• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy ATTITUDE (KABHI ANGEL KABHI DEVIL) ( Completed )

🔥 Read Next Hot Story →
Discover more exclusive stories
Nevil singh

Nevil singh

Well-Known Member
21,150
53,192
173
vj4u said:
AB TAK AAPNE PADHA KI JAHAN EK TARAF MAHI APNE CHUNOUTI KE BEECH BEHOSH HO JAATI HAI WAHIN DUSRI TARAF APNI MOM KE RAKHE SHARTH KE MUTABIKH RAAZ APNE EMOTIONS POWER ERRAPEL KO SOUMP DETA HAI.


AB AAGE:-



CHAPTER-3


(THE DEVIL'S HAVEN,THE SACRIFICE & THE PERFECT EPILOGUE)



UPDATE-135



PLANET-SPIRAM


PLACE-ABOVE THE VOLCANO






SHAKTI KA HONA AUR US SHAKTI KO ISTEMAL ME LAANA,YE DO ALAG CHIZEN HOTI HAIN MERI BACCHI...


SHAKTI KA HONA EK AISA GIFT HAI JISSE APNI KAABILIYAT DIKHAKAR HI PAAYA JAA SAKTA HAI...


AUR MUJHE APNI BACCHI KI KAABILIYAT PAR KOI SHAKH NAHI HAI...TUMHE BHI NAHI HONA CHAHIYE....


behosh padi MAHI ke dimag me gunji thi ye awaaz jisse sun ek sukoon sa chhaa gaya tha MAHI ke SOUL me..


aur aisa hona bhi tha hi,aakhir ye awaaz uske DAD ki jo thi..


waise toh pehli baar sun rahi thi woh apni dad ki asli awaaz par phir bhi us anjaan awaaz ko MAHI ka dil ek baar me pehchaan gaya aur...


MAHI-DAD.....ye aap hi hai naa..???aapne ye toh bata diya ki mai apni shaktiyon ko haasil karne ke aur abhi is chunouti ko pura karne ke kaabil hun,laayak hun,par kya mai apne pitah ko saamne se dekhne ke laayak nahi hun...


VIKRAM-kisi race me jo sabse tez bhaagta hai,usse bhi apni manzil ek waqt ki mehnat ke baad hi naseeb hoti hai...


tum bhi waisi hi race me doud rahi ho MAHI...jeeto,aur khwahish puri ho jaayegi tumhari...


MAHI-apne PITAH ko saamne se dekhne bhar ke liye bhi mujhe race jeetni hogi...


VIKRAM-tumhare PITAH LORD OF ANGELS bhi hain MAHI...aur filhal tum sirf HUMAN ho...par tumhare andar tumhara ANGEL FORM chhupa hua hai.


agar us FORM ke bahar aane se pehle mai tumhare saamne apne asli roop me aa gaya,toh VIDEOUS joki meri hi urja hai,usse tumhara location mil jaayega aur tumhe ache se pata hai ki agar aisa hua toh ye kahani yahin khatm bhi jaayegi...


apne dad ki baat,uski gehrayi aur importance sab samajh chuki thi MAHI aur ye baat VIKRAM bhi jaan gaye the aur isiliye..


VIKRAM-utho MAHI... challenge pura karo..aur is baat ko kabhi mat bhulna ki mai tumhare saamne aaun yaa naa aaun,tum meri beti ho...


LORD OF ANGELS ki beti jiske liye kuch bhi naamumkin nahi hai..so get up and just finish the job...


jaise hi VIKRAM ki baat MAHI ke dimag me gunjna band hui,waise hi uske brain ko laga ek jhatka jiske baad naa sirf uski aankhein khul gayi balki woh ek jhatke me uthkar khadi bhi ho gayi...


aur aisa hote dekh ANZU joki MAHI ke behosh hote hi tensed ho gayi thi,woh bhi khush ho gayi..


wahin wapas khade hote hi MAHI ko ek baar phirse unbearable thand feel hone lagi par is baar uska confidence ek alag hi level par tha..


thand ki wajah se halki halki kaamp
woh abhi bhi rahi thi par jabde uske sakhti se bheenche hue the..


aankhon me apne target ke liye super confidence saaf jhalak raha tha aur sabse important,uska ATTITUDE joki completely positive tha aur isiliye..


MAHI-as my dad said... let's just finish the fucking job...


behadh confidence se is baat ko bol ek baar phirse apni aankhon ko band kiya MAHI ne...


PAUSED CEREBRATION me jaate waqt ek percent bhi doubtful nahi tha MAHI ka brain aur heart...


apne chaaron AMPLIFICATION modes ko feel kiya MAHI ne aur aisa kar apne heart ke right ki taraf jahan uska ANGEL FORM POWER SOURCE tha,dekha MAHI ne aur...


ASATI matlab MOVE SPELL ko uccharit kiya usne..


uske aisa karte hi pichli baar ki tarah is baar bhi uske heart ke right taraf basa ANGEL FORM POWER SOURCE jagmagane laga..


par uski roshni ke badhte hue heart ke dusri taraf basa HUMAN FORM POWER SOURCE bhi jagmagane ko hua par tabhi...


MAHI ke CHAARON AMPLIFICATION modes jinhe usne pehle hi activate kiya hua tha,woh sab ek barrier bante hue HUMAN aur ANGEL FORM ke beech khade ho gaye aur jab aisa hua toh ANGEL FORM ki roshni HUMAN FORM tak nahi pahunchi..


par ye kriya bohot zyada power consuming thi..


charon AMPLIFICATION modes ke diwar banane aur HUMAN FORM ke us diwar par lagne se MAHI ki inner strength shake kar karne lag gayi thi jisse apne pure aatmbal ke saath woh control karne me lagi hui thi..


par aisa karna asaan nahi tha..


is process ko karte waqt MAHI ka BRAIN aur HEART,dono hi expand hone lage the jisse usse unbearable pain feel hone laga tha..


par in khataranak odds ke baawjud MAHI kisi tarah khudko sambhale PAUSED CEREBRATION me khadi rahi..


aur in sab ke beech MAHI ke ANGEL FORM POWER SOURCE ki jagmagahat aur zyada badh gayi..


ek waqt aisa aaya ki us jagmahat ,us roshni ne MAHI ka pura anduri sharir dhak sa diya tha..


aur phir jab MAHI ki puri body us roshni se bhar gayi toh kuch der tak yunhi rehne ke baad..


MAHI ke heart me basa ANGEL FORM POWER SOURCE halka sa khiska aur jab aisa hua toh...


BOOMMM...


dhamake ke saath ek behadh tez energy force uske body se nikli...


is energy force ka power itna zyada tha ki iske bahar nikalte hi MAHI ka paused CEREBRATION toot gaya aur woh hadh se zyada thakan feel karti hui neeche baith gayi..


par kaam ho chuka tha..


woh energy force MAHI ke sharir se nikalkar aage badhi aur aisa hote hi jab woh force VOLCANO ke daayre me aayi toh...


BOOMMMM....


ek baar phirse dhamaka hua....


par is baar ka dhamaka kuch zyada hi powerful tha aur hona bhi chahiye tha..


aur woh isiliye kyunki MAHI ke ANGEL FORM ke khisakne ki wajah se uske sharir se jo ENERGY FORCE nikla tha,usne apna kaam karte hue VOLCANO ke andar chuppe STALWART ke paani ke AURA ko touch kar liya tha..


isiliye hi woh dhamaka hua tha..aur baat sirf us dhamake par nahi rooki..


us dhamake ke hote hi VOLCANO ke neeche chuupa paani ek cyclone ka roop lete hue upar uththa chala gaya..


us paani se jo energy nikal rahi thi,woh magnetic thi jisne MAHI aur uske saath pinjre me moujud ANZU ko kheenchte hue apni chapet me le liya..


bas ek hi second me MAHI aur ANZU us ghumte hue paani ke andar the..


us paani ka force aur taakat itna zyada tha ki ANZU aur MAHI,dono hi kuch nahi kar paa rahe the..


par jahan is waqt ANZU ka dimag me kuch nahi chal raha tha,wahin MAHI ke dimag me jo ho raha tha,uska kaaran ghum chuka tha..


MAHI jaan chuki thi ki jis water ki chapet me woh fasi hai,woh sirf isiliye hi apne rudra roop me hain,kyunki woh filhal aadha hi open hua hai..


uska baaki bacha bhaag us PLANET ke neeche chuppa hua hai,jahan is waqt RAAZ hai...


aur jab tak uski hi tarah RAAZ apne chunouti ko puri nahu karega,tab tak naa ye cyclone band hoga aur naahi woh isse bahar nikal paayegi..


haan,MAHI ne SWAANSAM GAVIDHA SPELL man hi man uccharit kar liya tha jiski wajah se woh paani me bhi saans le paa rahi thi..


par isme bhi ek problem thi..aur woh ye ki kyunki ye super pure WHITE ENERGY se bhara paani tha, isiliye MAHI ke dwara uccharit spell sirf aadhe asar par hi kaam kar paa raha tha...


woh bas rook rook kar hi saans le paa rahi thi aur aisa karte hue woh bas ye pray kar rahi thi ki kisi tarah apni chunouti ko pura kar le RAAZ......






PLANET-STALWAT WORLD


PLACE-INSIDE THE WATER






UTHO RAAZ...PEHLI AUR AAKHRI BAAR BINA KOSHISH KIYE PURI KARLO APNI CHUNOUTI...


KYUNKI ISKE BAAD JAB TAK TUMHARE DIL ME KARUNA KI BHAAVNA NAHI JAAGTI,CHOTI SE CHOTI CHUNOUTI AUR JUNG BHI BADI LAGNE WAALI HAI TUMHE...


apne aapko mere baaki ke 90 percent EMOTIONS se bhare REFINER powers ke saath jod unpar authority lene ke baad kahi ye baat ERRAPEL ne jiske baad mere brain aur heart, dono me dobara ek jhatka sa laga aur meri aankhen khul gayi...


itna hi nahi,mere sharir me bhi ek internal pressure paida hua jiski wajah se meri body tezi se us gehre aur thande paani se bahar nikal aaya...


par ab situation bilkul alag thi...paani me rehte hue hi mere HEART ke ANGEL FORM ne khudko activate kar liya tha aur aisa hote hi meri puri body chamakne lagi...


aur aisa hone par meri saari thand jaati rahi thi...


khair,khudko chamakta hua mai mehsoos kar hi raha tha ki tabhi mere pairon ke neeche ka aur saath hi us pure gufa me faila barf tadakne laga..


mai jaanta tha ki mera sharir jo abhi mere ANGEL FORM ke create hone ki wajah se chamak raha tha,ye sab ussi ke prabhav se ho raha hai...


meri chunouti puri ho chuki thi...barf ke puri tarah tadakne ke baad iske neeche chhuppa paani is PLANET se lage hue us dusre PLANET jahan is waqt MAHI thi,uske saath merge hote hue STALWART RIVER me chala jaayega....


aur isiliye maine apni jeb me haath daala aur woh NOBLE COIN jo mujhe DEWEI ne diya tha,usse nikal liya...


abhi maine ye kiya hi tha ki tabhi saari barf tadakte hue toot gayi aur aisa hote hi mai ek baar phirse us paani ke andar tha...


par naa toh is baar mai behosh tha aur naahi mujhe koi aur problem face karni thi...


haan par maine ye saaf mehsoos kiya ki jis paani ke andar mai hun,woh lagatar slip sa hota hua kahin aur jaa raha hai...


mai jaan chuka tha ki paani ka yahan se evacuation process shuru ho chuka hai aur isiliye aur zyada wait naa karte hue maine apne haathon me pakde us NOBLE coin ko press karte hue crush diya..


aur jab maine aisa kiya toh...


meri body us paani ke andar light speed se ek disha ki taraf badhne lagi..


is speed ki wajah se dikhna toh mujhe band ho hi gaya tha par tabhi maine kisi ki body apni body se shrug hoti hui mehsoos ki...


aur jab aisa hua toh..


MAHI....


mere man me apne aap hi ye naam gunj chuka tha joki sach hi tha..woh
cyclone jisme MAHI fasi thi,mere chunouti puri karte hi woh paani bhi shaant hote hue meri taraf ke paani ke saath milkar STALWART RIVER ki taraf badhne laga tha..


aur ussi waqt maine us NOBLE COIN ko crush kiya tha jiske asar se MAHI bhi meri hi tarah light speed se paani ke andar se hote hue us jagah ki taraf badh chali thi,joki hamara agla destination tha..


khair,tezi se paani ke andar aagi badhte mai MAHI aur ANZU,kisi surang jaise raaste se hote hue ek disha ki taraf badhte chale gaye aur phir achanak...


DHAKKKKK....DHAKKKK..TANNNN....


woh surang khatm ho gaya jiske baad mai,MAHI aur pinjre me band ANZU ek khaali zamin par gir pade...


pinjra toh neeche girte hi gayab ho gaya jiske baad ANZU usse aazad ho khud ko shrug kar ek hi jagah par hawa me udne lagi...


wahin mai aur MAHI turant khade ho gaye..is beech meri aur MAHI ki nazar ek baar mil chuki thi..


par jahan mai normal hi tha,wahin mujhe dekh bohot zyada khush ho gayi thi MAHI aur isiliye...


MAHI-we did it RAAZ...


behadh khushi se ye baat bol woh turant aae badhi aur mere gale lag gayi..


uske aisa karne se ek pal ke liye hadbada gaya tha mai par phir khudko relax kar usse khudse alag kiya maine..


aisa karte hi maine dekha ki MAHI aakhein band kar jaise kuch mehsoos kar rahi thi...


"YE GIRLS BHI NAA".....😉


aur kuch seconds baad jab usne aankhein kholi toh..


MAI-soch li puri family planning...!!


meri baat par pehle toh hadbadayi MAHI par phir smile karte hue..


MAHI-bilkul..maine toh bacchon ke naam bhi soch liye hain...


MAI-besharam...


sir ko left right hilate hue badbadaye ye shabd maine jisse sun liya tha MAHI ne..


ek baar phirse smile karte hue usne bhi apni nazar saamne ki aur aisa kar thodi hairani se..


MAHI-ab ye kaun si jagah hai...???


MAI-wahi jagah jiske baare me LILITHA ne bataya tha..


WHITE DEMENSION OF THE PAN-OUT VAULT....





PLACE-WHITE DIMENSION OF THE PAN-OUT VAULT





RAAZ,TUM JAANTE HO IS JAGAH KE BAARE ME!!!!???KYA KABHI PEHLE BHI AAYE HO YAHAN....!!!


MAHI ne pucha tha ye sawal jispar....


MAI-sapne me aaya hun...do SERAPHIM ANGELS ne dikhaya tha mujhe is jagah ko...


aage ek bada sa vault hai jisse kholne ki koshish ki thi maine..tab unme se ek ne kaha tha ki mai us vault ko akela nahi khol sakta..


ab samajh me aaya kyun...!!!


ek baar MAHI aur phir ANZU ko dekhte hue kahi ye baat maine jispar MAHI samajh gayi ki mai apne mom dad ki baat kar raha hun..


woh is baat ko aage badha mere ghusse ko trigger nahi karna chahti thi isiliye chup hi rahi..


par ANZU,joki ab tak mujhe hi dekhe jaa rahi thi,jab maine ek baar uski taraf nazar ki toh..


ANZU-hie..mai ANZU hun..MAHI ki nayi pet cum dost....


MAI-FALLON ki shakti se bani ho tum...


meri baat sun ANZU aur MAHI,dono ho chownke aur..


MAHI-tumhe kaise pata..!!!


MAI-simple hai... ABBADON ne mujhe bataya tha ki tum ek planet me ho aur jahan tak mujhe malum hai,EARTH aur ELYSIAN ke baad ye tumhara pehla new world adventure hai...


tum wahan thi ussi paani ko bahar nikalne ke liye jiska ek bhaag mai jahan moujud tha,wahan par tha..


aur kyunki water holy aur pure hai toh zaahir si baat hai ki usse sirf FALLON ki urja se hi bahar laaya jaa sakta hai...


par kyunki tumhari sabse badi chunouti water bahar nikalna nahi balki khudke andar base dono energy form ko paas laana hai toh aisa ho paaye,uske liye tumhare PITAH ne zaroor koi naa koi alag se chunouti tumhare liye taiyar ki hogi..


aur woh chunouti black energy se related hogi kyunki opposite force aur power hi tumhari kaabiliyat ko nikhar sakti hai..


aur finally jab tumhari shakti aur black energy ka takrav hua hoga,toh ussi ke reverse result se ye bird create hui hogi...


meri baat sun yaa phir ye kahun ki mere saare anuman joki bilkul sahi the,unhe jaan MAHI mujhse hadh se zyada impressed ho gayi thi...


kadi se kadi milate hue itne behatrin tarike se har chiz ko judge karna,aisa usne pehle kabhi nahi dekha tha..


aur is baat se ek aur sach bhi jaan chuki thi MAHI...aur woh ye ki bhale hi woh LORD OF ANGELS ki beti hone ki wajah se super efficient thi,uske powers ke puri tarah trigger hone ke baad woh RAAZ se aur shayad VIDEOUS se bhi zyada shaktishaali ban jaane waali thi,par BRAIN ko use karne ke maamle woh RAAZ ke league me kahin nahi thi..


is waqt RAAZ jis state me tha,usme bhi jis raftar se uska dimag kaam kar raha tha,ye dekh MAHI imagine bhi nahi kar paa rahi thi ko jab RAAZ woh banega jisse uske mental aur pyscical state rock solid ho jaayenge,tab kis level par daudega uska dimag...!!!


jahan inhi saari baaton ke baare me sochte hue MAHI RAAZ ko dekhe jaa rahi thi,wahin ANZU jo MAHI ki hi tarah RAAZ ke anylisis se kaafi prabhavit hui thi,usne apna chota sa chonch khola aur..


ANZU-i am really impressed RAAZ... you have an outstanding sense of guess power and judgement..


MAI-hmm.. dimag zyada chalta hai isiliye hi meri taakat se mera control hata liya gaya hai...


meri baat sun chownki MAHI aur...


MAHI-matlab...!!!


MAI-matlab ye ki tumhari wish puri hui...ab mai apni marzi se apni powers use nahi kar paaunga...


in short,woh log jinhe tum mere haathon hurt hote nahi dekhna chahti thi,woh bach gaye...


meri baat sun naa sirf us baat ka matlab MAHI samajh gayi balki saath hi saath maine apni last chunouti kaise puri ki,iska jawab bhi mil chuka tha usse...


ERRAPEL...


MAHI jaan gayi thi ki woh sirf issi shart par trigger hui thi ki RAAZ usse uske baaki shaktiyon ka control de de..


aur is sach ko jaan usse ERRAPEL par ghussa bhi aaya aur RAAZ ke liye taklif bhi hui...


MAHI jaanti thi ki RAAZ ke liye ye faisla karna kitna tough hua hoga..


woh banda jo kisi se raay tak lena pasand nahi karta,uski khudki shakti ab kisi aur ke aadhin thi,ye koi choti baat nahi thi..


aur woh bhi tab jab RAAZ ka state of mind hadh se zyada negetive tha...


wakayi,is kahani ko pura karne ke liye RAAZ se continously jo SACRIFICES liye jaa rahe the,woh bohot zyada the...


khair,naa is baare me woh kuch kar sakti thi aur naahi RAAZ...


jahan RAAZ ki baat sun in saari chizon ke baare me soch rahi thi MAHI wahin apni baat bolne ke kich der baad..


MAI-hume us disha ki taraf jaana hai...


ye bol mai us disha ki taraf jahan sapne me aaya tha,badh gaya aur mere piche ho li MAHI aur ANZU...




THE PAN-OUT VAULT




WOW,AMAZING.....


THE PAN-OUT VAULT ko dekhte hue kahi thi ye baat MAHI ne...


dhundh se bhare raaste se hokar joki asal me WHITE ENERGY tha, pahunche the hum is VAULT ke paas..


filhal hum us VAULT se kareeb 50 feet door khade the..


sapne me maine jitna dekha tha,usse bhi bada tha is vault ka size...


khair,kuch der us bade aur circular VAULT ko dekhte rehne ke baad humne uski taraf kadam badhaya par tabhi....


mere aur MAHI ke saamne prakat hue ABBADON aur ABRAXAS jiske baad woh dono hi ek pal ke liye hum dono ke aage jhuke aur phir...


ABRAXAS-MAHI,RAAZ...aap dono milkar hi is VAULT ko khol paayenge....


MAHI,jis energy ko release kar aapne apni chunouti puri ki thi,ussi energy ko aapko vault par release karna hoga..


ABBADON-aur RAAZ... STALWART WORLD me ek prize mila tha aapko jisse mehsoos bhi kiya tha aapne..


MAHI ki energy ke saath woh GIFT hi is VAULT ko kholne ka password hai...


DONO-par sabse pehle aap dono yaa phir koi ek hum dono ko mukt kijiye...


kyunki is VAULT me jaane ke baad aap is taraf wapas nahi aayenge...


un dono ki baat sun unke sir kaatne ke liye mai aage badhne ko hua par mai aage badh hi nahi paaya..


aur woh isiliye kyunki mere iraade ko bhaamp gayi thi ERRAPEL aur usne mere pair jakad liye...


uske aisa karne par ghusse se mere jabde sakht ho chuke the...


wahin mujhe hilta par aage na badhta dekh MAHI shayad maajra samajh gayi thi aur isiliye..


MAHI-mai karti hun..


ye bol woh un dono ki taraf badhi,unke paas pahunchi,un dono ke sir par haath rakha aur...


VELAH...


PAINLESS DEATH.....


MAHI ke is SPELL ko uccharit karte hi bina kisi dard ke ABBADON aur ABRAXAS raakh ban mukt ho chuke the aur aisa hote hi mere pairon par aayi jakdan bhi jaati rahi...


khudko shaant karte hue mai aage badha aur MAHI ke saat chalte hue PAN-OUT VAULT ke saamne jaakar khada ho gaya..


jahan sapne me dekha tha,ussi jagah par haath ghumaya maine aur mere aisa karte hi us VAULT ke beecho beech uska naam THE PAN-OUT VAULT ankit ho gaya...


jahan aisa hone ke baad MAHI apne andar basi uski ANGEL FORM POWER SOURCE ko activate karne me lag gayi jo ab uske liye zyada mushkil nahi thi,wahin mai ABBADON ke bataye us unknown prize ke baare me sochne laga...


MAI man me-prize milta hai kuch achieve karne par..kuch sahi karne par..aur STALWART WORLD me ANGELS ke hisaab se ek hi sahi kaam kiya hai maine..


usne kaha tha ki us prize ko mehsoos kiya hai maine...


apni baat bolte hue maine apne hatheli ko dekha...


reason..


kyunki STALWART WORLD ne us bacchi ke gale ko chhodne ke baad se hi isme hulchul feel karni shuru kar di thi maine..


abhi mai apne haath ko dekh hi raha tha ki tabhi mujhe apne sharir par behadh hi strong ANGEL'S AURA feel hua joki MAHI ne release kiya tha..


aur aisa hote hi ek saath do chizen hui jiske wajah se mera shak yakin me badal gaya...


pehli...


mere haathon me jo sensation feel ho rahi thi,usse ERRAPEL ki ENERGY FORCE feel hone lagi..


aur thik tabhi mujhse hokar jab MAHI ka ANGEL'S AURA VAULT par pada,toh uske ek part me ek PALM SCANNER ban gaya jisse dekh mai samajh gaya ki ye mere liye bana hai....


mere haathon se nikal rahi ENERGY FORCE hi woh gift thi jo mujhe us bacchi ko chhod dene par mili thi aur jisse ye VAULT khulna tha..


khair,maine apne haath ko us PALM SCANNER par rakh diya jiske baad mere hatheli ki puri ENERGY us SCANNER ne scan ki aur aisa hote hi...


KKHHDDDDDDD.....


ek ajeeb si awaaz karte hue woh VAULT andar ki taraf khul gaya..


aisa hote hi andar se ek tez roshni ki beam nikli jiski wajah se hum teeno ke hi aankhen band ho gayi..


par jahan us beam se nikal rahe power se anjaan the MAHI aur ANZU wahin mere liye woh beam aur usse nikal raha power kaafi familiar tha...


yahi wajah thi ki mai sabse pehle us vault me ghussa tha jiske baad MAHI aur ANZU bhi mere piche usme enter hue..


abhi bhi light beam bohot zyada thi lekin hum us beam me bhi VAULT ka har hissa dekh paa rahe the..


hum dekh rahe the ki VAULT kareeb 20 metre lamba tha...saath hi saath vault do hisso me bata hua tha jiske ek hisse ke compartment ke bahar MAHI likha hua tha aur dusre hisse par RAAZ...


matlab saaf tha..MAHI ko uska naam likhe hue compartment me jaana tha aur mujhe apne naam likhe hue compartment me...


wahin hum ye bhi dekh rahe the ki dono compartments ka aakhri chhor ek hi hai aur wahan par ek bada sa WORLD DOOR khula hua tha jiske dusri taraf hum filhal dekh nahi paa rahe the...


us WORLD DOOR ka sirf ek hi matlab ho sakta tha ki apne apne compartment me jaane ke baad wahan jo bhi kaam tha,usse kar hume us WORLD door ke through apne next destination ki taraf jaana tha...


ek lambi saans chhod ek baar ek dusre ko dekh hum dono hi apne apne naam waale compartment ki taraf badh gaye..


ANZU joki ab MAHI ke kandhe par baithi thi,woh bhi uske saath chali gayi thi...




MAHI'S COMPARTMENT:-




YE KYA,YAHAN TOH PURA COMPARTMENT HI KHAALI HAI...!!!


ANZU ki is baat par saamne ki taraf ishara karte hue...


MAHI-haan par wahan saamne hawa me ek bada sal bulb jaisa kuch jal raha hai...


apni baat bolte hue MAHI us jalte hue bade se bulb ke paas pahunchi..


us chamakte hui cheez ki roshni kuch zyada hi thi par phir bhi MAHI us cheez ko badi clearly dekh paa rahi thi aur jab us CHEEZ ki asliyat uske saamne aayi toh...


MAHI-arre,ye toh ek BOWL hai...


haath badhakar us bowl ko touch karte hue kahi ye baat MAHI ne aur jab usne aisa kiya toh....


us chamakti bowl ki roshni thodi si kam ho gayi aur jab aisa hua toh us bowl ke theek piche jo diwal tha,uspar nazar gayi MAHI ki jispar likha hua tha...


"HOLD THE BOWL IN YOUR HAND"...


in shabdon ko padhte hue MAHI ne us BOWL ko utha liya aur jab usne aisa kiya toh us BOWL ke andar kuch akshar ban gaye jinhe MAHI dekh toh paa rahi thi,par padhne asamarth thi..


reason...


woh akshar ENOCHIAN LANGUAGE me likhe hue the...


khair,bowl ke andar un aksharon ke banane ke baad uske piche diwal par bhi kuch likhane laga tha jo kuch yun tha...


"THE DAY YOU SUCCESSFULLY MERGE YOUR ANGEL'S & HUMAN FORM POWER SOURCE TOGETHER,YOU WILL BE ABLE TO READ THE LANGUAGE....


FOR NOW,KEEP THE BOWL AT THE CENTRE OF YOUR HEART....


saari baaton ko padhne ke baad MAHI ne is bowl ko apne chest ke beech rakh diya aur uske aisa karte hi woh bowl gayab hote hue uske heart me ANGEL aur HUMAN POWER SOURCE ke beech sama gayi...


aisa hone par MAHI samajh gayi thi ki uska yahan ka kaam khatm ho chuka hai aur isiliye woh aage jo WORLD DOOR bana hua tha,uski taraf badh gayi...





RAAZ'S COMPARTMENT





YE TOH......MERI ALOUKIK SHAKTI JAISI ENERGY HAI....


apne compartment me ghuste hi mujhe ek chamakta hua bada sa BOX dikha...


usse dekh aur usse aa rahi roshni ko feel karte hue kahi thi ye baat maine.


apni baat bolte hue mai us BOX ke saamne jaakar khada hua aur usse khol diya..


aur mere aisa karte hi mera shak yakin me badal gaya...


us box ke andar tez glow karti hui meri jaa chuki alokik shakti ki urja thi...


mai us urja se bane gole ko dekh hi raha tha ki tabhi jaise MAHI ke saath hua tha,waisa hi mere saath hui hua..


us box ke aage ek diwal thi jisme kuch likhane laga tha joki kuch aisa tha..


"ONE TIME USE POWER"....



usse lekhni ko dekh mai samajh gaya ki us urja ko joki meri hi aloukik shakti ka hissa hai,mai sirf ek baar hi use kar sakta hun..


par kyun..??iska jawab nahi tha mujhe par pata nahi kyun lekin mujhe lag raha tha ki mujhse kuch door par bane hue WORLD DOOR ke dusri taraf iska jawab mujhe mil jaayega...


khair,haath aage badhate hue us urja ko touch kiya maine aur mere aisa karte hi woh urja mere body me sama gayi..


aisa hone par ek tez jhatka laga mujhe par phir sab kuch more than good ho gaya tha..


apni puri power feel karne laga tha mai aur aisa kar ek pal ke liye mujhe khayal aaya ki pure bramhand ko hi khatm kar dun par kya karun...!!!


jaisa ki bataya gaya tha, power temporarily one time use ke liye hi mila tha...


kuch der tak aankhen band kar apni purani shakti ko feel karne ke baad maine apni aankhen kholi aur WORLD DOOR ki taraf badh gaya..


dono compartments ke beech ek diwal thi jo us WORLD DOOR se 5 feet pehle khatm ho rahi thi..


ussi end par mai aur MAHI ek saath pahunche...


par jahan MAHI araam se yahan tak pahunchi thi,wahin apni aloukik shakti ke use me aane ki wajah se mera pura body hadh se zyada bhaari ho chala tha aur isiliye mujhe chalne me halki taklif ho rahi thi...


aur jab mai MAHI ke barabar pahuncha toh halka ladkhada gaya aur ye dekh MAHI ne hadbadate hue mujhe hold kiya jispar kuch seconds lambi lambi saans lene ke baad...


MAI-i am good...


uski ankhon me apne liye fikr dekh kahi maine ye baat aur sidha normally khade hote hue maine apne kadam WORLD DOOR ki taraf badha diye...


mere saath saath MAHI ne bhi yahi kiya tha..


aur jab us WORLD DOOR se hote hue mai aur MAHI uske dusri taraf aaye toh saamne ka view dekh hum dono ke hi face me alag alag expressions ne janm liya...


jahan is waqt MAHI ke face par khushi ke bhaav the wahin mere chehre par tha ghussa...



REASON.....



auro se toh kya,jahan hum khud tak se LADE THE....


jahan raahat kam,hamare liye mushkilen BADE THE...


jahan se hamare kisse ne kahani ka roop liya tha....


hum ussi CHOSENS ke SARHAD par KHADE THE.....

















AAJ KE LIYE ITNA HI.....


















AAPKA APNA V....J.....
Click to expand...
shaandaar update bhai
 
  • Like
Reactions: Ajay, Aakash., Naik and 2 others
2

23n24

Member
433
1,545
138
vj4u said:
AB TAK AAPNE PADHA KI JAHAN EK TARAF MAHI KO ANZU KE ROOP ME EK NAYI PET MIL JAATI HAI WAHIN DUSRI TARAF RAAZ KO STALWART RIVER KE FOG KO COUNTER KARNE KA TARIKA MIL JAATA HAI.


AB AAGE:-



CHAPTER-3


(THE DEVIL'S HAVEN,THE SACRIFICE & THE PERFECT EPILOGUE)



UPDATE-134



PLANET-SPIRAM


PLACE-THE COLD VOLCANO









HUM SAHI DISHA KI TARAF TOH BADH RAHE HAIN NAA...???


ek strong chilling sensation ko feel karte hue kahi thi ye baat MAHI ne...

reason...

ANZU ke bataye anusar woh aur MAHI volcano ke disha ki taraf badh gaye the...

aur kareeb 3/4 doori tay karne ke baad MAHI ko achanak se hi pura mahoul halka thanda feel hona shuru ho gaya aur jaise jaise woh aage kadam badhati gayi,waise waise thand bhi badhne lagi thi...

aur isiliye hi MAHI ne woh sawal pucha tha jispar....


ANZU-haan,hum sahi disha me.hi chal rahe hain...dhyan se dekho,wahan pahad ke upar VOLCANO ka mooh dikh raha hai...


ANZU ki baat sahi thi...apne naak ki seedh me MAHI ko ek bada sa mountain aur uski nok par ek open volcano ka mooh dikh raha tha..

par naa toh us open mouth me se aag ke garmi se paida hone waala dhuan nazar aa raha tha aur naahi jaisa har jagah hota hai,volcano ke aas paas ki jagah bhi garam hoti hai,yahan uska bilkul ulat tha...

kampkapati thand ko jhelte hue MAHI us volcano ki taraf badh rahi thi..

ek aur baat thi jo kaafi hairani waali thi aur woh ye ki MAHI ne thand se bachne aur rahat paane ke liye sharir ko garm karne waala SPELL bhi uccharit kiya tha par uska koi asar hua nahi...

yahi sab ke baare me soch rahi thi MAHI jisse uske kandhe par tike ANZU ne bhaamp sa liya aur phir..


ANZU-kya aap yahan lag rahe thand aur isse bachne ke liye aapne kuch der pehle jo SPELL bola tha,uske asar naa karne ke baare me soch rahi hain...!!!???

MAHI-haan...

ANZU-is baare me meri ek opinion hai... agar FAIRY PRINCESS ki ijazat ho toh bolun...!??

MAHI-apni raay rakhne ke liye tumhe meri ijazat lene ki zaroorat nahi hai ANZU..

ek baat aur,mera naam MAHI hai..mujhe mere naam se hi pukaro
...tum khudko meri pet ya gulam bilkul mat socho..mujhe apni dost maano....

ANZU-is izzat afzayi ke liye shukriya... toh tumhe yaad hi hoga MAHI ki maine kaha tha ki mujhe is volcano se kuch alag hi feeling aa rahi hai..

woh feeling yahi coldness thi...par tab maine socha tha ki yahan ka ilaaka barfila hoga jiski wajah se woh coldness mujhe feel ho rahi thi....

par aisa hai nahi...mujhe lagta hai ki zaroor is volcano se jo thandak feel ho rahi hai,ye ek tarah ka distraction hai joki iske andar base chiz ko hide karne ke liye paida kiya hai..

MAHI-aur tum is natije par kaise pahunchi ho...!!!

ANZU-issi chilling weather ki wajah se jiska asar tumpar toh ho raha hai par mujhpar nahi...

MAHI-mai samjhi nahi..

ANZU-agar bura naa maano toh kya mai iska jawab tumhe volcano ke paas pahunchkar dun...!!!!

MAHI-isme bura manane waali kya baat hai...!!!chalo phir,filhal toh hamari agli manzil bhi wahi hai toh saare ganit wahin chalkar hi lagate hain..


ye bol MAHI aur ANZU tezi se us pahad ki taraf badh chale jiske top par tha woh volcano point...





PLANET-STALWART WORLD


PLACE-INFRONT OF THE STALWART RIVER





RAKTHAM PRAKATAM

BLOOD APPEAR



apne index finger ko aage kar uspar focus karte hue uccharit kiya is SPELL ko maine jiske baad mere index finger me cut padh gaya aur usse halka sa khoon bahar nikla aur aisa hote hi apne thumb par stick karte hue index finger ko saamne jhatka diya maine jisse mere khoon ka nikla bund aage FOG ke daayre ke andar chala gaya aur jab aisa hua toh...

jaisa maine socha tha,thik waisa hi hua...dekhte hi dekhte theek mere saamne ek straight line me pagdandi ka form lete hue FOG do hisso me bant gayi...

mera raasta clear ho chuka tha aur isiliye maine apne aage kadam badha liye par abhi mai us fog ke beech bane raaste par apna pehla kadam rakhun,usse pehle hi..


DEWEI-isse lete jaaiye..


DEWEI ki baat sun jab mai uski taraf palta toh paaya ki woh apna haath meri taraf badhaye khada hua tha..

uske haath me kuch tha jisse woh shayad mujhe dena chahta tha..

wahin mujhe palta dekh DEWEI meri taraf badha aur...


DEWEI-ye le lijiye..ye ek NOBLE COIN hai...ye ek kism ka gateway hai...

STALWART WORLD me entry ke waqt aapne hume shops jaisi jagah par dekha tha,woh shops asal me hamare world me aane aur yahan se jaane ka GATEWAYS hain jo aise hi COIN ke ki madad se kiya jaa sakta hai..

jab aap kaamiyab ho jaayenge tab aapko is NOBLE COIN ko crush karna hai,aisa karne ke baad hi aap aap aur aapki saathi apne liye nirdharit destination par pahunch paayenge...


DEWEI ki baat sun uske haathon se us NOBLE COIN ko liya maine aur ek baar usse dekhte hue...


MAI-let me guess..ye coin abhi abhi tumhare paas aaya hai aur aisa hone ke baad tumhare brain me iski info daali gayi hai, right..!!!

DEWEI-jee...

MAI-kamal hai..ANGELS kab se DEVIL'S ko copy karne lage...

DEVIL'S peeth piche waar karte han aur ANGELS peeth piche baatein kar rahe hain...


jahan meri baat sunane ke baad bhi chup hi raha DEWEI wahin apni baat keh us NOBLE COIN ko apne pocket me daal wapas palta mai aur mere liye bane pagdandi numa raaste ke beech chal pada..

jaise jaise mai aage badh raha tha,mere piche bana raasta wapas FOG se dhakta hua band hote chala jaa raha tha...

aage badhte hue meri nazar us sookh chuke RIVER ke mid point par thi aur woh isiliye kyunki jis sukhe zamin par mai chal raha tha,woh nami ke naa hone ke baad bhi halki bhuri thi par woh midway waala part circle shape liye white tha..

khair,kuch 2 minute ne hi mai us centre point ke paas tha aur wahan pahunch maine dekha ki kisi jagah par spot light padne par jaisi roshni hoti hai,us jagah par waisi hi roshni chhayi hui thi bas fark sirf itna tha ki spot light ki roshni upar se aati hai aur ye jagah naturally apne dum par chamak raha tha..

khair kuch soch me us roshni aur round shaped jagah par jaakar khada ho gaya jiske baad kuch seconds toh sab shaant hi raha par phir mere pairon ke neeche kampan hone lagi..

par mai apna balance banaye apni jagah par hi khada raha par tabhi...

mere neeche ki zamin ek jhatke me gayab ho gayi aur mai sidha neeche girne laga...

patal lok ki safar me nikla tha mai,ye feeling liye neeche girte chale jaa raha tha mai tabhi...

mujhe halki halki thand lagne lagi jo har guzarte pal ke saath badhte chali jaa rahi thi..

abhi mai is naye parivartan ke baare me sochta ki tabhi...

BHADDHHH......

mere pair neeche kisi sakht chiz se takraye aur aisa hote hi mai samajh gaya ki achanak thand kaise lagne lagi thi...

darasal is waqt mai ek bohot bade gufa me tha aur jispar par mai land hua tha, woh zamin nahi balki BARF thi....

mai neeche jhuka aur mere pairon ke neeche us tadke hue barf waale hisse ko chhua maine aur apni aankhen band kar mai kuch jaanane ki koshish karne hi waala tha ki tabhi...


AAP SAHI SOCH RAHE HAIN RAAZ...YE BARF STALWART RIVER KA HI JAM CHUKA PAANI HAI...


mere saamne se aayi thi ye awaaz jisse sun jab aage dekha maine toh paaya ki ek lamba chowda shaksh muskurate hue mujhse kuch door khada hua tha...


MAI-tum toh.......ABBADON ho....




BACK TO MAHI:-





PLANET-SPIRAM


PLACE-VOLCANO POINT





UNBELIEVABLE....IS VOLCANO ME GARM LAVA KI JAGAH BARF FLOW HO RAHA HAI....

volcano ke hole me neeche ki taraf jhaank kar dekhte hue hadh se zyada thand ki wajah se apne haathon ko rub karte hue kahi ye baat MAHI ne jispar....


ANZU-ek baar apne breast ke right ki taraf haath rakhiye aur bataiye ki kya woh jagah bhi thandi hai...!!!!


ANZU ki baat ka matlab toh nahi samjhi MAHI par bina kuch kahe usne apne breast ke right ki taraf apna haath rakha aur aisa karte hi MAHI ko laga shock..

usne turant apne breast ke left taraf aur phir pet par bhi haath lagaya par natija jaan uski hairangi badh gayi..

aur ussi hairangi ko chehre par liye..


MAHI-ab ye kaisa magic hai..??? mere breast ke right ki taraf ka bhaag kaafi warm hai jabki baaki puri body thandi...!!!!

ANZU-matlab mera shak sahi tha..darasal aapke breast ke right ki taraf aapka ANGEL FORM basta hai aur sirf wahi bhaag yahan itne cold atmosphere me bhi warm hai...

theek meri tarah..kyunki mai bhi tumhare ANGEL FORM se nikle WHITE ENERGY ke AURA se bani hun, isiliye mai bhi warm hun...


AAPKI YE NAYI SAATHI BILKUL SAHI KEH RAHI HAI MAHI...


MAHI ke kuch kehne se pehle uske kaan me ye anjaani si awaaz padi jisse sun jab usne saamne dekha toh halki chownki..

kyunki jis volcano ke top par woh khadi thi,ussi volcano ke andar se udta hua ek shaks bahar nikla tha..

wahin apni baat bol woh shaksh ek baar MAHI ke aage jhuka aur...


ANGEL'S LORD ki beti ko ABRAXAS ka naman..


MAHI-ABRAXAS....tum wahi hona jiske baare me LILITHA aur VALEFOR baat kar rahe the..

ABRAXAS-jee...sadiyon se is jagah par rehte hue aapki raah dekhi hai maine...aage ke hurdle ko paar kar mujhe mukt karne ka ehsaan kijiye...

MAHI-mukt hona aapka haq hai,jo aapko zaroor milega..toh bataiye,mujhe kya karna hoga..???

ABRAXAS-sabse pehle maafi ki arz karte hue kya mai aapke saathi ko is pinjre me tab tak ke liye kaid kar sakta hun jab tak aap apni chunouti ko paar nahi kar leti..

MAHI-aisa kyun...???

ABRAXAS-kyunki ye chunouti aapki hai...isse aapko akele pura karna hai..aap kisi bhi tarah ki madad nahi le sakti...

MAHI-koi baat nahi..mai madad nahi lungi,par ANZU pinjre me nahi jaayegi..

ABRAXAS-aapki baat kaat raha hun,iske liye maafi chahunga..par agar aapne aisa nahi kiya toh mujhe wapas aapko GALEN bhejna padega jiske baad aapko ye safar phirse shuru karna padega..


ABRAXAS ne bohot hi politely apni baat kahi thi jisse sun MAHI halki si tensed ho gayi thi..

bhale hi ANZU ek powerful creature thi par thi toh woh ek bird..aur ek bird ke liye pinjre me jaana bohot buri feeling hoti hai aur ye baat jaanti thi MAHI..

wahin MAHI ke tensed face ko dekh...


ANZU-relax MAHI..mujhe pinjre me jaane se naahi aitraaz hai aur naahi bura lag raha hai..

tum apna challenge pura karo taaki hum aage badh sake...


jahan ANZU ki baat sun halki si smile kar di MAHI ne wahin is beech ek chota aur pyara sa pinjra ready kar diya tha ABRAXAS ne jisme udte hue chali gayi ANZU...

aur aisa hote hi...


MAHI-toh ab bataiye..mujhe karna kya hai...???

ABRAXAS-RAAZ ki madad...!!!


ABRAXAS ki baat sun chownki hui MAHI aur...


MAHI-RAAZ ki madad matlab...!!!!

ABRAXAS-aap abhi do PLANETS ke CROSSOVER ke beech khadi hain...

is volcano ke dusri taraf hai woh PLANET jisme RAAZ moujud hai...

ye jo thandak aap feel kar rahi hain,ye bhale hi is VOLCANO se aa raha hai par iski jadh us dusre planet ka paani hai jo is VOLCANO aur RAAZ jis jagah par hai,uske neeche chhup gaya hai....

woh paani chhupe hue is PLANET aur us PLANET ke beech ek khaali volume me thehra hua hai..

ye isiliye hua hai taaki kisi bhi negetive aur BLACK ENERGY ke dhaarak ko is chhupe paani ke baare me kabhi pata naa chale...

ussi chhupe hue paani ko bahar nikalna hi aapki aur RAAZ,dono ki chunouti hai....

aur isse aapko us zariye,us hathiyar ki madad se karna hai jo aap dono ke andar hi hai,par abhi tak aapne usse istamal ne laana shuru nahi kiya....


MAHI-apne ANGEL aur HUMAN FORM POWER SOURCE ko activate karna..!!!

ABRAXAS-jee..par filhal aapko apne sirf HUMAN FORM POWER SOURCE ko activate karte hue uski energy ko temporarily hi sahi,par is VOLCANO se nikal rahe kohre par release karna hai...

MAHI-aur RAAZ ko...???

ABRAXAS-unhe apne HEART me chuppe ERRAPEL ki shakti ko,unke ANGEL form ko activate karte hue uski energy ko temporarily hi sahi,par jahan woh hain,us jagah par release karna hai...

MAHI-ho gaya kalyan...


RAAZ ki chunouti ko sun ek lambi saans chhodte hue khudse kahi thi ye baat MAHI ne aur uska aisa disheartened hona jayaz bhi tha..

bhale temporary hi sahi,par ERRAPEL waale part ko joki RAAZ se naaraz hai,usse kuch palon ke liye hi sahi,activate karna,woh bhi abhi RAAZ jis mood me hai, usme next to impossible chiz thi...

par option toh kuch tha hi nahi MAHI ke paas..woh bas RAAZ ki taraf se positive hope karte hue apne hisse ki chunouti par hi focus kar sakti thi aur usne wahi karne ki sochi..

dobara ek lambi saans chhod MAHI ne ABRAXAS ko dekha aur...


MAHI-ok then..i am ready....





BACK TO RAAZ:-





PLANET-STALWART WORLD


PLACE-ABOVE THE ICE BARRICADE





KYA AAP TAIYAAR HAIN...!!!!




jo baatein ABRAXAS ne MAHI ko batayi thi,wahi saari baat aur instructions dene ke baad pucha mujhse ye sawal ABBADON ne jispar mai khamosh hi raha..

REASON...

waise toh mere aage rakhe gaye har challenge ko bhale hi woh kitna hi tough kyun naa ho,mai accept karne me ek pal bhi nahi gawata par is baar ka maamla kuch aur tha...

is challenge me bhale hi participate
mai kar raha tha,par isse kaamiyab ERRAPEL ki shakti hi kar sakti thi..

woh shakti jo filhal mere kaabu me nahi thi aur naahi aisa hone ke koi asaar the...

aise me haar meri tay thi par haar se darne ka mindset mera naa kabhi raha hai aur naahi ab hone waala tha aur isiliye...


MAI-i am ready....


jaise hi maine apni baat boli toh us gufa ke andar ka temperature aur girne laga..itna hi nahi,woh barf jo mere pairon ke neeche jama hua tha,woh aur thandi hone lagi...

waise toh shoes pehni thi maine par ice ka thand itna zyada badhne laga tha ki woh thand mere shoes se hote hue mere pairon ko feel hone lagi thi...

halka halka kaampna bhi shuru ho gaya tha mai par in dono odds ko nazarandaaz karte hue mai apni jagah par khade khade hi PAUSED CEREBRATION me chala gaya...

sabse pehle maine BLOOD AMPLIFICATION ke tahat apne dhamniyon me beh rahe khoon ki gati ko tez kiya taaki har pal badh rahe thand ko jhelne se rahat paa sakun..

par jab maine aisa kiya toh ek nayi musibat mujhse jud gayi..

is jagah ki maya ki wajah se mai normal human jaisa ho chuka tha aur isiliye mera stamina bhi waisa hi ho gaya tha.

BLOOD AMPLIFICATION ko trigger karne se body temperature toh bas halka sa hi stabilize hua mera par saans meri tezi se chaddhne lagi...

is naye odd se ladhte hue maine apne EMOTIONS POWER ki taraf rookh kiya...

par aisa karte hi mujhe ek nayi odd situation ka saamna karna pada..

aur woh ye ki jahan pehle mere EMOTIONS power ka home,mera HEART hamesha jagmagate rehta tha,wahin ab uske bilkul ulat us area me dark andhera tha...

mai is change ka reason jaanta tha.. ERRAPEL... kyunki usne mujhe nahi apnaya tha, isiliye usne mere REFINER powers ke daayre ko dark kar diya tha par kyunki mai khud abhi dark stage me tha, isiliye bahari pysical tour par mujhe zyada fark nahi pada tha...

khair,us andhere me me ERRAPEL ki shakti ko feel karne ki koshish karte hue aage badhne laga mai aur aisa karte waqt door ek bohot baarikh se roshni ki kiran dikhi mujhe jisse dekh mai us roshni ki taraf badhne ko hua par tabhi....

woh roshni ki kiran jo door thi mujhse,bijli ki gati se aage badhi aur mujhe hit kar gayi..

ye ERRAPEL ki hi shakti thi jiske hit karte hi mere BRAIN ko laga ek tez jhatka aur woh behosh hone lag gaya..

wahin jab ERRAPEL ki shakti ne mujhe hit kiya toh mere body ke chaaron taraf ek bohot taakatwar energy force me janm liya..

aisa hote hi mere pairon ke neeche ki barf tadakne lagi aur dekhte hi dekhte woh toot gayi...

minus 100 degree se bhi kam taapman waale us barf ke neeche tha pure aur chilled water..wahi water jisse wapas STALWART RIVER me bhejna tha mujhe...

mai ussi water me samata chala gaya mai...

aisa hone par ek hadh se zyada chilling sensation feel kiya mere sharir aur khaas kar mere brain me..

issi beech mere mooh me woh water kayi gallen tak sama gaya jiski wajah se mera BLOOD AMPLIFICATION process bhi rook gaya..

itni saari chizon ke ek saath hone se mere brain ke behoshi waale state me jaane ki gati aur tez ho gayi...

bina AMPLIFICATION mode se bahar aate hi mai us gehre paani kr beech kisi murde ki taraf tairta hua BEHOSH ho chuka tha..




BACK TO MAHI:-



PLANET-SPIRAM


PLACE-ABOVE THE VOLCANO





ASATI....

MOVE...


apni aankhen band kar apne ANGEL FORM POWER SOURCE ko dekhte hue uccharit kiya is SPELL ko MAHI ne aur uske aisa karte hi us power source ki chamak thodi aur badh gayi...

par us power source ke saath hi MAHI ka HUMAN FORM POWER SOURCE bhi jagmagane laga joki nahi hona chahiye tha...

MAHI ko sirf apne ANGEL FORM POWER SOURCE ko move karna tha.. aisa hone par jo energy wave bahar aati aur volcano me jaati,ussise hi MAHI ki chunouti puri ho paati..

par kyunki SPELL bolne ke baad MAHI ka dusra power source bhi jagmagane laga tha isiliye woh SPELL naa sirf bekaar ho gaya balki saath hi saath jo thand MAHI ab tak feel kar rahi thi,woh bhi 10 times tak badh gayi...

aur is level ke thand ke beech MAHI dobara apne andar ke ANGEL FORM par concentrate nahi kar sakti thi aur isiliye usne ek naya idea lagaya.

usne apne BLOOD AMPLIFICATION mode ko activate kiya aur usse apne heart me bade ANGEL FORM waali jagah par le jaane lagi...

uske aisa karte hi MAHI ko lagne waali thand bhi kam hone lagi...

halka relaxed feel karte hi MAHI ne ek baar phirse ASATI SPELL ko uccharit karne ki sochi par woh aisa karti,usse pehle hi MAHI ke andar ek kism ka short circuit ho gaya....

toh hua yua ye ki kuch seconds pehle MAHI ki lagayi yukti jisme woh apne BLOOD AMPLIFICATION mode ki shakti ko apne ANGEL FORM ki taraf le jaa rahi thi,uska ek halka sa bhaag uske HUMAN FORM ki taraf bhi mood gaya aur jab woh bhaag us form ko touch hua toh us HUMAN FORM se ek energy beam nikal sidhe MAHI ke ANGEL FORM se takrayi..

ye takkar kaafi impactful thi jiski wajah se MAHI ka heart beat tak ek second ke liye rook gaya...

itna hi nahi,MAHI ke heart se nikal uske brain me jaa raha khoon bhi ubal sa gaya jiski wajah se wahan hamrage waali sththi paida ho gayi...

itna sab kuch ek saath hone se MAHI khudko sambhal nahi paayi aur woh lehrate hue behosh hokar neeche gir gayi...




BACK TO RAAZ:-




PLANET-STALWART WORLD


PLACE-INSIDE THE WATER





ITNI JALDI AANKHEN BAND KAR LI...!!!ITNA TOH KAMZOR NAHI HAI MERA BETA....


ek tez chamak se bani aakruti joki asal me meri MOM thi, unhone kahi thi ye baat mujhse...

behoshi ki haalat me tair raha tha mera body US DIVINE WATER me jabki meri aatma wapas STALWART WORLD ke sukhe river ke upar thi...

har taraf energy barrier se bana kohra jama hua tha aur us kohre ko cheerte hue woh roshni numa aakruti joki meri MOM thi,mere aage khadi thi...

aur unki baat par jab mai kuch naa bola toh..


MOM-is situation se nikalne ka tarika jaanana chaahoge....???

MAI-mujhe aapki koi madad nahi chahiye...

MOM-maine ye kab kaha ki mai tumhari madad karne waali hun...

tumhari madad ka zariya tumhare andar hi hai,bas usse bahar nikalne ka tarika jisse tum abhi tak anjaan ho,woh bataungi mai...


MOM ERRAPEL ki baat kar rahi thi,ye jaanta tha mai aur isiliye..


MAI-us zariye ne hi mujhe is state me pahunchaya hai...

MOM-aur wahi tumhe is situation se bahar bhi nikalegi par aisa hone ke liye ek sharth hai jo puri karni padegi tumhe....

MAI-souda...!!!!yahi toh karte aaye ho aap aaj tak..khair, bataiye,sun raha hun mai...

MOM-tumhe apne EMOTIONS power ka baaki ka pura bhaag jo filhal tumhare control me hai,usse ERRAPEL ki shakti ko soumpna hoga...

agar tum aisa karne ke liye taiyar hote ho toh tum yahan ki chunouti me safal ho jaaoge....


MOM ki naa sirf baat ko samjha tha mai,balki saath hi saath us baat,us sharth ke piche ke uddeshya ko bhi jaan chuka tha mai..

toh baat kuch yun thi ki mom ye baat jaanti thi ki mera woh ghussa jo unpar,dad par aur khaas kar dono LORDS par hai,jisse abhi ke liye toh maine dabakar rakha hua hai,woh CHOSENS pahunchte hi unleash ho jaayega..

aur phir mera keher sirf negetive logon par nahi,balki positive logon par bhi barsega...

mom ko ye bhi pata tha ki bhale hi is waqt ERRAPEL ki shakti joki meri sabse badi power source thi,woh mere khilaaf thi,par phir bhi mere EMOTIONS power ka baaki ka 90 percent bhaag bohot zyada taakatwar tha..

saath hi saath us 90 pratishat bhaag me ACCHUTA, SLUNDER, BRAWNY, HIDA aur ALFREEN ki GOD GIFT power ka 50 percent bhi mixed tha jo meri shaktiyon ko aur zyada deadly banati thi...

us power ke dum par bhi mai pure CHOSENS me kohram macha sakta tha...

aur isiliye hi mere aage ye sharth rakhi gayi thi...jo ek baar maine apne baaki ke REFINERS aur unke power ka control ERRAPEL ke haathon me soump diya,uske baad mai utni hi shakti ka istemal kar sakta tha jitne ki woh mujhe ijazat degi...

khair,in saare negetives ko jaante hue bhi is situation se nikalne ka aur koi tarika naa mujhe pata tha aur naa aage pata chalne waala tha aur isiliye MOM ki baat manane ke alawa mere paas aur koi option nahi tha...

isiliye....


MAI-mujhe manzoor hai...

MOM-bohot sahi faisla liya mere bacche...tum abhi SOUL FORM me hi ho, isiliye tumhe bas apne saare EMOTIONS aur REFINER powers ko yaad karte hue SURRENDER bolna hai..

tum bas itna karo,baaki ka kaam ERRAPEL khud kar legi...


MAI-I SURRENDER...


aankh band kar apne EMOTIONS aur REFINER powers ko feel karte hue kahi ye baat maine jiske baad meri SOUL wapas mere sharir me chali gayi..

aisa hote hi mujhe apne andar ek baar phirse wahi roshni joki ERRAPEL thi,dikhi jiske chunne se mai behosh hua tha...

par is baar woh sirf roshni nahi thi,balki us roshni me ERRAPEL ka glow karta hua face bhi dikh raha tha joki is waqt mujhe dekhkar smile kar rahi thi..

aisa karte hue hi uski roshni ne mere EMOTIONS aur REFINER powers ko khudse jodte hue unpar control set karna shuru kar diya..

aur jab ye procedure chal raha tha,toh ussi tarah muskurate hue dekhti rahi ERRAPEL mujhe aur phir...


ERRAPEL-



kya socha tha kabhi ki tere ravvaiye ki tujhe aisi saza MILEGI....

jis shakti ka ghamand tha tujhe,ab uski kami KHALEGI...

jitni manmaani karni thi,kar li tune,par ab bas....

shaktiyan bhale hi teri hain,par ab woh ERRAPEL ke hisaab se CHALEGI.....















AAJ KE LIYE ITNA HI......
















AAPKA APNA V....J....
Click to expand...
Superb awesome update VJbhai
 
  • Like
Reactions: Ajay, Aakash., Naik and 3 others
🔥 Read Next Hot Story →
Discover more exclusive stories
🔥 Read Next Hot Story →
Discover more exclusive stories
You must log in or register to reply here.
Top