Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[Naina]

yeh nainu ji abhi tak jaage huye hai.. online bhi hai..

 

[Chinturocky]

Are Teri to Kunal ki band bajane wali hai.
Maza aa gaya update padhkar, khaskar talli hokar Salwerker ke ghar Khana Khana aur fir wo dharmender wala dance.???

 

[Chutiyadr]

Update:-43​

Sawalker aur Nischal dono meeting khatm karke commissioner aawas se nikle aur sidha commissioner office letter lene pahunch gaye. Sawalker ne crime branch ke kuch officer ke sath ek chhoti si team ka gathan kiya aur sabhi soorat-e-haal ko bayan karne ke baad sabko kaam par laga diya.


Pure mamle me Nischal bhi Sawalker ke sath raha jo dhyan se bus kewal sun raha tha aur khamoshi se baar baar biti raat ki ghatna par hi focus kiye huye tha…


Police station me kuch waqt bitane ke baad Nischal wapas flat laut aaya aur akar sidha apne kamre me let gaya. Wajah yah nahi thi ki pasliyon ke chot ke wajah se wo padesan tha. Jab se Nischal ne iss case ke liye haan kiya tha tabse wah Sapna ke bare me hi soch raha tha.


Biti raat jab usne khud ko Sapna ke sath jodne ki kosis ki thi tab se uske dimag ke ander hi bhayawah pira mehsus ho raha tha, jo ek insan ko jinda hosh me rahkar usse chirne ki hoti hai. Rah-rah kar uska dimag Sapna se jud kar uske aakhri pal ke dard ko uske dimag se gayab karna chah raha tha.


Nischal khud par kabu to karna chah raha tha, lekin na chahte huye bhi uska anterman dur rahkar bhi Sapna se judne ki kosis kar raha tha… ye kyon ho raha tha wo to Nischal ko bhi nahi pata, lekin flat par laut kar jaise hi Nischal bistar par gaya, wo anyerdhyan ho gaya.


Nischal ki chetna uss lab tak pahunch chuki thi jahan dhundhli si parchhayi me wo Sapna ko dekh raha tha, lekin wahan ka vision uske kosison ke bawjoood bhi saaf nahi ho rahi thi...


Nischal abhi lab me tha lekin uska sharir jo iss waqt Nandni ke flat me tha, wo kya pratikriya kar raha tha, gyan tak nahi. Nandni ke flat me para uska badan chhatpata raha tha. Naak se khun ki dhar bah rahi thi aur uska sharir garam hota ja raha tha..


Nischal ke body ka temperature bhi kisi aam insan jitna nahi badh raha tha balki jahan 103 ke paimane par high fever mana jata hai, Nischal ka badan 300 cross kar chuka tha…


Idhar Nandni sab logon ke jane ke baad wo bhi Ansh ko surprise dene aur usse kaam ke bich me thoda padesan karne hospital chali gayi thi. Jab se Nischal ki dastak Nandni ke jeevan me hui thi, tab se uski bhid me tanhai ki zindgi bhi khatm si ho chali thi. Isi ki ek kadi Ansh bhi tha, jo uske dil ke umang ko pahle ki bhanti hi jaga raha tha.. aur Nandni wo khushiyan wapas se mehsus kar rahi thi jo kisi ek ke jane se dur ho gayi thi.


Nandni appolo pahunch kar sidha uske chember mein ghus gayi, jahan Ansh kuch sathi doctors se baat kar raha tha. Jaise hi Nandni ander pahunchi... "Ye kya hai Ansh.. ye log mujhe tumhare pass aane se rok kaise rahe hain."…


Nandni, 2-3 security guard ke ore ishara karti bol rahi thi, jo Nandni ke piche usse rokte huye aa rahe the…


Ansh:- Tum iss waqt yahan kya kar rahi ho Nandni..


Nandni, Ansh ke karib jati, uske chair ke hand rest par baithkar samne baithe doctor ko sunati hui kahne lagi… "Aap hi log bataeye bhai sahab, patni itni dur chalkar pati ke liye khana lekar aayi hai aur ye hain ki mujhse ulta puch rahe hain, main yahan kya kar rahi hun"…


Samne uske sathi doctor aur Nandni lagbhag uske gode me baithi, bechara thoda sankoch mehsus karte … "thik hai sir hum baad me charcha kar lete hain"..


Nandni:- Haan sir jaeye-jaeye abhi to main inhe apne hathon se khilaungi.


Dono doctor muskurate huye…. "Kash hume bhi aisi biwi ka sukh mila hota ansh babu.. chaliye ab kal hi iss vishay par charcha hogi, waise bhi 4.30 baj gaye hain"..


Un dono ke jate he Nandni, Ansh ke gal par hath ferti uske gal ko chum lee… Ansh thandi aahen bharte…. "Nandu please ruk jao, yahan charo ore cctv hai."


Nandni:- Haan to main tumhare sath romance kar rahi hun kisi aur ke sath nahi… tumhe nahi pasand yahan mera aana to kah do, wapas kabhi nahi aaungi tumse milne hospital…


Ansh:- Nahi baba aisi koi baat nahi hai… tum bekar me kuch bhi nahi socho…..


Nandni, muskurai, aur Ansh ko dekhti hui kahne lagi... "Jab aisi koi baat nahi to fir mujhe gale lagakar chumo"..


Ansh, thoda chaunkte… "yahan"..


Nandni kursi se utar kar khadi hoti…. "Ja kar yahan ki nurse ko chumte raho.. main ja rahi hun…"


Ansh:- Acha ruko.. ruko aise muh fula kar mat jao warna mujhe guilty feel hoga.. waise tum pakka sure ho na yahin kiss karna hai…


Nandni:- off o baba .... Kitna ghabrate ho.. tumse na ho payega, main Nischal ko hi bol deti hun kiss ke liye…


Ansh char kadam aage badhkar Nandni ko kamar se khinchte uske hoton se honth lagakar chumne laga.. Nandni bhi apni aakhen band karke uske gale me hath dalkar kiss me dubti chali gayi…


Dono gahre kiss ke nashe me the tabhi Nandni, Ansh se alag hote huye kahne lagi… "Ansh mujhe thodi ghabrahat ho rahi hai, chalo ghar chalte hain"..


Ansh:- Badmash kahin ki.. I am too excited baby, but mujhe ek case ke liye lab bulaya gaya hai.. janwaron ka fir se ek brutal mamla samne aaya hai...


Nandni:- Hmmmm ! Koi baat nahi hai Ansh, but ye main kisi excitment ki wajah se nahi kah rahi thi.. wakai kuch acha nahi lag raha iss waqt.. thik hai tum kaam karo, main baad me call karti hun…


Nandni wahan se kafi khamosh bahar nikli, Usse jate dekh Ansh ko bhi acha nahi laga… piche se wo bhi daura.. Nandni ki khamoshi usse itni khal gayi ki wo bhul gaya ki yah hospital hai aur Ansh yahan ka ek doctor. Nandni Nandni karta wo hospital me hi awaz lagakar daurne laga.


Ansh ki Awaz sunkar Nandni pichhe palti aur Ansh ka aana uske chehre par muskan le aaya. Dono sath me hi flat pahunche aur mukhya dwar aise hi khula hua… "Ansh, ye Nischal bhi na ek dum pagal ho gaya hai. Darwaja aise hi khula chhod gaya hai"…


Nandni gusse me ander gayi aur jaise hi wo Nischal ke kamre me ghusi… "Anshhhhh… Anshhhhhh…. Anshhhh".. wo paglon ki tarah Ansh ko pukarne lagi.. aakhon se Nandni ke aanshu bahne lage aur wo bhagkar bistar par baithkar Nischal ko sidha ki aur uske sir ko apne gode me rakhkar usse jagane lagi..


Nandni ki awaz par Ansh jo apne kamre me change karne gaya tha wo bhi bhagkar wahan aaya… samne ka najara dekha… Bistar khun se laal ho chuki thi... Naak se ab bhi bleeding ho rahi thi aur Nandni ka ro rokar bura haal ho gaya tha...


Ansh aage badhkar Nischal ka matha chhu liya aur teji ke sath hath pichhe khinchte aschrya me pad gaya… wo chadar par lage khoon ko apni ungliyon me liya aur usse bariki se dekhne laga... Ansh ko ab shanke ne gher liya tha…


Nandni ke aashu barshat ki tarah Nischal ke chehre par gir raha tha. Wo apne dupatta se lagatar uske naak se bah rahe khun ko saaf karne ki kosis kar rahi thi, lekin khun band hone ka naam nahi le raha tha…. "Tum putle ki tarah wahan khade kyon ho… please kuch karo na Ansh… pleaseeeeeee"..


"Ukhunnn .. Ukhunnnn… Unkhunnn… Fir doctor par chilla rahi ho Nandni"… Nischal hanste huye apni nind se jaga… Uski aakhen khuli dekh Nandni usse lipat gai… "Pagal hai kya tu… jaan hi nikal di thi meri"..


Ansh… Ab uski jaan me jaan aa gayi hai na Nandni… calm down baby…


Ansh Nandni ko sambhalte usse dilase dete kahne laga.. Ansh ki baat par Nischal bhi niche kahne laga… "Main thik hun… likin aise hi mere chehre se lipti rahogi to pakka main dum ghutne se gaya kaam se"..


Nandni apni aashu saf karti hui uske upar se hati aur gusse me usse 2-3 thappad marti hui puchne lagi…. "Ye sab kya hai"..


Nischal baat ko ghumate huye kahne laga.... "Main marne ka illusion try kar raha tha aur issi chakkar me paitra ulta par gaya… hato main jara fresh hokar aaya".


Nichal, Nandni ki gode se uthakar jaise hi khada hua, thoda ladkhada gaya… "thik hum main… kuch nahi hua"… aur kahta hua bathroom me ghus gaya…Nandni bhi kitchen me gayi wahin pani bhi pi aur apne chehre par pani ki chhinte bhi marne lagi…


Ansh:- Main ambulance bulawn kya .. kafi blood loss hai..


Nandni:- nahi shayad ab wo thik hai. Fir bhi main usse dekhti hun, yadi jaroorat lagi to main tumhe call kar dungi.


Ansh:- Jaisa tum thik samjho Nandni. Acha tum Nischal ka khyal rakho, maine bataya tha na mujhe lab jana hai, isliye main ja raha hun… tumhare pass paise hain kya..


Nandni:- haan mere pass paise hai ..


Ansh:- Fir bhi ye mera card rakho aur ye hospital pass bhi. Yadi main call ka respond na karun to emergency me ye tunhare kam aayenge..


Nandni, Ansh ke gale lagti…. "Thankyou so much Ansh"..


Ansh:- Ab tum aise pyar se gale lagaye rakhogi to main kahin bhi ja nahi paunga.....


Ansh bhi thoda sa mazak karte wahan se nikla. Uske poket ki chhoti sisi me Nischal ka blood sample tha aur environment ka temperature jis'se lete hain, uspar Nischal ke body ka temperature tha jo ki lagbhag 300⁰ celcius tha. Fahrenheit me yadi reading liya jaye to lagbhag 572⁰ ki reading thi. Ansh kuch bhi niskarsh nahi nikal pa raha tha isliye wo sidha lab chala gaya.


Idhar Nischal fresh hokar wapas hall me aaya. Thode hi der me wo pura recover ho chuka tha. Nandni jabtak khun se lage chadar ko dustbin me dalkar wo bhi fresh hone chali gayi thi. Thodi he der me wo bhi fresh hokar hall me aayi aur khamosh hokar uske pass baith gayi.


Nischal 6 jug pani ke sath dawa pi chuka tha... Wo gahri shwans lete Nandni ke ore dekha aur muskurate huye kahne laga…. "Tumne wapas bula liya warna main Sapna ke dimag ke mayajal me ulajh gaya tha"..


Nandni:- Nischal jab guru ji kitab se tumhe koi madad nahi milne wali, wo hum dono jante hai, fir kyon itna jokham bhada kaam kar gaye… jante ho kuch der pahli meri kya haalat thi.. aisa laga jaise tum mar rahe ho…


Nischal:- Jo tumne mehsus kiya wo mera dard nahi balki Sapna ka tha, jise kal raat berahmi se mara gaya hai. Uske mirt sarir se maine apna dimag jod diya hai.. ab jabtak uske dimag se wo dard nahi jata tabtak main uske sath juda hua he rahunga… Maine apne aukkad se bahar ki chijon ko aajma lia hai…


Nandni:- Padeshani mat batao… mujhe batao iska hal hai ya nahi, warna main hi khushi se mar jaungi aur tum apna dimag mujh se jod lena… tumhe hero banne kisne kaha tha Nischal.. bina uske dimag me ghuse bhi to tumhe pata hi hain na ki shayad Jivisha ke vesh me koi alian hai, jisne ye sab kiya…


Nischal:- nahi Jivisha bilkul tumhari tarah insan hi hai.. uspar baad me baat karenge … wo narbhakshi alian hi hain aur wo log wahi Josefer ke group ke log hain.. jise aaj raat hi unke kiye ki saja milegi…


Nandni:- aur wo mirt dimag se jo tumhara dimag juda hai uska kya…


Nischal:- "Main thoda andhera hote hi forensic lab jaunga akele… aur wahan main purn awlokan karunga… tab jakar kahin main Sapna ke dimag se alag ho paunga, aur fir uske baad dard mitane ke liye doshiyon ko saza dunga aaj ki hi raat… Wo ladki bahut hi himmatwali thi. Jab uska jibh khinch kar nikala ja raha tha, uss dard mein bhi usse yakin tha ki koi aakar uski zindgi wapas kar dega... Isliye uska majboot dimag mujhe aakarshit kar raha ha"i...

Ek baar awlokan ho gaya uske baad uske katilon ko saza dunga… uske baad finally main ek baar aur uske dimag me jakar apni yaad usme dalunga, jis se uska dard chala jayega… Tum sari chinta chhod do aur mujh par bhadosa rakho.. aur haan tum, aaj meri wajah se kafi dipress hui ho.. isliye jabtak tum ek achi nind lo tabtak main Sapna ke dimag ke mayajal se khud ko bahar nikal kar aaya aur tumhe ye khushkhabri diya…

300 degree me jab khoon aur sharir tap raha tha to nandani ne use chhu kaise liya 100 degree me to pani bhanp ban jata hai aur aansh bhai sahab ne khoon ka semple bhi le liya

 

[Chutiyadr]

Update:-44…​

Aadhi raat ke waqt......



Josefer sab se najar bachate, Jivisha ke ghar se apne adde tak pahuncha. Josefer ko dekh kar Apini usse gale lagate kahne laga.... "Aakhir hum manjil ki ore badhne lage hain".


Josefer.... Apini ek padesani hai.... aur sath me ek achhi khabar bhi.


Apini.... Kya hua....


Josefer.... Khud he dekh lo....


Josefer ne visuals dene shuru kar diye….. College se car me Jivisha aur Kasak car me nikle… Ye aaya kisi dusre car ke niche ek pappi, Kasak apni car se bahar nikli, dusre car ke samne khadi ho gayi, Kasak ka takkar hote-hote bachna, pappi ko utha kar usse apne car me le lena.. Car ke ander Jivisha ki chinta. Unka baat karna, aakhir ek chhote se dhakke ke karan kaise ghayal ho gaya Nischal. Nischal ke flat me Nischal ki haalat, pasliyan tooti hui. Fir Jivisha aur Nischal ki najdikyan aur Sawalker ka aana. Sawlker ka case discuss karna aur Nischal ki aakhon me aisa laga jaise ab wo Apini aur uske sathiyon ke talash me he niklne wala hai.


Sare visuals clear the. Sab ko dekhne ke baad Apini gahri sans lete kahne laga..... "Uss ladki ke case me Nischal yadi hum tak pahuncha to bana banaya khel bigad jayega".


Tanisha.... To ab hum kya karen....


Apini.... Hum bas jasn manayenge Tanisha aur ye waqt to jasn manane ka hai, Kyonki Malkia ke humle se Nischal ko mara ja sakta hai, bas jaroorat hai to Malkia ko uss ke khilaf istamal karne ki.


Josefer.... Hum Malkia ko uss ke khilaf kaise istamal kar sakte hain, jab ki wo dono to karib aa rahe hain. Upar se Nischal humari he talash me nikla hai uska kya? Malkia ne jis hisab se usse himmat di hai, wo yadi hum tak pahucha to hume saaf he kar dega.


Apini jor se haste huye.... "Un dono ke bich me Kunal jo aa raha hai, fir kaise dono karib aa sakte hain. Malkia ko uss ke khilaf hathiyar main banauga".


"Tanisha tum bas uss Nischal par najar diye raho. Nischal ne Malkia se iss case me jit hasil karne ka wada kiya hai na, aisa uljhao isse ki ye case me uljha rahe aur main Malkia ke karib aa jaun. Aur anth me jab ye case solve hoga to sara credit Kunal ko milega, taki Kunal he hero bana rahe".


Tanisha.... Aur hum inhe uljhayenge kaise....


"Shikar kar ke uljhana hai. Har hafte iss desh ke alag-alag kone me shikar karo taki ye idhar udhar ghumta he rah jaye".


Josefer, Apini ke sath meeting khatm karke apna pappi wala role nibhane wapas Kasak ke pass jane laga. Lekin rah-rah kar Josefer ke dimag me ek he baat ghum rahi thi, aakhir kyon ye prithwi washi apne se kamjor janwaron ke liye bina soche khud ki jaan khatre mein dal lete hain.


Nandni ka flat… Sham Ke Waqt


Nandni se sari baten karne ke baad, Nischal ne apne bag se kuch saman nikala aur Nandni se ek saman ka vivran sajha karte huye kahne laga…. "Dekho Nandni ye hai mask"..


Nandni ab bhi kuch der pahle hui Nischal ki haalat par gum thi, lekin jaise he Nischal ne globes ko mask kaha, wo jor se hansti hui kahne lagi… "pagal wo globes hai."


Nischal:- Ullu ye globes nahi Mask hai..


Nandni:- dhakkan hai tu aur mujhe ullu kah raha. Ye globes hi hai.


Nischal:- acha thik hai ise pahan..


Nandni ne jaise hi wo globes ko pahna, wo hatheli ki skin se chipak kar kahin gayab ho gayi…. Nandni khule muh aur aschrya se fati aakhon se dekhti hui… "ye kya hai Nischal, kahin mere hath ko to tum apne kabje me nahi le rahe na".


Nischal:- Hey bhagwan, Nandu ashrya me ho manta hun.. lekin kabhi-kabhi na tunhare sawal ajib hote hain.. yahan par tumhe puchna chahiye ki "ye kya tha aur achanak mere skin se kahan gayab ho gaya"…


Nandni:- haan main bhi apne pahle sawal ke baad yahi puchne wali thi… chal ab bata ki ye kya chij tune mere hathon me chipka diya..


Nischal:- Ye mask hai… iska istamal tum kisi ko bhi tej jhatke dene aur usse kayi ghanton tak sulane mein istamal kar sakti ho. Ye tumhare body neurotransmitter ki urja se chalta rahega, jise tumhara brain control karega…


Nandni:- kuch bhi fenkta hai…


Nischal:- aisa hai to fir soch ki tujhe mujh par humla karna hai aur tu mujhe tej jhatka dena chahti hai… bus is khyal ke sath bus mere skin ko kahin bhi touch kar le…


"Tu fekta rah aur main lapet rahi hun"… aur itna kahti hui Nandni ne Nischal ke hath ko pakad liya… jaise hi usne hath pakdi bijli ki tej chingari uthi aur Nischal pura hil gaya…


Nandni wapas se aschrya karti hui…. "Kya wakai me tune sach kaha tha... Gadhe khud par try karwane ki kya jaroorat thi kam akal.. ise to main kisi lohe ya steel par bhi try kar sakti thi"…


Nischal:- Tu samjhi nahi, main janta tha ki tujhe viswas nahi hoga aur tu try karegi. Mere sharir ko bhi ek tej jhatke ki jaroorat thi, taki mera bhi blood circulation bana rahe…


Nandni:- kamal hai, kitna samjhdar ho gaya hai ladka... Chal iss ajibo garib chij ko dikhane ka shukriya, ise nikalte kaise hain…


Nischal:- yah ajib chij tumhare liye hi banaya hai. Jaroorat ke waqt ye kaam aayega…


Nandni:- oye pagal aisi khatarnak chij main nahi istamal karne wali. Kahin gusse me maine Ansh par ye istamal kar diya to… tu to jhatke bardast kar lega bechara mera doctor kya karega...


Nischal:- istamal karne ki manual book ko padh le… sab dimag ka khel hai aur sara control wahin hai… bus thode se practice ki jaroorat hai.. thik waise hi jaise humare dimag me har prakar ki gali hoti hai, lekin kitne bhi gusse me kyon na raho dimag janta hai ki kis waqt kaun si gali dena uchit hai, fir chahe wo pariwar ke log ho ya fir koi bahar wala… ye mask thik waisa hi hai… manual book padhkar practice kar le .. 4-5 din ki bus practice chaiye…


Nandni:- kya baat hai ladke.. sahi ja rahe ho.. I am proud of you. Ye sab to thik hai lekin ise utarun kaise…


Nischal:- sab uss manual book me likha hai… ummid karta hun gift tumhe pasand aaya hoga aur ab mai nikalta hun.. jo galti se shuru kar diya hun, usse khtam karke aa jaun..


Niachal apni baat samapt karke wahan se sidha lab bhag gaya. Wo itna tej tha ki kisi bhi Cc TV me uska aana lagbhag namumkin tha.… Wo bina kisi ke najar me aaye idhar se udhar bhagta raha aur tabhi usse store room dikh gaya, jahan se usne doctor ki ek poshak utha liya aur chehre par mask lagakar lab ke ander chala gaya, jahan Sapna ki lash rakhi thi.


Nischal ne uss puri jagah ko ache se seal kar diya aur ek-ek kadam badhate wo Sapna ke ore jane laga… jaise-jaise wo kadam badha raha tha, aisa lag rhaa tha uss jagah ki bhi tasveer badalni shuru ho gayi thi…


Aisa lag raha tha jaise Nischal lab ke uss section me na hokar uss clinic me chal raha hai… jahan yah sari ghatnayen hui hai… ek-ek kadam badha kar wo upar ki ore pahuncha..


Sapna iss waqt chadar ki rassi bana kar khidki se niche fek rahi thi... Jaise hi wo Nischal ko dekhi, bhag kar Nischal se lipat kar…. "Please mujhe bacha lo, mujhe nahi marna hai… please bacha lo na Nischal… please… dekho wo aa rahe hain Nischal… please tum kuch karte kyon nahi… Nischal… Nischal"..


Jaise hi upar Apini aur Tanisha ki aahat hui, Sapna, Nischal ko chhod kar bathroom me bhagne lagi… lekin bathroom me bhagne ke kram me tej jhatka jaise Nischal ko laga ho… Nischal se alag hokar bathroom me bhagne wali Sapna nahi balki Jivisha thi.…


Nischal uss jagah ke madhya me khada hokar sab kuch apni aakhon se hota hua dekh raha tha. Kaise Apini aur Tanisha upar aaye, bathroom ke pass gaye… sab kuch waise hi ho raha tha jaise uss ghatna ke waqt hui thi.…


Tabhi ek baar fir Nichal ki aakhen fati rah gayi jab usne bathroom se bahar Sapna ko nahi balki Jivisha ko dekha… wo pura kritya hote huye dekh raha tha… Nischal apni puri urja ke sath kosis kar raha tha ki Jivisha ke sath kuch nahi ho, lekin lakh kosis ke baad bhi wo bebas hokar sab kuch apne aakhon ke samne hote dekhta raha…..


Tabhi achanak wahan ek tej raushni hui aur fir pura kala ghanghor andhera… Nischal ko kuch bhi nahi dikh raha tha.. dhire-dhire wo apne kadam aage badhane laga… jaise-jaise wo kadam aage badha raha tha, uski dristi bhi saaf hone lagi thi. Fir se usse wahi jagah najar aane laga tha aur ek baar fir surwat Sapna ke chadar niche dalne se hui aur ant Jivisha ki ghutan ki wo dard se, jise Sapna ne jhela tha..


Nischal har bar yahan tak pahunch kar isse badalne ki kosis karta raha, lekin zindgi me pahli baar usne apne khuli aankho se dekha tha ki bebasi aur ashay hona kise kahte hai. Kaisa lagta hai jab khud me kshmta hone ke bawjoood kuch bhi na kar pane ka wo guilt…


Anyerdhyan hone aur dimag ke ander jhankne ki iss prakriya me Nischal kis paheli me fasa tha wo khud bhi usse pata nahi tha... Sapna ke dimag ke ander ki yaad se jab Nischal ka samna hua to ander ki yadon ki tasveer hi badal chuki thi.


Is baat ka jikr na to kabhi Nischal ke guruji ke kitab me tha aur na hi Nischal ne aaj se pahle kabhi aisa hota dekha ho, ki dimag ki yaden badal gayi ho athwa ander ki tasveer…baharhaan ander jin halaaton se Nischal jujh raha tha, bahar usse kahin jyada gambhir paristhithi ban chuki thi…


Na to dimag me ghusne ki kala mein Nischal mahir tha aur na he usme itna santulan tha ki wo khud ki marji se bahar nikal sake… aur issi wajah se wo lagbhag 1 ghante se dimag ke bus ek hi yaad me ulajh kar rah gaya tha...


Dimag ke ander Nischal jitni kosis kar raha tha Jivisha ko bachane ke liye, bahar uske sarir par utna hi bura asar ho raha tha… Abhi yah sari ghatnayen lab ke ander ke uss hisse me chal rahi thi, jahan Sapna ki lash rakhi hui thi aur forensic doctor ki nayi team iss case par janch ke liye pahunch chuki thi…


Lagbhag 10 minute se sab log bahar se ander aane ki kosis kar rahe the...Lekin Nischal apna kaam shuru karne se pahle yah sunischit kar chuka tha ki koi tabtak ander na aa sake jabtak Nischal wahan ka seal khol na de…


Ek ghante me Nischal ke sharir se lagbhag uski jaan nikal chuki thi… dimag ke ander ab bhi wo Jivisha ko bachane ki nakam kosis kar raha tha... Aur uska sharir bahar kisi tarah apne pran bachane me juta hua tha… Tabhi uske sar par kafi tej bijli ka jhatka laga… pura sharir bijli ka kafi tej jhatka khaya aur Nischal ki aakhen khul gayi….


Idhar Nischal ki aakhen khuli, udhar Zoren grah ke Mahamhim ki bhi aakhen khul gayi..... Garjte huye mahamahim bolne laga..... “Rijo pata nahi kaise, par koi humare bahut karib aa gaya hai. Tum aaj he sabse khatrnak tukdi ko taiyar karo aur jald se jald Malkia ke grah niklo. Wahan jakar sare mamle ko suljha kar aao"

wah wah wah bahut hi khubsorat writing thi

 

[nain11ster]

300 degree me jab khoon aur sharir tap raha tha to nandani ne use chhu kaise liya 100 degree me to pani bhanp ban jata hai aur aansh bhai sahab ne khoon ka semple bhi le liya

So taiyar ho jaeye ek mindless fantasy ke liye..... jo sachai se koson dur hai aur main apeksha karunga ki aap ise matr ek fantasy love story ki tarah padhe jisme facts ko takh par rakh kar kahani ko enjoy kare....

Kabhi kabhi pahle page par kuch pakau post jo writer likhte hain unme bahut si kaam ki baten hoti hai ... Now aap ke iss fact check ka reply ..

Agli baar jyada fact check kiye na to band baja dunga.... Dono ke riste ko gahrai ko dikhaya hai bus itna hi samjhne ka... 400⁰ aur 500⁰ par kya hota hai wo jakar science class me samjhne ka..

Pahli baar fact check tha isliye bacha samjh kar chhod raha

 

[Naina]

Update:-45​

Ek ghante me Nischal ke sharir se lagbhag uski jaan nikal chuki thi… dimag ke ander ab bhi wo Jivisha ko bachane ki nakam kosis kar raha tha... Aur uska sharir bahar kisi tarah apne pran bachane me juta hua tha… Tabhi uske sar par kafi tej bijli ka jhatka laga… pura sharir bijli ka kafi tej jhatka khaya aur Nischal ki aakhen khul gayi….


Idhar Nischal ki aakhen khuli, udhar Zoren grah ke Mahamhim ki bhi aakhen khul gayi..... Garjte huye mahamahim bolne laga..... “Rijo pata nahi kaise, par koi humare bahut karib aa gaya hai. Tum aaj he sabse khatrnak tukdi ko taiyar karo aur jald se jald Malkia ke grah niklo. Wahan jakar sare mamle ko suljha kar aao"


Nischal ki jab aakhen khuli usme itni jaan baki nahi thi ki wo uth kar khada bhi ho paye. Badi mushkil se khisakte huye wo apne sath laye tharmus ke pass pahuncha aur bebasi ke haalat mein kisi tarah pani pikar, niche he apni bahen failakar let gaya. Thode samay baad jab uska sharir recover hua tab usne bache huye 2 tharmus ka pani bhi pi gaya…


Lambi lambi shwans lete Nischal, ander kafi der tak baitha raha. Sharir ki urja jab Nischal ne wapas sameta, fir wahan ke darwaje ka seal kholkar darwaje ke pass ikattha logon ke sar ke upar se aise hawa bankar nikla mano koi tej jhonka wahan se gujra ho… staffs, security aur doctors jab uss hall ko khali paye to sabhi dang the aur sabhi log apne apne hisab se theory bana rahe the, jisme Sapna ke bhoot ke hone ki theory kuch jyada he jor pakad rahi thi…

kisi insaan ko pata toh nahi chala par kya sach mein... udhar kya cctv toh honge hi..
Khair... sabse badi baat woh joh sample le gaya tha ansh... shayad jald hi parda fash hone wala hai ansh samne.. dar is baat ki, ki woh kisiko bata na de...

Nischal teji ke sath bahar nikla aur kuch der tak sochne ke baad wo wapas flat na lautkar, sidha ussi disco mein gaya jahan pahli baar wo sawalker ke sath party ke liye gaya tha.. Lagbhag 20-25 peg jaldi-jaldi khinchne ke baad, Nischal ne ander se tej dakar mari aur apne dagmagate kadam ke sath bahar nikal hi raha tha ki wahan ek bar tender ne Nischal ko rok kar usse paise mangne laga…


Ab bechare ke pass paise ho to na wo de… thodi si bahasbaji ke baad Nischal ne sawalker ko phone laga diya… Sawalker ne jaise hi phone pick kiya nischal ne phone sidha bar ke manager ko thamate huye… "suno tum.. ye hain mere bade bhaiya… inse paise mang lo"


Sawalker se thodi der baat chit ke baad, jab sawalker ne bill pucha aur jawab me 15000 rupye sune, tab bechara Sawalker behosh hote-hote bacha… Bhagte huye wo disco pahuncha... Kisi tarah manage karke usne 2 khambe (2 bottol sharab) ka theka rate se bill pay kiya aur Nischal ko apne gadi me load karwaya…


Sawalker:- sun chhote tu to aise me barbaad kar dega mujhe. Dekh bhai apne thane me pura stock aate rahta hai, tu aaram se bata diya kar kab pina hai, main tere liye ek se ek mahnge khambe bhijwa diya karunga.. lekin tu ye mahngi jagah mat aaya kar yaar.. aadhi salary to sala ek raat ke pine me ghus jayegi…


Nischal:- chup ekdum… pakao na mujhe bade bhaiya… ghar chalo bhabhi ke hath ka khana khaunga..


Sawalker:- kya ???


Nischal:- itna chaunk kahe rahe ho bhau… chalo bhabhi ke pass, unke hath ka bana khana khana hai…


Sawalker apna sir pit'te huye Ghorpade se ghar chalne ke liye bola. Nischal ke sath uski himmat nahi hui darwaje tak jane ki, isliye Nischal ko aage badhakar, Sawalker apne jeep sahit chhip gaya…


2 baar jaldi jaldi bell bajane ke karan Jyoti gusse me darwaja kholi aur samne Nischal ko dekhti hui… "Kya badtamiji hai Nischal, aise kaun bell bajata hai"..


Nischal, Jyoti ke dono gal khinchte… "Ae bhabhi aap gusse me kafi cute lagti hai"… Sawalker jo piche chhipkar sara tamasha dekh raha tha, Nischal ki harkat ko dekhkar… "Ye aaj meri hi markar jane wala hai".. aur idhar jaise hi Nischal, Jyoti ke karib pahunchkar gal khincha, uske muh se itni tej badbu aayi ki jyoti apne naak par hath rakhti…. "Tu ander aa pahle".. fir Jyoti jor se chinkhti hui kahne lagi... "2 min ke ander tum bhi aao ghar me, warna main thane pahunch rahi hun"


Ghorpade:- Saheb madam to aapse badi jasoos nikli.. jao saheb uss ke chakkar mein aaj aapki solid lagne wali hai..


Sawalker:- Ghorpade tu janta kal main ek baba ji ke satsang me gaya tha aur wahan baba ji ne mujhe bahut si gyan ki baat sikhayi…


Ghorpade:- Haw saheb…


Sawalker:- Kal na baba ji ki ek solid baad mere dimag me ab bhi ghum rahi hai…


Ghorpade:- kaun si baat saheb…


Sawalker:- Tu beta abhi samjh jayega… ek kaam kar ye jeep thane le ja aur Solanki ko bhej dena…


Ghorpade:- Lekin saheb baba ji aap ko aisa kyon karne kahenge..


Sawalker:- Wo isliye kyonki guruji ka manna hai ki bahut dino se ghorpade bhau ne night duty nahi kiya, isliye Solanki ki night duty off kar ke uski jagah main teri duty laga raha hun… wo bhi mere agle aadesh tak..


Ghorpade aaschrya se apni aakhen fade…. "Lekin saheb wo to kunwara hai aur main bal bache wala"..


Sawalker:- wo to main janta hun re ghorpade, lekin tune kuch sikha ki nahi abhi…


Ghorpade, apna chhota sa muh banaye… "Haw saheb, jitni jaroorat ho utna hi muh kholna chahiye aur khaskar apne senior ke samne"..


Sawalker:- warna kya hoga..


Ghorpade:- watt lagli dada…

bechara ghorpade... yaar har baar yahin kyun hota hai... us din bhi ishe gaadi se Utar diya... aaj bechare ko night duty de diya... aur ishe bhi kya ho jata hai.. galat samay par hi ye muh kholta hai..

Ghorpade thane nikla aur Sawalker darte huye ghar me ghusa… ander aakar dekha to Nischal khane par toot chuka tha aur kha bhi aise raha tha mano janmo ka bhukha hai.. "bhabhi aap bahut sweet khana pakati ho, aap ki chhoti bahan nahi dikh rahi... Bhaw hum dono ke lagan ki baat karne wale hain"..


Jyoti, samne khade Sawalker ko jaise hi ghuri…. "Are Jyoti ye piye me aise hi bakwas kar raha hai"…


Jyoti:- Main khun jalati rahungi aur aap ki harkaten band nahi hogi… Dundh liye apne hi jaise piyyakad ko Amla ke liye… maro iske sath, main ja rahi hun apne mayke…. aur khabardar jo mere piche aaye..


Sawalker:- Sun to Jyoti…


Jyoti:- Ek shabd bhi kaha na to mujh se bura koi na hoga… kaise police wale ho sharm jara bhi aati hai ki nahi…. Dono piyakkad. Chhi…


Nischal:- Bhabhi aap ko main chhod dun.. wahan aap mujhe apni chhoti bahan se bhi milwa dena… hum dono ek dusre ko jaan lenge..


Sawalker ko mano aisa lag raha tha jaise wo 2 chakki ke bich me pis raha ho… "Thodi der aur ye ruka to pakka mera ghar tudwa kar rahega"… kisi tarah usne Nischal ko hi samjha kar wahan se nikala, jabtak Solanki bhi jeep lekar pahunch chuka tha…


Sawalker usse sath bithate huye Nandni ke flat tak jeep lene bol diya, lekin Nischal garajte huye kahne laga…. "Bade bhaiya mujhe abhi apne sasural jana hai"..


Sawalker:- sala kaun si manhoos ghadi me tujhse main takra gaya tha... O bawra, iss waqt tu Jyoti ki bahan se milna chahta hai…


Nischal:- Dhat tere ki, main apne sasural ki baat kar raha bade bhaiya… baki aap ko to maine saza diya tha aaj din ke aapke badbole pan ka… aur do apni rai..


Sawalker:- Tu kisi din mazak ki baton par mera talak na karwa de… chal bhai Solanki sir ko unke sasural drop kar de…


Jeep Jivisha me ghar ke pass ruki aur Nischal choron ki tarah boundry kud kar dakhil hua… "Solanki chal yahan se wrna ghar me talak aur yahan par naukri jane ka khatra badh jayega"… Sawalker wahan se jeep ko bhaga diya aur idhar Nischal pipe ke sahare se upar chadha aur patli si railing par khade hokar Jivisha ki khidki par knock karne laga..

jab hajam hi nahi kar pate toh pite hi kyun hai.. ab dekho iske chakkar mein bichara bade bhaiya bhi fansh gaye...yaar sab kuch bak diya
Bhabhi jyoti chali mayke..
Yeh devar nischal pahuncha apne sasural
Achha hua jo sawalkar waha se nikal liye..

Jivisha aur Kasak dono bistar par tik kar movie dekh rahi thi. Khidki par knock hone se dono ne light jalakar jab khidki par najar dali… "Ye pagal ho gaya hai Kasak, aaj mere hathon se pitega"..


Kasak:- Aur kitna pitegi bechare ko, subah hi to dakka di thi..


Jivisha, Kasak ki baat par ghurti hui usse dekhti khidki ke ore badh gayi aur idhar Kasak hansti hui kahne lagi…. "Samjhna main hun hi nahi yahan darling lage raho dono"..


Kasak ki baat jab Nischal ke kano me pari tab wo khidki ke bahar se hi chumte huye Kasak ko thanks kahne laga…. Aur Jivisha ko laga ki Nischal uske ore chumma fenk raha… "tum pakka pagal ho Jungli"… jhatke ke sath Jivisha khidki kholti hui apni baat kahi.. aur khidki itne jhatke me kholi ki bechara Nischal balance nahi bana paya aur dhammn ki ek tej awaz…


Kasak bhag kar khidki ke pass aayi… Jivisha usse niche girte khidki se jhank rahi thi aur Nischal apna kamar pakde niche lete huye upar jor se kahne laga… "Tum thik to ho Jisa.. tumhe kahin chot to nahi lagi"…


"Fir se tune dhakka de diya… bechare ko maar hi degi kya".. Jivisha ke sath Kasak bhi niche dekhti hui kahne lagi…

Jivisha Kasak ki baat ko darkinar karti, Nischal ko dekhne niche dauri. Hall me kuch log baithe the, jo Jivisha ko aise bhagte dekh chaunk gaye .. aur wo bhi Jivisha ke piche bhage aur sablog Nischal ko dekh kar diwal ke kone se lag kar chhip gaye.


"Kyon tum aisa kar rahe ho Nischal, kyon padeshan karte rahte ho mujhe"… Jivisha apne hath badhati hui kahne lagi..


Nischal khud se hi khada hote.… "Jivisha tumhe dekhne ka man kiya to aisi harkaten kar baitha… ufff kya lagti ho tum, tumhe dekhne ki bahut hi tiwr ikchha ho rahi thi"..


Jivisha:- Pagal kahin ke, Mammi Papa ne to tumse mafi mang liya tha.. darwaje se aa jate.. had hai Nischal. Hamesa mujhe guilt feel karwate ho..


Nischal:- Tum bahut pyari lag rahi ho Jivisha..


Jivisha:- Yakkkk .. tumne sharab pi hai…


Nischal:- Muh to aise bana rahi jaise khud kabhi sharab pi hi na ho… badmash kahin ki..


Jivisha:- Bus bus… mujhe sikhane ki jaroorat nahi hai… mujhe dekhne ki ikchha ho rahi thi, aur tumne dekh bhi liya ab jao…


Nischal:- Thik hai bye… good night..


Bye bolkar jaise hi Nischal palta, Jivisha usse jate dekh hansti hui..… "Thik hai jao, subah college me milte hain"..


Nischal:- Ek minute, ek minute, ek minute…


Jivisha:- Ab kya hai…


Nischal:- Main kuch aur bhi soch kar aaya tha…


Jivisha:- Kya soch kar aaye the…


Nischal:- Had hai, mujhe yaad hota to tumse thode na puchhta… wahi to yaad nahi aa raha..


Jivisha, usse kandhe se pakad kar, gate ke ore modti hui… "thik hai jab yaad aa jaye tab aa jana, nahi to apne bhrm ko bhej dena… ab jao lekin"..


Nischal:- Stop, tum mujhe dhakel kar bhaga rahi ho kya? Ye to bejjati hai yaar.


Jivisha apne chehre par banawati hansi lati… "Sir to kya aap ke liye main palki mangwaun… pagla… jao bhi ab, kahi to kal milte hain College me..

aha.. idhar bhi ek naya drama..yeh toh khule aam propose kar raha hai jivu ko gana gake yeh kya... yeh jivu ke gharwale bhi dekh ke maje le rahe.... matlab inhe koi problem nahi in dono k rishte ko leke....
chalo achha hai....
Khair let's see what happens next
Brilliant update with awesome writing skill

 

[Naina]

300 degree me jab khoon aur sharir tap raha tha to nandani ne use chhu kaise liya 100 degree me to pani bhanp ban jata hai aur aansh bhai sahab ne khoon ka semple bhi le liya

joh bhi ho.... nischal kam se kam us ajay se lakh guna behtar hai..
Nischal insaan na hoke bhi insaaniyat dikhata hai... aur woh ajay insaaniyat ke sath sath mariyada ko bhi potli mein bandhke dariya mein baha diya.... are is story ke josefer bhi achha hi hai us hawasi ajay se...

 

[Naina]

Update:-46…​

Nischal:- haan yaad aa gaya..


Jivisha:- Kya ?


Nischal ne Jivisha ka hath pakad kar usse thoda bich me khada kiya aur Jivisha ke charo ore ghum-ghum kar, main jatt Yamla pagla deewana gaate huye, bilkul dharm paji jaise step karta, wo Jivisha ke charo ore chakkar kat-kat kar nachne laga… Jivisha uski iss harkat par samne se to nahi hasi, lekin jab bhi wo uske piche jata.. Jivisha jor-jor se hansne lagti….


Tabhi Jivisha ko aisa laga jaise piche aur bhi log hans rahe hain…. Aur jaise hi Jivisha palti pura khandan kuch dur piche khada hokar, dono ko dekhkar hans raha tha... Jivisha nischal ka hath pakadte… "ruko… rukoo".. karne lagi.. lekin kahe rukne naam le wo.. lagatar gaate aur nachte charo ore chakkar lagaye ja raha tha...


Pass hi pade ek dande ko utha kar Jivisha uske pith par marti hui usse ghurne lagi… Nischal danda khakar apni jagah par ruka aur Jivisha ki ghurti najron ko dekhkar uske gal ko khinchte huye kahne laga…. "Ae cutie .. tum dande se kya goli bomb se mar do... Ye jaan hajir hai tumhare liye, anytime"..


Jivisha ander se hansti hui aur upar se apni bhawna ko dabati hui apna hath sar par rakhkar kahne lagi… "Pure ghar ke samne karwa di na beejati… tab se kah rahi thi jao.. lekin tumhe to Dharmendr banna tha na… aur itne purane gane par kaun nachta hai"..


Nischal ne aankh utha kar ek baar sabko dekha fir chhota sa muh banakar jate-jate kahne laga…. "Ye tumhare gharwale hain ya chandal, jab dekho tab banti baat ke bich aa jate hain.


Jivisha ghurti hui… Kya kaha tumne haan…


Nischal:- Good night kaha maine .. jao so jao… aur show khatm ho gaya hai.. aap sab bhi jao so jao… kabab me haddi...


Uski ye baat sabne suni… Nichal ruthkar iss kadar gusse ka izhar karte gaya ki har koi sunkar hansne laga… Nischal ke jate hi har koi wapas hall me laut aaya kewal Jivisha ko chhod kar... Wo ab bhi wahin khadi Nischal ke bare me sochkar muskura rahi thi... Aur usi ke khayalon me khoyi wo ghar ke ander chal di…


Jaise hi wo hall me pahunchi, Chirag turant uska haath pakad kar bich hall me khada karte huye… "Didi ek minute ruk jao yahin"…. "Betu yahan sab sakki log hain… kisi se dosti bhi ho to galat matlab hi nikalte rahenge.. chal yahan se".. Jivisha apne pariwar ko tane deti hui kahne lagi…


Jivisha abhi kah kar shant khadi hi hui thi ki Chirag bhi Nischal ki tarah hi ghum-ghum kar "Yamla pagla deewana" gane laga… usse dekh pahle Kasak kud aayi Chirag ke sath aur fir dekhte-dekhte bhaiya, bhabhi sab Jivisha ko gher kar, gol-gol ghumte huye Yamla pagla deewana gane gate huye nachne lage.…

waise Sharab bhi Kamal ki cheej hi hai.. chuhe ko bhi sher bana de.. bina Sharab piye shayad hi yeh sab karta nischal.. ab dekho Sharab ki jod par jivu ke gharwalo ko bhi directly ek tarah se kabbab mein haddi hi bol raha hai..
Yeh Toh sidhe sidhe rishta tai karne wali baat ho gayi...
hmm.. abhi joh ho raha hai usse toh ek baat toh tai hai ki jivu ke gharwale bhi as a Damad maan liya hai nischal ko..

Idhar Nischal Jivisha ke ghar se nikal kar sidha apne thikane ke ore rawana ho gaya… Nischal jaise hi flat ke ander kadam rakha… Iss waqt Ansh aur Nandni hall me aamne-samne baithe, bina palken jhapkaye ek dusre ko dekhte huye, ek dusre ko ice-cream khila rahe the.


Dono iss kadar khoye huye the ki, Nischal ko aaye 5 min ho gaya tha par kisi ne dhyan nahi diya. Yahan tak ki Nischal ne ek do baar hello bhi kaha, lekin sunta kaun hai.


Anth me Nischal ne un dono ke bich apna sir dal kar kahne laga..... "Ek dusre ko bahut khila chuke, ab 2/4 chamach mujhe bhi ice-cream khila do".


Nandni usse iss kadar ghuri jaise wo ice-cream ki jagah Nischal ko he kha jayegi. Ansh apna gussa dikhate kahne laga.... "Tum me jarra bhi manners nahi hai na, kyon hamesa hume padesan karte rahte ho. Achhe khase mood ki maa-bahan ek kar diya”.


Nischal..... Hooo Dr sahab maine to socha tha aap bahut sabhya honge, par aap bhi aise shabdon ka prayog karte hain.


Ansh.... Main kya dusre grah se aaya hun, jo mujhe aise bhasha me baat karni nahi aati. Padhai ke waqt kewal padhai he nahi kiya hai, samjhe tum.


Nischal, Nandni ko aankh marte kahne laga…. "Doctor sahab apna knowledge update kar lo, dusre grah wale bhi iss se kharnak shabdon ka proyog kar sakte hain .. wo to aap aur hum unke bare me nahi jante isliye aisa bol jate hain…


Nandni jo ab tak khamosh gusse ka ghunt pi rahi thi, wo khud me gussa bharne lagi … dayen-bayen dekh kuch sochi aur ek wire ka sira plug on karke board se jod di aur matr ansh ko dikhane ke liye pichhe se tar ka dusra sira le jate dikhayi… jab tak Ansh nahi-nahi karta tab-tak Nandni pure gusse me usse touch kar di… achanak se laga ye jhatka… wo bhi itna tej…


Nischal bijli ke jhatke se dur jakar kanch ke ek table se takraya aur kanch tootne ki chhan-chhan ki awaz aani shuru ho gayi… Nischal kamar pakad kar khada hua aur gusse me badhte huye Nandni ke baal pakad kar usse jor jor ke khinchte huye kahne laga…. "Pagal kahin ki maar dalti mujhe. Sala aaj subah se tum dono pagal saheliyan mujhe jhatke par jhatke diye ja rahi ho"…


Nandni fir se gusse me usse touch karti.. iss baar lekin bardast karne wala touch ki aur Nischal halka-halka jhatka mehsus karne laga... Jhatke khakar jab wo Nandni se alag hua, kuch baal toot kar uske hath me aa agye the... Aur Nandni koi bhutni se kam nahi lag rahi thi…


Nischal, Nandni se alag hote kahne laga.… "Apna ropa ped hi bhutha nikal gaya… sala main hi gadha hun"..


Nandni apne baal samet kar upar ki. Uske shwans tej chal rahe the... Aur wo gusse me puchhne lagi… "abhi jo bola uska matlab bata nahi to bahut marungi"..


Nischak:- war zone nahi banana hai … kahne ka matlab ki jis ped ko yah soch kar ropa tha ki fal lagenge wahan par bhuton aur chudail ka kabja ho gaya hai..


"dialogue baji haan"… aur ye udta hua kanch ka glass sidha Ansh ke sine par laga…. "Tum dono pakke wala pagal ho… aapas me jhagro na.. tum dono ka har baar nishana main hi kyon hota hun".... Doctor sahab apni baat kahke bhannate huye sidhe apne kamre me chale gaye aur uska gussa dekhkar dono jor-jor se hanste huye kahne lage… "free ke show ka aise hi maza milta hai"..


Dono kuch der sofe par baithkar abhi huye jhagre ke bare me soch-soch kar hans rahe the... "Ek baat bata itne kamal ke jhatke, wo bhi kuch hi ghanton me kaise sikha tune. Complete balance ka itna shandar namuna"..


Nandni:- teri hi sikhayi trick to thi… pahla jhatka un darinde alian ke bare me soch kar… jisne wo ladki Sapna par apni haiwaniyat dikhaya tha... Jo Jivisha ke piche pada hai.. jo tumhe padesan kar raha hai… aur sala na jane kaun-kaun vesh me ghumta hai… ussi ko yaad karke tujhe pahla jhatke di aur kaam kar gaya…. Dusra jo normal jhatka tujhe laga, wo kutte-kamine jaise gali wale gusse tujh par asar karta isliye maa-bahan ki gali wali gusse ke sath tere liye normal wala jhatka….


Nischal:- kamini kahin ki, meri-maa bahan ko ghasit rahi.. gandi ladki...


Nandni:- Ullu waisi gandi gali dungi kya unhe.. tu pakka satak gaya hai… bus aise thode mazak wala maa-bahan ki galiyan.. .


Nischal:- chhi gandi… yahan baith kar clarification de rahi.. chi chi .. ..


Nandni:- sorry baba.. dekh tere dono kaan pakadti hun .. sorry..


Nischal:- Chal chal nautanki… jane de ye sab… chal ab good night, main ja raha hun sone.. kal subah college bhi jana hai.. tera kya hai tu to apne upar ki tijori me chit le jakar pass ho jayegi .. koi sala check bhi nahi kar sakta wahan.. mujhe to pass hone ke liye padhna padta hai na…


Nandni:- Pagal kahin ka, kuch bhi bolta hai… chhod ye sab abhi kaisa hai aur kaam kuch hua ki nahi..


Nischal:- Acha hun, fit hun aur sabhi kaam, bina kisi taklif ke ho bhi gaye.. Ab bus kuch logon ko uski darandgi ki saza deni hai…


Nandni:- Meri ek chhoti si khwaish hai, puri karega kya?


Nischal:- Baat kya hai Nandu, kisi ne padesan kiya hai kya?


Nandni:- Haan un haiwano ne jisne bhi uss ladki Sapna ke sath ye sab kiya… .Main chahti hun ki wo log bhi wahi dard jhele jo uss bechari ladki ne jhela hai… koi raham nahi karna.


Nischal:- Nandu fikr mat kar … unka marna dekhkar un jaise jitne bhi unke log honge … un sab ki ruh kanp jayegi… Main ab sone ja raha hun … kal uthana mat.. na hi college aur na hi khane ke liye… yadi main ek gahri nind nahi lunga to aage koi kaam nahi ho payega...


Nandni:- Thik hai tu aaram kar, aur haan main hall me hi soungi.. kisi chij ki jaroorat ho to awaz laga lena…


Nischal pyar se uske gaal ko thap-thapa kar usse thanks kaha aur sone chala aaya… bistar jaise uska pahle se intzar kar raha ho… kuch hi pal baad Nischal bahut hi gahri nind me ja chuka tha…



Agli subah.... college time...



Sab aam dino ki he tarah, Kasak aur Jivisha ek sath, magar aaj Nandni akele college aayi thi. Jivisha jab Nischal ko nahi dekhi to.... “Kya hua Nandu, aaj Nischal college kyon nahi aaya”.


Nandni..... Chot jyada aayi thi isliye wo aaj college nahi aaya...


“Ohhhh” kahti hui Jivisha apne balon ke laton ko aage se pichhe lene lagi, itne me Kasak usse kewhni marti hui kahne lagi.... “Kya baat hai Jivi, aaj kal badi-khoj khabad li ja rahi hai, baat kya hai”.


Jivisha.... Tum dono ke chehre sab kuch bayan kar rahe hain, mujhe tumhari baton ka koi jawab he nahi dena.


Nandni.... Aay haye, jarra dekh to chhori ko, sharmate huye kitni pyari lag rahi hai.


Itne me samne se Kunal hath hilate huye “hi” kahne laga. Iss par Kasak tippni karti kahne lagi.... “Sala yahan hume koi ek nahi milta, aur iss ke pass options ke line khule hain, dekh Nandu iss ka ek aur aashiq hath dikhane laga hai”.



Nandni.... Lekin dono becharon ko kya pata, isse to koi teesra he le jayega. Jivisha ka sacha aashiq Shresh, jisne kasam khayi hai ki wo Jivisha ke sapno ka rajkumar ban kar rahega.


Jivisha..... Very funny, thakti nahi na dono itna bak-bak kar ke. Please band karo ye sab, warna main yahan se chali jaungi.


Kasak..... Tere 2 aashiq, Nischal aur Shresh to hai nahi yahan, to kya apne iss nawele aashiq ke sath jayegi.


Jivisha ab kya defend kare, aur kahan tak defend kare. Wo bhi dono ki baat par hasti hui kahne lagi.... “I am a lucky girl, jiske pass 3 aashiq hain, jinhe main bhaw tak nahi deti. Ab rahi baat iss majnu ki to chalo chalte hain, iss aashiq ka janaja jarra dhum se nikalenge....


Kasak aur Nandni dono ek sath.... “Kya humne sach suna, ya hum dono ko koi waham hua hai”.


Jivisha...... Meri ek badi galti kya gharwalon ke pass pakdi gayi, main kya ab maze bhi nahi le sakti....


Kasak aur Nandni dono ek sath, Jivisha ka aviwadan karti, sar jhuka kar hath hilati kahne lagi...... “Welcome back Jivi, kisne kaha tum maze nahi le sakti, ulta jab ye paglon ki tarah shant rahti ho to bura lagta tha. Dil se swagat”.....



“To fir ho jaye”........ “Haan ho he jaye”......

Yaar yeh galat baat hai.. dono ko ladna jhagdna hai toh lade jhagde bechare ansh ko kyun baar baar bich mein ghasitte hai yeh log
nandu bhi ab powerful ban gayi hai aur nischal ka to kya kahne.. par ansh ab bhi ek aam insaan hi hai na.. yeh baat kyun bhool jaate hai yeh log... ..
shayad itna sab kuch hone ke baad nischal ko ek achhi nind ki jarurat hai hi..
yaar ab is jivu ko kya problem hai
jab raat ko hi sab clear ho gaya tha toh ab is kunal ke paas jane ki ya usse baat badhane ki kya jarurat... jab ki jivu ke gharwale ko bhi nischal aur jivu ke rishte ko leke koi problem nahi hai...
damn it.. yeh nandu aur kasak bhi ushe uksha rahi hai..

Khair let's see what happens next
Brilliant update with awesome writing skill nainu ji

 

[Black water]

Fabulous update bhai

 

[krish1152]

Mast update lagta hai ab apini ki watt lagne wali hai