- 2,029
- 5,922
- 144
Last edited:
Incest Raaz - Andhere Ka Raja
- Thread starter coollog
- Start date
- 410,716
- 2,029
- 5,922
- 144
Readers toh review kucch de nahi rahe, "Nice update" likhke nikal le rahe, phir bhi jaldi update chahiye.Fantastic update and ese hi jaldi update diya karo keep it up
anyway, koshish apan ka wahi rehta hai jaldi Dene ka.
Last edited:
Tahirtahir111
Well-Known Member
- 5,424
- 9,389
- 188
Iron Man
Try and fail. But never give up trying
- 45,967
- 123,862
- 304
Shaandar updateUpdate 17 - The silence in the wind (1)
Previous...
Anita (chillate hue) : Kya sach jaanna hai aapko? Toh suniye! Iss haweli ke hawaon ne mere Babu ka sach barson se chhupa ke rakha hai. Aapko sach sunna hai na? Kshamta hai aap mein Sach sunane Ka??? Toh suniye! Mere Babu ko... *Pause* unko aur koi nahi-! balki unki khud ki maa, Jyoti didi ne... apne haathon se apne hi bete ki saanso ko cheen liya tha! *Sniff* JYOTI DIDI NE APNE HAATHON SE BABU KI JAAN LI THI!
*Silence*
Woh shabd kamre mein goonj gaye, jaise koi tez chaku dil mein utar gaya ho. Jo Sach sunane ke liye Purnima tap rahi thi vah Sach Uske samne khulate hi- Purnima ke kadam ladkhadaye. Uski aankhein badi-badi ho gayi. Usne apna muh band kiya, lekin awaaz nahi nikli. Phir woh zameen par baith gayi... nahi, gir gayi. Uske haath kaanp rahe the. Poora badan thanda pad gaya, jaise barf jam gayi ho. Aansu beh rahe the, lekin woh ro bhi nahi pa rahi thi, sirf haath se zameen pakad kar baithi rahi, jaise saans ruk gayi ho.
Anita bhi ro rahi thi, lekin ab uski awaaz dheemi ho chuki thi. Woh bas Purnima ko dekhti rahi, aur dono ke beech sirf sannata tha- bhari, gehra, dard bhara sannata.
Continue...
13 Feb - 5:40 PM.
Sham dheere-dheere apne gehre rang ghola rahi thi. Suraj ka aakhri tukda aasmaan ke kone mein sulag raha tha, jaise din bhi aaj jal kar rakh ho raha ho. Shamshan ghaat par hawa mein lakdi ke jalne ki tez gandh thi-
Chita ki laalteni roshni mein upar uthta dhuaan aasmaan mein ghul raha tha, jaise kisi ne yaadon ko aag laga di ho aur ab woh badal bankar hawa mein bikhar rahi ho. Unhi lapton ke beech, lakdiyon se dhaka hua tha Sanjay ji ka nishchal shareer.
Unke dharm ke anusaar, antim sanskaar mein shareer ko agni ko samarpit kiya jaata hai. Aur aaj woh farz nibha rahi thi Naina-
Naina chita ke saamne khadi thi. Haath mein mashaal. Mashaal ki laal peeli lau uske aansuon se bhige chehre par chamak rahi thi. Uski ungliyan kaanp rahi thi, lekin pakad mazboot thi.
Sanjay ji ka koi beta nahi tha… isliye aaj ek beti ne hi aajmukhagni di.
Jab usne mashaal lakdiyon ko chhuayi, ek pal ke liye hawa tez chal uthi. Aag ne jaise uski baat maan li phadphada kar bhadak uthi. Lakdi ke tutne ki-
“chak-chak-!"
awaaz, dhuaan, aur jalti hui roshni ke beech khadi Naina bilkul pathar ho chuki thi. Uske bilkul bagal mein Aryan khada tha.
Aryan ki aankhon mein lahu si laali thi aur rote-rote sujan dono saaf nazar aa rahe the. Uska gala sukh chuka tha, jaise har aansu andar hi andar jal gaya ho. Woh chita ko dekh raha tha, par shayad dekh kuch aur raha tha- subah ka woh pal… hospital ka woh safed kamra… doctor ki dheemi si awaaz “We are sorry.”
Sanjay ji ki maut bilkul achanak thi. Subah tak sab theek tha. Aur shaam tak sab khatam.
Thik unke peeche kuch Sanjay ji ke purane dost khade the chehre par gehra sannata, aankhon mein afsos. Kuch padosi bhi the, jo saalon se unke ghar ke aas-paas rehte aaye the. Sab dheere-dheere baat kar rahe the, par awaaz itni halki thi jaise kisi ko bhi iss khamoshi ko todne ka haq na ho.
Un sab ke thoda sa side mein Myra aur Meera khadi thi. Dono chup. Myra ki nazar baar-baar Aryan par ja rahi thi. Uska dil usse iss haal mein dekh kar bhar aa raha tha. Meera uske saath bas isliye thi kyunki aise waqt mein saath chhodna theek nahi lagta.
Aur un sab ke beech Avni bhi thi.
Darasal, Avni ne hi Aryan ko call kiya tha. Usne socha tha classes ke baad woh Aryan ko ghar tak drop kar degi, Bhai ke saath thoda time saath spend ho jayega. Par phone uthate hi Aryan ki awaaz ne use rok diya. Us awaaz mein ghabrahat thi, tootna tha. Usne jo khabar sunayi, woh dukhad thi. Itni achanak ki Avni kuch pal ke liye samajh hi nahi paayi kya bole. Agla pal usne kuch socha hi nahi. College ka bag uthaya aur seedha hospital pahunch gayi.
Avni jo itne dinon se Aryan ke parivaar se milne ka soch kar halka sa nervous aur excited dono mehsoos karti thi. baar-baar apni maa se kehti thi, “Jald hi milwaungi aapko Aryan bhai se, jisne meri ijjat bachai thi." usne kabhi socha bhi nahi tha ki woh mulaqat iss tarah hogi.
Meera aur Myra dono bhi wahin ruk gayi thi. Unke phones baar-baar vibrate ho rahe the ghar se lagataar calls aa rahe the. Myra ne call utha kar bas itna hi kaha, "Ek dost ke pitaji ka dehant ho gaya hai… hum wahi hain... Don't worry dad!”
Halaanki Myra ne jaan-bujh kar Aryan ka naam nahi liya. Woh jaanti thi agar usne sach-sach bata diya ki woh Aryan ke saath shamshan mein hai, toh uske dad use turant wapas bulwa lete. Isliye usne baat ko wahi tak rakha jitni zaroori thi.
Samay dheere-dheere beetta gaya. Jo aag kuch der pehle bhadak rahi thi, woh ab shaant pad chuki thi. Chita rakh mein badal gayi thi, laal angaaron ki chamak bhi bujh rahi thi. Pandit ke mantra khatam ho chuke the, kriya karam poora ho gaya tha. Log ek-ek karke ja chuke the.
Par dono bhai-behen abhi bhi wahi khade the. Jaise unhe samajh hi nahi aa raha ho ki ab kya karein. Jaise agar woh waha se hile, toh sach aur bhi pakka ho jayega. Unki aankhen rakh par tiki thi.
Yeh dekh Avni dheere se aage badhi. Woh jaanti thi pita ko khone ka dukh kya hota hai. Woh khud iss khalipan ko mehsoos kar chuki thi, woh khaali jagah jo kabhi bhar nahi paati. Woh Aryan ke paas aayi aur dheere se uske kandhe pakad kar boli,
Avni : Bhai…!
Aryan jaise kisi gehri soch se bahar aaya.
“Hm? H-haan…?”
Usne palat kar Avni ko dekha, aankhon mein uljhan aur sunnapan tha jaise woh abhi-abhi hosh mein aaya ho.
Avni ki nazar Naina par gayi, jo thodi door chupchaap khadi thi. Dheere se usne poocha,
“Y-ye Naina hai na?”
Aryan ne halka sa sir hilaya.
“Haan.”
Avni ne sirf Naina ke baare mein suna tha Aryan se, par kabhi saamne se mulaqat nahi hui thi. Aur yeh waqt mulaqat ka tha bhi nahi. Yeh waqt sirf dard ko mehsoos karne ka tha.
Kuch der baad Raju, aur Sanjay ji ke kuch purane dost unke paas aaye. ek buzurg ne dheemi awaaz mein kaha-
“Bhale insaan the bohot… beta pata nahi kaise ho gaya sab…”
Dusre ne Aryan ke kandhe par haath rakha,
“Naina beti ko sambhalo, Aryan. Pata nahi bechari ke upar se kya beet rahi hogi…”
Aryan ne bas halka sa sir jhuka kar kaha, “Ji.”
Uski awaaz mein thakan thi, aur ek zimmedaari ka bojh bhi. Sukar tha Raju aur baaki log saath the. Agar woh na hote, toh kriya karam ka poora intezaam yeh dono bhai-behen kaise kar paate? Lakdi ka bandobast, pandit ji se baat, rasmein… itne saare kaam the, aur dono ki haalat aisi ki khud ko sambhalna mushkil ho raha tha.
Dheere-dheere chita ke saamne se bheed kam hone lagi. Log ek nazar rakh par daalte, haath jodte, aur chupchaap wahan se nikal jaate.
Naina abhi bhi wahi khadi thi. Uski nazar rakh par tiki thi, jaise woh usme se kuch dhoondh rahi ho. Aankhon ke kone abhi bhi geele the. Uska chehra bilkul suna ho chuka tha na cheekh, na shikayat… bas ek gehra, jam chuka dard. Aryan bhi kuch aisa hi tha. Dono ke beech sirf khamoshi thi.
Myra door khadi Aryan ko dekh rahi thi. Woh uske chehre ke har badalte ehsaas ko samajh paa rahi thi, woh usse pyaar karti thi. Uski aankhon mein bhi aansu the. Sanjay ji se uska koi seedha rishta nahi tha, lekin woh Aryan ke uncle the. Aur bas itna hi kaafi tha uska dil bhar aane ke liye.
Raju : Bhai, ab ghar chalte hain. Sab kuch ho gaya hai.
Aryan ne jaise zabardasti hosh mein aakar jawab diya,
“Hmm… Tum sabhi ko leke jao. Aur tum bhi abhi ghar chale jao. Subah se hamare saath ho. Main inke saath aata hoon.”
Raju ne use ek pal dekha, phir sir hilaya.
“Thik hai.”
Woh baaki sab ko leke nikal gaya. Ab wahan aur zyada sannata tha. Thandi hawa chal rahi thi. Angaare dheere-dheere bujh rahe the. Aryan ne Naina ko dekha. Woh abhi bhi sadme mein thi. Uski aankhon mein aansu the, par jaise woh ro bhi nahi paa rahi thi.
Aryan khud bhi tootna chahta tha. Dil kar raha tha zor se ro de, cheekh de… par usne apne aap ko rok liya. Agar woh hi bikhar gaya, toh Naina ko kaun sambhalega? Usne himmat karke Naina ke kandhe pakde.
“N-Naina…”
Naina dheere se peeche mudi. Usne Aryan ko dekha. Uski aankhon mein gehra dard tha… aur kuch aur bhi. shayad gussa, shayad ek aarop.
Agle hi pal usne apne kandhe se Aryan ka haath ek jhatke mein hata diya. Uska muh khula jaise woh kuch kehne wali ho, par jaise hi uski nazar Myra par padi, uska chehra sakht ho gaya. Usne apne hont kas liye. Aur bina ek shabd bole, woh tezi se shamshan ke bahar ki taraf nikal gayi. Uske kadmon ki chaal tez thi, jaise woh waha se bhaagna chahti ho uss jagah se, uss dard se, sab se.
“N-Naina?”
Aryan ki awaaz uske peeche reh gayi. Aryan samet baaki sab hairan the. Par saath hi sab samajh bhi rahe the abhi Naina ki manasthiti theek nahi thi. Usne apne pita ko aag di thi. Usne apne pita ko rakh mein badalte dekha tha. Iss waqt uske andar jo chal raha tha, usse shabdon mein baandhna mumkin hi nahi tha.
RING! RING!
Iss gehri khamoshi mein phone ki teekhi awaaz achanak se chubh gayi. Meera ne jaldi se apna phone dekha, phir halki si ghabrahat ke saath Myra ki taraf jhuki.
Meera : Mm… Myra, dad ka phone aa raha hai phir se…!
Myra : Oh… okay, tum jao. Main yahi rahungi.
Meera : Mere dad ka nahi… tumhare dad call kar rahe hain.
Myra : Oh!
Usne apna phone nikala. Screen par “Dad Calling” chamak raha tha. Uska gala sookh gaya. Woh jaanti thi agar unhe zyada der tak ignore kiya, toh baat bigad sakti hai.
Aryan ne un dono ki baat sun li thi. Woh dheere se bola,
Aryan: Tum dono abhi ghar jao. Tumhare parents chinta kar rahe honge.
Myra : N-no… i- i want to stay. Aise haalat mein Tumhein akele kaise-
Uski awaaz bharr gayi. Iss waqt Aryan ko chhod kar jaana use galat lag raha tha. Aryan ne halka sa, thaka hua sa, muskurane ki koshish ki.
Aryan : Don’t worry about me. And shukriya… tumne hospital mein bohot madad ki. But tumhare parents sach mein tension le rahe honge.
Myra : But i-
Aryan : It’s okay.
Myra ne danton tale apne honth daba liye. Dil keh raha tha ruk jaaye. Par ghar pe sawalon ka silsila intezaar kar raha hoga. Woh apne dad ko jaanti thi unhe pasand nahi aayega ki Myra itni der tak bahar rahe, woh bhi bina poori baat jaane.
Woh dheere se aage badhi. Aryan ke saamne ruk kar usne uska haath pakad liya. Uski ungliyan thandi thi.
Myra : Okay… I’ll come in the morning. Please don’t worry, alright? Just… take care of yourself, And Naina too.
Aryan (nod) : Hm.
Myra ne ek pal ke liye uski aankhon mein dekha jaise kuch aur kehna chahti ho, par shabd the nahi. Phir woh mud gayi. Jaate waqt Myra ne ek baar phir palat kar Aryan ko dekhna nahi bhuli.
Dono ke jaane ke baad Aryan ne gehri saans li aur Avni ki taraf muda.
Aryan : Di… aap bhi abhi ghar jao. Aunty akeli hongi.
Avni ne seedhe uski aankhon mein dekha.
Avni : Nahi. Main maa ko keh ke hi aayi hoon. So I’ll stay.
Aryan : Par-
Aryan kuch kehne hi wala tha ki Avni ne beech mein rok diya.
Avni : Maine bhi apne pita ko khoya hai, i know how it feels. And… and maine tumhe bhai kaha hai, Aryan! *Pause* Sirf kehne ke liye nahi.
Aryan chup ho gaya. Usne gehri saans chhodi. Avni ki baat mein koi formal sympathy nahi thi, woh sach thi, dil se nikli hui.
Usne dheere se sir hila diya. Aaj ek aur baat saaf ho gayi thi Avni use sach mein apna bhai maanti hai. Sirf lafzon mein nahi… dil se.
Avni ne chita ki rakh se nazar hata kar Aryan ki taraf dekha. Hawa mein ab bhi jalti lakdi ki halki si gandh thi.
Avni (confused) : Par Aryan… ek baat samajh nahi aa rahi, itna sab ho gaya… phir bhi police involved nahi hui?
Aryan : i don’t kno-
*TRRNNG! TRRNNG!*
Uski baat phone ki ghanti ne kaat di. Aryan ne screen dekhi. Unknown number. Usne call receive ki. Doosri taraf se ek halki si hansi..! phir dheemi aawaz aaye-
“...Mujhe maarega?”
Aryan ka jism ek pal ke liye sakht ho gaya. Woh awaaz pehchaan ne mein ek second bhi nahi laga.
Viraj Kapoor!
Viraj ki hansi phone ke speaker se phat kar nikli-
“Haan? Yehi bola tha tune, hai na? Mujhe maarega? Hahaha!”
Aryan : Tch-
Viraj : Bolti kyun band ho gayi? Tune kya socha tha? Koi mujhe dhamki dega aur main darr ke chup baithunga? Saale! Socha bhi kaise ki mujhe maut ki dhamki deke tu bach jayega?
Aryan ka haath dheere-dheere phone par aur kasne laga. Ungliyon ke joints safed pad gaye. Kaano mein Viraj ki awaaz goonj rahi thi. Viraj phir bola,
“Uss din dekha tha tujhe… Myra ke birthday pe. Kya laga? Main apne shikaar ki khabar nahi rakhta? A to Z khabar rakhta hoon.”
Aryan chup raha. Sirf uski saans tez ho rahi thi. Viraj ki awaaz achanak thandi ho gayi,
“Mujhe maarega? Zameen nahi dega? Ab dekha na anjaam?”
Aryan ki aankhon ke saamne Sanjay ka chehra flash hua. Hospital ka bed… safed chadar… chita..!
Viraj : Ab sun, agar dimag thikane aa gaya ho toh zameen ke kagaz mere hawale kar de. Nahi toh- *pause* …dusri baar Sanjay ji ki jagah teri bahan hogi. Samjha?
Aryan ka khoon jaise seedha sir par chadh gaya. Usne phone ko itni zor se muthi mein kas liya ki-
KRRRCK!!
Gorilla glass screen par ek tez crack ki awaaz aayi. Screen par daraarein fail gayin.
Viraj : Sokh mana le kuch din. Bechare Sanjay ji… teri wajah se mare gaye. Hahaha!
Beep!
Call cut.
Kuch pal tak Aryan bas phone ko dekhta raha. Screen ki daraaron mein uska chehra tedha-medha sa dikh raha tha. Uski saans bhaari thi. Avni ne ghabra kar poocha,
“Kaun tha, bhai?”
Aryan ne apni muthi dheere se dhili ki. Phone ki cracked screen par ungli phiri. Phir bina uski taraf dekhe bola-
“Koi nahi.”
Uski awaaz seedhi thi… par uske andar tufaan chal raha tha. Usse pata tha ki Kyu police involved nahi huye, Viraj ne hi police ko kharid kiya hoga.
***
Sardi ki yeh lambi raat bhi beet-ti hai. Sanjay ji ke jaane ka dukh har deewar se takra kar wapas aa raha tha. Ghar ke andar ajeeb si khamoshi chipki hui thi.
Avni uss raat Aryan ke ghar hi ruk gayi thi. Ghar chhota zaroor tha, lekin kamre kaafi the. Har kamra aaj khaali lag raha tha- jaise ghar ka ek hissa sach mein chala gaya ho.
Raat ko Avni hi rasoi mein gayi thi. Usne poocha tha dono se ki kuch kha lein. Par Aryan ne bas sir jhuka liya. Naina ne toh uski taraf dekha tak nahi. Dono mein se kisi ka khane ka mann nahi tha.
Aur aise hi raat guzar gayi- bina neend, bina baat.
Subah hote hi Avni apne ghar chali gayi. Use apni maa ka bhi dhyaan rakhna tha. Upar se woh tuition lene ka kaam bhi karti thi. Uske kandhon par zimmedari thi, isliye chaah kar bhi ruk nahi sakti thi.
Subah Myra bhi aayi thi, Aryan ke ghar pe college aane ka bahana deke. Usne haal-chal poocha, kuch pal baithi, phir chali gayi. Woh toh chahi thi iss samey Aryan ke paas rahe per apni dad ki darr se woh Jiyada derr nahi ruki.
Dopahar mein Aryan Naina ke kamre ke bahar khada tha, kafi samay se. Per Darwaza band tha bhitar se. Usne ek baar wapas koshish ki-
Knock! knock!
“Kuch kha lo, Naina. Raat se tumne kuch nahi khaya…”
Andar se koi jawaab nahi aata. Aryan ne phir kaha,
“Please… thoda sa hi sahi…”
Par kitni hi baar poochne phir bhi Naina ne na darwaza khola, na koi jawab diya. Andar bas sannata tha.
Aur aise hi 12 din beet gaye, Naina ne ek shabd nahi bola tha Aryan se.
In dinon Avni ka aana-jaana iss ghar mein badh gaya tha. Har subah woh apne ghar se khana bana kar laati, dabbe mein garam daal, sabzi, roti. Kabhi-kabhi raat mein bhi ruk jaati, aur subah jaldi apne ghar wapas chali jaati.
Ek din Avni apne ghar par rasoi mein khadi thi. Gas par kuch chadh rahi thi-
“Beta, tum kab se rasoi mein ho? Abhi bhi nahi hua?”
Ek mahila ki awaaz aayi. Ye thi Avni ki maa- Surabhi.
Avni : Maa bas ho gaya. Abhi aapko khila kar mujhe Aryan ke ghar bhi jaana hai.
Surabhi : Beta, kitni baar kaha mujhe uss ladke se milwa de jisne meri bacchi ki izzat bachayi.
Avni : Maa, main uss din hi usko hamare ghar laati… par uske saath ye haadsa ho gaya. Aur maa, aapko pata hai, uska… aur uski bahan Naina ke alawa aur koi nahi hai. Maine itne din mein itna toh samajh liya ki uski maa bhi nahi hai… aur ab papa bhi swarg sidhar gaye… b-bilkul hamari tarah.
Avni Sanjay ko Aryan ka dad samajh rahi thi. Use abhi tak pata nahi tha ki Sanjay uska uncle tha pita nahi, aur Aryan asal mein anath hai jise Sanjay ne apne ghar panah di thi. Aryan ko bhi yeh baat batane ka mauka nahi mila tha.
Surabhi (smile) : Aur isliye meri bacchi unki madad kar rahi hai, hai na?
Usne Avni ke sarr par haath pherte hue kaha.
Avni (smiles) : Aapne hi sikhaya tha maa…*pause* Aur… sach bolun toh Aryan se kuch apnapan mehsoos hota hai. Jaise woh koi apna hi ho. Main samjha nahi Sakti, aap milogi toh pata chalega.
Surabhi : Aisa kyun bhala?
Avni gas par chadhte bartan ko hilate-hilate ruk gayi. Phir dheere se boli,
Avni : Uss andheri gali mein maine usko pehli baar dekha tha. Socha tha ye bhi un tamaam aadmiyon jaisa hoga… par maa, woh un jaisa nahi tha. Maine dekha tha uski nazar mere jism par nahi thi, jabki main… main uss gandi gali mein khadi thi.
Yeh sun Surabhi ki aankhen bhig gayin. Use pata tha uski beti uske liye uss gali mein gayi thi, Kyun gayi thi. Avni ne baad mein sab bata diya tha.
Avni ki awaaz dheemi ho gayi,
“Jab meri izzat lutne hi wali thi… beech bazaar mein log mujhe kharidne ke liye boli laga rahe the… koi mujhe bachane nahi aaya. Par woh… woh kisi farishte ki tarah aaya aur mujhe bachaya…”
Uski aankhen nam ho uthi. Surabhi turant uthi aur apni beti ko gale laga liya. Avni ne maa ke kandhe par sar rakh kar kaha,
“Maa… phir bhi main usko galat samajh rahi thi. Mujhe lag raha tha ki… ki ab woh mujhe bhogne ke liye le ja raha hai. Kyunki uss gali mein ye sab hi hota hai. P-par maa phir usne aisa kuch bola jisse meri dhadkane ruk gayi thi.”
Surabhi ne dheere se poocha, “Aisa kya bola tha usne?”
Avni ki awaaz halki si kaanpi,
Avni : Ki… ki woh itni der se mujh mein uski bahan Naina ko dekh raha tha. Aur bas.. bas woh pal tha… uske baad jaise mujhe usse kuch apnapan mehsoos hone laga. M-maa, aapko pata hai na mujhe bhi ek bhai chahiye tha... Aur shayad...!
Surabhi (smiles) : Aur dekho, tumhari iccha bhagwan ne maan li beta.
Avni : Aapko usse koi aitraaz toh nahi na… k-ki main usse apna bhai maan rahi hoon?
Surabhi : Pagal bacchi, main aitraaz kyun karungi? Jab usne meri pyari bacchi ki izzat bachayi… balki main toh kab se keh rahi hoon mujhe bhi usse milna hai, uska shukriya ada karna hai.
Avni : Haan! Maa- Kal uske dad ki terahvi hai… main aapko le jaungi kal waha, uske ghar pe.
***
26 feb/ 10:34 AM.
Thandi abhi poori tarah gayi nahi thi. Hawa mein halki si sardi ghuli hui thi. Us thandi hawa ke saath agarbatti ki meethi khushboo chaaro taraf phail rahi thi. Kahin paas hi rakhi thali mein agarbatti dheere-dheere jal rahi thi aur uska patla sa dhuan hawa mein upar uthkar mandap ke kapdon mein ghul raha tha.
Uss khushboo ke saath hi rajnigandha ke taaze phoolon ki sugandh bhi poore aangan mein mehsoos ho rahi thi.
Ghar ke bade aangan mein ek safed kapdon se saja hua mandap lagaya gaya tha. Mandap ke chaaron taraf safed aur halka peela kapda latkaya gaya tha. Neeche safed chadar aur dariyan bichi hui thi.
Kuch log kursiyon par chupchaap baithe the, haath jod kar ya ghutnon par rakh kar. Kuch log neeche dari par pankti mein baithe hue the. Sabke chehron par ek hi bhaav tha shant dukh.
Aaj 26 Feb thi. Sanjay ji ko is duniya se gaye hue 13 din ho chuke the. Aur aaj unka shraadh rakha gaya tha.
Mandap ke bilkul saamne ek chhoti si table rakhi hui thi. Us par safed kapda bichha tha. Table ke beechon-beech Sanjay ji ki ek badi si photo frame rakhi thi. Photo mein woh halka sa muskura rahe the. Frame ke upar genda aur rajnigandha ke phoolon ki mala dali hui thi. Photo ke saamne ek chhoti si thali mein diya aur agarbatti jal rahi thi.
Log ek-ek karke aage aate. Koi haath jod kar photo ke saamne jhukta, Koi mala chadhate, Koi kuch pal chup khada rehta… Phir dheere se peeche jaakar baith jata.
Tasvir ke bilkul saamne Naina baithi thi. Usne ek safed shawl odh rakhi thi. Shawl ka ek kona uske kandhe se phisal kar uski godh mein aa gira tha. Pichhle kuch dino mein jaise uski saari taqat khatam ho gayi thi.
Uske kandhe jhuke hue the. Peeth halki si mud gayi thi. Aisa lag raha tha jaise uske kandhon par koi bahut bhaari bojh rakh diya gaya ho.
Uski nazar lagatar apne pitaji ki tasvir par tiki hui thi. Bina palak jhapkaye. Uski aankhen thaki hui lag rahi thi. Neeche halke kaale ghere pad gaye the. Gaale sukh gaye the aur chehre par ek ajeeb si thakan aur dard saaf dikh raha tha.
Aisa lag raha tha jaise woh pichhle 12 dino mein ek baar bhi theek se soyi nahi ho.
Kabhi-kabhi koi rishtedaar ya koi aurat uske paas aakar uske kandhe par haath rakh deti aur kehti-
“Beta… himmat rakho.”
Naina bas halka sa sir hila deti. Uski nazar phir se wahi jaakar ruk jaati apne pitaji ki tasveer par.
Mandap ke sabse peeche, thoda sa ek taraf khada tha Aryan.
Usne safed kurta pajama pehna hua tha. Subah se woh lagataar vyast tha. Kabhi pandit ji se baat karta, kabhi rasoi mein jaakar khane ka intezaam dekh leta, kabhi aane wale mehmano ka swagat karta. Yeh sab uske liye bhi bilkul naya tha.
Shradh ka poora aayojan jaise usse hi sambhalna pad raha tha. Ghar mein koi aur aisa nahi tha jo sab kuch theek se dekh sake. Aur Naina… Woh toh Sanjay ji ki maut ke baad jaise andar se bilkul khali si ho gayi thi.
Aryan kabhi-kabhi door se Naina ki taraf dekh leta. Uska jhuka hua sir, Uski chupi, Uski thaki hui aankhen…!
Aryan ne dheere se ek gehri saans li aur phir saamne khade naye mehmaan ki taraf badh gaya.
“Namaste… aaiye,” usne dheemi awaaz mein kaha. “Idhar baith jaiye.”
Tabhi uski nazar door sadak ki taraf padti hai, Door se do parchaiyaan dheere dheere aati hui dikhayi di. Ek toh Avni thi… aur uske saath ek aur aurat.
Aryan ne dhyaan se dekha. Wo aurat lagbhag 40-45 saal ki hogi. Chehre ki halki lakeerein bata rahi thi ki zindagi ne use bahut kuch sikhaya hai, lekin uski aankhon mein ek komalta thi, aur sabse khaas baat uska chehra thoda bahut Avni se milta tha.
Aryan ko samajhne mein zyada waqt nahi laga.
“Avni di ki maa…” usne mann hi mann socha.
Avni aur uski maa dheere dheere chal kar Aryan ke paas aa gayi. Avni ke chehre par halka sa afsos tha.
Avni : Bhai sorry… aaj thoda late ho gaya. Woh… maa ko bhi lana tha toh-
Aryan : Koi baat nahi di… inn dino aapne jo madad ki hai… agar aap nahi hoti toh main akela sab kuch sambhal hi nahi paata.
Avni ke chehre par ek pyaari si muskaan aa gayi.
Avni (smiles) : Aur inse milo… ye hai meri maa.
Phir usne apni maa ki taraf mudkar kaha-
Avni : Maa! Maine Aryan ke baare mein bataya tha na? Ye Aryan… wahi Aryan hai.
Surabhi (confused) : y-ye...??
Surabhi pahle toh kucch der toh Aryan ko dhiyan se dekhti hai, uske chehre ko.
Par jab Aryan jhuk kar pranam karta hai. Surabhi ne bhi dono haath jod kar namaste kiya. Unki aankhon mein ek gehra aabhaar tha.
Surabhi : Kaise tumhara shukriya ada karun beta…? Avni ne mujhe sab bataya hai. Tum nahi hote uss din toh meri bacchi-
Unki awaaz bharra gayi. Aryan turant vinamr ho gaya.
Aryan : Aapko shukriya kehne ki koi zarurat nahi hai aunty… Avni di meri Naina behen jaisi hi hai. Abhi aapki tabiyat kaisi hai?
Surabhi : Main ab thik hoon beta… par ye sab kaise hua? Avni ne bataya ki-
Avni : Haan bhai… ye sab ekdum se kaise ho gaya?”
Aryan ke chehre par ek pal ke liye chhaya sa utar aaya. Usne nazar thodi jhuka li.
Aryan : M-main baad mein bataunga didi… abhi aap aunty ko andar le jaiye. Yahan agarbatti ke dhuye se unhe problem ho sakti hai.
Avni samajh gayi.
Avni : Haan… chalo maa, rasam ke baad aache se mil Lena.
Wo apni maa ka haath pakad kar dheere dheere ghar ke andar chali gayi, Surabhi pata nahi kyun, par jaate huye ek baar peeche mudke Aryan ko dekhti hai.
Tabhi Ghar ke saamne brake ki ek halki si tez awaaz gunji.
Sabka dhyaan ek saath uss taraf mud gaya. Ek red colour ki Audi A4 aake gate ke paas rukti hai. Car ka chamakta hua laal rang din ki roshni mein aur bhi tez chamak raha tha.
Aryan ki nazar bhi uss taraf chali gayi.
Car ka door khulta hai. Aur usme se Myra bahar nikalti hai. Aksar baggy clothes nahi toh short dresses pehenne wali Myra… aaj bilkul alag lag rahi thi. Usne ek safed formal dress pehni hui thi. Simple… lekin itni graceful ki har nazar bas uss par tik jaaye.
Usse achhi tarah pata tha kaunsi jagah par kaunsi dress pehni jaati hai.
Tehravi mein aaye huye log usse dekh kar ek pal ke liye chup ho gaye. Kuch logon ne toh iss mahol mein bhi aankhen phad kar usse dekhna shuru kar diya. Uski sundarta hi kuch aisi thi… ki bheed mein bhi wo alag hi nazar aa rahi thi.
Aryan ki nazar Myra se jaakar takra gayi. Uske saath Meera thi thi.
Ek pal ke liye Aryan bilkul stabdh sa khada reh gaya. Jis ladki ko wo college ke pehle din se pasand karta tha, Myra woh aaj uske ghar aayi thi, Uske dukh mein shaamil hone?
Myra aur Meera dheere dheere chal kar Aryan ke paas aa gayi. Aryan ki awaaz halki si dheemi thi.
Aryan : Mujhe nahi laga tha tum aayogi.
Myra ne thodi si bhaunhein chadha di.
Myra : And why? Why do you think that?
Aryan : Well… main-
Aryan ka ye sawaal Myra ke dil ko halka sa chubh gaya. Woh yaha sirf Aryan ke liye hi aayi thi. Lekin use ye bhi pata tha Aryan aisa kyun keh raha hai.
Myra : Aryan… I know what you meant. But main mere dad ke jaisa nahi hoon.
Usne seedha Aryan ki aankhon mein dekha.
Myra : And I'm here… for you.
Aryan : I… I don't know main tumhara shukriya kaise karun. Uss din hospital mein-
Myra (slight smile) : Don't mention it.
Aryan : Thanks for coming, and you too Meera. Aur woh sanya nahi aayi?
Meera : Actually woh nahi aa payegi. Uski tabiyat thodi kharab hai.
Aryan : oh!
Aryan ne Sanya ko bhi nimantran bheja tha. Par sach toh ye tha Aryan usse bulana hi nahi chahta tha. Kyuki Sanya ne jo kiya tha uske baad uss par bharosa karna mushkil tha. Lekin unka friend group ek hi tha, aur shishtachar ke liye Aryan ne use bhi invite kar diya tha.
Myra : I don't know what happened to her. Kuch din se college bhi nahi aa rahi.
Aryan ne andar hi andar chain ki saans leta hai,
"Thank God…"
Kyuki, Aryan jaanta tha, Jo ladki chupke se coffee mein LSD mila kar, use apne ghar le jaa sakti hai, aur uske saath hambistar bhi ho jaati hai, toh woh kuch bhi kar sakti hai.
Aur iss waqt Aryan ko extra chaos bilkul nahi chahiye tha. Par Usne socha liya tha Sanya se iss baare mein baad mein baat karega. Myra phir Aryan ki taraf mudti hai.
Myra : Anyway… usko baad mein dekhenge.
Itna kehkar usne dheere se Aryan ka haath pakad liya. Uske haath thande the, aur pakad naram. Uski awaaz mein ek sachchi hamdardi thi, jo aam taur par uske swabhav ke bilkul vipreet hoti thi.
Myra (halke se) : i'm so sorry for the loss of your uncle. T-tum thik ho na… Aryan?
Aryan : hmm!
Udhar, Naina ne jab car ki awaaz suni thi, tabhi usne mud kar dekha tha. Aur ab uski nazar ek jagah jaakar tham gayi thi. Aryan ka haath Myra ke haath mein tha, Dono aapas mein dheere dheere baat kar rahe the. Naina ki nazar wahi thi.
Aryan ke chehre par woh naram si muskaan thi, jo Naina ne bahut kam hi dekhi thi, ya apne liye kabhi nahi Dekhi thi.
Naina chup chaap unhe dekh rahi thi. Uske dil mein uss waqt kya chal raha tha ye sirf wo khud hi jaanti thi. per uski Aankhen yah dekh thand jarur pad Gai thi.
***
Evening - 6:12 PM.
Thervi ki rasam achhe se ho chuki thi. Aane wale sabhi aamantrit vyakti wapas jaa chuke the. Sirf reh gaye the Avni aur uski maa Surabhi. Avni chahti thi ki maa ko Aryan se achhe se milwaya jaaye, isliye. Aur Surabhi ki bhi yahi ichchha thi.
Naina apne kamre mein thi. Rasam khatam hone ke baad woh seedha apne kamre mein chali gayi thi. Usne abhi tak Aryan se koi baat nahi ki thi, aur Aryan ne bhi usse nahi roka. Usne socha ki kuchh samay Naina ko akele rehne dena sahi rahega.
Poore din ki thakan ke baad Aryan ko abhi thoda samay mila tha baithne ke liye. Teeno dining area mein baithe hue the – Aryan, Avni aur uski maa Surabhi.
Dining table par teen chai ke cup rakhe hue the. Chai ab bhi garam thi, cup ke upar se halki si bhaap uth rahi thi. Abhi tak kisi ne chai koi haath tak nahi lagaya tha.
Lekin ek baat ajeeb thi, surabhi Aryan ko baar-baar ghoor rahi thi, maano gehri nazron se kuchh dekh rahi ho.
Aryan Avni ko toh jaanta tha, aur ab toh Avni ke saath ghul-mil bhi gaya tha, par Surabhi ke saamne thodi awkwardness mehsoos ho rahi thi.
Yeh dekhkar Avni ko laga ki agar woh baat shuru nahi karegi toh yeh sannata aur lamba ho jaayega. Isliye usne halka sa khans kar baat shuru ki.
Avni : mhmhm! Toh... Maa keh rahi thi na Aryan se milna hai? Ab mil lo…!
Surabhi ne Aryan ki taraf dekha. Unke chehre par halka sa sankoch bhi tha aur ek gehra aabhaar bhi.
Surabhi : Beta-
Aryan : Nahi aunty, phir se thank you mat boliye. Waise bhi di ne thank you bol-bol ke mera dimag kharab kar diya hai.
Avni thodi si ghoor-ti hui Aryan ko dekhti hai, aur Aryan ko halka Sa kohani maarti hai.
Surabhi : Par shukriya toh ada karna chahiye. Ek hi beti hai meri, usse kuchh ho jaata toh main kaise jeeti? Shukar hai tumhara beta, agar uss din tumne Avni ko nahi bachaya hota toh shayad meri beti-
Aryan : Par shayad di uss waqt mujhe kuchh aur hi samajh rahi thi, kyun hai na?
Usne Avni ko dekhte hue kaha. Avni samajh gayi ki Aryan kya keh raha tha. Usse yaad tha ki woh Aryan ko bhi uss gande aadmiyon ki tarah samajh rahi thi. Woh thodi nazar jhuka leti hai sharmindagi se.
Avni : Uske liye bohot baar sorry keh chuki hoon, bhai.
Aryan : Main mazak kar raha tha. *smile*
Avni : Lekin…! Ab batao Aryan, yeh sab kaise hua? I mean unki maut toh natural nahi lagi mujhe.
Surabhi : Kya accident hua tha unka?
Aryan kuchh der chup rehta hai, phir dheere se itna hi kehta hai-
"Viraj Kapoor!"
Bas. Aur yeh naam sunte hi Avni aur Surabhi tang reh jaati hain. Viraj Kapoor… yaha bhi? Uski ghav bhi taaja ho gaya.
Avni : V-Viraj Kapoor??
Surabhi : Viraj Kapoor… Avni, Avni kya yeh wahi Viraj Kapoor hai??
Avni : Bhai???
Aryan Avni ki taraf dekhta hai, phir saari baat bata deta hai. Sunke dono hi hairaan reh jaati hain.
Aryan : Woh hamari zameen ke peeche pada hai. Mujhe pata nahi kyun.
Surabhi : Iss… iss Viraj Kapoor ki wajah se… mera ghar-baar sab bik gaya, mera pati bhi… woh bhi duniya chhod ke chale gaye. Aur ab yeh yaha bhi…?!?!
Surabhi jo apne pati ke jaane ke dukh se ubhar rahi thi, Aryan se Viraj Kapoor ke baare mein sunte hi usse woh sab yaadein wapas taaza ho jaati hain. Par Avni usse sambhal leti hai.
Avni : Bhai, ab tum kya karoge? Jitna mujhe pata hai woh Viraj Kapoor police ko bhi khareed leta hai, kyunki hamare ghar mein kabhi-kabhi uski bheji gayi police bhi aati hai dhamkane.
Aryan : I don’t know di.
Avni : Aur ab woh tumhari zameen ke peeche pada hai. Usne hamara ghar jaise chheen liya, waise hi agar tumhare ghar ko-
Aryan : NAHI-!! Main A-aisa main hone nahi doonga.
Woh ekdum se keh uthta hai. Kamra ekdam shant pad jaata hai.
Phir kuchh der aur dusri baatein hoti hain. Shaam gehri ho gayi thi toh Avni aur Surabhi ko apne ghar bhi wapas jaana tha.
Surabhi : Tumse milkar bohot accha laga, kabhi hamare ghar aana beta Avni ke saath.
Aryan (nod) : Ji aunty, bilkul aaunga.
Avni : Maa, aap bahar scooter ke paas intezaar kariye, main aati hoon.
Surabhi ek baar apni beti ko dekhti hai phir Aryan ko-
Surabhi : Jaldi aana…! Aur Aryan, abhi aati hoon par tum zaroor hamare ghar aana.
Aryan bhi haami bharta hai. Surabhi bahar jaate hi Avni Aryan ka haath thaam leti hai.
Avni (worried) : Bhai, this is serious. Woh Viraj ab tumhare peeche pad gaya hai? Tumne pehle kyun nahi bataya?
Aryan : Main kya kehta di-? Mujhe hi kuchh din pehle pata chala.
Avni : Toh tum ab kya karoge? Uski wajah se yeh sab ho raha hai… I- I’m very scared of him, uski wajah se meri dad bhi…!
Aryan : I- huh??
Lekin Aryan kuchh keh paata usse pehle, Avni ekdum se uske paas aa jaati hai. Uske haath uske kandhon par rakhe jaate hain, aur woh usse hug kar leti hai, jaise saari duniya ki chinta ek pal mein uske seene mein sama jaaye. Uske baal Aryan ke gale ko halke se chhu rahe the, aur uski saans garam mehsoos ho rahi thi, ek meethi, sukoon bhari khushboo Aryan ko mahsus hota Hai. Avni dheere se kehti hai-
Avni (whispers) : Main nahi chahti ki hamare saath jo hua, woh tumhare saath ho bhai.
Shayad iss hug ki Aryan ko bhi zaroorat thi, kyunki jhijhakte hue woh bhi Avni ko hug kar leta hai. Thodi der dono waise hi rehte hain.
Avni : I know jab aap kisi ko khote ho uss dukh ko main jaanti hoon. Dukhi mat hona bhai, main hoon. Aur…
Woh hug todti hai, uske gaal par halki laali thi, thoda peeche hokar baith jaati hai.
Avni : Aur agar kuchh aisa-vaisa ho jaaye hai toh… toh bejhijhak mujhe batana. Tum mere ghar reh sakte ho. Kam se kam main itna toh kar hi sakti hoon.
Aryan haami bharta hai, lekin andar se usse pata tha woh kya karne wala hai. Woh agar shant tha toh bas Sanjay ji ke thervi ke din ki wajah se, jo aaj sampoorna ho chuka tha.
Avni (softly) : Maa bahar intezaar kar rahi hogi, main aati hoon bhai, aur apna dhyaan rakhna.
Woh Aryan ke haathon par halka thapthapate hue kehti hai. Aryan haami bharta hai toh Avni uthkar jaane lagti hai.
Lekin-
Aryan : Didi-!!
Avni : hmm?
Aryan : K-kya aap kal bhi aaogi?
Avni : i-
Aryan : Mujhe accha lagta hai jab aap aati ho.
Yeh sun Avni ka mann ek garam josh mein bhar uthta hai. Woh apnapan jo usne Aryan se pehle din mehsoos kiya tha, woh galat nahi thi, Woh kehti hai-
Avni (smiles) : Sure!
Phir woh chali jaati hai. Aryan ek lambi saans chhodta hai, jaise saari thakan aur gham usi saans ke saath bahar nikal ja rahe hon.
Woh dheere se sofe pe peeche jhuk jaata hai, kandhe thoda sa jhuk kar, dono haathon ko faila kar sofe ke backrest par rakh deta hai. Jaise kuchh gehre soch-vichar kar raha ho. Uske dimaag mein abhi sirf ek hi baat ghoom rahi thi-
Viraj : Ab sun, agar dimag thikane aa gaya ho toh zameen ke kagaz mere hawale kar de. Nahi toh- *pause* …dusri baar Sanjay ji ki jagah teri behan hogi. Samjha?
Viraj : Shok mana le kuchh din. Bechare Sanjay ji… teri wajah se mare gaye. Hahaha!
Viraj Kapoor ki baat yaad aate hi usne muththi kas li thi. Kuchh der woh wahi pe baitha rehta hai.
Jab uski nazar saamne table pe rakhe khali chai ke cup par jaati hai toh cup uthakar kitchen mein rakhne ke liye uthata hai, woh peeche mudta hai, aur dekhta hai-
Aryan : Naina?!
Naina apne kamre ke darwaze ke saamne thi. Pata nahi woh kab se yaha khadi thi. Sayad jab se Aryan Surabhi aur Avni se baatein kar raha tha? Ya Shayad jab Avni Aryan ko hug kar rahi thi?
Par jab Aryan ki usse Nazar milti hai, woh uske taraf badhta hi hai ki-
THUD!
Naina darwaza zor se band kar deti hai.
*
*
*
That's it for today, guys. Like thoke jaane ka, aur review dene ka. Padh Rahe ho toh ye jaruri hai, it takes a lot of time to write. And ab agale update se Stroy gati pakde gi. waise plot toh aage badh hi rahi hai, mei har update per bahut hint chhod raha hun, isliye kahta hun Dhyan se padha karo har line. Sarr chakrane ke liye ready ho jao. Enjoy. Milte hai next update pe.
NoReaders toh review kucch de nahi rahe, "Nice update" likhke nikal le rahe, phir bhi jaldi update chahiye.
Esi baat nhi h...Readers toh review kucch de nahi rahe, "Nice update" likhke nikal le rahe, phir bhi jaldi update chahiye.
Your writing skill is just WOW n i mean it, main abhi XF par naya reader hu n main kah sakta hu ki you are one of those who is my fav
Waise agla update kab de rhe ho
Last edited:
- 2,029
- 5,922
- 144
- 2,029
- 5,922
- 144
- 2,029
- 5,922
- 144
- 2,029
- 5,922
- 144
- 2,029
- 5,922
- 144
- 2,029
- 5,922
- 144