Fantasy Mahagatha - Sadhna, Sadhak, Shaktiya aur dragons

[11 ster fan]

Then aap novel ko credit de skte the . baat credit ki nahi kr rahi mai.... khair I hope aap kuch iss concept pr badhiya masala de jo hum readers ko padhne mai acha lage aur unki tarah adhuri na chodiyega . Jaise dragon chutti padi hai adhe mein hi . Congrats for your story

Ye Meri story nhi hai...ye Meri story nhi hai....
Mai to reader hu

 

[Anky@123]

Xabhi SANJU ( V. R. ) Monty cool Anky@123 yaha bhi ek najar dekh lo

Aapne bulaya aur ham chale aaye
Jan hatheli per le aayeeeeee

 

[Shadow_Chaser]

Jarur dekhunga Fan bhai. Kaam ke chlte time nahi mila esliye 1week se hi gayab hu. Shadow_Chaser bro. Don't mind..aap apni story par update dete jao without any member'support. Positive attitude hamesha banaye rakhna aap.

Bilkul bhai
Bahut bahut dhanyavaad

Main bhi aata hu kuch dino me.

Always welcome

 

[Shadow_Chaser]

Bhai mast majedar lavely update bhai waiting for next

Thanks bhai

update jaldi dana bro

Jaroor

 

[Shadow_Chaser]

But ek chiz bolungi ki aapko main writer ya jis story se inspired ho unko credit de dijeye

Yes madam , credit dena to lazmi hi banta hai toh diya bhi hai # credit #

Isliye

wrna koi sirfira report kr dega toh Mod band kr denge story. I hope isko positively lenge.

Report kar sakne ka jo reason u ne bataya wo to tha hi nahi
Waise, sirfire to nahi... Theek hi hote hai report karne wale aur karna bhi chahiye, apne forum ki saaf safai ho jati hai reporting se 

Dude sorry to say but ye story Dragon story jo sahil ji ne likhi thi usse inspired hai I mean pura ka pura common lg raha hai.

Dragon king son in law - iska remake already forum par chal raha hai ye pata nhi tha..
Khair, padhenge sahil ji ki bhi story

But wo adhuri hai. I hope aap isee apne way se carry forward kroge , baaki aapne kuch changes aur kuch naya krne ka try , which is good.

Hmm bilkul ye story original se to different hogi hi..
Shukriya aapke valuable comment and suggestion ke liye 
Keep supporting

 

[Shadow_Chaser]

Aapne bulaya aur ham chale aaye
Jan hatheli per le aayeeeeee

:
Pushpa varsha se aapka swagat

 

[Shadow_Chaser]

•°UPDATE 5•°​

Recap -

Unse apni kalai uthakar dekha, weh hare rang ka print abhi bhi pehle jaisa hi dikh raha tha. Jitna jyada wo uss pattern ko dekhta , utana hi use mahsoos hota ki pattern dragon scales jaisa dikhta hai.

" Ahh... , mai shayad kuch jyada hi soch raha hoon ..." Usne khidki band ki, light off ki, aur sapno me doob gaya..



AB AAGE :-

Agle din, Manav subah jaldi uth gaya tha. Usne kuch exercises ki , apni assignment par kuch kaam kiya, aur uske baad apni dadi ma ke liye breakfast taiyaar kiya.

Breakfast ke baad ve dono, subah ki suhavni dhoop me, beach par walk ke liye chala gaye.

" Manu..!, aajkal tum bade energetic lag rahe ho." daadi ji ne samudra ki hawa ka luft uthate hue, Manav se kaha.

" Thanks dadi, aur.. meri bhookh bhi pahle se badh gayi hai. " Manav muskuraya.

" Hehe, kya tum university me kisi ko date kar rahe ho ? " daadi ji ne muskura kar poochha.

" N - nahin..." Manav ne inkaar kiya.

" Tumhe.. Karna chahiye! Tum bhool rahe ho ki tumhari daadi, anthroposcopy jaanti hai. Mujhe to lagta hai ki, haal hi me, women/females ko lekar tumhara luck acha hua hai." daadi ne chutki li .

**( Anthroposcopy/Manav(human) swabhaav ka gyaan - yeh Anthropology/Maanavshaastra ki ek form hai jisme human body ke physical characteristics ko observe kiya jata hai.

Dadi ma ka bas chale to abhi hi, Manu ki shaadi karwa dein! ) ***


" Kya Daadi.... College me study hi meri priority hai.. To mai dating ke baare me soch bhi kaise sakta hu!? " Manav ne jhijhakte hue kaha.

" Yah tumhare dad ki soch hai. Usse alag, mai to chahti hu ki mera Manu date par jaye. Agar tumhe koi achi ladki mile to mere pass lana! " daadi ji ki muskaan, sunflower ki tarah khil gayi.

" Acha theek hai, jaise hi mujhe girlfriend milegi, mai use aapke paas le aaunga...," Manav ne serious hokar promise kiya, jisse daadi ma ki muskaan aur bhi badi ho gayi.

Un donon ne thodi der wahi, ek chattaan par baithkar samudr ke najare ka luft liya, jiske baad Manav aur uski daadi aise hi baat karte karte vaapas ghar ki or chal diye.

Raaste me, Manav ne kayi chhote chhote shells/seep-shankh uthaye aur unhen apani pocket mein bhar liya.


" Tum to bachpan se hi inhe collect karte aa rahe ho... ? " daadi ji ne palat kar kaha.

" Souvenirs / yaad ke roop mein...." Manu ne ek shell ko hawa mein upar phenka aur use catch kar liya.

" Hmm... Manu, tumhe bachpan se hi samudr bahut pasand hai. Isliye, tumhara dil bhi samudr jitna bada hai." Dadi ji ne apne cloth-shoes se ret aur seep jhadate hue, Manav ki tareef ki.
Wo phir khud se badbadayi, " Tum bahut sacche aur dayalu bhi ho. Kaise abhi tak, kisi ladki ka dil tum par nahi aaya...? Ahhh! main kab apne grandchild ko god me le sakungi...?"

Manav apni daadi ma ki inn complaints ko nahi sun paya. Use to laga ki woh bas apne bete ko miss kar rahi hai. Kuch samay aur dadi ji ke sath binate ke baad, Manu apne room me aya aur university jaane ke liye packing karne laga.

Dadi ma ne uske backpack ko sabhi tarah ke packed, aur apne haathon se banaye, snacks se bhar diya, jisse uska bag pahle ki tulna mein jyada fool gaya aur bhari bhi ho gaya tha.

Woh Manu ke sath bahar tak aayin aur kaha
" University me inko apne friends ke sath bhi share karna. Mujhe Adarsh aur tumhare dusre friends ache lagte hai.."

" Theek hai daadi..., aap bhi apna dhyaan rakhna." usne daadi maa ke pair pade, wajni backpack ko apni peeth par laada, aur apni yaatra shuru kar di.

Iss area ke sabhi log apne-apne vehicle/saadhan se aaya - jaaya karte the. Yahan kam residences/ghar hone ke kaaran koi bus stop nahin tha.. Aur sab se pass ka bus stop ek tourist site par bana tha. Isiliye, Manav ko bas stop tak pahunchne ke liye aadhe ghante tak pad-yaatra karni padi thi. Yeh uske liye ek full cardio workout jaisa tha.

Bus mein baith Manav ne socha, " Dadi ma ke saath time kitna acha, sukoon bhara raha.." samudra ki Khaari hawa ko cheer, bus seher ki or chal padi.

Yakeenan, Manav ne college pahunchte hi apni snacks sabhi ke saath share ki. Usko sab kuch, khud Khatam karne me shayad 1 mahina lag jata. Daadi ji ka har baar uske liye itne saare snacks pack karne ka kaaran yahi tha ki weh apne doston ke sath share kar sake.

" Meri dadima sabse best hai.. kya mujhe unhe khush karne ke liye ek gf banani chahiye ? " Friends ke saath Snacks khate hue Manav soch raha tha.


Haa ek ajeeb baat jaroor hui thi...
Wo yeh ki aadhe ghante tak bhari backpack ko laadne ke baad bhi use thakaan mehsoos nahi hui, jaise pehle hua karti thi.
Hairan Manav ne chupke se apni wrist/kalai ki taakat ko test kiya aur paya ki usne keval ek haath se table ko jameen se kuch centimeter upar utha diya tha.

Usne jhijhakte hue poochha, "Sameeer! , tum pichli baar mere saath panja ladana/ arm wrestling chahte the na? "

Sameer jo excitement mein chips ka ek packet khol raha tha.. turant palat gaya,
" Kyon.. Tu mere saath panja ladayega! ? "

" Chal... Ladate hai! ," Manav ne hath, arm wrestling pose me , table par rakh diya.

" Chutiye!, tu mujhse kitni baar haara hai.. yaad hai ?
Acha.. Chal.. tu itna kuch humare liye laya hai... Me tere liye apna aadha jor lagaunga." Sameer ne apni chips rakhi aur Manav ke saamne baith gaya.

Asal me Manav ki physical strength itni bhi buri nahi thi. Lagataar jogging ki practice se uske pair bahut majaboot ho gaye the. Isi wajah se woh pichhli baar uss girti hui ladki ko, bina neeche gire, bacha paaya tha.

Halaanki, usne apni upper body ko koi khas train nahi kiya tha.. aur yahi kaaran tha ki weh 5' 10" lambe Sameer se humesha panja ladayi me haar jata tha.


Ve position mein aa gaye aur ek doosre ki hatheliya pakad li. Yah dekh aaju baaju ke aur dusre rooms ke kuch students ne, jo yahan snacks khaane aaye the, unn dono ko gher liya.

"Mai tujhe dikhata hoon ki instant defeat/haar kya hoti hai ! " Sameer ne bade confidence ke saath , doosre haath se apni aasteen chada li.

Apne "hare rang ke tattoo" ko dhyaan mein rakhte hue, Manav ne apni aasteen oopar nahin ki.

" Three..., Two.., Onee! !" Judge ke roop mein, Adarsh ne unke jakde hue haathon ko chhod diya.

" YaaAH!" Apni saari taakat ko ikattha karte hue Sameer chillaaya.

Aur........

DhaM! uska haath turant table par takra diya gaya.

Yah dekh sab ke sab hairaan rah gaye.

"Nahi!! Yeh count nahi hoga!! , yeh count nahi hoga! Mai ready nahi tha!!" usne haath ko naa me hilaya aur aage kaha, "Mere ready hone se pahle hi tune start kar diya tha.. Ye cheating hai!!! "

Manav shaant hi raha, magar haa wo khud andar se surprised tha. Keval wahi jaanta tha ki uske dimaag me kya chal raha hai.

" EK BAAR AUR!" Sameer ne Manav ki hatheli ko pakad liya. Woh haar maanne ko taiyaar nahin tha.

" Three! Two! Onee! !" Adarsh ne phir unke haathon ko chhod diya.

Abki baar mukaabla takkar ka tha.

Sameer ne dheere-dheere apni poori taakat laga di. Jaise jaise uske haath aur sar ki veins/nasen phoolti gayi, chehra laal padta gaya; waise waise uska parla bhari hota gaya. Aakhirkaar..

DhaM! Manav ka haath table par takra diya gaya.

Sameer fauran khada hua aur Manav ke kandhe ko thapthapa diya, " Tere haathon ki taakat badh gayi hai, Bro..! "

"Phir bhi tumhe hara nahi saka...," Manav ne feeki muskan ke saath kaha, "Acha theek hai.. , chal dekhte hai dadi maa ne aur kya rakha hain."

" RITIKK! ! bhukkad saale! Tu mere chips khaa gaya! " Champion Sameer ne uchhal kar Ritik ko dhar dabocha.

Manav ne unhen dekha.. aur chupchaap balcony mein chala gaya.

"Maine abhi apni poori taakat nahin lagai thi, tabh bhi maine Sameer ko easily hara diya tha.. Phir, mainne jaanboojhkar apna jor kam kar diya taaki vah takkar ke match se jeet sake. Pichle week ki panja ladayi ke baad..., meri taakat kaise bhayaanak tarike se badh gayi hai.. " Manav ne apni kalai ko ragadte hue bechaini se chaand ki or dekha.




Kaisa raha ye update 5 ?
Aap log Thoda suggest to karo doston! Kaisi ladki suit karegi apne Manu ko?
Fir milte agle update me...
To be continued.....

 

[Pardeep Singh meena]

bhai bahut sandar mast majedar update bhai waiting for next update jaldi dana bro

 

[Anky@123]

Part l - Onset of the Storm ​

NOTE :-

" Iss kahani ki timeframe approx. 2005-2013 rahegi. .. to maximum details isi timeline ke according hongi "

Pesh hai pehla Update ----

•°UPDATE 1•°​

Kaale baadalon ne pure Aasmaan ko dhakh rakha tha... Aur Bijli ke chamakte hi Aasmaan me uski tez Gadgadahat goonj uthi.

Aisa laga mano kadkadati bijli aasmaan ke tukde tukde karna chah rahi ho..

" Kya..musibat hai ! " Kharab mausam ko dekh Manav Shisht ne aah bharte hue kaha; usko andaja tha ki Toofan [ Storm ] aane wala hai. Nami/moist wali hawa ko apne ander bharte hue woh tezi se nukkad wali dukan ki or badh chala, joki bas Ab lagbhag 300 meter door thi.

Yadi hostel area ki superstore ka renovation nahi ho raha hota, yadi wo rock, paper, scissors match me lagatar teen bar scissors nahi khelta, to woh nikkar ( half pant) aur plain T -shirt me yahan bahar nahi nikla hota. Woh to maje se apne bed par laita tha aur kitab padh raha tha, kintu uske roommates ko patte (taash /cards) khelna tha.

"AHAHH..... " Jaise hi Manav apni speed badhane ko hua, usse apne upar ek ladki ki cheekh sunai di.

Usne confusion me upar dekha. Upar ka najara dekhte hi woh chonk (shocked) utha.
Ek ladki Aasmaan se niche gir rahi thi!!!

Aur Itna hi nahi.. Wo ladki uske sar par girne wali thi!!

" OOOHhh... " Manav ne furti se ek kadam piche lete hue apni center of gravity ( normally naval se thoda niche center me) ko niche kiya. Fir usne apne haathon ko aage badhate hue ek perfect - Horse stance - le liya.

**(Horse Stance - ek common martial arts posture hai. Name ke according ye horse riding ke dauran banne wala pose hai. Ye pairo ko train karne ke liye hota hai. ) **

DhaAdaAAM!!!!!!!!!

Ladki sidha Manav ke chest par giri, aur uske girne ke force ka asar kuch aisa hua ki Manav ki center of gravity aur 10 centimeter niche ho gayi. Force itna tagda tha ki wo lagbhag gir hi gaya tha.

Iss ladki ka sar bhi Manav ke muh se jaa takraya tha.... Takraav itna tez tha ki Manav ke saare daant/teeth hil gaye the.

Gatak.....! Kuch uss ladki ke muh se bahar nikla, aur, kyuki Manav ka muh iss instant shock se pura khula hua tha, wo " Kuch " smoothly uske gale utar gaya.

Kuch. . meetha sa... , chikna aur chhota.... Manav kuch react kar pata, usse pehle hi wo candy jesi chij uske pet me ja pahuchi thi.

Haalanki, Manav ka dhyaan ispar nahi tha.. Wo to uss ladki ke bhaar /weight se lada hua tha, aur ladki ko catch karne ke karan uske hath bhi sunn pad gaye the. Isi beech usne apne haathon me padi ladki ko dekha...

Lambi kaali palke... , pyari si pony tail... ,
" Vaels International Middle School " Badge wali light blue uniform me ek nav yovana.. Sach kahe to, ladki badi hi sundar thi...

" Ahh... " Kuch 2 seconds ke baad, jaise uss ladki ko samjh aya ki kya hua tha. Apni sunder badi kaali ankhein kholte hi woh cheekh padi...aur Manav ko dekhte hi woh uspar se hi khade hone ki kosish karne lagi.

Ladki ka bhaar ko jhelne ke baad Manav ke pairon me jaise jaan hi nahi bachi thi. Usse kuch bhi nahi pata tha ki ye ladki kahan se giri , wahan to unchi buildings bhi nahi thi.

Baharhaal, ladki ne khade hone ke baad khudko set kiya. Aur jaise hi usne Manav ke honthon par laal nishan dekha... Wo sharma gyi aur Manav ke shoulder par ek punch jadd diya.

"Areeyyy..... Maine tumhe bachaa.... " Manav apni baat khatam kar pata, ladki pehle hi bhaag gayi.

" Huh.... Aajkal ki ye papa ki pariya kitni nakchadi hoti hai..... Waise wo itni unchai se girne ke baad bhi thik lag rahi hai.. " Bhaagti ladki ko dekhte hue Manav ne apne kandhe ko sehlaya.
"Khair ye itna bhi bura nahi tha. Usne mujhe jor se nahi maara... Mere gaalo ko bhi to baksh diya. . "

Fir Manav ne apne hothon ko chua. Wo kissing ki warm feeling ko yaad nahi rakh saka jiske bare me usne bahut kuch suna rakha tha.

Ab Banda second-year university student tha fir bhi ab tak ek girlfriend nahi bana paya.
" Me bhi kitna bada chomu hu.... " Sochte hue usne apni sunn hui thighs ko thapthapaya aur khada hua. Usne upar akash ko dekha aur paya ki kaale ghane baadal chhat chuke the yaha tak ki surya dev bhi pragat ho gaye the.

" Hadd hai.. Ye mausam bhi... Mujhe laga tha toofaan aane wala hai. " Manav badbadaya. Khair wo jo hua usme naa atakte hue, tezi se dukaan par pahuncha aur cards/taash ke 2 deck kharid liye. Jiske baad wo furti se apne hostel lauta jo Campus ke South end par padta tha.

" Tujhe itni der kaha lag gayi ? Jaldi aa be !! ham sab kab se wait kar rahe hain! "
Manav ko dekhte hi uske teeno roommates chillaye.

Manav ne table par taash ke dono deck patke aur kaha, " Tum log hi khel lo.. mera man nahin hai."

" Kya hua be tereko ? Itna chida hua kyu hai ? " White t-shirt daale Adarsh Shukla ne pochha,
" Sale kya humne decide nahi kiya tha ki jo haarega wahi jaega patte khareedne ? "
Adarsh ' self-declared ' hostel ka captain tha..

" Mujhe bas thoda chakkar aa raha hai... " Manav ne bunk bed ki apni upper berth par dhire dhire chadhte hue kaha.

" Abe natak band kar.... utar niche, aaj apan sab ne taash khelne ka plan banaya tha " Adarsh Manav ke iss ravaiye se khush nahi tha.

" Manav! tu thik to hai ? " Sameer Kumar, dusra roommate, ne chinta karte hue pucha.

" ... Pata nahi... , mujhe bas kuch acha mehsoos nahi ho raha..." Manav ne apni chhati sehlatate hue javab diya.
" kahin us ladki ko bachaane ke chakkar me mujhe koi andaruni chot to nahi lag gayi ? " usne socha.

" Chal fir.. Tereko clinic le chalte hai ?" Manav ke chehre ke haav bhaav ko dekhkar Adarsh bhi serious ho gaya tha.

" Areee nahi ... Mai thik hu.... me bas nukkad wali dukan par jate samay fisal kar muh ke bal gir gaya tha." Manav ne apni chin ki or ishara kiya jo thodi soojh gayi thi. Haalanki ye soojan uss ladki ke sar takraane se aayi thi.

" Acha to phir tu aaram kar, mausam khula hua hai to ham internet cafe chale jayenge." Rupam Dev, teesra roommate, bola.

" Haan theek hai , tum log maje karo." Manav ne unko wave di. Wo kamjori aur thakaan mehsoos kar raha tha.

Adarsh abhi bhi thoda chintit tha.. , " Sun, Agar kisi cheej ki jarurat ho to mereko phone kar diyo.." Wah bola.

"Hmm... Ok. ." Aur Manav apne naram, aaramdayak bistar par phail gaya.

To doston apne ye chaaro chaman single hi the. Taash ya video game Khelne aur ghumne ke alava inka koi dusra passion nahin tha..

Manav lait te hi neend ke aagosh me jaa chuka tha; woh ' kisi ' kaaran se behad thak gaya tha.

Jab woh utha to sham ke 6 baj chuke the. Table par khane ka ek parcel pada tha; ye dinner ka khaana tha jo uske teeno jigri uske liye laye the.

Room me dusre rooms se aa raha card playing ka dheema shor goonj raha tha. Uske roommates, aawaaz na ho isliye bagal ke room me taash khelne chale gaye the.

"Sacche yaar..." Manav apna sar khujate hue, khana lene ke liye apni upper berth se niche utra.

Jab usne parcel uthane ke liye apna haath aage badhaya, to wah chaunk gaya!! Uska shareer mano wahi jam gaya!
Andhere kamre me bhi wo apni right kalai/wrist par hare/green rang ka ek circle jaisa kuch dekh paa raha tha..

Manav ko laga jaise uske heart ne 5 second ke liye dhadakna hi band kar diya ho. Usne kalai ko theek se dekhne ke liye parda khola.

Ek hare rang ke machli ki scales jaise tattoo ne uske right arm ko kalai se kandhe tak dhak diya tha! !

Manav ko laga ki wah koi sapna dekh raha hai. Usne apni aankhen masali, par wo tattoo jesi chij abhi bhi vahin thi. Phir usne is hari chij ko apne sharir se hatane ki nakaam koshish ki, par wo tatto jyon ka tyon bana raha..

Shivering/kampkapi... Manav ko apne ek ek rom me kampkapi mehsoos hui.
Usne jaldi se apne saare kapde utare aur full length mirror ke samane jakar khada ho gaya. Woh dekhna chahata tha ki kya aisa kuchh uske dusre body parts par bhi hua hai...


CreaKkk...... Charmarahat ke sath darwaja khula, aur teeno mahashay andar chale aaye.

" Abee bhencho.... Porn star banega ye londa ?" Nange/naked Manav ko lagataar mirror ke samne ghoomte hue dekh, Adarsh chillaya.

" N - nahin... ... Chup kar be !! " Manav ne jaldi se apne kapde uthaye aur apne shareer ko dhak liya.
" Mujhe apni puri body me pain feel ho raha tha, isiliye me bas check kar raha tha ki kahin meri body ke kisi part me chot to nahin lagi, " usne safai di.

" Yadi tereko theek nahi lag raha hai to chal na clinic... Chal checkup karwa lena... " Adarsh ne chintit hote hue kaha.

" Areyy sab thik hai... Aisa kuch serious nahin hai." Manav unhe apni skin me ho rahi ajeebo gareeb cheej ke baare mein nahin batana chah raha tha. Aur waise bhi, use khud nahin pata tha ki kya ho raha hai aur isse deal kaise karna hai.

" Mujhe lagta hai ki tujhko nanga daudne ki tadap uthi hai. Kya bolte ho aaj raat apan public bathroom chale ? " Sameer ne upar Manav ki berth par chadhte hue kaha.

" Haan..... aur mujhe lagta hai ki yeh tera man hi he jo nange daudne ke liye tadap raha hai ! " Manav ne Sameer ko javab diya. Usne ab tak apne kapde pahen liye the sath hi apne hath ko aasteen se dhak liya tha.

" Acha Me thodi der bahar tehel kar aata hu. Tum log chill karo yahan."

" Tu khana to khale! ? " Adarsh ne parcel ki or ishara karte hue kaha,
"Maine ise tere liye hi laya tha ! "

" Mujhe abhi bhuk nahi hai..." Manav ne bahar nikalte hue kaha.

" Bhains ki tang, kya manu relationship mein hai?" Rupam ne Manav ke ajib vyavhaar ko dekhkar puchha.

" Woh ? Ek to Wo mere jaisa dashing nahin hai, dusra wo iss Sameer jitna fit bhi nahin hai, upar se wo tere jaisa handsome bhi nahin hai... kya tereko lagta hai ki uska apne aage koi chance hai ? Khair chal... fir bhi... agar uski in 3 saalon me ek bhi gf ban gayi , to me tereko Rs. 1,000 dunga ! " Adarsh ne bade confidence se kaha.

P.S. :-
* Manav Shisht - literally... A good person. Aur wo asal me hai bhi. Aap isi baat se andaza laga lo ki wo maasoom gali tak nahi bakta.
Ye to ho gayi majak ki baat. Majak se hatke, Aage aap dekhenge ki uska character kitna magnificent hai.
"Manu" ye Manav ji ka pet / nickname hai.

* Rupam Dev - ye bhai apne naam ke anusaar.. roop wan hai.

* Hostel ke ek room ka setup- 2 bunk bed aur 4 roommates
Waise to har hostel ka apne alag bathrooms, toilets hai lekin campus me public bathrooms, toilets ki ek dedicated building bhi hai.



To kaisa laga aap sabko ye update?
Kayi sawal khade kiye iss update ne... Jaise.. wo ladki?
green skin ka maajra? etc..
Aise hi aur questions ke answers ke liye milte hai agle updates me...
To be continued.....

Nice start brother
Me is kahani ko padne ke liye utsuk hu

 

[Anky@123]

Shandar update the bhai, manu k sath jo ho rha hai aur jo hone wala hai wo uske liye naye jiwan ji tarah hoga....