UPDATE - 69
Deva – baetho batata hu. Abhi to ye sun lo ki is list me jo ladke maene jyoti ke liye soche the sab ka jawab aa chuka hae. aur us me se mujhe ye rajiv nam ka ladka pasand hae. aur ittefaq se ye bhi thakur hi hae. saath hi ye US ki paedaish hae ise india me nahi rahna lekin shadi Indian ladki se karna chahta hae. jisse ise bhi inida ka visa asani se mil sake. Isse maene poocha tha. Ke yadi iski wife shadi ke baad US na jana chahe to kya wo use yahi chhod ke ja sakega? To usne kaha ke mujhe shadi sirf formelty ke liye hi karni hae. baki mera us ladki se koi matlab nahi hoga. Wo jaese, jaha, jiske bhi saath chahe rah sakti hae. mujhe koi problem nahi hogi na uski jaati jindagi se koi matlab hoga., dusra ek ye hae. asish nam ka ladka, ise paese chahiye. Jis wajah se ye kisi bhi country ki ladki se shadi kar sakta hae. ise bhi jyoti ko yahi chhod ke jane me koi etraj nahi.
Shalaka – mere hisab se rajiv thik hae kyu ki ye ashish to aage chal ke jyoti ko paese ke liye pareshan kar sakta hae.
Deva – bilkul thik socha. To mae rajiv ko bulwa leta hu. Aur use clear sab bate yahi ho jayegi. Agar wo man leta hae to jyoti ki shadi karwa dege use.
Nagarjun – sahi socha hae deva lekin bhavishya me kya? Is bachhe ko to sambhal lege lekin aage?
Deva – jyoti rajiv ko talak nahi degi. Na hi rajiv dena chahega. Future me bhi jab jab jyoti pregnant hogi. Us samay rajiv ko 10-15 din ke liye yaha bulwa lege ya jyoti hi ye kah kar gaanv se bahar chali jayegi ke wo pati ke pas US ja rahi hae. koi dikkat nahi hogi.
Nagarjun – tumhe lagta hae aesa possible hae to fir koi dikkat nahi lekin jyoti ki life kharab nahi honi chahiye deva.
Deva – nahi hogi. Aur ab suno gurum tum apne kaam ki baat. Hum log aaj shahar gaye the. To raste me hua yu ke…………..
Fir deva sab ko poori baat bata deta hae.
Gurum – kya baat hae deva bahot sahi kaam kiya hae tumne. Mujhe wo details do.
Deva – sari details computer me hae. tum aaram se check kar lena. Aur tum teeno kal se hi is kaam pe lag jana. Lekin abhi action mat lena. Sirf poori jankariyo ko verify karna. Aur baad me kuch action.
Gurum – ok deva hum log dekhte hae. is gang ki to pungi baja duga mae.
Shalaka – gurum me tumhare saath hu. Aur jo kuch tumse seekha hae. use poora istemal karugi. Aur is gang ko khatam karne me tumahre sath rahugi.
Deva – very gud to abhi tum log bhi rest kar lo. thodi der ke baad chalna hae tilism nagri waha jakar dekhte hae ke fakeer baba kya aadesh dete hae. mae bhi rest kar lu thodi der.
Fir deva ghar ke andar jata hae. jaha hall me sabhi log baeth the. Rudra aur nilam bhi.
DN – aao deva baetho.
Deva – ji babu ji., maa wo devki kaki se baat ho gayi na?
Savitri – ha beta ho gayi hae unse baat . aaj raghu ne baat ki thi. Wo taiyar hae. unhe aur ramu ko koi etraj nahi hae. aur maene aaj padma se bhi baat kar li hae . wo bhi sahmat hae. bas ab taiyariya shuru kar do tum log.
Deva – ha maa jaroor. Lekin yaha mae aap logo se kuchh kahna chahta hu.
DN – kya baat hae deva?
Deva – babu ji. Ye jo mera dost hae na rudra isne kasam khayi thi ke meri aur iski shadi ek hi mandap me hogi varna ye shadi nahi karega. Isne apne liye ladki to pasand kar li lekin nilam aur rudra ke ghar wale is desh se bahar rahte hae. to inka rishta to tay hua hae lekin in dono ki bhi sagai to hui nahi. To mera ye vichar hae ke babu ji yadi aap aagya de to kyu na meri aur poonam ki sagai ke saath usi mandap me rudra aur nilam ki bhi sagai ho jaye? Aakhir mae bhi to iski sagai miss karta hu na.
Ye baat sun kar jaha rudra aur nilam ki ankho me nami aa gayi wahi baki ghar wale bahot khush hue.
Savitri – are waah ye to tumne bahot achha socha hae deva, waese bhi rudra ke roop me mujhe dusra beta hi mila hae aur mae apne bete ke liye nilam ko bahu banana hi wali hu to inki bhi sagai to karni hi padegi na. kyu ji?
DN – ha bhagyawan bilkul sahi baat ki tumne. Nilam bhi hamari hone wali bahu hae. to riti riwazo ke saath inki bhi sagai honi chahiye. To tay raha. Ek hi mandap me mere in dono beto ki sagai hogi.
Rudra uth kar deva ke gale lag jata hae aur uski ankhe baras padti hae.nilam bhi deva ko gale laga leti hae aur rone lagti hae. deva ki bhi aankhe nam ho jati hae
Deva – abe rota kyu hae pagal. Nilam se nahi karni sagai to abhi bata de maa ko. Wo koi dusri dhundh legi tere liye nilam ke liye mae tujhse bhi achha ladka dhundh luga.
Rudra – chup be.
Nilam - bhaiya aap bahot kharab ho chhodo mujhe Aur nilam hans kar diya ke gale lag jati hae.
Savitri - are bachho rone ke nahi ye to hasne ke din hae.
Rudra – aap nahi janti maa. Deva ne mujhe aaj kya tohfa diya hae. mae bahot khush hu.
Deva – chalo yar bhukh lagi hae. mae fresh ho ke aata hu. Fir khana khate hae. bahot kaam baki hae rudra. Bhul gaya kya?
Rudra – nahi bhai sab yaad hae. tu aaja jaldi se fir khana khate hae.
DN – koi khas programe hae kya dono ka ?
Deva – nahi babu ji bas planning kar lete hae sagai ke liye kya karna hae. fir un ki taiyrai hi karne ka socha hae aur kuchh nahi.
DN – thik hae beta
Fir deva fresh ho kar aata hae aur sab log khana khane baeth jate hae. jisme ki wo log sagai ki taiyariyo ke bare me baat kar rahe the aur saath hi kise kise bulana hae wo bhi decide ho raha tha. Jisme sare rishtedaro ka aana tay tha hi. Aur ganv ke bhi lagbhag sare hi log shamil hone the. Jisme thakur family khas thi .
Fir sabhi log apne apne kamro ki taraf chale jate hae. rudra aur nilam bhi chale jate hae. apne apne kamro ki taraf. Aur deva bhi apne kamre me aa kar. Abhi to deva bhi sagai ki taiyariyo ke bare me hi soch raha tha. Kareeb aadhe ghante tak deva yahi sab sochta raha fir use achanak yad aaya ke kise kya lena hae ye bhi to janna hoga. Tabhi deva ka dhyan ghadi pe jata hae. unka tilism nagri jane ka time ho raha tha to deva apni aadat ke mutabik uthkar sabse pahle chal deta hae savitri ke kamre ki taraf. Aur adrashya ho kar wo kamre jata hae.
