Jaguaar
Prime
- 17,680
- 60,240
- 244
Awesome UpdateeeUPDATE- 68
Agli subah Sarita ki aankh subah ke lagbhag 8 baje khuli. Usne apne bagal mein dekha to Manisha bhi uske paas so rahi thi. Jagne ke baad use Raat ki baatein yaad aa rahi thi ki kaise wo Nishchal ko sab bata rahi thi aur batate batate use neend aa gayi thi. Ab wo ye soch rahi thi ki agar wo wahi so gayi thi to use kamre mein kaun lekar aaya tha. Manisha uthe to isi se pooch lungi.
Sarita ne socha ki pahle Sir ka to pata kar loon ki wo kaha hain is samay. Isliye Sarita ne apna mobile uthaya aur Nishchal ko phone kar diya.
Phone bajane ke karan Nishchal ki Aankh khuli to usne eka ankh kholkar dekha to Sarita ka number dekhkar uski dono aankh khul gayi. usne phone pick kiya aur kaha.
Nishchal- Hello,
Sarita- Kaha hain aap. Kuchh khaya piya ya aise hi hain aap.
Nishchal- Main to ghar par hoon aur so raha tha. Chhote miye ne bahut achhi khatirdari ki. Khana khilakar hi mujhe aane diya.
Sarita- Kya jaroorat thi itni raat mein hi jane ki. Agar yahi ruk jate to kya ho jata.
Sarita ne ye baat ek hak se kahi thi jo Nishchal ko kahi na kahi bahut achhi lagi thi. Nishchal ne muskurate huwe kaha.
Nishchal- Ruk to jata lekin di ko maine kuchh bataya nahi tha.. Isliye raat ko hi chala aaya.
Sarita- Di ko kyon bata kar nahi aaye aap. Itne bade ho gaye hain lekin sence naam ki koi cheez hi nahi hai. Itni door aaye the aap aur unhe bataya bhi nahi. Di kitni pareshan ho gayi hongi aapko pata hai. main unhe bata doongi.
Nishchal- Are rahne do na. Baat to khatam ho gayi hai. to di ko batane ki kya jaroorat hai.
Sarita- Are aise kaise khatam ho gayi. aur jaroorat kyon nahi hai batane ki. Main to bataungi. Aap apne aapko kahi ka turram khan samajhte hain kya ki jaisa aap chaho waisa hi hoga.
Nishchal- Main jaisa chahta hoon. Waisa hota kaha hain.
Sarita- Kya chahte hain aap.
Nishchal- Tumhein.
Sarita- (hadbada kar) Kya.. Kyaa kaha aapne Sir.
Nishchal- Are main to kah raha tha ki tumhe subah subah aur koi kam nahi hai kya jo mera dimag kha rahi ho. pahle poori baat sun liya karo. Bina poori baat sune tipical ladkiyon ki tarah react mat kiya karo.
Sarita- (tunakkar) Maine to bas aapka hall chal poochne ke liye phone kiya tha. Bye.
Itna kahkar Sarita ne phone rakh diya. Udhar Nishchal ki jaan mein jaan aayi. Wo man hi man badabadate huwe bola.
Nishchal- Ohhhh bhagwan. Aaj to bacha liya jo sahi samay par maine baat sambhal li. Par samajh nahi aata ki ye itni gussail kyon hain. Dekho ab fir se gussa hokar phone kaat diya. fir se chala jaun kya Allahabad. Nahi nahi agar is baar main uske samne bhi gaya to aankho se hi mera katal kar dalegi.
Nishchal Sarita ke chehre ke bhavo ko yaad karke muskurane laga aur phir se so gaya. Udhar Manisha bhi ab tak uth chuki thi. Manisha ke uthne ke baad Sarita ne usase poocha.
Sarita- Manisha. Main kal raat apne kamre tak kaise pahuchi. Main to baramde mein hi so gayi thi na.
Manisha- God mein uthakar laye the aapke Sir Aapko.
Sarita ne aankhe faadkar Manisha ko dekha to Manisha ne kaha.
Manisha- Are didiya main to Mazak kar rahi thi. main lekar aayi thi aapko sahara dekar.
Sarita- (gusse se) Dobara se aisa ghatiya Mazak bilkul bhi mat karna mere sath.
Itna kahkar wo apne kamre mein chali gayi. Sarita ke pichhe pichhe Manisha ne use aawaz bhi di.
Manisha- Are Didiya sorry na main to Mazak kr rahi thi. Naraz kyo ho gayi. Kya yaar yahi sab tumhara mujhe bilkul bhi accha nahi lagta.
Manisha ki baat Sarita ne suni hi nahi aur apne kamre mein jakar darwaza band kar liya. Manisha ne bhi Sarita ko pareshan na karte huwe man hi man socha.
MANISHA- Are yaar boss ko phone karke bata deti hoon ki agar didiya unse pooche ki unhe wo raat mein apne kamre mein kaise pahuchi to ye na bol dein ki unhone didiya ko apni god mein uthakar kamre tak pahuchaya tha. Agar aisa huwa to mere sath sath unki bhi class laga dengi didiya.
Yahi sab sochkar Manisha ne Nishchal ko phone kar diya. lekin usase ek galti ho gayi ki dial number mein Savita aur Nishchal ka number upar niche hi tha. To call galti se Nishchal ko lagne ke bajay Savita ko lag gayi. Ab apni Manisha thahri bullet train to phone pickup hone ke baad bina doosri taraf se aawaz sune hi bolna shuru kar diya.
Manisha- Boss. Ek Baat ka dhyan rakhna ki didiya ke poochne par bhi unhe ye mat batana ki aap unhe apni god mein uthakar room mein lekar gaye the. Nahi to aap to fansoge hi sath mein mujhe bhi fansa doge. Dhyan rakhna is baat ka boss.
Savita ko is ke baare mein kuchh pata hi nahi tha. Savita soch rahi thi ki Manisha kya baat kar rahi hai. Nishu ne kab aisa kiya. Nishchal raat mein 3 baje ke kareeb ghar aaya tha to Savita ko pata nahi tha ki Nishchal ghar aa gaya hai. Manisha ki baat sunkar Savita ne kaha.
Savi- Nishu tumhare ghar gaya hai. Sarita thik to hai na.
Savita ki aawaz sunkar Manisha ne jhat se phone ki screen par dekha to Savita ke no. par call show kar raha tha. Ye dekhkar Manisha ne apne sir par thapki maar kar man hi man kaha.
Manisha- Lo ji Teri jaldbazi ke chakkar mein ho gaya tumhara aur Boss ka bantadhar. Ab Kya karu main.
Manisha ki aawaz na sunkar Savita ne dobara poocha.
Savi- Manisha. Tum bol kyon nahi rahi ho. kya huwa hai. batao bahut ghabrahat ho rahi hain mujhe.
Manisha- Relax didi. Aisa kuchh bhi nahi huwa hai jaisa aap soch rahi hain. Didiya bilkul thik hai. Boss ek case ke silsile mein didiya se baat karne aaye the.
Savi- Aise kaun sa case tha jiske karan Nishu ko itni door jana pada. Wo to phone par bhi kar sakta tha baat Sarita se.
Manisha- Iske bare mein mujhe kuchh nahi pata didi.
Savi- achha Tum kya bol rahi thi ki Sarita ko room mein uthakar le gaya tha.
Manisha- Nahi di aisa kuchh nahi hai. maine kab aisa kaha.
Savi- Dekho Manisha. Ab tum bhi mujhse baate chhupaogi. Poori baat batao ki ye chal kya raha hai.
Manisha ne bhi samajh liya ki ab Savita se chhupana bahut mushkil hai to usne Nishchal aur Sarita ka sara kachcha chiththa kholkar Savita ke samne rakh diya. poori baat sun-ne ke baad Savita ne kaha.
Savi- Ohhhh to ye baat hai. tabhi to main sochhu ki sahabjade aajkal kiske khayalo mein gum rahte hain. Uska man kyon nahi lagta ghar mein aur late ghar kyon aata hai.
Manisha- To kya didi aapko bhi wahi lagta hai jo mujhe lagta hai.
Savi- Haan bilkul. Pyaar ho gaya hai mere bhaai ko.
Manisha- Lekin jab maine boss se iske bare mein poochha tha to unhone saf mana kar diya tha.
Savi- Are yaar. Tumhe kya lagta hai ki wo tumhare poochhne par tumhe bataega ki wo Sarita se pyaar karta hai.
Manisha- Haan aapki baat bhi sahi hai. Par didiya ki taraf se mujhe aisa kuchh bhi najar nahi aata ki unke man mein boss ke liye koi feeling ho. Wo to boss ka naam sunte hi chiddh jati hain. Abhi bhi mujhse isi baat par gussa hain aur naraz hokar chali gayi.
Savi- Ho sakta hai ki abhi Sarita ke man mein kuchh na ho Nishu ke liye, Lekin aksar aisa hota hai ki pyaar ki shuruaat nafrat aur jhagde se hi hoti hai.
Savita ki baat sunkar Manisha ko turant Raghav ki yaad aa gayi. Manisha ne Savita se baat karne ke baad phone rakh diya aur kaha.
Manisha- Chalo didi ko to pata chal gaya ab. Ab chalkar apni didiya ko mana loon. Pata nahi ye har baat ko itni seriously le leti hain.
Yahi sab sochkar Sarita ke paas use manane chali gayi. udhar Sarita ka phone aane ke baad Nishchal ne sone ki koshish ki lekin use neend nahi aayi. To wo apne kamre se bahar nikla to bahar use Savita khadi mili Nishchal ko dekhte huwe Savita ne poochha.
Savi- Tum kab aaye.
Nishchal- main to raat mein hi aa gaya tha.
Savi- Kaha gaye the raat mein tum.
Nishchal- Wo ek case ke silsile mein bahar gaya tha.
Savi- Wahi to pooch rahi hoon ki kaha gaya tha.
Nishchal- (Man mein) Is lady don ke pet mein koi baat pachti hi nahi hai. maine mana kiya tha ki di ko kuchh mat batana, lekin meri baat to na man-ne ki usne kasam kha rakhi hai.
Savi- kahan kho gaye Nishu.
Nishchal- Di wo mujhe neend aa gahi hai. mujhe sona hai.
Savi- Haan to jao na. main kab mana kar rahi hoon tumhe.
Nishchal apne kamre mein chala jata hai aur bister par letkar sone ki koshish karne lagta hai. kuchh der baad use neend aa jati hai. Nishchal jab so kar utha aur apne kamre se bahar aaya to Usne dekha ki Savita kitchen mein kuchh bana rahi hai. Nishchal kitchen mein chala gaya aur bola.
Nishchal- Kya kar rahi ho di. Kaka nahi aaye hain kya aaj.
Savi- Maine unhe chhutti de di hai aaj. Aaj ham dono milkar special khana banayenge.
Nishchal- Wo kisi Khushi mein di. aaj na aapka janamdin hai aur na hi mera janamdin aur na hi koi tyauhaar hi hai.
Savi- Jaroori thodi hi hai ki jab kuchh special ho tabhi hame special khana banana chahiye. Balki har din ko hame special banana chahiye.
Savita ki baat sunkar nishchal muskurane laga aur wahi slab par baith gaya to Savita ne kaha.
Savi- Sarita thik to hai na.
Nishchal- (hadbada kar) Muu… mujhee kya pa… pataa dii
Savi- tum gaye the shayad kahi case ke silsile mein isliye poochha.
Savi ki baat sunkar Nishchal ko bhi pata chal gaya tha ki Sarita ne use sabkuchh bata hi diya hai to ab chhupane se koi fayda nahi hai to nishchal bola.
Nishchal- thik hai wo di.
Savi- Sarita bahut pyaari hai na.
Nishchal- Haan di.
Savi- Bahut samajhdar bhi hai Sarita.
Nishchal- Haan di.
Savi- Sanskari bhi bahut hai.
Nishchal- Haa di.
Nishchal- Tumko bahut achhi bhi lagti hai.
Nishchal- Haan di.
Sarita ke bare mein Nishchal baat karte huwe khone laga tha, isliye use pata hi nahi chal raha tha ki wo kya bole ja raha hai. Savita ne aage poocha.
Savi- Usko dekhkar tumhare dil ki dhadkan tez ho jati hain.
Nishchal- Haan di.
Savi- Tum Sarita se pyaar bhi karte ho.
Nishchal- Haan di.
Nishchal ne ye bol to diya. lekin jaise hi usko dhyan aaya ki usne hosh khote huwe kya bola hai usne turant Savita ki taraf dekha to Savita use hi dekh rahi thi. Nishchal ne ye dekhkar apni gardan niche jhuka li aur dhire se kaha.
Nishchal- Nahii di. aisa kuchh bhi nahi hai. aap galat samajh rahi hain. Aapki dimag bhi chhote miya ki tarah hi kharab ho gaya hai.
Savi- Ab ye chhote miya kaun hain.
Nishchal- Manisha
Savi- huuunnnn. To tum kah rahe ho ki ham dono ka dimag kharab ho gaya hai. dimag ham dono ka nahi tumhara kharab ho gaya hai nishu. Tum ye baat accept hi nahi kar pa rahe ho ki tum Sarita se pyaar karte ho.
Nishchal- Aisa kuchh nahi hai di. aap galat samajh rahi hain.
Savi- Achha. Aisa kuchh nahi hai. main galat samajh rahi hoon. To ek baat batao mujhe. Tumhare phone par uske naam ka password kyon hai. tumhare phone ke wallpaper par uski photo kyon hai. Uska us din wala Article jo news papar mein nikla tha tumne kyon sambhal kar rakha huwa hai. apne phone par uska number Meri Jaan naam se save kyon kiya hai. bolo koi jawab hai iska tumhare pass.
Nishchal- (Aashcharya se) Di aapne mera phone check kiya.
Savi- Sorry par karna pada mujhe. Mujhe ye dekhna tha ki Manisha ne jo kuchh bhi mujhe bataya hai wo sahi hai ya galat.
Nishchal- Chhote miya ne aapko ye sab bataya.
Savi- Haan. Wo tumhe phone kar rahi thi, lekin galti se mujhe phone lag gaya, tum to jante ho use, bina samne wale ka sune hi bolna shuru kar deti hai. to aaj bhi wo bina sune hi bol gayi ki tum waha par gaye the. Jab maine usase poocha to usne sari baat bata di.
Ab Nishchal ke paas apni safai mein kuchh kahne ko bacha nahi tha isliye wo slab se utar gaya aur apna sir jhukakar khada raha. Sarita ne jab use dekha to usne kaha.
Sarita- Nishu. Isme aisi koyi baat nahi hai ki tumhe mujhse sharminda hona pade. Tum mere samne is tarah kyon khade ho. pyaar kahi bhi. Kabhi bhi. Kisi se bhi ho jata hai. isme kisi ka bhi bas nahi chalta. Na tumhara aur na hi mera.
Yah to ek bahut hi khoobsurat ehsas hai bhaai. Ham jisase pyaar karte hain uske aas paas rahne ka dil karta hai, jab aakhe band karo to usi ka chehra najro ke samne dikhta hai. sote jagte bas usi ka khyal dil mein rahta hai. Aur agar wo paas mein nahi rahta to jindagi veeran si ho jati hai. Pyaar ho jane par dimag ko pyaar ke alava aur kuchh sujhta hi nahi hai.
Savita ki baat sunkar Nishchal ko thodi himmat mili. Usne apni najar uthakar Sarita ko dekha aur himmat jutate huwe bola.
Nishchal- Di. Mujhe nahi pata ki ye sab kya hai par ye sach hai ki jab use nahi dekhta hoon to main bechain sa ho jata hoon. Har wakt wo mere khwabo khayalo mein rahti hai. main use har wakt mahsoos karta hoon. Usne mere dil aur dimag dono par apna kabja jama liya hai.
main uske alava aur kuchh soch hi nahi pa raha hoon di. agar isi ko pyaar kahte hain to haan di. mujhe Sarita se pyaar ho gaya hai. mujhe pyaar ho gaya hai usase.
Nishchal ki baat sunkar Savita bahut khush hui aur usne Nishchal ko gale lag aliya. Nishchal ne Kuchh soch kar Savita se kaha.
Nishchal- Di plz. Aap is bare mein Sarita se kuchh mat kahiyega. Ek to wo waise hi kitna gussa karti hai, lekin ye Rahat to hai ki isi bahane wo mujhse baat to karti hai, agar use yah pata chal gaya to wo shayad mujhse baat karna hi chhod de. Jo main bardast nahi kar paunga di.
Savi- Thik hai Nishu. Main is baare mein koi bhi baat sarita se nahi karungi aur Manisha ko bhi bol dungi ki wo bhi is bare mein Sarita se koi baat na kar. Main bahut khush hoon nishu tumahare liye. Sarita sach mein bahut achhi ladki hai. Jab main usase pahli baar mili thi tabhi wo mujhe pasand aa gai thi.
Savita ki baat sunkar uska pyaar dekhkar Nishchal ki aankho mein aanshu aa gaye aur uski hichkiyan nikalni shuru ho gayi. Nishchal ko rota dekhkar Savita ne turant uske aanhsu poche aur kaha.
Savi- Tu ro kyon raha hai Nishu. Ye to bahut Khushi ki baat main. Yakin mano main bahut khush hoon.
Nishchal- Sorry di.
Savi- Sorry kyon.
Nishchal- Maine aapka bahut dil dukhaya hai di. maine aapki baat nahi mani di. main aapka achha bhaai nahi hoon di. mujhe maaf kar do.
Savi- Ye tu kaisi bate kar raha hai. Tumhare jaisa bhaai to kismet wali bahan ko milta hai. tumse badhakar mere liye aur kuchh bhi nahi hai Nishu. Teri Khushi mein hi meri Khushi hai.
Nishchal- Soryy di. ab bahut achhi hain.
Savi- (pyar se sir par marte huwe) Pagal nahi to. Main to us baat ko kab ka bhool chuki hoon tub hi bhool ja. Ab hat yaha se nahi to sara din upwas hi karna padega ham dono ko.
Savita ki baat sunkar Nishchal usase alag huwa aur jakar slab par baith gaya. Savita ne Nishchal ko chidhane ke liye gana gungunane lagi.
Savi- O laga laga laga re. laga laga laga re.
Laga laga laga re, laga prem rog.
Laga laga laga re, laga prem rog.
Nishchal- (sharmate huwe) Kya di. ab aap bhi shuru ho gayi.
Savi- oye hoye. Kyaa baat hai. Ab to tum sharmane bhi lage.
Savita ki baat sunkar Nishchal kitchen se nikal kar apne kamre mein chala gaya aur apne bister par letkar apne aap se bola.
Nishchal- Are yaar main bachho jaisa behave kyon kar raha hoon. Di kitna hans rahi hongi mujhpar.
Nishchal apni hi harkato ko sochkar muskuraye ja raha tha.
Iske Aage ki Kahaani Agle Bhag mein..
Yeh Manisha ki jaldbaazi ki wajh se Nischal ka pura bhaanda fhoot gaya. Par ek tarah se yeh achha hi huaaa. Nischal jo Sarita ko pyaar karta tha yeh Savita ko pata chal gayi. Ab woh jarur unki madad karegii.
.