NawTDoggy
नटखट शरारती कुत्ता
- 233
- 828
- 109
Kya writer bhai ?!!Update-22
Ab tak...
Mann ko shaanti deni thi usko thodi derr ke liye.
Isliye usne ek baar aur force se tanisha ko bina kuch kahe hataane ka prayatn kiya aur haath hata diya aur aage badha gate ki taraf.
Ki firse tanisha ne usse pakad liya aur gate ke saamne apne haath khol ke khadi ho gayi. Jese rahul ko jaane se rok rahi ho...
Tanisha ne rote rote kaha...
"Tumhe sunn na hai na sach? Sunn na hai na?? Tum wese bhi nahi maanoge hai na? Pareshaan karne me mazaa aata hai na tumhe apni tanisha ko?? Toh suno..."
Ab aage...
Iss baar rahul ke kadam wahi tham gaye. Usne iss baar tanisha ki baat ko gaur kiya aur uski aankho me jhaankne laga sach jaan ne ke liye.
Uska dhyaan chand second ke liye ateet pe chala gaya tanisha ka rota hua chehra dekh ke, wo pal, wo lamha, wo manzar jab wo tanisha se pehli baar mila tha. Uss ek din kya kuch nahi hua tha rahul ki zindagi me aur ant me uski tanisha se mulaqaat hui...
FLASHBACK...
Baat tab ki hai jab rahul 11th standard me tha, yaani aaj se lagbhag 5 saal pehle...
Raat ka samay tha, kareeb 11 baj rahe the. Halki halki thandi hawae chal rahi thi. Shaant mahaul...
Street lights...
Raaste pe chalti thodi boht gaadiya...
Ped ki pattiyo ki hilne ki harkat...
Chaand ki maddham roshni...
Haseen nazaara tha.
"Hah hah hah... Ha... Hah" haafte hue ek ladka dheere dheere apne shareer ko poori taakat se aage chalne ke liye majboor kar raha tha. Maathe se khoon beh raha tha.
Shirt pe khoon ke dhabbe...
Gaalo pe kharoche...
Hatheliyo me khoon...
Ast vyast haalat me wo bas aage ahishta ahista badha jaa raha tha.
"Haah..haah.." haafna band nahi ho raha tha...
Raaste me aage ek patla sa turn aaya...shayad waha ek gali thi...
Ladka chalta jaa raha tha aur achanak mod me mud gaya...
"Ouchhh...."
Ki tabhi wo kisi cheez se takraya..
Takraane se ladka neeche gir gaya, par saath me hi koi aur bhi gira.
Ye koi cheez nahi thi...
Ye toh koi shaks tha...
Aur wo bhi ek ladki upar se...
Ladke ne girne ke baad usse dekha tab pata chala usse.
Wo mudne ke baad uss se takra gaya tha aur bechaari ladki bhi gir gayi takraane se. Ladke ne pehle toh sirf yahi gaur kiya ki saamne jis se woh takraya wo ek ladki hai par jab usne dhyaan se dekha toh paaya ki wo ek behad hi khubsoorat ladki thi.
Lambe khule kaale baal, patla slim shareer, mastaani kamar, kaali kajariya nasheeli aankhein, gulaabi hoth jinko abhi wo daato tale dabai hui thi shayad takraane se halka dard hua...
Ladka usko dekh raha tha bas, kya saundarya tha.
Mann hi mann tareefo ke pul baandh raha tha woh.
Idhar ladki ne jab ladke ko dekha toh ekdum stabdh reh gayi. Kyu na hoegi? Khoon se sana hua tha wo.
"Ye... Ye khoon?? Ye khoon kese? Kya hua tumhe??" Chintit swar me ladki ne kaha...
Chintit awaaz me bhi kitni madhur thi uski awaaz. Ladke ki tandra bhang hui aur usne badle me jawab diya...
"Huh!? Ji...jii..wohh..wo.. wo thodi maar peet me..."
Uske aise jawaab se ladki thodi jhijki. Kyuki raat ka samay tha, aas paas zyada log bhi nahi the. Upar se khoon se sana ladka aur maar peet ka case...
"Ye...ye dikhne me toh shareef lag raha hai, kapde bhi acche hai iske par khoon se sane hai, yadi ye sabhya ladka hai toh maar peet kese???... Kya mujhe madad karni chahiye!? Ya nikal lu yaha se? Kahi isne mere saath ched chaad ki toh? Par ye zakhmi bhi hai aur umr me chota lag raha hai... Ek zakhmi ki madad karna koi galat baat nahi hai, I think mujhe madad karni chahiye." Ladki ne socha.
"Tumko...tumko toh boht chot aayi hai, tum chalo mere saath idhar pe aao" ladki ne paas me hi ek bench ki taraf muh karke ishaara karke kaha.
Bina kuch kahe ladka waha se uthne ke liye hua toh ladki paas me aayi uski baazu ko pakad ke khada kiya.
Kya khusbhu thi...
Jo uske shareer aur khule baalo se aa rahi thi.
Naram haatho ka komal sparsh.
Ladka mantramugdh sa khicha chala gaya bas.
Bench pe ladke ko baitha ke ladki ne apna backpack khola jo woh peeche taangi hui thi bada sa.
Usme se usne ek first aid kit nikaali, kit se savlon aur cotton nikala.
Cotton aur savlon ki sahaaeta se wo uska khoon saaf karne lagi. Haatho me fir gaalo pe aur fir maathe me karne ke liye wo uske ekdum kareeb ho gayi. Ladki ki saase ladke ke chehre pe padd rahi thi. Uski garam saasein ladke ko jala rahi thi. Pighla ke rakh diya tha uss garmahat ne uss ke dil ko.
Yaha wo zakhm pe dhyaan de rahi thi toh wahi ladka zakhm bhool ke uske chehre ko kareeb se nihaar raha tha. Ab ladke ke chehre pe laali aane lagi thi. Ladki ki sundarta ne usse sharmaane pe majboor jo kar diya tha.
Fir ant me usne pattiya baandhi aur kit wapas backpack me rakh li. Zakhm gehre nahi the bas kayi kayi jagah the jiske kaaran khoon nikla aur shirt bhi sann gayi khoon se.
"Ye lo... Mene first aid kar dii hai" ladki ne uske bagal se baithte hue kaha.
"Jii boht boht shukriya... Aur sorry, wo..wo mein bina dekhe ekdum se mud gaya." Ladke ne kaha.
"Ni...galti meri bhi thi. Mein toh zakhmi bhi nhi hu fir bhi dhyaan nahi diya. Wese... Tum ye maar peet me kese? Dikhne me toh shareef ghar ke lagte ho..." Ladki boli.
"Jii...jii.. woh.. lambi kahani hai miss"
"Ohhh!! Bura na maano toh kya bata sakte ho? Yadi bataane layak ho toh?"
Fir ladka usse kuch ghante ke pehle ki vardaat apni zubaani me bataata hai.
"Ohh my god!! Ye...ye toh boht hi pechida maamla hai. Par tumne poori baat nahi batayi. Aur.. wese tumhara naam? " Ladki ne kaha.
"Jii..mein.. mein rahul.. rahul mishra aur aap?" rahul ne jawab diya.
"Mein tanisha... Tanisha verma"
R : nice name...
T : toh!?? Dekhne me toh tum highschool ke lagte ho.
R : ji hn.. abhi 11th me aaya hu. Aap yaha itni raat ko? Kho toh nahi gayi na?
T : abhi abhi toh iss sheher me aayi hu, bas jaha rasta dikh raha hai badhti jaa rahi hu.
Tanisha ki iss baat ne rahul ko chaunka diya.
R : ky..kya matlab?
T : matlab ki mein iss sheher me nayi hu, mujhe koi raasta nahi pata.
R : arre toh aise raat ko kyu bhatak rahi ho? I mean... Aapka ghar kaha hai? Aap yaha kis liye aayi ho?
T (dheemi awaaz me ) : wo ghar ab mera kaha hai?
R : huh!? Aap.. aapne kuch kaha?
T : huh? Na na.. kuch nahi. Mera koi thikaana nahi hai. Bas chalti jaa rahi hu.
R : ye aap kya bol rahi ho? I mean aapke mom dad? Aapka parivar kidhar hai? Aur yaha aap aayi ho toh koi reason toh hoga hi...
T : mere jo hai bhi.. wo mujhe apna nahi maante. Yaha aane ka mera koi reason nahi hai. Yaha pe mera koi nahi hai. Bas mein akeli hu...
Train yaha ruki toh bas mann kiya aur utar gayi iss sheher me.
Bolte bolte uski aankhe nam ho gayi.
Rahul firse chaunka. Ek behad khubsurat ladki, akeli ek naye anjaan sheher me itni raat me chali jaa rahi thi. Kya majboori ho sakti hai uski?
R : sabse pehle toh mein ek baar aur sorry bolta hu ki aapse takra gaya. Par takraane se aap se mulaqaat hui uss baat ki khushi bhi hai. Aap ek boht hi khubsoorat aur meherbaan ladki ho. Aur shayad aap kisi wajah se apni majboori nahi bata paa rahi hai ya bataana nahi chaahti. Shayad koi badi baat hai, mujhe pata hai... Mein samajhta hu... Koi baat nahi, par abhi mein jo kahunga wo aap please kariyega...
T : huh!?
Tanisha ko ek baar darr sa lagta hai. Kya karne bol raha tha rahul?
R : pehle mujhe khud ko acche se introduce karaane dijiye. Mein rahul mishra hu, 11th standard me hu. Mere ghar me mom dad aur meri ek behan neha hai. Dad bank me govt. job pe hai aur mom ek housewife hai. Meri behan abhi 8th standard me gayi hai. Ye tha mera intro, ye dena isliye zaroori tha taaki aap mujhe koi era gera na samjhe aur aap nishchint rahe. Mein ek sabhya middle class family ko belong karta hu. Ab jaha tak mujhe pata hai aapke paas koi thikaana nahi hai aur aapne meri itni madad ki toh ab zara mujhe bhi aapki khidmat karne ka mauqa dijiye.
T : ma..matlab?
Rahul ne smile kiya aur phone nikaal ke kisi ko call kiya aur fir call cut karne ke baad usne tanisha ka haath pakad ke uthaya aur chalne ko kaha.
T : ka..kaha le jaa rahe ho mujhe? Dekho... Koi galat kaam toh nahi kar rahe na? Mene tumhaari madad ki hai dekho...
Tanisha ghabra gayi thi. Koi bhi ladki hoti toh shayad wo bhi ghabra jaati.
Rahul ke baare me wo abhi jaanti hi kya thi? Bas thodi si baatein...
R : ghabraiye mat tanisha jii. Mere pehchaan ka ek mitr hai, uska flat hai yahi paas me hi, full furnished hai. Aap aaj se wahi thehrengi.
Bilkul darrne ki zaroorat nahi hai. Aap mujhpar trust kijiye. Aapne mujhpar ehsaan kiya, please mujhe usse chukaane dijiye.
Paiso ki chinta mat kijiye. Jab tak mein nahi kehta wo aapse paisa nahi lega. Jab tak aap ke thikaane ka intezaam nahi ho jaata aap waha theher sakti ho. Flat me aur koi nahi rehta hai. Aap nishchint rahiye. Aise raat ko ghumna khatre se khaali nahi hai.
Rahul ki baatein sunn ke tanisha achambhit si khadi thi. Usse samajh nahi aa raha tha ki rahul sach me accha insaan hai ya meethi meethi baatein karke usse fassa raha hai!?
Par uska dil keh raha tha ki rahul ek saccha insaan hai. Dheere dheere wo rahul ke sath flat ki taraf badhi. Iss dauraan rahul boht baatein kar raha tha taaki tanisha ka mann behal sake, jabki tanisha sirf hn hu mein hi jawaab de rahi thi. Shayad abhi bhi uske andar darr tha. Par wo bag me pepper spray wagarah sab rakhi hui thi isliye wo rahul ke saath chal di, yadi kuch hua bhi toh spray usko bacha lega ye soch ke.
Thodi derr me society aa gayi, jaha halki fulki chehal pehal thi, raat ke samay log khaana peena kha ke tehelne nikalte the, ye nazaara dekh tanisha ko thoda relax feel hua...
Lift lagi hui thi jiski madad se wo dono second floor pe gaye, aur waha ek door ke saamne khade ho gaye jo locked tha.
"Bas miss... Mera friend aata hi hoga" rahul bola.
Thodi derr me uska friend aaya aur flat ka taala khol poora flat dikhaya jaha sab kuch tha. Poora furnished flat tha wo. Tanisha ko dekh ke yakeen hi ni ho raha tha ki wo yaha rukegi aur usse koi paise bhi nahi dene padenge.
"Ye lo rahul bhai flat ki key. Madam ko jabtak rukna hai rukk sakti hai, mein jab tak aap nahi kahenge koi charge nahi lunga inse. Aur inki safety ki chinta mat kijiye aap, ye society boht acchi hai, neeche guards bhi hai, aur pados me bhi log hai hi..." Rahul ke friend ne kaha.
"Miss! Iss se miliye... Ye hai yash, ye flat issi ka hai, I mean inke papa ka hai, wahi baat hai.
Aur yash inse milo, ye hai miss tanisha verma, meri mulaqaat inse abhi hui hai, aur inhone meri boht madad ki hai, isliye aaj se ye yahi pe rukengi." Rahul ne dono ko ek dusre se introduce karaate hua kaha.
Tanisha bhi badle me hello bolti hai aur fir yash key deke chala jaata hai.
R : "Haa toh miss! Aapke paas kya kya samaan hai? Yadi kuch abhi chahie ho toh bata dijiye mein le aaunga"
Tanisha ko abhi bhi yakeen nahi ho raha tha ki itna accha flat usse aise hi mil gaya rehne ke liye. Kahi iske peeche koi jhol toh nahi tha na? Usko abhi bhi shanka thi kahi na kahi ki baad me kuch lafda na ho...
T : nahi... Mere paas saara zaroori samaan hai.
Tanisha ne apna backpack nikaala aur usme se saara samaan baahr kar diya...
R : ye... Ye documents kese?
T : ye mere certificates aur graduation report cards wagarah hai.
Tanisha medical ki padhai kar rahi thi. Rahul ne documents dekh ke pata kar liya tha.
R (chaunkte hue) : ek...ek minute... Aap kahi..kahi ghar se bhaag ke toh nahi aayi na?
T : naa...
Rahul ne fir zyaada kuch puchna munaasib nahi samjha.
R : ohh..ohkk accha ye lijiye... Ye meri first aid karne ki fees.
Rahul ne 500 ka ek note nikaal ke tanisha ko diya.
Tanisha stabdh si kabhi rahul ko toh kabhi note ko dekh rahi thi.
T : tum paagal ho kya? Mene tumhaari first aid ki aur badle me tumne mujhe itna bada flat diya mujhe rukne ke liye, aur ab paise bhi de rahe ho?
R : miss dekhiye! First aid mein hospital me bhi karwaata toh wo log paise lete hi isliye please ye rakh lijiye.
T : accha? Aur mein ye flat rent pe leti toh woh bhi mujhse paise lete hi .... samjhe?
R : haha... Accha buraa mat maniyega.. par kya mein aapko tanisha dii keh ke pukaar sakta hu?
Tanisha ne jese hi rahul ke muh se dii suna uski aankho me aasu aa gaye. Badi badi aankho se wo rahul ko dekh rahi thi. Aur aasu bahe jaa rahe the. Achaanak kya hua? Tanisha rone kyu lagi? Kya baat hai? Aur yaha akele kya kar rahi hai?
.
.
.
.
.
Thanks guys! Aaj ke liye itna hi...
Keep supporting!
Do comment your views!!
Aur sabhi ko happy and safe diwali guys!
Enjoy kijiye khoob...
Itna accha likh kar ab humaari jaan loge ?
Aapki emotions aur expressions par itni acchi pakarh hai ki mazaa aa jaata hai updates parh kar.
Composition aur grammar to aapki bahut khoobsurat aur sateek hai.
Bahut aalaa darje ke lekhak lag rahe hain aap.
Ek baar phir dhanyawaad.