• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Fantasy ATTITUDE (KABHI ANGEL KABHI DEVIL) ( Completed )

Bunny..

🅒︎🅞︎🅞︎🅛︎
1,188
5,107
143
AB TAK AAPNE PADHA KI JAHAN EK TARAF MAHI FINDING RADHA NAAM KI BOOK PADHTE HUE BEHOSH JO JAATI HAI WAHIN DUSRI TARAF DHANUR KE JAANE KE BAAD RAAZ FORBIDDEN FOREST PAHUNCHTA HAI JAHAN USSE BLACK DRAGON HIBISCUS FLOWER KE ANDAR EK BOOK MILTI HAI JISKA NAAM UNEARTH THE IMMORTALS HAI...


AB AAGE:-



CHAPTER-2


(UNEARTH THE IMMORTALS)



UPDATE-107



PLACE-SOMEWHERE IN SPACE






ARBON LIGHT YEARS,HAZARON GALAXIES GHUM CHUKA HUN,PAR ABHI TAK US FALLON KO DHUND NAHI PAAYA HUN...

PATA NAHI KAHAN HOGI WOH AUR KITNA WAQT AUR LAGEGA USSE TALASH KARNE ME....


khudse hi baat karte hue WOOGER ne kahi thi ye baat...

jab se GRIFFIN ne usse uske target ka naam aur face bataya tha tabse hi WOOGER lagatar us chehre ki talash kar raha tha...

abhi bhi jab woh khud toh bramhaand ke ek khaali sthaan par khada tha,par uski search rays tezi se pure bramhaand me ghumte hui har extra strong aur unusual taakat ko jaanchti hui aage badh rahi thi...

khair,kuch der tak apne dimag ke ghode doudane ke baad WOOGER ne wapas space ke ek naye dimension me jaane ki sochi aur aisa woh karne hi waala tha ki tabhi...


SWPPPPPPSHHHH...


ek ajeeb si energy force uske search ray ne feel ki...

ye force behadh kam thi par WOOGER ke strong search rays se woh force bach nahi paayi aur jaise hi us force ke impact ko WOOGER ne feel kiya,uske face par ek smile naach uthi aur agle hi pal woh gayab ho chuka tha....






PLACE-ASTER






RAHASYAM PRAGATAM

SECRET UNFOLD



wapas artificial battle ground ke paas pahunchte hue aakhri baar FALLON ne is SPELL ko uccharit kiya

pichle 3 ghanton se lagatar ASTER ke har us area jahan log moujud hain,wahan invisible hokar is SPELL ko lagatar uccharit karti aa rahi thi FALLON aur ab jaakar kahin uska ye kaam pura ho chuka tha....

waise toh is uccharit ho rahe spell ko asar me laane ke liye ek baar bolna hi kaafi hota hai par jis chiz ko talash FALLON kar rahi thi,woh zamin ke itne andar thi ki uske existence ko jaanane ke liye har thodi door par jaa jaakar usse is SPELL ko uccharit karna padh raha tha..

aur ab jab uska ye kaam pura hua aur woh wapas apni starting point par pahunchi toh...


FALLON- unbelievable....ye kaisa chamatkar hai...is artificial ground ki aur pure aster ke upper suface ki mitti alag hai aur surface ke andar ki mitti alag..

aur ye pura surface ussi andruni mitti ki taakat par khada hai...


(NOTE:-GIRASA AVLOKAN NAAM KA WOH SPELL TOH AAPKO YAAD HI HOGA GUYZ JISKE FAIL HONE KE BAAD BHI FALLON KE FACE PAR SMILE AA GAYI THI..(UPDATE 89)

US SPELL KE ASAR SE HI FALLON KO US ARTIFICIAL GROUND KE ANDAR EK ALAG ENERGY FEEL HUI THI.. ITNE WAQT SE WOH JAISA KI RESEARCH KE BAARE ME USKE MASTER NE KAHA THA,USSI ENERGY KE BAARE ME JOKI EK ALAG KISME KI MITTI SE AA RAHI THI,WOH PATA LAGA RAHI THI AUR AAJ FINALLY WOH KAAMIYAB HO CHUKI THI..)


khair,saare ganit ko samajh...



FALLON-now,finally task time..dekhte hain,meri theory sahi baiththi hai yaa nahi...!!!


us artificial battle ground ke beech me pahunch FALLON neeche baithi,aisa kar usne apne dono haath zamin par lagaye,apni aankhen band ki aur...


BHUMIGATAM AURAVA

UNDERGROUND AURA


FALLON ke SPELL uccharit karte hi uske dono haathon se do strong energy rays nikal zamin ke andar chale gaye aur aisa hote hi..


ZRAYATI SAMBHANDHAM AURAVA

ATTACH SIMILAR AURA'S


is dusre SPELL ko uccharit kiya usne jiske baad uske hathon se jud zamin ke andar gaya woh energy ray tezi se pure ASTER me faile har us chiz se joki ek si thi, directly kahun toh toh mitti jinke dum par ASTER ki zamin tiki hui thi,usse jud gaya aur aisa hote hi ek aakhri baar hile FALLON ke honth....



SESAYATI VAYUYEM

HURL IN THE AIR



aur jaise hi FALLON ke mooh se ye SPELL uccharit hua toh ek saath do chizen huin..

pehli...

SPELL uccharit hone ke agle hi pal ASTER ke zamin ke andar se ek behadh strong energy force release hokar ASTER se bahar nikal gayi..


(NOTE:-ISSI FORCE KO FEEL KIYA THA WOOGER KE SEARCH RAYS NE)


dusri...

ASTER ka pura zamin us SPELL ke chapet me aa gaya jiske agle hi pal wahan moujud har shaksh including MASTER hawa me uth chuke the...

wahin apni energy rays ki wajah se ye sab hota hua FALLON bhi apni band aankhon se dekh rahi thi aur abhi uske face par ek smile naach rahi thi..

khair,hawa me uth jab har shaksh wapas neeche girne laga toh..


DHEEMANE GARWATE

SLOW FALL


is SPELL ko uccharit kiya FALLON ne jiske baad un sabke girne ki gati kaafi slow ho gayi par aisa hote waqt FALLON ko apne pure body me behadh zyada bojh sa feel ho raha tha..

usse aisa lag raha tha jaise har ASTER waasi ka wazan woh uthaye hui hai par phir bhi woh tab tak lagi rahi jab tak saare log araam se wapas zamin me nahi aa gaye..

aisa hote hi FALLON ki aankhen khul gayi...

is waqt aankhri SPELL ke asar se thak kar lambi lambi saansein le rahi thi FALLON par chehre par thakaan ke saath task complete karne ki khushi bhi saaf dikh rahi thi aur tabhi..


BRILLIANT FALLON.. ABSOLUTELY BRILLIANT...KAAFI KAM DURATION ME ITNE HARD TASK KO PURA KAR DIKHAYA TUMNE...


ye awaaz FALLON ke MASTER ki thi jisse sun ek smile ke saath unki taraf palti FALLON par woh kuch kehti ki tabhi....


CHALO KOI TOH HAI JO APNE KIRDAAR SE WAFADAR TOH HUA....

DHUNDNE KI HADH HO GAYI,PAR SHUKR HAI KI AAKHIR ME DIDAR TOH HUA.....


MASTER ke thik piche se aayi thi ye roubdaar awaaz jisse sun jahan ek taraf FALLON chownk si gayi wahin MASTER jinke liye bhi ye awaaz anjaan hi thi,uske baad bhi unke face par ek halki si smile aa gayi maano unhe is awaaz ko abhi sunane ka andaza tha....

aur isiliye woh yunhi apni jagah par bina hile khade hi rahe par unse ulat ab tak jigyasa se bhari FALLON apni jagah se halki right ki taraf sarki aur aisa hote hi us awaaz ka maalik uske aankhon ke saamne tha jisse dekh uski aankhen hairani se badi ho chuki thi aur...


FALLON-kaun ho tum...???


vismay se bhari awaaz ke saath nikli ye awaaz FALLON ke mooh se jiske baad....


WOOGER KEHTE HAIN MUJHE...


FALLON ko dekh ek halki smile ke saath apna naam batate hue WOOGER aage badha aur thik MASTER ke baaju me jaakar khada ho gaya aur aisa hote hi MASTER apne right ki taraf ghume aur WOOGER ko badi khusi se nihaarne lage jispar....


WOOGER- aise kya dekh rahe hain MASTER...???waise tumhe MASTER kehna thoda ajeeb lag raha hai mujhe...

MASTER-hahaha... tum kuch bhi keh sakte ho mujhe...waise tumhari utpatti ke baad se hi tumhe dekhne ki tivr iccha thi mujhe aur aaj jab tum saamne ho toh tumhe dekh bohot acha lag raha hai mujhe...


MASTER ki baat khatm hui hi thi ki...


FALLON-MASTER se tamiz se baat karo WOOGER warna tumhare liye accha nahi hoga...


kahan kuch der pehle WOOGER ko dekh kaafi hairan hui thi FALLON wahin jab WOOGER ne uske MASTER se kaha ki tumhe MASTER kehna ajeeb lag raha hai mujhe, toh us baat ko sun uski hairani ghusse me badal gayi thi aur isiliye usne ye baat kahi jispar...


WOOGER-tamiz ka hunar nahi sikha maine....tum sikha do...


WOOGER ki baat sun FALLON ne apne MASTER ki taraf dekha jo bas muskurate hue shaant khade the jisse unki haan samajh FALLON ne apne haath jhatke aur uske aisa karte hi uske haath uski waist par gaye jiske baad usne apni belt kheench usse lehra diya jisse us belt kaa naa sirf aakar badh gaya balki us se ek behadh strong shock wave nikal WOOGER ki taraf badh chala par aisa hote dekh bhi WOOGER apni jagah par khada hi raha aur..


PHOOOO..


usne hawa me ek halki si phoonk maari jiska impact itna zyada tha ki us phoonk se nikli hawa jab FALLON ke shock wave se takrayi toh uska reverse effect 100 guna tak badhte hue mood gaya aur sidhe jaakar FALLON se takraya jisse ki FALLON udte hue kareeb 50 metre tak jaa giri.

girte hi FALLON ne turant uthne ki koshish ki par us ek hamle se hi uski haalat itni kharab ho gayi thi ki woh turant uth nahi paayi...

kuch waqt lekar dheere dheere khadi hui woh aur aankhon me WOOGER ki taakat ko dekh dher saari hairani liye pehle usne WOOGER ko hi dekha par phir jab uski nazar apne MASTER ki taraf gayi toh...


MASTER-LORD OF ANGEL ke sabse badi rachna ke ansh se bhid rahi thi tum,shukra manao ki saansein ab bhi chal rahi hai tumhari...


WOOGER-waise khwahish meri tumhe khatm karne ki hi thi par ye tumhari kismat hi hai ki tum jis kadi ka hissa ho,usse judi kuch baatein kal hi pata chali hai mere MASTER ko aur us khabar ne hi zinda rakha hai tumhe...

aur tum, self proclaimed MASTER... LORD OF ANGELS ki rachna toh ye FALLON bhi hai,par afsos tum abhi tak iski potential ko thik se badha nahi paaye....


FALLON-MASTER ,hai kaun ye jo lagatar aapki insult kiye jaa raha hai aur aap isse kuch keh bhi nahi rahe...

WOOGER-mai kaun hun,ye abhi abhi bataya hai tumhare is MASTER ne par asal sawal ye hai ki kya tum jaanti ho ki tumhara ye MASTER kaun hai...???


FALLON-mai samjhi nahi...aur inke baare me jaankar kya hi fark padh jaayega..rahenge toh ye mere MASTER hi jo mere pitah tulya bhi hain jinhone mere hunar ko nikhara hai..

WOOGER-woh toh dikh hi raha hai...waise ye sach hai ki iski asliyat jaankar tumhe koi fark padega nahi par mere isse baat karne ke lehze ke piche ka kaaran zaroor pata chal jaayega..

par filhal iska waqt nahi aaya hai...jis din tumhare saamne tumhara sach aayega,us din ye khud tumhe apna sach bata dega par tab tak apni yogyata badhao...

bohot bada daayitv tika hai tumhare kandho par jisme agar tum naakamiyab hui toh naa sirf mere MASTER haarenge,balki woh bhi haar jaayenge jinki rachna ho tum....

khair, waqt hai abhi tumhare paas... speed up your training.... waise bhi,tum is kahani ki ab tak ki ek louti aisi kirdaar ho jo sabse ehem hone ke baad bhi VIDEOUS ke pahunch se bahar hai...

jis jagah par tum ho,isse dhundna toh door,iske baare me soch bhi nahi sakta koi....

ASTER, sirf aap hi aisi jagah ka nirmaan kar sakte the LORD OF ANGELS.....





PLANET-ELYSIAN



PLACE-ALFREEN'S ABODE






WHAT A PLEASENT SURPRISE BETA....???KYA BAAT HAI, AAJ ITNA DINO BAAD JAAKAR TUMHE APNE UNCLE AUNTY KI YAAD AAYI.......!!!!


ye baat kahi thi MARIA ne MAHI se jo is waqt unke ghar me enter hui thi...

subah ka waqt hai..kal shaam book padhte hue behosh hone ke baad aaj early morning MAHI ki behoshi tuti thi aur aisa hone par uska kal shaam bhaari raha sir toh halka ho hi gaya tha par saath hi ek aur chiz bhi hui thi...

aur woh chiz thi GUILT...uthne ke kuch der baad MAHI ke BRAIN ne automatically har us chiz ko process aur analize karna shuru kar diya jo beete kuch mahino me uske saath hua tha yaa fir jo usne kiya tha..

aisa karte waqt MAHI ko woh pal yaad aane lage jab usne apne dono friends ALFREEN aur MABEL ke saath mean behave kiya tha....

usse ALFREEN se class me kahe apne woh kadwe bol yaad aane lage jisse sun ALFREEN ki aankhen bheeg gayi thi par usne un aansuon ko completely nazar andaaz kar diya tha...

aur us din ko yaad kar filhal MAHI ki aankhen bhi bheegne lagi thi..

agar tumhe guilt feel hone lage toh samajh jaana ki tum theek ho chuki jo, RAAZ ki kahi is baat ko yaad kar kahan ek taraf MAHI ko bohot khushi ho rahi thi wahin bhale hi BLACK ENERGY ki wajah se hi sahi,par apne doston ke saath kiye bartaav ke liye usse khud par koft bhi ho raha tha aur yahi wajah thi ki MAHI turant ready hokar sidhe ALFREEN ke ghar aa gayi thi jahan main door se hi usse andar hall me baithe breakfast karte hue ALFREEN, RAAZ aur MABEL dikh gaye the...

wahin MARIA ne usse dekh jis tarah se usse baat kahi thi,usse uska guilt aur badh gaya tha..

reason..

ALFREEN ko us din class me sunaane ke baad woh sirf usse hi nahi balki uske parents se bhi kat gayi thi..

naa toh woh kabhi unke ghar aayi thi aur naahi bahar unse milne ki koshish ki thi..

infact,ek do baar jab MARIA aur FLORIN uske ABODE usse milne gaye the toh wo bas formality nibhate hue unse mili thi aur phir kuch bahana banakar bahar nikal gayi thi...

par aaj bhi jab MAHI MARIA ke saamne aayi thi tab bhi MARIA ka bartaav uske liye waisa hi lag raha tha jaise pehle tha toh phir aise me sharmindagi feel hona toh laazmi si baat hai.

anyways, MAHI se ek pyaari shikayat ki thi MARIA ne jisse sun..


MAHI-sorry aunty....


bas itna hi nikal paaya MAHI ke mooh se jisse bolte waqt MAHI ke tone me taklif saaf mehsoos ki MARIA ne aur isiliye woh jhat se aage badhi aur turant MAHI ko apne gale se laga liya..


MARIA-beta,bhale hi aap log SAVENTS haun...hunar ke maamle me hum aam logon se bohot aage hain aap sab par beta pyaar ke maamle me ek aam insaan ka dil sabse khaas hota hai...

ye hum aam logon ka GOD GIFT hai..aur ye GIFT humne tumhare saath baatna hai...paida nahi kiya toh kya hua, hamari hi bachi ho tum..

hamari sabse samajhdaar bacchi..aur apni bacchi ko naaraz toh dekh sakte hain hum,par udaas nahi..

isiliye cheer up...


MAHI ko side se hug karte hue usse apne saath andar lekar aayi MARIA jiske baad FLORIN joki food table par hi baithe MARIA aur MAHI ko dekh rahe the,woh khade hue aur aage badh MAHI ko gale se laga liya..

pehle MARIA aur ab FLORIN ke gale lag aaj najaane kitne din baad MAHI ko behadh sukoon mil raha tha..

par in sabke beech uski nazar food table par baithe RAAZ, ALFREEN aur MABEL par bhi gayi thi ko bilkul expression less se usse hi dekh rahe the...

ye dekh halki ghabrane lagi thi MAHI....

wahin kuch der MAHI ko gale lagaye rakhne ke baad jab FLORIN usse alag hue toh unhone MAHI ko apne doston ki taraf dekhte paaya aur ye dekh unki nazar unki wife ki taraf gayi jiske baad...


MARIA-MAHI,AL,MABEL,RAAZ...tum sab AL ke room me jao,mai tum sabka breakfast wahin bhijwaati hun...


MARIA ki baat sun ALFREEN, MABEL aur RAAZ chupchaap uthe aur ALFREEN ke room ki taraf chal diye jinke piche halki jhijhak ke saath MAHI bhi chal padi thi...



ALFREENS ROOM:-



PROPOSE KARNE AAYI HO KYA JO ITNI NERVOUS EXPRESSIONS KE SAATH CHUP KHADI HO...???


room me aane ke paanch minute baad bhi jab MAHI sir neeche kar khadi ho par beech beech me sir ALFREEN aur MABEL ko dekhti rahi toh kahi maine ye baat jisse woh uneasyness ka ice jo MAHI ke dil me ghira hua tha,woh thoda kam ho gaya aur...


MAHI-AL,MABEL,layak toh nahi hun par phir bhi sorry guyzz.....


ek baar ALFREEN aur MABEL se nazar mila apni baat kahi MAHI ne par uske baad phirse uska sir neeche ho gaya..

wahin MAHI ki apology ko sun ek dusre ko dekh ALFREEN aur MABEL aage badhi aur MAHI ke saamne aakar khadi ho gayi jispar hamesha hi super confident rehne waali MAHI ke chehre par nervousness dikhne lagi thi...

khair, MAHI ke saamne aa...


ALFREEN-last baar jab hum dono aame saamne the toh tune meri aankhon me dekh meri insult ki thi phir aaj kaise nazarein neechi hain teri....???


ALFREEN ki baat sun MAHI ne apna sir upar kiya jo is waqt aansuon se bheega hua tha..

mooh se toh maang chuki thi aur abhi MAHI ke bheegi hui aankhon me bhi maafi ki hi guhaar thi par us maasum chehre ko dekhne ke baad bhi ALFREEN aur MABEL,dono ka hi face normal hi raha aur woh dono MAHI ke side se hote hue room ke bahar nikal gaye aur aisa hote dekh MAHI ko bura toh bohot laga par khudko is position me laane ke liye zimmedar maan usne kuch kaha nahi...

ALFREEN aur MABEL ke jaane ke baad kuch pal sunya ko ghoor woh bhi piche palatkar room se bahar jaane lagi..

sir jhukaye woh abhi woh room ke door tak hi pahunchi thi ki tabhi....


ALFREEN-kahan madam...????


ALFREEN ki awaaz sun MAHI ne apna jhuka sir turant upar uthaya toh paaya ki uske dono friends door ke dono taraf tike hue khade hain aur muskurate hue usse hi dekh rahe hain..

aankhon me sawal liye woh un dono ko dekhne lagi jispar woh dono hi aage badhe aur dono taraf se MAHI ke gale lag gaye..

jo ho raha tha,woh toh MAHI ke samajh se bahar tha par itna waqt baad apne dono friends ko hug kar uske dil ko jo sukoon mil raha tha,woh uske dimag ke sawalon par bhaari tha isiliye sab kuch bhool MAHI bas us hugging moment ko feel karne me lag gayi..

wahin same haalat ALFREEN aur MABEL ki bhi thi...woh dono bhi MAHI ke waapsi aur usse gale lagane se behadh khush the...

khair,kuch der tak yunhi gale lage rehne ke baad jab woh teeno alag hue toh...


ALFREEN-ab hua naa hisaab barabar....us din tune mujhe daanta tha aur mere aansu dekhne ke baad bhi rooki nahi thi toh maine socha ki mai bhi wahi process repeat karun...


ALFREEN ki baat ko sun MAHI ko ek baar phirse woh din yaad aa gaya tha jab class ne usne ALFREEN ko ulta sidha bol diya tha jisse ALFREEN ke aankhon me aansu aa gaye the jinhe nazar andaaz kar woh class se nikal gayi thi..

aaj jab same cheez ALFREEN ne ki,tab usse ehsaas hua ki us din ALFREEN ko kaise laga hoga..

is realization ke hote hi...


MAHI-i am really sorry AL..

MABEL-sorry ki zaroorat nahi hai MAHI... kyunki maafi tujhe tere yahan aane se pehle hi mil chuki thi...

ALFREEN-haan,jo hua usse bhul jaa MAHI...waise bhi tune jo kiya,woh NEGETIVE ENERGY ke impact ki wajah se kiya tha toh aise me dekha jaaye toh teri galti toh thi hi nahi..

infact,tu toh victim thi us ENERGY ki..


ALFREEN aur MABEL uski condition jaanti thi,ye baat jaan aur unki sun harani se unki taraf dekhne lagi MAHI jispar..


ALFREEN-RAAZ...usne aaj subah aate hi hum dono ko tere saath kya ho raha tha,woh sab bata diya tha..

aur woh sab jaan hum dono ki toh haalat hi kharab ho gayi thi..agar tu abhi yahan nahi aati toh hum tere ABODE me aane waale the...

MABEL-but ek baat bata MAHI..itni intelligent hote hue tu itni stupid harkat kaise kar sakti hai..??

i mean tujhe sikhne ki lalak hai,its good,great actually...but kis chiz se sikh rahi hai,iske baare me janana bhi toh zaroori hai naa..

yunhi aankh band karke kisi bhi study mode se sikhne chal padi tu..

sochke dekh,in BLACK ENERGY se grast books ka impact aur kitna negetive padh sakta tha tujhpar..???

ALFREEN-haan MAHI...that was a real stupid decision you took..woh toh acha hai ki RAAZ ne teri condition ko figure out kar liya warna soch, consequences kitne high ho sakte the...


jahan ek taraf ALFREEN aur MABEL ki daant me apne liye fikr dekh MAHI ko bohot acha lag raha tha wahin un dono ki baat me VIDEOUS ka zikr nahi tha,is baat par gour kar MAHI samajh gayi ki RAAZ ne VIDEOUS ke baare me in dono ko kuch nahi bataya hai..

anyways, ALFREEN ki baat sun...


MAHI-sorry guyzz..maine wakayi consequences ke baare me nahi socha tha...but ab aisa kabhi nahi hoga...

MABEL-hum hone bhi nahi denge babes...

ALFREEN-exactly..


ye bol woh dono MAHI ke ek baar phirse gale lag gayi..

kuch seconds yunhi reh jab teeno alag hui toh MAHI ki nazar us direction ki taraf gayi jahan RAAZ khada tha par wahan dekh woh halki chownki....

reason..

RAAZ wahan nahi tha..infact, RAAZ us room me hi nahi tha..woh jaa chuka tha...aur ye dekh....


MAHI-ye RAAZ kahan gaya..???


MAHI ki baat sun ALFREEN ne bhi pure room me nazar ghumayi aur mujhe gayab dekha jispar jahan ek taraf MAHI ki hi tarah MABEL bhi halki hairan hui wahin dusri taraf ALFREEN ke chehre par smile aa gayi aur..


ALFREEN-babes, RAAZ ko emotional talks pasand nahi hain... isiliye hamare conversation shuru hone se pehle hi chala gaya woh....


jahan ALFREEN ki baat sun MABEL ke chehre par smile aa gayi wahin smile toh MAHI ke face par bhi thi,par saath hi uske man me chal rahi thi ek baat aur woh ye ki...


MAHI man me-kya hai ye ladka...????!!!



kab kya kar jaaye,koi JAANTA nahi....

khayal bhi hai,par fikr ko ye PECHAANTA nahi...

ATTITUDE bhi hai aur khadoos bhi.....

dimag kehta hai door reh,par najaane dil ye baat kyun MAANTA nahi.....????














AAJ KE LIYE ITNA HI.....















AAPKA APNA V...J......
shandar, awesome lajawab, fantastic update..............
keep posting bhai...............
waiting for next update................
 
Top