AB TAK AAPNE PADHA KI SECOND CHALLENGE SURVIVAL ME BHI WEAKLINGS RAAZ KI WAJAH SE FIRST POSITION PAR AATE HAI..
AB AAGE:-
CHAPTER-2
(UNEARTH THE IMMORTALS)
PLANET-ELYSIAN
PLACE-THE STADIUM
MEGA UPDATE-102
EXERTION:-
FINAL PART.....(FIRST SEGMENT)
KNOCK OUT.....EXERTION KA AAKHRI CHALLENGE....
REGIS ki jagah is baar khud SOVES SHAILA hume EXERTION ke aakhri challenge ke baare me bata rahi thi....
second challenge ke baad turant baad hi third challenge ki anouncement shuru ho chuki thi..
waise toh pyscically SAVENTS asaani se thakte hain nahi par SURVIVAL challange me un teen creatures se bhidne,marne aur bachne ki wajhse halki halki thakan SAVENTS feel kar rahe the par is cheez ko darkinar kar third challenge ab start hone hi waala tha..
khair, apni baat ko aage badha....
SHAILA-is third challenge ko KNOCK OUT ki jagah BLACK OUT bhi kaha jaa sakta hai..
iske do reasons hain..
pehla,abhi tak ke aapke dono challenges hum sabne dekhe hain,par is aakhri challenge ke hum darshak nahi honge....
humari aankhon ke liye ye competition completely BLACK OUT hoga...
dusra reason hai is challenge me hone waali takkar jiske aakhir me sirf ek hi catagory ke SAVENTS yaa fir koi ek SAVENT hi bacha hoga,baaki sab KNOCK OUT yaa fir BLACK OUT ho chuke honge...
ab baat karte hai is challenge ke baare me..
KNOCK OUT CHALLENGE me naa koi time limit hai aur naahi kisi bhi tarah ki bandish hai...
kuch der baad aap sabko ek naye bhulbhulaiya me alag alag dishaon me bhej diya jaayega..
aisa hone ke baad hum sabka aap SAVENTS se contact puri tarah se khatm ho jaayega....
us bhulbhulaiya me apni catagory ke saath milkar yaa phir individually aapko apne opponent catagory ke SAVENTS ko dhund dhund kar unse ladhna hai...
ye ek POWER CONTACT challenge hai jisme aapko apne pratidwandi ko apni shakti pradarshan se yaa toh behosh karna hai yaa phir waisi hi kisi state me pahunchana hai jisse ki uski senses band ho jaaye...
dhyan rahe,is challenge me shakti pradarshan ki aur apne pratidwandi ko nuksaan pahunchane ki koi limit nahi hai...
agar aapko lage ki yudh me aapki haalat kharab ho chuki hai toh aapko swayam chillate hue SURRENDER shabd uccharit karna hoga jiske baad aapka challenge samapt ho jaayega aur aap yahan stadium me apne aap hi pahunch jaayenge...
haarne ki kagaar par pahunchne ke baad bhi agar aapne haar nahi maani aur ladhte rahe toh aapki jo bhi haalat hogi,uske aap swayam zimmedar honge....
WEAKLINGS,filhal aap points table par sabse aage chal rahe hain..
isme aapke behatarin performance ke saath saath points baatne ke ratio ki bhi ek ehem bhumika rahi hai...
us ratio ka pehle dono hi challenges me aapko faayda mila hai par is third challenge me yahi ratio aapke khilaaf hai...
STELLARS me kul 25 participants hain aur GROOMERS me 16...
par aapke catagory me sirf 4 participants hain...
ratio ke hisaab se dekhen toh GROOMERS ke 4 SAVENTS ke saamne aapme se sirf 1 SAVENT is challenge numa yudh me khada hoga jisse usse ladhna hoga...
raah aapki bohot kathin hone waali hai par hume ummid hai ki jaise aapne pichle dono challenges me adhbhudh perform kar sabko chakit kiya hai,is baar bhi kuch waisa hi hoga....
ab agar baat karen result milne ke tarike ki toh ye bohot simple hai..
kul do tarike hain...
pehla...
aakhir me jaise hi teen me se do catagories ke saare SAVENTS KNOCK OUT HO JAAYENGE toh bachi catagory winner ban jaayegi...
jitne SAVENTS us catagory me bache honge,uske according us catagory ko points milenge....
dusra tarika hai sandhi...
agar aap chahen toh apne pratidwandi catagory ke SAVENTS se sandhi bhi kar sakte hain..
apne targets ko KNOCK OUT karne ke baad dusre catagory ke SAVENTS ke saath sandhi kar aapko ek dusre kaa haath pakad MIDDLE GROUND uccharit karna hai..
par dhyan rahe,aisa karne se pehle ye confirm hona zaroori hai ki baaki ke bache pratidwandi KNOCK OUT ho chuke hain..
uske bina sandhi possible nahi hogi...
any questions....???
SAB-NO SOVES...
SHAILA-best of luck...
SHAILA ki baat sun halke dar ke saath sabhi SAVENTS ki nazar stands me baithe unke parents ki taraf gayi jahan parents ki aankhon me zyada hi dar dikh raha tha..
par naa toh woh kuch kar sakte the aur naahi SAVENTS...
khair,abhi SAVENTS ko apne parents ko dekhte hue 5 seconds bhi nahi hue the ki woh sabhi chownk gaye....
reason...
unke saamne ka pura scene badal chuka tha...ab woh stadium me nahi the balki apni apni catagory ke members ke saath ek nayi jagah par khade the...
ped, poudhe,aur chaaron taraf prakrutik nazaare ke beech bane ek MAZE me...ek BHULBHULAIYA me....
KNOCK OUT CHALLENGE:-
SWABHIDHAM
SEARCH
MABBA ke man me uccharit hua tha ye SPELL jisse jiske agle hi pal naa sirf uske sharir se sense ray nikal aage badh gaye balki ussi second ke beetne se pehle hi MABBA ko GROOMERS aur WEAKLINGS ka exact position pata bhi chal chuka tha...
wahin MABBA se thodi door khada VIDEOUS bhi yahi karne waala tha par jab usne MABBA ke sense ray ko feel kiya tha toh ussi ray se MABBA tak ko pata lage bina khudko jod liya usne jiski wajah se MABBA ke saath usse bhi baaki dono catagories ke location mil chuke the....
khair,aisa hone ke turant baad...
VAJRAM
ATTACK
MABBA ne budbudaya ye SPELL jiske agle hi pal uske sharir se bohot saare invisible rays nikal GROOMERS aur WEAKLINGS ki taraf badh gaye....
GROOMERS & WEAKLINGS
DHAPPP..........
attack ray ko sense kar liya tha GROOMERS me ACCHUTA, SLUNDER aur yahan tak ki EDWINA ne bhi par un rays ki speed itni tez thi ki jahan ek taraf EDWINA sirf khudko bacha paayi wahin dusri taraf ACCHUTA aur SLUNDER ne jaanbujh kar sirf khudko hi safe rakha kyunki woh jaante the ki unke catagory ke baaki SAVENTS waise bhi is challenge me tik nahi sakte aur isiliye woh teeno ek taraf jump laga gaye wahin dusri taraf same cheez WEAKLINGS me HIDA aur BRAWNY ne bhi ki....
mai bas apni jagah se halka sa side hua aur saath hi ALFREEN ko bhi apne saath kheench liya....
AHHHHHH.AHHHH....AHHHHH....
ek baad ek kayi cheekh nikli un GROOMERS ke mooh se jinhe wo ray lag gayi jiske baad woh sabhi ek ke baad ek behosh hone lage jiska matlab tha ki woh sab KNOCK OUT hokar challenge se baahar ho chuke the....
BACK TO STELLARS:-
MUJHE LAGA HI THA KI PEHLE WAAR SE BACH JAAOGE TUM LOG PAR CHAHTI BHI TOH MAI YAHI THI....
BAAKI SABKO IS KHEL SE BAHAR KARNA ZAROORI THA KYUNKI TUM SAB SIRF IS CHALLENGE SE HI NAHI BALKI DUNIYA SE KNOCK OUT HONE WAALE HO....
GROOMERS ke 90 percent SAVENTS ko KNOCK OUT kar man hi man badbadaya MABBA ne aur phir woh apne SAVENTS ko kuch kehne ke liye unki taraf mudi hi thi ki tabhi....
AHHH....AHHHH.....AHHHH......
GROOMERS aur WEAKLINGS ki hi tarah ek invisible unki taraf bhi aayi jiski speed itni zyada thi ki usse bas kisi tarah sense kar liya MABBA, VIDEOUS,ANWIR aur MORANA ne aur ek taraf challang laga gaye..
wahin MAHI VIDEOUS ke just baaju me hi khadi thi isiliye chhalang lagate waqt VIDEOUS ka galti se usse bhi dhakka laga aur isiliye woh bhi ek taraf gir gayi aur luckily un rays ki chapet me aane se bach bhi gayi....
par in sabke saath ek aur bhi SAVENT tha jisse us ray ne nahi chhua aur woh tha VALDIS....
khair, jab tak woh challang lagane ke baad palte,tab tak VALDIS ko chhod baaki sabhi STELLARS zamin par gir behosh ho chuke the jisse dekh....
ANWIR-shit...un dono catagories me se kisine hume sense kar liya hai...
MABBA-kisine nahi, us RAAZ ne...
MORANA-waise ek baat aur hai...hume un rays se bachne ki zaroorat thi nahi kyunki woh rays hamare liye aayi hi nahi thi..
ye ek selective waar tha..un rays ka nishana wahi STELLARS the jinhe usne KNOCK OUT kiya hai...
aur iska matlab hai...
MABBA-open challenge...in sabko raaste se hata usne hume khuli chunouti di hai..
saamne se ladhna chahta hai woh humse...
jahan halke ghusse se gurrate hue kahi ye baat MABBA ne wahin jo abhi abhi hua,usse dekh fath ke chaar hi chuki thi VALDIS ki...
RAAZ ne bina saamne aaye itna saare STELLARS ko KNOCK OUT kar diya tha jinme se ek MABEL bhi thi joki uske hi jitni powerful thi,ye jaan fatni toh uski thi hi..
aur is dar ko MABBA ki kahi baat ne aur badha diya tha...
ye sochkar uski hawa tight ho chuki thi ki woh un STELLARS me se tha jinse woh saamne se ladhna chahta tha...
ye sab soch halki kampkapati awaaz ke saath...
VALDIS-abb kkya kare WHIZZ...???
VALDIS ki dari hui awaaz ko sun ek pal usse bhi ghusse me dekha MABBA ne par phir....
MABBA-tumhe kuch bhi karne ki zaroorat nahi hai...aas paas ki jagahon ko check out karo,bas...
baaki ka kaam humara hai...
ANWIR,MORANA....shikar karne ka waqt aa gaya....
MABBA ki baat sun ANWIR aur MORANA kaale dhuen me badalkar ud gaye...
MABBA-VALDIS ko jo kaha, same goes for you MAHI and VIDEOUS...jagah explore karo,par agar tumhe bhi challange me participate karna hai,toh you are on your own...
ye bol MABBA ek disha ki taraf badh gayi...
wahin unke jaane ke baad VIDEOUS bhi dusri disha me nikal chuka tha...
MAHI bhi is challenge me akele hi participate karna chahti thi isiliye usne VIDEOUS ko jaate waqt kuch nahi kaha aur phir woh bhi pure MAZE ko dekh ek taraf badh gayi...
aur ab reh gaya VALDIS jo MABBA ke ensure karne ke baad thoda relax ho chuka tha aur isiliye woh wahin aas paas ghumne laga....
BACK TO WEAKLINGS:-
ARRE,PUSH KYUN KIYA .???
neeche giri ALFREEN ne wapas uththe hue sawal kiya mujhse jispar...
HIDA-STELLARS ne ATTACK RAY chhoda tha..agar lag jaata toh behosh ho challenge se bahar ho jaati tum..
meri jagah HIDA ne jawab diya jispar.
ALFREEN-hain,mujhe toh pata hi nahi chala...
HIDA-challenge ke waqt focus hamesha 100 percent hona chahiye ALFREEN..khair chhodo aur chalo..
ye bol ALFREEN ko pakad ek taraf le gayi HIDA aur ek bade se ped ke paas pahunch uske trunk par haath fera usne aur uske aisa karte hi woh bada sa trunk do hisson me bath gaya aur uske beech ek khaali jagah dikhne lagi..
ye sab dekh hairan ho hi rahi thi ALFREEN ki tabhi...
HIDA-bina sawal puche andar jaao...
trunk ko yun beech se khulte dekh sawal toh utha hi tha ALFREEN ke man me par HIDA ki baat sun bina kuch kahe,woh us trunk ke andar chali gayi...aur jab aisa hua toh..
HIDA-kuch hi der me hume sense kar STELLARS ke powerful SAVENTS yahan aayenge jinse tum ladh nahi paaogi...
isiliye kamsekam agle dus minute issi ke andar rehna hai tumhe..
mai isse wapas band kar rahi hun...
yahan naa toh tumhe koi sense kar paayega aur naahi is trunk ko bahar se khola jaa sakta hai..
10 minute ke baad tum isse bahar aa jaana.. tumhare sochne maatra se ye wapas khul jaayega...
itna bol bina kuch sune HIDA ne trunk ko pehle jaisa kar diya aur wapas hamare paas aa gayi aur tab...
MAI-ladhna toh sabse hai par kab,ye samajh lo...
meri baat khatm hote hi aage ka saara ganit un dono ke dimag me feed ho gaya jisse jaan un dono ke face par smile aa gayi....
BRAWNY-toh mai jaata hun...woh dono wahan pahunchne hi waale honge..
BRAWNY ki baat par haan me sir hilaya maine jiske baad woh gayab ho gaya aur uske jaate hi...
HIDA-kya mai sidhe attack nahi kar sakti....???
MAI-pehle khushi,phir shock aur aakhri me dar...ye kram zyada mazedar hoga....
meri baat sun HIDA ke face par ek smile aa gayi jiske agle hi pal woh bhi gayab ho chuki thi....
wahin ab tak aage ka ganit maine ACCHUTA aur SLUNDER ko bhi bata diya tha aur aisa kar mai bhi araam se ek disha ki taraf badh gaya....
BACK TO GROOMERS:-
brilliant ACCHUTA, SLUNDER... tum chowkanne the isiliye attack rays ko feel paaye..
but unfortunately ab hum bas teen hi bache hain is challenge me, isiliye hume zyada satark rehna padega..
abhi EDWINA ki baat khatm hui bhi nahi thi ki usse ek disha ki taraf kisike hone ka abhas hua jisse mehsoos kar pehle toh woh chownki par phir...
EDWINA-i sensed someone...tum dono yahin raho aur ek dusre ko back karo..mai us taraf jaa rahi hun..
agar wakayi koi hamare aas paas hai toh usse pehle mujhe uspar attack karna hi behtar hoga..
we cant give anybody chance...
jahan ye bol EDWINA ek disha ki taraf badh gayi wahin uske jaate hi ACCHUTA aur SLUNDER ke face par smile aa gayi..
reason...
koi unke aas paas hai,ye half illusion ACCHUTA ne hi EDWINA ke brain me paida kiya tha..
half isiliye kyunki filhal toh jis taraf EDWINA gayi thi,wahan koi nahi tha par bohot jald hone waala tha..
khair, EDWINA ke jaate hi....
ACCHUTA-woh dono aa rahe hain....
SLUNDER-oh yehhhh.....
SLUNDER ke aakhri alfaaz khatm hue hi the ki unse thode aage hawa ko cheerte hue do kaale dhuen aaye aur rook gaye..
aur rookne ke agle hi pal un dono dhuon ne human form le liya jisse dekh...
ACCHUTA/SLUNDER-wellcome ANWIR, MORANA....
jis tarah smile karte hue ACCHUTA aur SLUNDER ne ANWIR aur MORANA ka welcome kiya,usse dekh woh dono hairan ho gaye par phir..
ANWIR-lagta hai apni mout jo dekh dimag kharab ho gaya hai tum dono ka...
SLUNDER-mujhe samajh nahi aata ki har chutiya naye chutiyape se pehle aisa hi koi out dated DIALOGUE kyun maarta hai...??
tujhe andaza hai bhai..!!!
ACCHUTA-no idea...par thik hai naa, zuban apni marzi se aakhri baar khol raha hai,toh bhownk lene de...
par yaar,afsos mujhe is baat ka hai ki in dono ki durgati mai dekh nahi paaunga..
SLUNDER-afsos....saale,apne shikar ke paas jaa raha hai,man me toh laddu phut rahe honge tere...
par sun oye,dhyan se...jaan se nahi maarna hai...
ACCHUTA-pata hai be...waise bhi,uske dil ke chalne se problem nahi hai mujhe.. uske mooh ke chalne se hai...
ussi par lagam lagani hai...
mout naa sahi,mout ka dar toh dikha hi sakta hun usse..
apne jaise dangerous SAVENTS ko saamne dekh kar bhi undekha kar apne me hi ACCHUTA aur SLUNDER ko lage dekh ANWIR aur MORANA dono ko hi hairani bhi ho rahi thi aur ghussa bhi aa raha tha aur isiliye un dono ke hi haathon me BLACK ENERGY ka devastation GOLA dikhne laga jisse ek pal rook un dono ne ACCHUTA aur SLUNDER ki taraf phek diya aur jab aisa hua toh...
FFFFHHHHHHH....
ek behadh tez hawa chali ANWIR, MORANA aut SLUNDER, ACCHUTA ke beech jiska pravah itna zyada tha ki woh do devastation GOLON ne beech raaste me hi dum tod diya aur us hawa me gayab ho gaye...
ANWIR, MORANA ne bhi us tez hawa ko naa sirf feel kiya tha balki uske impact ki wajah se unhe tez dhakka bhi mehsoos ho raha tha par kisi tarah woh dono apni jagah par khade rahe..
wahin woh tez hawa ka bawandar kuch pal un chaaron ke beech yunhi gol ghumta raha par phir woh ACCHUTA ki taraf badha aur uske side me jaakar dheere hone laga aur jaise hi wo bawandar khatm hua toh ANWIR aur MORANA ki aankhen badi hi gayi..
reason...
ACCHUTA ke baaju me khada tha BRAWNY....
wahin BRAWNY ko dekh..
ACCHUTA-chal bhai.. sambhal ab tu morcha...mai chala...
ye bol ACCHUTA aage badha aur..
ACCHUTA-excuse me guyz...
ye bol woh MORANA aur ANWIR ke beech se hote hue aage badh gaya..
ANWIR aur MORANA,jo pehle se hi jo ho raha tha,usse dekh itne hairan the ki unhe ACCHUTA ko jaate dekh kuch kehte hi nahi bana...
khair,kuch seconds me ACCHUTA sabki nazaron se door jaa chuka tha aur tab...
SLUNDER-khel shuru karen guyzzz.....
SLUNDER ke awaaz se naa sirf ANWIR aur MORANA ne apne apne dimag ko jhatka balki unki aankhon me ek baar phirse ghussa bhi dikhne laga......
EDWINA VS MABBA:-
AHHHH.......
ek cheekh ke saath door chitak kar giri EDWINA..
wahin waar kar apne kamar me haath rakh muskurate hue apni jagah par khadi rahi MABBA....
jis disha me EDWINA aage badhi thi,kuch door aage jaane ke baad isse saamne se MABBA aati hui dikhi..
MABBA ne bhi usse dekh liya tha aur EDWINA ko dekh uske face par bhi ek muskaan naach uthi thi....
wahin MABBA jo ki filhal EDWINA ke liye ek opponent thi,usse dekhte hi ek ATTACK RAY chhoda usne jisse badi asaani se block kar ek dusri ray chhod di uspar MABBA ne aur us ray ki speed itni zyada thi ki jab tak EDWINA us waar ko samajhti,woh ray usse lag chuki thi jiske pressure se woh udte hue ek taraf giri thi...
khair,kuch pal tak apni jagah par khade rehne ke baad...
MABBA-come on EDWINA..agar ek waar me hi aur woh bhi maamuli pressure force waali push ray se hi pasth ho gayi tum toh khud ki nazar me hi kya izzat reh jaayegi tumhari.....
khadi ho jaao EDWINA..ek chance deti hun,proove your worth...
DHARTIYEM VAJRAPATHAM
EARTHLY THUNDER
MABBA ki baat sun waise lete lete hi EDWINA ne ek bohot hi ghaatak SPELL bola..
is SPELL se aasman aur dharti ke beech ek connection hota hai jiske baad dono hi jagahon se bijli kadak apne target ko lagti hi...
aur abhi bhi waisa hi hua... EDWINA ke SPELL uccharit karte hi aasman se aur dharti se dotarfa bijli prakat hui aur ek height par aakar mili jiske agle hi pal us spot se ek extra aur zyada powerful electric ray nikal MABBA ki taraf badhi par hairani ki baat ye thi ki ye sab dekhte hue bhi MABBA ne apne defense me kuch bhi nahi kiya,infact usne apni dono baahein us ray ke swagat me khol di jiske baad woh ray sidhe MABBA ke seene se takrayi..
us ray ka impact itna zyada tha ki MABBA se takrate hi uske chaaron taraf dhuan chhaa gaya par jab kuch der baad woh dhuan chhata toh..
EDWINA-impossible..
aankhon me hairani liye EDWINA MABBA ki taraf dekhne lagi jo bilkul sakushal apni jagah par khadi usse dekh muskura rahi thi...
MABBA-bohot accha waar tha EDWINA..nissandeh tum mere catagory ke dono WHIZZDERS REGIS aur SAPIUS se zyada taakatwar ho par afsos,tumhare andar ki acchayi ne tumhe shakti ke us mukaam tak pahunchne se rok diya jahan tum pahunch sakti thi..
khair,tumse thodi aur der khelne ka toh bohot man hai mera par apne targets ke paas pahunchne aur unhe unke anjaam tak pahunchane ki vyakulta usse zyada hai...
isiliye,phir kabhi..
TADHHHH....AAHHHH....
apni baat bolte bolte hi MABBA ne haath upar kar tezi se neeche kiya jiske baad upar aasman se aur neeche dharti se ek energy se bana dotarfa paash nikla aur usne EDWINA ko jakad liya..
ye paash bohot strong tha aur saath hi energy consumer bhi jiske asar ne naa hi sirf EDWINA ko baandh kar rakha balki saath hi uski energy ko sokhne bhi lagi aur isiliye kuch hi palon me energy drainage hone ki wajah se EDWINA behosh ho gayi aur aisa hote hi woh gayab ho gayi jiska matlab tha ki uska is aakhri challenge me safar khatm hua...
khair, EDWINA ke gayab hote hi SHAILA ne apne kadam aage badhaye hi the ki tabhi...
SAAAYENNNNN..........
ek behadh tez hawa ka jhonka uske chaaron aur se hote hue guzra jisme bohot zyada energy thi jisse mehsoos kar chownk gayi MABBA aur..
MABBA-kaun hai..saamne aa....
SAAMNE HI HUN MAI MABBA....
MABBA ke chehre ke thik saamne se ye awaaz aayi thi jisse sun hadbadate hue halki piche ho gayi MABBA aur saath hi uski hairani hadh se zyada badh bhi gayi..
reason...
us awaaz ko pehchanti thi MABBA...
MABBA-HIDA,ye tum ho...???
MABBA ke aisa bolte hi HIDA uske saamne prakat hui par solid form me nahi balki transparent form me jisse dekh ek baar phir se hairan hi gayi MABBA...
uski hairani ka ek kaaran ye bhi tha ki saamne hone ke baawjud woh HIDA ko sense bhi nahi kar paa rahi thi..
khair, HIDA ko saamne dekh..
MABBA-acha hua tu apni mout ke paas khud hi chali aayi HIDA...dekh tera mai..
HIDA-jo karna tha,jitna karna tha,kar chuki hai tu...ab aur kuch nahi kar paayegi tu...
aaj tere ghamand se bhare safar ke aage fullstop lag jaayega...
MABBA-acha,aur kaun lagayega woh fullstop,tu... isiliye dar ke maare transparent bani hui hai taaki zinda bachi reh...
HIDA-hahahaha....kuch pal aur is galatfehmi ke saath jee le MABBA..
jisse khatm karne ke junoon ne tujhe THE LAKE OF OBLIVION tak pahuncha diya,pehle usse do do haath kar apne shaktishali hone ki galatfehmi door kar le tu...
kisi atom bomb ko tarah dhamaka hua tha MABBA ke andar HIDA ki baat sunkar..
THR LAKE OF OBLIVION ki baat HIDA ko pata thi,aur uski baaton ke hisaab se RAAZ bhi ye sach jaanta tha aur uske baad bhi ye dono hi usse dar nahi rahe the,ye thoughts andar tak hila de rahe the MABBA ko...
wahin usse aisa surprised dekh...
HIDA-kuch hi pal me teri hairani behisaab humiliation aur dard me badalne waali hai MABBA..
taiyar hojaa apne anth se pehle ke anth ke liye...
jahan ye bol HIDA ek baar phirse gayab ho gayi wahin kaafi der tak sunya ko ghurti rahi MABBA par kehte hain naa,vinashkaalaye viprit buddhi...
apne taakat ke overconfidence me dimag ko jhatak aage badh chali gayi MABBA....
ACCHUTA VS VALDIS
LE BHAI, AA GAYA MAI...EXERTION ME MERI HAALAT KHARAB KARNA CHAHTA THA NAA TU...TRY KAR LE....
VALDIS joki badi saavdhani se chaaron taraf ka dhyan rakh idhar udhar ghum raha tha, achanak se hi piche se uske kaano me ye awaaz gunj uthi jisse sun kab woh piche palta toh pehle toh ACCHUTA ko apne saamne dekh halka hairan hua par phir FORBIDDEN FOREST me aur mall me jo uski beizzaati usne ki thi,usse yaad kar ghusse se bhar utha VALDIS aur isiliye..
VALDIS-dekh tere saath mai..AAHHHHHH.....AHHHHH...
.AHHHHH.......
VALDIS aadhi dhamki bhi nahi de paaya...
reason....
ACCHUTA ne apna haath aage kiya jiske baad uske haathon se ek electrical rope tezi se bahar nikla aur aage badh usne VALDIS ko lapet liya jiske baad ACCHUTA ne us rope ko khudki taraf jhatka diya..
uske aisa karne se rope ke saath bandha hua VALDIS bhi tezi se uski taraf aaya aur uske kareeb aate hi ACCHUTA ne ek maamuli pyscical power ka punch uske mooh par maara jiske impact se cheekhta hua woh wapas piche ki taraf gaya par aisa hote hi ACCHUTA ne ek baad ek do baar aur rope ko apni taraf kheench do aur punches maare VALDIS ko jiske baad uska chehra kaafi jagahon se fath gaya..
VALDIS ka sir ghumne laga tha gaya aur third punch ke baad jab ACCHUTA ne usse us rope se release kiya toh zamin par gir uski aankhen band hone lagi jiska matlab tha ki woh behosh hone waala hai par aisa hota usse pehle hi...
DHAASSHHHH...
kamsekam do bucket jitna paani daal diya uspar ACCHUTA ne jiske baad uski senses wapas aa gayi par aisa hone ke agle hi pal..
ANGAM VIDUTEIM
BODY CURRENT
AAHHHH............
man hi man is SPELL ko uccharit kiya tha ACCHUTA ne jiske prabhav se pehle toh VALDIS ki body akad kar hawa me kuch feet uth gayi aur uske baad uske kapdon ke andar se hi uske pure sharir me tez bijli ke jhatke padne lage...
in jhatkon ka asar behadh zyada tha jisse mout toh nahi hoti thi par asar praanghaatak hi hota tha...
SPELL ke asar se naa sirf VALDIS ka andruni sharir tapne laga balki saath hi uske pehne kapde bhi jagah jagah se jal kar phatne lage..
VALDIS ki aankhon se lagatar aansu nikalne lage the jo usse ho rahe asahaniya pida ki dastaan bayan kar rahe the...
jabde aisa jakad gaye the VALDIS ke maano uska mooh andar se hi kheenchte hue sil gaya ho....
aur is beech VALDIS ki aankhon me dar aur maafi ki guhaar dekhi ACCHUTA ne jiske baad usne apna haath hawa me lehraya aur uske aisa karte hi VALDIS free hokar neeche gir gaya..
in kuch palon me VALDIS ne mout mehsoos kar li thi,yahi wajah thi ki neeche girte hi woh apni puri jaan lagakar rengte hue aage badha aur ACCHUTA ke pair pakad liye...
VALDIS-MAAFFFFF KKKARRRR DDDE BBBHAAAIII....
ledekar itna hi nikal paaya tha VALDIS ke mooh se..uski haalat aisi ho chuki thi ki kabhi bhi woh behosh hone waala tha aur is baat ko samajh ACCHUTA neeche baitha,uske piche ke baalon ko kheench uske face ko sidha kiya aur..
ACCHUTA-maaf karne laayak tu banda nahi hai VALDIS...par teri kismat wakayi acchi hai...
kyunki jiski wajah se tujhe is haalat me pahunchaya hai,ussiki wajah se chhod bhi raha hun tujhe....
ACCHUTA ki itni hi baat sunane ke liye sense bache the VALDIS me kyunki uske baad uski aankhen puri tarah band ho gayi aur woh behosh ho gaya jiska matlab tha ki VALDIS bhi KNOCK OUT ho challenge se bahar ho chuka tha...
KNOCK OUT hote hi VALDIS gayab ho chuka tha jiske baad ACCHUTA kuch der waise hi ek feeki muskaan ke saath khada raha aur phir palat kar ek disha ki taraf badh gaya....
ANWIR/MORANA VS SLUNDER/BRAWNY
RAKTHAM BHAJMAM
BLOOD BOIL
sharir ke andar blood ko automatically boil karne ka SPELL bola ANWIR ne BRAWNY ko dekhkar jiske baad ek invisible hawa ka jhonka BRAWNY ki taraf badh chala aur tabhi....
GALETHON URJAHAM
ICE RAYS
man hi man socha bhar is SPELL ko BRAWNY ne jiske baad jaise hi woh hawa ka jhonka joki asal me ANWIR ka bola SPELL curse tha,uske sharir ko chhu andar ghuste hi BRAWNY ke sharir se snow colour me urja rupi ray nikalne lagi jisse dekh hairan ho gaya ANWIR....
hairan toh MORANA bhi thi BRAWNY ke defense SPELL ko dekh par turant khud ko normal kar usne apne dono haath failaye aur...
URJA GRAHANAM...
ENERGY MERGER....
MORANA ke is SPELL se aas paas ki puri energy ray me badal uske dono haathon me ikattha hone lagi jisse dekh...
SLUNDER-not bad...
EURJA KHANDAM....
ENERGY DISSOLVE.....
jaise hi SLUNDER ne SPELL socha,woh saari energy jo MORANA ke dono haathon me ban rahi thi,woh turant gayab ho gayi aur aisa hote dekh bohot zyada chownki thi MORANA aur uske saath ANWIR bhi....
par ye waqt chownkne ka toh tha nahi isiliye....
VAJRA GHATAM
LIGHTNING STRIKE
ek baar phir se SPELL uccharit hua MORANA ke mooh se jiske baad uske sharir se hi ek ke baad ek bohot se lightning ray nikal saamne khade BRAWNY aur SLUNDER ke sharir ko jaa lage aur aisa hote hi woh dono hawa me piche ki taraf ud door jaa gire aur aisa hota dekh ek smile naach uthi MORANA aur ANWIR ke face par lekin tabhi...
TRY HARD MORANA...
un dono ke piche se aayi thi ye awaaz jisse sun ek jhatke me woh dono jab piche palte toh unki hairani ka thikana naa raha..
reason...
unke piche BRAWNY aur SLUNDER khade the aur jo aage ki taraf ud kar gire the,woh bas ek chalava the jisse un dono ne create kiya tha aur jo ab gayab ho chuke the...
khair,ab tak jo bhi SLUNDER aur BRAWNY ne kiya tha,usse saaf pata chal raha tha ki woh bas ANWIR aur MORANA se khel rahe the aur ye feel kar MORANA ko ab wakayi me ghussa aane laga tha aur isiliye...
MORANA-bas bohot hua.....
ye bol MORANA ne apne dono haath ek baar phir se failaye aur uske aisa karte hi uske baal jo ki ek knot se bandhe the, khul gaye,uska bright face aur safed ho gaya aur uske body ka shape halka bada aur strong dikhne laga aur ye sab dekh ek pal ke liye BRAWNY aur SLUNDER bhi hairan ho gaye the...
wahin MORANA ko uski shakti unwind karte dekh ANWIR ke face par ek smile aa gayi aur..
ANWIR-ab aayega maza.....
MABBA VS RAAZ
ITNI SHIDDAT SE MERI MOUT KI KHWAHISH KI HAI TUNE KI DIL KARTA HAI,TERE US JAZBE KE LIYE HI MAR JAAUN....
ek safedh dhuan jo MABBA se thodi door hi banane lage,usse nikli ye awaaz jisse sun MABBA naa sirf apni jagah thithak gayi balki ek baar phir se woh hairan ho gayi....
reason...
us dhuen me se meri awaaz nikli thi jo usne saaf pehchaan liya tha par saath hi WHITE ENERGY ka itna solid AURA jo us dhuen se generate ho raha tha,usse feel kar behadh hairan hui thi MABBA..
aur issi beech mai us dhuen ke beech prakat ho chuka tha aur usse dekh muskura raha tha..
khair, MABBA toh ab bhi thodi hairan hi dikh rahi thi isiliye maine hi apni baat ko aage badhaya...
MAI-hairangi me bhi tere chehre par guroor ka barkarar rehna mujhe acha laga...
bas dekhna ye hai ki kya kuch der baad bhi ye guroor kayam reh paata hai...???!!!
meri baaton ko sun MABBA ne gaur kiya ki ab mai usse aap nahi balki tu kehkar baat kar raha hun aur saath hi meri baaton me uski moujudgi ko dekh dar toh door ki baat hai,uski importance tak nahi thi aur ye mehsoos kar MABBA ka chehra ghusse se tamtama gaya...
MABBA-apni mout ke saamne khada hokar akad tu dikha raha hai bacche..par koi naa,zindagi jaane se pehle teri akad jaane waali hai...
MAI-BACCHE..!!!umr me chota zaroor hun par taakat me maamle me baap hun mai tera MABBA...
khair,kuch der me ye baat aur tera fake ATTITUDE tere magaj aur pichwaade me apne aap hi ghus jaayega...
"chal,pehle tu puri kar le apni KHWAHISH....
shuru kar apni tuchi taakat ki NUMAAISH"...
meri baaton ne MABBA ke jalte dil par petrol chhidakne ka kaam kiya tha aur isiliye...
VANDHAM BHANGAM...
BREAK THR BONES...
meri taraf haath kar man me is SPELL ko uccharit kiya MABBA ne..
woh mere haadiyon ko tod mujhe andruni tez dard dete hue sabse pehle apahij banana chahti thi..
khair,uske uccharit SPELL ke asar se ek body penetrating ray uske haathon se nikal meri taraf badhi aur jaise hi woh ray mere kareeb pahunchi,maine apne right hand se usse aise chhitka jaise kisi kide ko apne saamne se hata raha hun..
mere aisa karte hi wo ray mere left side jaate hue hi khatm ho gayi jisse dekh MABBA man hi man chownki par agle hi pal apne hairani ko control kar...
DEHAM BHASMAM
SKIN ASH
woh mere sharir ke baahri skin ko jala kar jhulsa dene chahti thi isiliye
apne haathon ko mere body structure ke hisaab se lehrate hue man hi man is SPELL ko uccharit kiya MABBA ne..
aur uske aisa karte hi uske haathon se 5000 celcius ki heat generate ho meri taraf badhi jisse mehsoos kar mere face par halki si smile aa gayi...
RABTAM....
ABSORB
SPELL sochte hi mere sharir ka upari satah minus 20000 degree ho gaya jisse jaise hi woh heat waves takraayi toh..
CHISSSSSSHHHHH....
is awaaz ke saath mere chaaron taraf bhaap hi bhaap ban gaya jo kuch der tak yunhi bana raha par jab woh bhaap chatta toh mujhe sakushal dekh MABBA ki hairani aur ghussa,dono hi badh gaya.
2 behadh khatarnaak waar beasar ho chuke the MABBA ke jisse dekh ab MABBA ne apni woh kaali shakti jo usne THE LAKE OF OBLIVION se haasil ki thi,uss istemal karne ka socha...
MABBA-KITADHANAM SHAKTIYEM
UNLEASH THE HIDDEN POWER
man hi man jaise hi MABBA ne is SPELL ko bola,toh uski prapt hui kaali shaktiyan uske pure sharir me bharne lagi jisse maine bhi mehsoos kar liya..
chahata toh thoda aur khel sakta tha MABBA se mai par us jaisi ko waise bhi kaafi waqt de chuka tha mai isiliye jaise hi kaali shaktiyan uske pure sharir me faile gayi toh uske agle hi pal maine apna haath aage kiya aur...
SWATHCHAM AURAVAN..
PURE AURA...
mere emotions power ke kuch bhaag AURA ko maine release kar diya aur mere aisa karte hi mere haathon se tez kampan ke beech meri pure WHITE ENERGY ka AURA aage badha..
aage badhte hi us AURA ne saamne khadi MABBA ke pure sharir ke lambai aur chowdayi ko scan kar khudke roop ko bhi utna lamba aur chowda kar liya tha..
wahin ab MABBA bhi apne naye naye mile BLACK ENERGY ki shakti ke saath taiyar ho chuki thi jiske baad ek baar meri taraf ghusse se dekh woh mantra uccharan karne hi waali thi ki tabhi..
AAHHHHHHHHH...AHHHHH.........
mere WHITE ENERGY ka AURA usse takrate hue uske andar sama gaya aur aisa hote hi usne MABBA ke pure sharir me faile BLACK ENERGY ko sokhna shuru kar diya..
aisa hote hi MABBA ki aankhen dard,vismay aur dar,in teeno se hi badi ho gayi thi..
usse aisa lag raha tha maano kisine uske chaaron AMPLIFICATION modes ko sokhna shuru kar diya hai aur woh feeling beyond scary thi..
mout bhi agar nishchit ho aur saamne khadi ho,toh jo dar dil me ghar karta hai,usse 10 guna zyada ghabra gayi thi MABBA...
us dar aur ghabrahat ke beech uske mooh se cheekhen aur body me tez kampan nikal rahi thi...
khair ye sab bas 10 second ke aas paas hi chala kyunki uske baad maine apna haath wapas kheenchne ke andaz me kiya aur mere aisa karte hi ek saat do chizen hui..
pehli..
MABBA ke andar se mera AURA bahar nikal aaya par woh akela bahar nahi aaya tha,balki saath hi usne MABBA ke prapt kiye gaye BLACK ENERGY ki shakti ko bhi khudme jakad liya aur usse bhi kheenchte hue uske sharir se bahar nikal mere haathon me ek ball ka shape liye aa gaya..
BLACK ENERGY ki wajah se us WHITE ENERGY ke ball ke kuch bhaag BLACK bhi dikh rahe the..
dusri...
BLACK ENERGY ki shaktiyan joki ab MABBA ki aatma ka bhi hissa thi,unke yun sharir se nikalne se ek behadh dardnaak cheekh nikli thi MABBA ke mooh se jiske baad woh neeche zamin par ghutno ke bal kamzor si hokar baith gayi...
behoshi kisi bhi waqt usse khudme lapet sakti thi par abhi uski ek ladhayi yaa phir ye kahun ki ek chunouti baaki thi isiliye,
maine apna haath uske aage lehraya aur mere aisa karte hi uske sensen ko ek jhatka laga aur uski behoshi jaise gayab si ho gayi..
dard toh usse ab bhi ho raha tha par hairani us dard se zyada thi jiss apni aankhon me liye woh mujhe hi dekh rahi thi..
wahin apne haathon me pakde mere AURA ke gole ko dekha maine jisne MABBA ki BLACK ENERGY ki shakti ko sokh liya tha aur isiliye maine usse wapas apne andar sama liya aur aisa kar jab maine MABBA ko dekha toh...
MABBA-kaun ho tum..???
MAI-mai woh hun jiske saamne khade rehne ki aukaad nahi hai teri aur isiliye hi tu abhi apne ghutno par hai...
mai woh hun jo sirf apne nazaron ke ishare se hi maar sakta hun tujhe par maarna hi toh nahi hai tujhe...
teri haal hi me haasil ki gayi BLACK ENERGY ki shaktiyan le chuka hun mai wapas..
ab tu phirse wahi hai jo THE LAKE OF OBLIVION me jaane se pehle thi...
chal uth MABBA,waqt ho chala hai tere aakhri chunouti ka...
apne jin shaktiyon ke dum par kamzoron par waar karti aayi hai tu,unhe ek aakhri baar aazmaane ka...
dekhen zara,jisse hamesha se kamzor maan lagatar zyaadti karti aayi hai tu,ab uske aage kitni der tikti hai tu...
meri baaton ke beech MABBA ki hairani ek baar phir se badhi thi..
naye challenge ke baare me sunkar nahi balki isiliye kyunki jaise hi maine MABBA ko uthne ko kaha tha,thik ussi waqt usse aisa laga jaise uski sharirik shakti aur sfutri usse wapas milne lagi hai aur meri baat khatm hote hote woh puri tarah se fresh aur fit ho chuki thi jiski wajah se woh turant uth kar khadi ho gayi aur mujhe hairani vash dekhne lagi jispar..
MAI-tune kabhi shakti pradarshan barabari ke tarazu me toul nahi kiya par ye mukabla barabari ka hona chahiye MABBA...
jaise tera sharirik bal wapas aa gaya hai,thik waise hi ek aakhri baar apne guroor ko bhi wapas bula le...
taakat aur guroor ke sangam ke saath ladh aur apne anjaam tak pahunch...
saamne aao HIDA....
mere naam lete hi mere thik piche ek safedh dhuan utha jiske agle hi pal us dhuen se HIDA prakat hui..
prakat ho woh mere side me aayi aur mere aage jhuk gayi jisse dekh mai halka muskuraya aur...
MAI-maut bhale hi naa mile,taklif mout se zyada honi chahiye..
ye aakhri shabd the mere jiske baad mai ek disha ki taraf badh gaya..
wahin MABBA joki ab bhi jo kuch hua,usse dekh hairan thi,uski tandra tooti HIDA ke awaaz se...
HIDA-
itni hairan mat ho MABBA ki aakhon ki putliyan hi PALAT JAAYEN...
mouke bohot mile tujhe taaki tu teri jagah SAMAJH JAAYE...
par tu addi rahi teri BEWAKUFI me,
natija,aisi zindagi dungi tujhe ke tu dua karegi ki kaash......tu MAR JAAYE......
AAJ KE LIYE ITNA HI......
AAPKA APNA V...J....
