the quest, you have to kill the orc king, The location of orc king will be given below
(Rewards)
(1) Orc king's Blood Axe
(2) 20 stats point (every party member)
(3) MVP will get Additonal 20 Stats Point
(4) You can go back to home
Time Limit: 7 Days
Quest Failure Penalty: (Death)
[You are now entering the Tutorial Tower]
[Good luck]
.
.
.
.
.
[To ye tha pehla update, Start hamesha mushkil hota hai iss liye iss per bohat waqt laga, Umeed hai ap logo ka pyaar is update per daikhne ko mile ga, Saath bane rahiye ga, Aur like ker ke maze ke Reviews dena mat bhuliye ga, Next Update Wednesday ki shaam ko aa jaye ga tab tak ke liye, Sayonara!!!]
for new story Brother....
........so story start hoti hai Manali se or jitna is phele update mein padha us hisab se apna hero orphan hai bas uski behen hai jise cancer hai or usi ke ilaz ke liye hero is struggling Kam karte wakt hi hero kuch amazing powers se ek jagah pahunchta hai udar usko task milta hai orc King ko maarne ka dekhte hai aage kya hota "Tutorial Tower" mein .....
Abhi busy hu raat me revo du ga.Update 2 has been posted guys
Possibly, or something else is in the author's mind.
Nice..... Iss scene se pata chal raha hai Storie sirf action per based nahi hai iss me hume alag alag tarha ke emotions bhi daikhne ko mile gye....Bohat achi tarha ap ne Urvi aur Aarav ke beech ke bandhan ko dikhaya hai.
Ap ye 2 baar System notification na likho sirf pics bana lia karo iss se ap ka kaam bhi easy ho jaye ga.....Aisa karo card ke baad neeche hindi me skill ko detail me bata dia karo aise likhne ki jagha iss se readers ko bhi samajh aa jaye gi akhir skill hai kia?
Bohat ache Andaz se ap ne instruction diya hai cracters ka.....Mere Favourite character abhi isabelle hai aur Daisuke hai.....Lekin ap ne jaise likha hai mujhe lagta hai ap isabelle aur Sung Jin dono ko Aarav ke harem me add karo gye in ke saath scenes daikhne ke liye main popcorn le ker ready hu
Daisuke ne bohat ache se situation ko handle kia jis se pata lagta hai Orc king ko maarne ki journey me daisuke bohat bara role ada kare ga wanhi Aarav ne jaise ehsaas hote he bina kuch soche khud ko bakiyo se alag karba shuru ker dia iss pata chalta hai wo sirf apno ko he nahi bakiyo ko bhi nuksaan nahi hone dena chahta
