"kuch nahi sunna mujhe" shalini Mittal rote hue boli
"lekin maa baat to suno" kartick samjhane laga
"shut up kartick, bohut ho gayi tum dono bhaiyon ki man marzi, kartick you will return by tomorrow and sid you will wrap up the business structure within a week and come back" bhavesh Mittal bole
"papa mujhe samajh me nahi a raha ki aapko kisne aur kaise khabar ki kartick ke baare me??" sid ne poocha
"Baap hoon tum dono ka, pata hai mujhe ki kaise khabar leni hai India se" bhavesh bole
"to jisne khabar di usne bataya nahi ki kartick ka sirf accident hua hai wo bhi maamoli" sid bola
"dekho sid I don't want to argue with you guys, jo maine Keh diya bas Keh diya, tumhari wajah se ek baar shalini par kya beeti thi tumhe pata hai" bhavesh bole
"lekin uncle kartick cycle se hi gira tha aur koi baat nahi hai, mai bhi thi na uske Saath" is baar kavya bol padi
"koun ho beta aap??" shalini ne poocha to kavya ne apne baare me bataya, isse shalini thodi khush ho gayi
"maa isse bhi milo ye hai meri nayi friend purvi" sid ne door khadi purvi ko achanak Saamne khada kar diya
"h hi a aunty" ladkhadati awaz me purvi boli
"Arey beta ghabra kyun rahi ho, is idiot ko to dhang se introduce karwana bhi nahi aata" shalini boli to Purvi ko hasi a gayi
Sid ko isse fark nahi pada, balki wo surf kavya aur purvi ko aage kar shalini aur bhavesh ka faisla badalwana chahta tha, bhavesh ko sirf shalini rok sakti hai aur shalini ko patane ka ek hi tarika hai. Bas apni hone wali bahu ka impression dikha kar baat karwao
"Haan aur pata hai aunty hamesha bhaav khata hai aur kai baar call bhi nahi karta, khana bhi time par nahi khata" purvi ne complaints ka list lamba kiya hua tha
"hmm samajh rahi hoon, sid kaan khol kar sun le, agar meri pyari beti ka dil dukhaya to aisa padega ki naani yaad a jayegi" shalini boli to kavya aur purvi dono zor zor se hasne lage, door leta hua kartick bhi muh chupakar hasne laga
"Baaki haddiyan bhi tudwani hai??" kartick ko haste dekh sid bola to kartick serious ho gaya
"fine, lekin last and final. Agar is baar police ya aisi koi ghatna ghati to dono ko khud yahan aakar le jaunga" bhavesh ne apna faisla suna diya
Purvi aur kavya ne apne numbers share kiye shalini se
Sid kamyab ho gaya tha India se jaane se lekin abhi tak India aakar kuch zyada haasil nahi kiya tha usne, Tyson haath se nikal gaya aur ab ye Kulkarni. Lekin Kulkarni ka zikr to diary me hai hi nahi. Fir???
"bhaiyya lagta hai aapne kuch zyada dushman bana liye hai college me" kavya boli shalini aur bhavesh ka video call khatam hone ke baad
"aisa kyun Keh rahi ho kavya??" sid ne poocha
"kyunki jahan tak mujhe pata hai kartick ke aas Paas itne khatarnaak log nahi rehte aur hame maarne wala Keh raha tha ki apne bhai ko bula wagairah" kavya boli to sid chup raha
"dekhiye bhaiyya straight cut itna kehna chahungi ki jo bhi hai aage se kartick par hamla isliye nahi hona chahiye kyunki wo aapka bhai hai, ho sake to apne dushmanon se khub niptiye aise indirect hame na indulge kijiye" kavya boli
"kavya bhaiyya ko kyun ghasit rahi ho isme??" kartick bola to kavya gusse se kartick ki aur dekhne lagi
"kartick tujhe ache se pata hai ki hamla tujh par nahi balki sidhhart Mittal ke chote bhai par hua tha" kavya baras padi
Sid chup raha to Purvi ke apna haath uske kandhe par rakha
"kavya, pata hai ki tumhare dil me kya chal raha hai lekin kabhi ye janne ki koshish ki ki sid ke dil me kya chal raha hai??" purvi ne poocha kavya se
"ek taraf apne papa ke business ko sambhalna fir apne bhai ki aur dhyan dena aur apni padhai bhi poori karna, ek student aur kitna kar sakta hai??" purvi boli to kartick ka sar jhuk gaya
"pata hai ki kartick par hamla hua aur wo sid ke liye, lekin isme sid ka kya dosh???" purvi samjhana chah rahi thi kavya ko
"aage se tujh par ek aanch nahi aayegi kartick tu bas rest le" sid ne tasalli dena chaha
"agar bharat milap ho gaya to may i come in??" sid ne aankhen band kar di palak nahi atleast abhi nahi
"time zyada nahi loongi, everyone out" bol palak ne darwaza band kar diya aur kartick ki aur dekhne lagi, sid ka bhai dikhta lagbhag sid jaisa hi hai. Bas umra me chota hai
"kaise hua ye sab?? Kisne hamla kiya??" Palak ne poocha
"cycle se gir gaya tha" kartick bola
"cycle se girkar pair aur haath me fracture ho gaya wo bhi wahan jahan poora grassy area hai??" palak ne poocha to kartick idhar udhar dekhne laga
"ek kaan ke neeche padega to tote ki tarah sab bakne lagega" kadak awaz me boli palak to halka sa darr gaya kartick
"m mai sach Keh raha hoon didi mai cycle se gira tha" kartick bola
"didi ke bachhe inspector palak bhatnagar Naam hai mera, Filhal ke liye didi widi band kar aur sach bol" palak boli
Kartick itni buri tarah nahi fasa, agar palak ko sach bata deta hai to bhavesh India se wapas le jayega aur fir kavya se....
Dhat kya soch raha hai wo, kavya to jaise uske khoon ki pyasi....
"hello??? Kaise hua ye sab??" palak ne poocha
"cycle se gira tha cycle se aur sirf cycle se" kartick apni aankhen band karte hue bola to palak ne apna haath uthaya hi tha ki use call a gaya
"jai hind sir....... Hmm... Hmmm.... Ok... Right" bol palak ne apna cap pehen liya aur chali gai tez kadmon ke saath
Kartick ne jab apni aankhen kholi ja chuki thi palak, ek lambi Saans li usne
"waise koun the wo??" ye awaz is baar sid ki thi jo akela aaya tha kamre me, kartick Muskuraya
----------------------------------------------------------------
"lagta hai berehmi se maara gaya hai ye" constable bola to palak chup rahi
"kab tak report milega??" forsenic team se poocha palak ne
"kal tak madam, lekin Haan chod dekh kar itna to hai ki ek baar me nahi balki dheere dheere maara gaya hai" ek forsenic wala bola
"matlab??" palak ne poocha
"jaise ye left wala ghutna pehle toota fir uske baad right wala aur fir...." forsenic wala chup ho gaya
"lekin Baaki do constable ko kyun maara hamlawar ne" palak ne poocha to forsenic wale ke paas koi jawab nahi tha
"you carry on" bol palak sabko dhyan se dekhne lagi
Police par hamla karna koi mazak nahi hai, ek poore patrolling jeep ko khatam kar diya gaya hai poori ki poori Kulkarni ki team ko
Waise to Kulkarni doodh ja dhula nahi tha lekin fir bhi ye hamla seedha media houses ko licence de degi jaisa marzi waisa likhne ka aur already badnam police ko aur thoda footage milega free of cost
Damn it, kisne kiya ye sab??? Jisne Tyson Naam ke ladke ko maara kya usne???
College ke ba chon se pooch taach karne ar hi shayad kuch mile, abhi to bar ek ki aas hai ki aage kuch aur khhon na ho bas, warna poora shahar darr ke saaye me zinda rahega
didi bol diya karthik.palak try karegi mulkarni k qatil ko pakad ne ki but nehni pakad payegi.
