UPDATE*94
Aise hi sab Paridhi ki kahani sunkar Raj ki tarif aur b’nath rajendra par apna gussa utarte rahe....
Dusri taraf subah jaise hi chanchal ne store room ka darwaja khola to andar ka nazara dekhte hi uski dahsat se cheekh nikal gayi……
Ab Aage.............
Samne ka nazara hi dil dahla dene wala tha….Poore kamre ki deewaro aur farsh par khoon hi khoon laga hua tha.....
Rajendra ki kati huyi gardan andar pankhe se latak rahi thi....chehre se dono ankhe, dono kaan, naak, hoth sab gayab the sahi maayno me ye kahna sahi hoga ki in ango ko chehre se kaat diya gaya tha.....
Niche poore farsh par khoon ke sath sath rajendra ki body ke kisi Biscuit ki size ke chhote chhote tukde phaile huye the……
Chanchal ki itni jor se cheekhne par Kamini aur guards turnt doud kar uske pass store room aa gaye…..
Magar store room ka drishya dekhte hi unki ruh tak hil gayi….Rajendra ki aisi nirmam hatya ka scene dekh kar sabhi ke pasine nikal gaye…..
Kamini (muh me hath lagakar)—omg…..itni buri mout kaise huyi mere hi ghar me…kisi ko kuch pata hi nahi chala…koun aaya tha yaha….?
Guard—koi nahi aaya tha…aur sahab raat me aaye the paidal hi doudte huye….bahut ghabraye lag rahe the… night duty wala guard bata raha tha……
Tabhi chanchal ki nazar deewar par likhe gaye shabdo par gayi…
Chanchal—vaha deewar par kuch likha hai…..
Magar andar poore farsh par khoon aur sharir ke chhote tukde phaile hone ki vajah se kisi ki bhi andar jakar dekhne ki himmat nahi huyi….
Sab ne rajendra ke chehre par ek nazar daali aur turant hi ankhe band karke udhar se palat gaye….
Aisa scene agar koi kamjor dil ka mariz dekh le to usko vahi heart attack aa jaye.....
Bina ankh kaan naak hoth ke rajendra ka chehra bahut hi bhayanak lag raha tha….kisi ki bhi dubara us taraf palat ke dekhne ki himmat nahi huyi….
Kamini ne apne vakil to turant phone kar ke bula liya… usne police ko call kiya aate hi….
Jaldi hi is bhayanak ghatna ki jaankari milte hi police force mouke par pahuch gayi….sath me commissioner bhi aa gaya…..
Unki haalat bhi room ka scene dekh kar bakiyo se alag nahi thi…..
Turant forensick report wali team ko bulaya gaya…un logo ne aate hi room ke sabhi jagah kaatil ke finger print scan karne lage….
Room se rajendra hi haddiyo ke tukde sametne me police walo ke hosh ud gaye…
Itni dardnak aur nirmam hatya unhone aaj tak nahi dekhi thi…sabse pahle rajendra ke sar ko bore me bhara gaya
Kyon ki uske upar nazar padte hi darr lagne lagta ha aur us taraf dekha bhi nahi ja raha tha…
Uske baad kisi tarah haddiya batori gayi…forensick team ko siway deewar par likhe shabdo ke aur kuch nahi mila
Deewar par likhe shabdo ko padhte hi kamini ko chakkar aane laga….use apni mout ka darr bahut gahrayi tak uske mann me sama gaya….
Sabhi deewar par jo kuch likha hua tha use padhne lage..
"Agla number tumhara hoga Kamini".......
“Mout Se Bhi Bhala Koi Bacha Hai Aaj Tak”…
Y....A....M....R....A....J
Ye padhkar kamini ko us din raat ki party ke baad wala scene yaad aa gaya....jisse vo abhi tak dahsat se bahar nahi nikal payi thi ....
Vo itna jyada bhaybheet ho gayi ki darr ke maare buri tarah chillane lagi is kamare se us kamre bhagne lagi....
Kamini (dahsat me)—vo..vo..mujhe bhi maar dega..mai kaha jau…kaha chhipu….ha ye…kamra ..yaha chhup jati hu….lekin yaha to..khidki hai…agar vo yaha se aa gaya to…nahi..yaha nahi..us kamre me chhip jati hu….yaha bhi khidki…
Kamini (rote huye)—hey bhagwan mai kaha chhipu…ye khidki kyo banwayi maine…guard aur bharti karo jitne ho sake utne bharti karo…poore ghar ki naka bandi kar do….
Kamini ko itni buri tarah ghabraye dekh kar chanchal aur sabhi log pareshan ho gaye….Yamraj naam ka darr to unke andar bhi baith gaya tha…
Chanchal (rote huye)—mummy kya ho gaya hai apko… koi nahi hai yaha…kuch nahi hoga..aap chinta mat karo
Commissioner—aap ghbraiye mat,hausala rakhiye kamini ji, aaj se 10 constable ki duty daily yaha rahegi 24 ghante…aur ye case main hamare department ki sabse kabil officer Ruchi Thakur ko deta hu…
Ruchi Thakur ka naam sunkar kamini aur chanchal dono hi ghabra gayi…
Chanchal—nahi commissioner yaha nigrani ka kaam kisi aur ko dijiye….
Commissioner—is case ko ek vahi hai jo solve kar sakti hai…vo behad bahadur hone ke sath minded bhi hai…..
Iske baad vo sab vaha kuch police walo ko chhodkar chale gaye sath me night guard ko thane bulwa liya….
Mai sabhi ko lekar company flat jaise hi pahucha..sab mujhe dekhte hi koi gaal to koi maathe par kiss karne lage…
Mai samajh gaya Paridhi didi ne sab ugal diya…in ladies ke pet me koi baat thodi der bhi hazam nahi hoti…
Mitaly—tu itna achchha kyo hai Raj…ki koi tujhe chah kar bhi nahi bhool sakta…
Neha—mai aaj teri ghulam ho gayi raj…tune meri beti ki laaz bachakar mujhe kharid liya…..
Mai—chachi dubara aisa kabhi nahi bolna...agar vo apki beti hai to kya meri kuch nahi lagti vo... ? maine kisi par koi ehsaan nahi kiya balki jo bhi kiya vo karna ek bhai ka farz tha…
Meera—teri inhi achchhi bato par hi to hum tum par apna dil haar baithe hain…
Payal—aisa kya kiya mere bachche ne koi mujhe bhi to batao….
Phir Paridhi didi ne apni taraf se aur bhi mirch masala laga kar kahani bata daali..
Jise sunn Ruchi aur Payal didi bhi mujhse chipak kar apna pyar baatne lagi...
Paridhi—lekin didi aap aur Payal yaha kaise achanak... ?
Phir Ruchi didi aur Payal didi ne raat ki sari kahani detail me batayi...jisse sabhi ki ankho me anshoo aa gaye... unke mann me ek bar phir se Pari naam ka darr samane laga
Payal didi aur maa to jor jor se rona chalu kar di....mai unko samjhane laga lekin aurato ke aage admi ki sunta koun hai...
Payal (rote huye)—mai isiliye tujhe kahi jane nahi deti.. mujhe kisi par bharosa nahi hai...ab se tu 24 ghante mere sath rahega samjha...
Mai (mann me)—le le beta lounde lag gaye tere to ab.. ab tu Divya se kaise baat karega Payal didi ke hote huye vo to shukar hai Pari ne in logo ko ghar me hi hone ki baat nahi batayi nahi to Payal didi to sab ghar walo ko hi dushman maan leti...
Payal (rote rote)—tujhe meri ek bhi chinta nahi rahti...itna bhi nahi sochta ki agar tujhe kuch ho gaya to mera kya hoga...mai to jeeti hi tujhe dekh kar hu..tu hi meri shaam hai tu hi meri subah...
Maa (rote huye)—tujhe ab kahi jane ki jarurat nahi hai..ab se tu ghar me hi rahega....tu jaha bhi jayega mai bhi tere sath chalungi....
Mai—maa ab mai bada ho gaya hu....
Ruchi—chup kar bada ho gaya hu....tu hamare liye hamari jaan hai...ham sam bahno ka khwab hai tu..
Mai (mann me)—kaha phas gaya...kaise matter change karu...
Payal (sisakte huye)—(mera hath apne sar pe rakh kar) kasam kha meri ki tu ab se mere bina kahi nahi jayega...
Mai—mujh par yakin nahi hai kya apko....aur mai apki kasam nahi kha sakta...kyon ki aap ki mai apne mann mandir me pooja karta hu...
Payal—theek hai tujhe meri kasam nahi khana to mat kha lekin itna jarur sun le ki jis din bhi mujhe tere bagair gujarna pada vo meri zindagi ka akhiri din hoga....
Maine turant apne hath unke muh par rakh ke unhe apni baho me le liya.....
Mai—aisi ashubh baat kabhi nahi karna....samjhi aap
Payal—huu.......
Kisi tarah sab shant huye....mai fresh hone ke baad Divya ke room me chala gaya….
Vo jaise mera hi intazar kar rahi thi…dekhte hi turant mere gale aa lagi…..
Divya—maine to abhi apne saajan ko jee bhar ke dekha bhi nahi hai….ab hum kaise milenge..Payal di ke hote…
Mai—mai kuch na jugad kar lunga...mai bhi to bahut tadpa hu kisi ke pyar ke liye….hamesha mujhe ek khalipan lagta tha apne jeevan me….ab samajh aaya ki vo kyo tha…
Divya—Pari koun ho sakti hai ghar me….?
Mai—koi bhi ho…lekin jo bhi maine uske sath kiya vo sarasar galat tha….kya use apni sautan swikar karogi..?
Divya ekdam se mujhse alag hokar mere chehre ko dekhne lagi jaise mere chehre par kuch likha ho aur vo use padh rahi ho…..
Mai—kya hua aise kyo dekh rahi ho... ?
Divya—aap ye jante huye bhi Pari kya karna chahti hai, tab bhi..... ?
Mai—nafrat ko nafrat se khatam nahi kiya jata....magar pyar ki dor me to bhagwan bhi bandh jate hain to phir Pari kyo nahi... ?
Divya—aap to aise bol rahe hain jaise ki Jante hain Pari koun hai.... ?
Mai—ha....mai janta hu Pari ka punar janam koun hai...
Ye sunte hi divya ke upar jaise kisi ne bomb patak diya ho....vo ekdam se chounk gayi......
Divya (hairat aur chintit)—kyaaaaa..... ??
Mai—ha..Divya...mai tumhe bahut kuch batana chahta hu apne gujre huye kal ke bare me jo koi nahi janta...
Divya—(pareshan hote huye) Pahle ye bataiye...Pari Koun hai..... ?
