• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Romance BE-INTEHA-ISHQ

Status
Not open for further replies.

Chinturocky

Well-Known Member
4,312
12,563
158
Update Badhiya hai per Aisa lag raha hai ki ek Kahani me do Kahani chal rahi hai,
Ek romantic aur ek thriller.
 
  • Like
Reactions: Maq

mashish

BHARAT
8,082
25,904
203
Update-40

Inspector shahed ki team puri zor shor se dark sprit ki talash karrahi thi aur usme who kafi hadh tak kamiyab bhi hue aur unhe kuch aisi baten bhi pata chali jisse unhe agey badne me aur bhi madad mil rahi thi isi liye aaj sabhi ek baar phir ekhatta hue they.

Yousuf : team hume ab ye sab kuch bohat hi safdhani se karna hoga warna dark sprits ko humare kaam ki khabar hojayegi aur aisa hana humare liye iss waqt bohat hi nuksan da sabit hoga.

Jack : mujhe lagta hai unhe ab tak humare bareme pata chal gaya hoga.

Jack ki baat sunkar yousuf kahta hai.

Yousuf : tum itne yakeen se kaise kahsakte ho?

Jack : jiss tarha se hum unke kaam ke beech me rukawat dal rahe hai uss hisab se unhe ab tak toh khabar lag gayi hogi.

Jack ki baat sunkar arhaan bhi kahta hai.

Arhaan : haan mai bhi jack ki baat se sahmat hoon aur jis safai se hum kaam rahe hai usse toh use pakka shak hogaya hoga ke ye unke virodhi gang ka hi kaam hai.

Yousuf : agar aisi baat hai toh hume aur bhi chaukanna rahne ki zarurat hai.

Hemanth rao : hume chaukanna rahne ke sath sath ab aur bhi logon ki zarurat hai iss baat per bhi agar ghaur kijiyega.

Hemanth ki baat sunkar tanisha bhi kahti hai.

Tanisha : haan hama aur log chahiye jo bharosemand ho aur iss kaam me mahir bhi ho.

Yousuf : magar hum kisi aur per bharosa nahi karsakte ye baat tum sab acchi tarha se jante ho.

Tanisha : haan jante hai magar jiss mission per hum kaam karrahe hai iss ko anjaam den eke liye sirf 5 log kafi nahi hai.

Arhaan : haan jise hum dusri jagha per bhi kaam karwa sakte hai.

Jack : agar our logon ki baat hai toh isme mai madad karsakta hoon aur unke bharose ki guarantee bhi leta hoon.

Yousuf : tum kaha se lauge log.

Jack : mere khabile ke sardar se baat karonga toh who meri baat sunkar apne kuch ladke hume desakte hai.

Yousuf : kya who iss khabil honge ke dark sprit se mukhabla karsake.

Jack : tum uski chanta math karo kyunki humare khabile ke bachchon ko chote rahne se hi aisi training dijati hai jisse unka sharir lohe jaisa mazbut hojata hai aur who kisi bhi situation me apne dimag ko shanth rakh sakte hai.

Yousuf : toh phir thik hai tum apne sardar se baat karo agar who kuch aise ladke bhej sake toh humare liye accha hi hoga unhe kuch samjhane me time bhi waste nahi hoga aur humara mission bhi asani se pura hoga.

Jack : thik hai mai unse baat karke bolta hoon.

Yousuf : hmm toh thik hai. tum logon ko toh koi aiteraaz nahi hai na isse.

Sabhi na me gardan hilate hai.

Yousuf : who jab ayenge tab ayenge magar hume abhi bohat chukanna rahkar kaam karna hai aur haan aaj raat ko ek container anewala hai jisme bohat sara RDX hai hume kisi bhi tarha uss container ko apne kabze me lena hi hoga.

Arhaan : thik hai toh plan kya hai.

Phir yousuf sabhi ko plan discuss karta hai.

Yousuf : agar kuch kami hai toh abhi bata do.

Sabhi ok kahte hai. aur lag jate hai apni apni tayyarion me.

.

.

.

.

Idhar boss bhi ek meeting karraha tha jaha per uske kuch khas admi hi they aur sath me Julie bhi thi.

Boss : aaj raat ko xxx shaher me humara RDX ka container anewala hai toh iss baar koi ghalti nahi honi chahiye.

Boss ki baat sunkar gupta darte hue kahta hai.

Gupta : magar boss who logon ka kya karna hai jinke bareme humne aap ko bataya tha. Aap ko batane ke baad bhi unlogon ne kai baar apna nuksaan kiya hai aur jo log unki video dur se bana rahe they who bhi unko pata chal jaraha tha isliye hume ye bhi nahi pata ke ye log kon hai aur chahte kya hai.

Gupta ki baat sunkar aslam bhi kahta hai.

Aslam : haan boss maine toh ek nahi teen logon ko unke uper nazar rahne aur unka peecha karne ke liye das logon ko lagaya tha magar phir bhi unke hath kuch nahi laga mano jaise parchai ka peecha karahe ho.

Gupta aur aslam ki baat sunkar boss talib ki taraf dekhta hai aur kahta hai.

Boss : tumhe bhi kuch kahna hai?

Talib : ( darte hue ) kahna toh hai magar kahne se dar lag raha hai ke meri baat sunkar aap jane mere sath kya karenge.

Boss : jobhi bolna hai bekhouf hokar bolo.

Talib : ( darte hue ) boss mujhe khabar mili hai ke ye log jobhi humara nuksaan karrahe hai who purane khabile ke log hai.

Itna kahkar talib chup hojata hai.

Boss : agey kaho.

Talib : boss maine apne kuch logon ko aap ki cheez dhundne me lagaya hai toh unko aap ki cheez toh nahi mili magar unhe kuch baten pata chali jinki binha per unhe ye pata chala ke ye log purane khabile ( white sprit ) ke log hai.

Talib ki baat sunkar boss kuch der shanth rahta hai phir kahta hai.

Boss : haan tumne sahi kaha ye purane khabile walon ka hi kaam lagta hai magar humare paas pakka sabut nahi hai toh abhi ye kahna bhi sahi nahi hoga ke unhi logon ka kaam hai.

Talib : magar unke kaam karne ke tarike ko dekh kar toh yahi lagta hai ke ye unhi ka kaam hai.

Boss : hmm khair ye kiska kaam hai who bhi bohat jald pata chal jayega magar usse pahle tum uss cheez ko jaldi se jaldi dhundh nikalo agar ye kaam purane khabhile walon ka hai toh hume jald se jald apne kaam ko anjaam dena hoga.

Talib : ji boss mai puri ji jaan se isi kaam me laga hua hoon aur jaise hi aap ki cheez mujhe milti hai mai fauran use aapke paas lekar aunga.

Boss : isi me tumhari bhalai hai.

Phir boss gupta aur aslam se kahta hai.

Boss : container ki security aur barhado aur dur se bhi kuch logon ko nazar rakhne ke liye kaho iss baar maal bohat ziyada hai toh koi risk nahi lena hai samjhe.

Gupta aur aslam : magar boss who log…

Boss : unhi ke liye logon ko barha raha hoon.

Gupta : magar boss who log toh kitne bhi log ho unko maar kar maal jala kar ya lekar chale jate hai.

Boss : iss baar aisa nahi hoga mai apne kuch khas admiyon ko bhej raha hoon.

Boss ki baat sunkar aslam aur gupta dono khush hojate hai.

Aslam aur gupta : thik hai boss.

Boss : ab tum log jao aur apne admiyon ko samjhao kya karna hai. mai apne admiyon ko bhi bhejta hoon.

Phir teeno waha se chale jate hai toh boss Julie se puchta hai jo shuru se khamosh hi thi.

Boss : Julie kya baat hai aaj tum itni chup kyun ho?

Julie : kuch nahi boss mai sonch rahi thi kya ye sach me unhi logon ka kaam hoga.

Boss : ho bhi sakta hai aur nahi bhi hosakta hai magar jobhi ho humara dushman hi hai.

Julie : agar who log hue toh boss.

Boss : toh kya humare paas bhi unke jaise kai log hai jo unse ziyada takatwar hai.

Julie : haan ye baat bhi hai.

Boss : tum jakar Michal ko bhejdo container ke sath.

Boss ki baat sunkar Julie chonk jati hai.

Julie : kya Michal ko?

Boss : haan.

Julie : per boss itne se kaam ke liye Michal ko bhejna kya sahi hoga.

Boss : ab tum mujhe sikhaogi ke mujhe kya karna hai aur kya nahi.

Boss ki baat sunkar Julie chup hojati hai.

Boss : aur haan Michal ko akele hi bhejo puri team ko nahi samjhi.

Julie : ji boss.

Phir boss apni jagha se chala jata hai aur Julie bhi kisi ko phone karke wahan se nikal jati hai.



Aaj ke liye itna hi agey janne ke liye mere sath bane rahiye BE-INTEHA-ISHQ ke sath aap ka apna MAQ.


Written by MOHAMMED AZEEM QURESHI ( MAQ ).

update kaisa laga comment karke zarur bataiyega.
good update
 
  • Like
Reactions: Maq

Maq

Lovely person????
429
518
109
Update-41

" sab kuch check karliya hai na kuch bhule toh nahi na… Aaj ke mission ka kamiyab hona bohat hi ziyada zaruri hai ''

Ye baat yousuf ne kahi thi apne sathiyon se.

Ye sabhi log aaj raat ane wale container ko pakad ne ke liye nikal rahe they.

Yousuf ki baat sunkar sabhi ek sath yes sir kahte hai.

Sabhi ek van me baith kar nikal jate hai.

Iss samai sabhi ne ek black colour ki dress pahni hui thi jo puri tarha se bullet proof thi.

Sabhi logon ke paas hatiyar they.

Kuch hi der me ye log ek highway per pohanch kar apni van ko road se thoda andar chupa dete hai aur container ka intezar karte hai.

Idhar boss side :

Boss : sabhi log apne kaan aur ankh khuli rakhna aur kuch bhi gadbad dikhe toh Michal ko inform karna.

Boss apne samne khade logon se kahraha tha jo tadad me 50, 60 they.

Sabhi ek sath ok boss kahte hai.

Boss : Julie container kisi bhi waqt yahan asakata hai aur do container tayyar karo aur inko usme bitha kar ek samne aur ek peeche rakho aur jo main container hai usme Michal ko baithne ko kaho.

Julie : thik hai boss mai abhi bol deti hoon.

Ye kahkar Julie kisi ko call karti hai aur do container ko godon se lane ko kahti hai kuch hi der me do container ajate hai toh sabhi admi un do container me chad kar baith jate hai.

Boss : julie Michal kaha hai container kabhi bhi asakta hai.

Julie : boss who yahin hai jaise hi container ayega Michal usme baith kar nikal jayega.

Boss : hmm thik hai.

Kuch hi der me wahan ek container ata hai jaise hi container ata hai Michal bhi wahan ajata hai.

Boss : Michal dhiyan rahe koi chuk nahi honi chahiye.

Michal : aap befikar rahiye boss mere rahte hue kuch nahi hosakta.

Boss : mujhe pata hai isi liye toh tum ko bhej raha hoon aur haan iss baar shayed tumhara samna kisi aise se ho jiski shayed tumne koi kalpana bhi nahi ki hogi.

Michal : mujhe iski koi parwa nahi ke kon mere samne aye mujhe baas mere kaam se matlab hai.

Boss : hmm thik hai ab niklo.

Phir Michal us container me baith jata hai aur teeno container nikal jate hai.



Other side :

Idhar bhi ek team tayyar horahi thi usi container ko pakad ne ke liye jisko lead ek ladki karrahi thi.

Ladki (leader ): aaj kisi bhi haal me humko who container ko apne kabse me lena hi hoga.

Ladki 1 : yes madam har baar ki tarha iss baar bhi hum unke maal ko apne kabse me lelenge.

Ladka : haan madam unko harana humare liye koi badi baat nahi hai.

Ladki aur ladke ki baat sunkar ladki leader kahti hai.

Ladki ( leader ) : apne aap ko takatwar samhajna nasamaj logon ki nishani hai aur dushman ko kamzor samhajna bewakufon ki nishani hai. hum unse takatwar hai isme koi shak nahi magar dushman ko kabhi bhi kamzor nahi samhajna chahiye samjhe.

Ladki aur ladka : ji madam.

Ladki ( leader ) : abki baar humko sambhal kar humla karna hoga kyunke jo container hum apne kabze me lene wale hai usme bohat hi ziyada matra me RDX hai toh who log bhi puri tayyar me ayenge toh humko bhi puri takhat laga kar ladna padega.

Ladki : toh kya iss baar hum teeno ke alawa bhi koi our bhi humare sath jayega.

Ladki ( leader ) : haan humare sath apne khabile ke 10 ladke aur chal rahe hai woh log kabhi bhi yahan asakte hai toh tum log bhi unke liye hatiyar aur unke suit nikal do.

Phir who ladka aur ladki hatiyaron ke godon me jakar hatiyar nikalte hai aur 10 suit bhi nikalte hai jo ke white colour ke they .

Kuch hi der me 10 ladke wahan per ajate hai toh ye log do gadion me baith kar wahan se nikal jate hai aur usi highway per pohanch jate hai jaha per inspector shahed ki team iss waqt thi.

Dono team container ka intezar karne lagte hai aur kuch hi der me uss highway per container ata hua dikhta hai jise dekh kar yousuf hemanth ko ishara karta hai toh hemanth apne paas rakhe teen smoke boom ko ek jack ko ek arhaan ko aur ek khud lekar road ke kinare chala jata hai jaise hi container khareeb ane lagta hai teeno ek sath smoke boom road per phenk dete hai jiski wajha se wahan per dhuan dhuan hojata hai aur who container bhi ruk jate hai.

Jaise hi container rukta hai usme baithe hue admi bahar nikal jate hai sabhi ke paas hatiyar they.

Who log ass chaukanne hojate hai aur ass paas dekhne legte hai.

Dhuan abhi chata nahi tha isi ka faida utha kar yousuf sabhi ko attack karne ko kahta hai.

Sabhi apne silencer lagi hui gun se un gundon per nishana lagate hai aur dekhte hi dekhte wahan per kai gundon ko lashen girne lagti hai jise dekh kar kuch gunde sartak hojate hai aur container ke peeche chup jata hai.

Kuch hi der me dhua chat jata hai toh wahan per gundon ki lashen padi hui thi.

Abhi who gunde sambhal kar container ke dusri taraf chupe hi they ke dusri taraf se bhi firing hoti hai aur dekhte hi dekhte gundon ki tadad kam hone lagti hai.

Toh hua yun ke road ke dusri taraf dusri team thi jo pahle toh achanak dhua utne se chonk jate hai phir firing ki awaz sunkar sartak hojate hai aur jaise hi dhuan saaf hota hai toh container ke dusri taraf gundon ko chupta dekh kar duse team ki leader firing karne ka ishara karti hai aur dekhte hei dekhte gunde marne lagte hai.

Kuch der ke liye wahan per sannata hojata hai.

Dono team ko kuch der intezar karte hai aur ek sath hi haton me gun liye bahar nikalte hai aur ek dusre ke amne samne ajate hai.

Yousuf : apni gun neeche karo aur apne hath uper karo.

Ladki ( leader ) : gun mai nahi gun tum neeche karo kyun ke tum log sirf panch ho aur hum tumse ziyada toh bahtar yahi hoga ke tum apni gun neeche karo aur apne hath uper karo.

Yousuf : tadad ziyada hone se kya hota hai tadad toh inki bhi thi dekh rahi ho na kaise zameen per pade hai kabhi na uth ne ke liye.

Ladki ( leader ) : inme aur mujh me bohat farq hai ab chup chap apni gun neeche karo.

Abhi ye log baat hi karrahe they ke dusre container me se admi nikal kar inper goliyan chalani shuru kardete hai.

Golinga awaaz atey hi dono group sartak hogaye aur container ke peeche chup gaye.

Jack : sir mai thoda agey jakar unper us taraaf se hamla karta hoon jaise hi who log us taraaf goliyan chalaye aap log idhar se hamla kar dena.

Ye baat who ladki bhi sunleti hai aur apne teen admion ko bhi jack ke peeche jane ka ishara karti hai.

Yousuf : kon ho tum aur yaha kyun ayi ho?

Ladki ( leader ) : yahi sawal mera bhi hai. tum log kon ho aur yahan inlogon ko kyun mar rahe ho.

Yousuf : maine jawab manga tha sawal karne ko nahi kaha tha.

Ahbi who ladki kuch kahti usse pahle goliyan chalne ki awaz ati hai toh arhaan thoda sa bahar nikal kar dekhta hai toh kuch gunde teesre container ke paas gir rahe they aur kuch dusri taraf goliyan chala rahe they toh arhaan bhi yousuf ki taraf ishara karta hai aur phir idhar se yousuf aur ladki ki team bhi un gondon per firing karni shuru kardete hai jisse gunde bokhla jate hai aur unke kuch samhajne se pahle hi sabhi gunde mout keg hat utar jate hai.

Phir kuch der ke liye sannata cha jata hai aur sabhi bas gun thame khade they aur dheere dheere agey bad rahe they.

Kuch dur jane ke baad who log dekhte hai ke do log apas me lad rahe they.

Ye koi aur nahi jack aur Michal they.

Toh hua yun ke jack aur who ladki ke sathi jaise hi peeche se hamla karte hai toh wahan per Michal pahle se hi khada hua tha.

Michal ko dekhte hi jack kuch der ke liye shanth hojata hai phir se firing karne lagta hai Michal bhi idhar se firing karraha tha aur usne bhi us ladki ke do sathion ko goli mardi thi jisme who log zakhmi hohaye they.

Phir idhar se jaise hi arhaan ke ishare ke baad jaise hi firing hoti hai Michal udhar kuch pal ke liye dekhta hai aur jaise hi uski nazar samne se hathti hai jack chalag laga kar usper war karta hai jiski Michal ne koi kalpana nahi kit hi aur who jack ke war se kuch dur girta hai aur uske hath se gun chut jati ha.

Us ke baad se dono ek dusre ke amne samne khade hojate hai.

Phir shuru hoti hai dono me hata payi aur usi samai arhaan bhi wahan ajata hai aur jack ko kisi admi ke sath ladte dekh kar apni gun se Michal per nishana lagane lagta hai aur ye jack dekh leta hai aur arhaan ko goli chala ne se mana kardeta hai.

Utne me uss ladki ki bhi team wahan per ajati hai aur do logon ko ladte dekh ruk jati hai.

Uss ladki ki nazar jaise hi jack aur Michal per padti hai uske muh se nikal jata hai " Michal "

Jise yousuf sunleta hai.

Yousuf : kyat um iss admi ko janti ho?

Who ladki kuch der khamoshi se dono ko ladte hue dakhti hai phir haan me sar hilati hai.

Yousuf : kon hai who admi aur kon ho tum ?

Ladki ( leader ) : who mera bhai hai aur mai kon hoon ye janne se pahle tum batao ke tum log kon ho aur yahan kya karrahe ho?

Yousuf : hum kon hai iska toh abhi koi jawab nahi hai mere paas bas itna kahsakta hoon ke hum yahan iss container ko apne kabse me karne aye hai.

Ladki ( leader ) : kya mai jansakti hoon ki kyun tum iss container ko apne kabse me lena chate ho ?

Yousuf : mai batana toh nahi chahta magar na jane kyun mera dil kahraha hai ke tum bhi yaha isi liye ayi ho jis liye mai aya hoon. Toh suno iss container me RDX hai aur itni matra me hai ke uss se ek hi samayi me pura ka pura shaher udaya jasakta hai isi liye hum yaha isko apne kabse me lene aye hai takey isko apne kabze me karke jo kuch bhi ye log karne wale hai usko rok sake.

Yousuf apni baat kahkar ruk jata hai aur ladki ko dekhne lagta hai jo yousuf ki baat sunte hue samne lad rahe jack aur Michal ko dekh rahi thi.

Ladki ( leader ) : hmm mujhe bhi pata hai ke iss container me RDX hai aur mai bhi yahan isi liye ayi hoon.

Khair abhi toh mujhe iss container se ziyada important cheez milgayi hai toh ye container tum lekar jao bas mujhe ye admi chahiye.

Yousuf : nahi ye nahi hosakta hum container aur admi dono ko lekar jayenge.

Idhar ye dono baat karrahe they aur idhar jack aur Michal ladte hue baat karahe they.

Jack : gaddar toh tum yaha ho aur sardar tumhe wahan ke jungalon me dhundh rahe hai.

Ye kah kar jack Michal ko ek kick marta hai jise Michal block karte hue ek punch jack ke muh per marte hue kahta hai.

Michal : mai gaddar nahi hoon maine job hi kiya apne logon ke liya kiya agar ye tumhare ya tumhare sardar ke nazron me gaddari hai toh haan mai hoon gaddar.

Jack bhi Michal ke chahre per punch marte hue kahta hai.

Jack : apne logon ka naam beech me math lau tumhare irade pahle se hi bure they aur tumhe jab mauka mila toh tumne uska bharpur faida uthaya.

Jack ka punch itna powerful tha k eek pal ke liye Michal kar sar chakra jata hai aur who sambhal nahi pata phri jack ek ke baad ek kai punches usko marta hai phir usko utha kar patak deta hai phir apne laton se marne lagta hai.

Mar kahte khate Michal ki halath adhmari hojati hai magar phir bhi jack Michal ko marte hi jaraha tha.

Phir achanak se ek hath jack ke kande per ata hai aur kahta hai.

" ruk jao jack bhai "

Jaise hi jack ye suntan hai apne peeche kahdi ladki ko dekhta hai jo iss waqt usi ladki ko dekhta hai jo dusri team ki leader thi.

Sabhi uss ladki ko jack ko bhai kahne se hairan hojate hai aur usse bhi ziyada isse ke who ladki jack ko kaise janti hai.

Jack ruk jata hai aur usse puchta hai.

Jack : kon ho tum aur mera naam kaise janti ho?

Ladki jacki ki baat sunkar muskurate hue jawab deti hai.

Ladki ( leader ) : itna jaldi bhool gaye apni bahen ko.

Jack uss ladki ki baat sunkar chonk jata hai.

Jack : kon bahen ?

Ladki : mai alfisha hoon.

( JI HAAN DOSTON WHO DUSRA GROUP ALFISHA KA HI THA AUR USS TEAM KI LEADER ALFISHA HI HAI AUR WHO LADKA AUR LADKI USKI DOST AFREEN AUR ASIM HAI )

Jaise hi ladki ne yani alifisha ne apna naam bataya jack aur bhi hairan hojata hai.

Jack : ( hairan hote hue ) kyaaaaa….. kya tum sach me aalfi ho ?

Jack ki baat sunkar alfisha haan me sar hilati hai jise dekh kar jack usko gale laga leta hai aur uska dhiyan Michal ke taraf se hath jata hai aur isi ka faida utha kar Michal apne paas padi hui gun utha kar fir kardeta hai jise hemanth dekh leta hai kyuun ke who jack ke sabse paas tha who jaldi se jack ko aur alfihsa ko dhakka de kar hata deta hai magar goli usko lag jati hai.

Jab tak koi kuch karta Michal apne paas se ek smoke bomb nikal kar phek deta hai jisse wahan per dhua hojata hai aur Michal wahan se nikal jata hai.

Uske peeche arhaan bhi bhagta hai.

Idhar jack alfisha ko chodh kar hemanth ke paas jata.

Jack : ye kya kiya mere bhai.

Hemanth : kuch nahi yaar mujhe laga nahi tah ke goli mujh ko lag jayegi warna mai beech me nahi ata.

Hemnath ki baat sunkar wahan sabhi ke honton per muskaan ajati hai.

Jack : aisi halath me bhi tujhe mazak sujh raha hai.

Hemanth : ab kya kare bhai hum toh bajragbali ke bhakth hai toh job hi rishta nibhate hai tooth kar nibhate hai.

Hemanth ki baat aur uska apne sathiyon ke liye pyar dekh kar sabhi ko bohat khushi hoti hai.

Kuch der baad arhaan haaphta hua ata hai.

Arhaan : bajgaya ho pata nahi kis taraf gaya.

Yousuf : koi baat nahi hum jis kaam ke liye aye they who toh hogaya.

Phir alfisha se kahta hai.

Yousuf : magar mujhe ek baat samhaj nahi ayi… tumne kaha who tumhara bhai hai toh usne tumhari taraf dekh tak nahi aisa kyun?

Yousuf ki baat sunkar alfisha fiki si hasi haste hue kahti hai.

Alfisha : kyun ke jack bhai ki tarha Michal bhi mujhe pahchan nahi paya kyun ke jab usne aur jack bhai ne mujhe dekha tha tab mai bohat choti thi aur iss sab se dur bhi rahti thi isi liye who aur jack bhai mujhe pahchan nahi paye.

Alfisha ki baat sunkar yousuf phir se ek sawal puchta hai.

Yousuf : toh phir tumne indono ko kaise pahchana ?

Alfisha : simple si baat hai mere paas dono ke kais are photos hai… kya ab bhi aap ke paas koi sawal hai ya mai apne bhai se millun.

Alfisha ki baat sunkar yousuf muskurate hue kahta hai.

Yousuf : sawaal toh aur bhi hai magar pahle tum apne bhai se millo phir baki sawal baad me.

Alfihsha : shukriya aap ka….. afreen tum indono ko lekar malham patti karao aur asim tum inko apne sath sahara dekar lejao.

Afreen aur asim yes madam kah kar wahan se apne zakhmi sathiyon ko lekar chale jate hai.

Jack : ab batao tum iss sab me kaise agayi jaha tak mujhe yaad hai tum toh shaher me rah kar padhai karrahi thi.

Alfisha : ye sahib baten baad me abhi aap ke sathi ko lekar aap log yahan se niklo aur mai bhi abhi nikalti hoon aur ye mera personal number hai toh jab aap free ho mujhe call kardena mai aap ke paas ajaongi abhi mujhe aur bhi kaam hai.

Jack : accha thik hai apna khayal rakhna.

Phir alifhsha jack ko ek baar hug karti hai aur sabhi ko bye karke wahan se apne sathiyon ke paas chali jati hai.



Aaj ke liye itna hi agey janne ke liye mere sath bane rahiye BE-INTEHA-ISHQ ke sath aap ka apna MAQ.



Written by MOHAMMED AZEEM QURESHI ( MAQ ).

update kaisa laga comment karke zarur bataiyega.
 
Status
Not open for further replies.
Top