Update 76 Abhi Tells Ruhi About Shweta
Aur kuch der baad Ruhi ne kaha,
“Achah chorro yeh sab Abhi, aap ab mujhe yeh batao kaun sa surprise dene wale the aap mujhe?!
Navina ki baat yaad karke Abhi sochne par majboor ho gaya ke Ruhi ko bataye ya nahin Shweta ke baare mein. Thoda sochne ke baad ussne socha bata hi dete hein jo hona hai wohi hoga, to Abhi ne Ruhi ke chehre mein muskurate hue dekha aur kaha,
“Tumko zaroor Khushi hogi jaan kar jo main tumko bataane jaa raha hoon, umeed hai ke naraaz nahin hogi tum ke last time aya tha tab kyun nahin bataya….”
Ruhi ne jab Abhi ko muskuraate hue dekha to kaha,
“jab se aaye ho pehli baar aap ko muskuraate hue dekh rahi hoon, jab yahan haam karte the to aap kitne khush dikha karte the, taras gayi thi aap ki muskurahat dekhne ke liye, bahot ro liye aap ne, ab muskurakar kuch kehne wale ho aap to zaroor Khushi ki baat hogi varna aap itne khush nahin dikhte, chaliye bataiye kia baat hai.”
Abhi ne Ruhi ko sofe par bithaya aur kaha,
“baat Shweta ki hai Ruhi!”
Ruhi ke chehre mein donon Khushi aur heyraani ke bhaav dikhe aur Abhi ke chehre mein dekhte hue pucha,
“Shweta? Kia aap uss se mile ho? koyi buri khabar to nahin nah?!”
Abhi ne halke se hansste hue kaha,
“Are bilkool bhi buri khabar nahin, thehro samjhata hoon tumhein….. main pichle 7 saalon se Shweta se milta aya hoon Ruhi…. Aruhi ko bhi bahot achi tarah se jaanta hoon aur wo bhi mujhe apna maanti hai, bahot pyar hai mujhe Aruhi se bhi….”
Ruhi ne badi badi aankhon se Abhi ko dekhte hue kaha,
“What? Aap mil chuke ho Shweta se? kab kaise? Main ek din soch rahi thi ke aap uss se to mil sakte ho agar mujhse nahin mile to, aap batao nah kaise wo mili ap ko? Kahan?”
Abhi ne Ruhi ke haathon ko apne donon haathon mein lekar, usski aankhon ki gehraayi mein dekhte hue kaha,
“Ek din achaanak se mil gayi mujhe, main ne ussko pehchana hi nahin, 18 saal baad dekha tha usse. Main kaam ke silsiley mein university gaya tha aur kissi ne mujhe piche se phukara, main ne mudhke dekha to ek ladki mujhko muskuraate hue dekh rahi thi, main ne ussko nahin pehchana halaan ke surat thodi jaani pehchaani si lagi, to ussne kaha thehro aap ko phir se weise bulaati hoon jaise bachpan mein bulaati thi aur ussne kaha, ‘Abhiiiiiiiiiii’ to mere sharir kaamp uthe, mere aankhen bhar aaye yeh jaan kar ke wo Shweta hai…… apne baahon ko khol diya aur wo meri baahon mein agayi…… hum donon rone lage ek dusre se 18 saal baad mil kar…..”
Yeh sunkar Ruhi ke aankhen bhi bhar aaye aur rote aur hansste hue ek saath kaha,
“Kaisi thi wo? Aur ab kaisi hai? Mujhse to pichle 10 ya 12 saal se nahin mili, shadi kiya tha tab mujhe Mahesh legaya tha chachi ke ghar, tab dekhi thi ussko…. Wo to jab 18 ki thi thi aur pata chala tha ussko ke main usski janam dene wali maa hoon to aayi mujhse khub ladaayi kiye aur usske baad ek din bhi nahin aayi mujhse milne… kaha tha nah jaise main apni maa ko treat karti hoon waise hi meri beti bhi mujhko treat karti hai, meri taqdeer hi aisi hai, aur ho bhi kyun nah, main hi to nafrat karne lagi thi nah uss se bachpan mein aur ussko sab pata tha….. to ussko bahot thess pahuncha ke main usski real maa hokar uss se nafrat karti rahi to ussne nafrat ke badle mujhko nafrat hi diya wapas….. 2 saal shaadi ke baad suna ke ussne uss doctor se divorce le liya aur chachi ke ghar wapas chali gayi rehne, kaam karne wale ladkiyon ke saath yehi problem hai, paisa kamaane lagte hein to husband acha nahin lagta, freedom chahiye hote hein aaj kal ke ladkiyon ko….. akeli rehti hai aur Aruhi ko paal rahi hai, kamaati hai nah issi liye aisi hogi!”
Abhi: “Chalo tumko yeh sab pata to hai, main ne socha tumko khabar nahin mila hoga usska….. haan main usski divorce se ek saal ya kuch mahine pehle hi mila tha, Aruhi tab shayad 18 mahine ki thi aur tab Shweta shayad 24 ki thi… usske baad hum aksar milne lage the, Navina bhi ussko jaanti hai, aur Aruhi ko bhi….. Dar assal Shweta ek part time course follow kar rahi thi university mein aur Shweta Navina ki student bhi thi…. Ajeeb coincidence hai ke mere aur Navina donon ke taraf se Shweta se milan hue….. hai nah?!”
Ruhi kuch sochne lagi, khush dikh rahi thi, magar soch mein kuch der doobi rahi, tab kaha,
“Wo aap se bahot ziada pyar karti thi, ab bhi karti hogi hai nah? aap ne pichli baar nahin bataya mujhe jab main ne aap se Shweta ke baare mein kaha tha….. kia aap mujhse chhupana chahte the ke ap uss se mil chuke ho?!”
Abhi ne jawaab diya,
“Are nahin kyun chhupana chahta tha? Tum usske khilaaf bol rahi thi nah? iss liye main chhup raha aur tab mujhe kahan pata tha ke wo tumhari beti hai? Mujhko uss ne bhi bilkool 7 saalon mein ek baar bhi nahin bataya tha ke wo tumhari beti hai, iss liye mujhe jhatka laga tha jab tumne wo baat bataayi thi pichli baar… iss liye tumse tab kuch nahin kaha tha….. aur tumse milne ke baad main uss se mila usski ghalat faimi door kiya tumko lekar aur ab main ussko aur Aruhi ko lekar aunga tumse milwane yehi surprise dena hai tumko….. kaho kab laun yahan donon maa beti ko?!”
“Ruhi ke Khushi se aankhen bhar aaye aur pucha,
“Really wo aegi mujhse milne? Aruhi ke saath? Aap ke saath? Wo maan gayi aane ke liye aap ke saath? Chamatkaar ho gayi yeh to! Kaise manaaya aap ne ussko?! Thank you Abhi? Yeh kaise hua? Aap kaise aksar milne lage Abhi batao mujhe wo khush to hai nah? phir se kyun shaadi nahin ki? Aur kyun uss doctor se divorce le liya sab batao nah mujhe Abhi!”
Abhi: “arey mobile ka zamana hai nah jab hum mile to ussne mera number liya main ne usski aur social network par, whatsap par contact mein rahe to milte rahe nah….. iss mein kaun si badi baat hai aaj kal communicate karne ke liye kitne tarike hote hein nah…..”
Ruhi: “haan jab main aap ko jaanti thi tab kahan tha aise technology ke hum ek dusre se communicate kar sakte!! Waqt waqt ki baat hai nah Abhi”
Abhi: “tha comunictae karne ke tarike, tunme nahin communicate kiya tha, mera address tha tumhare paas, unn dinon hum letter writing se communicate karte the to tum agar chahti to mujhko likh sakti thi, tum ne communicate nahin kiya tha mujhe…. Phone lag gaye the nah ek saal hamare bicharne ke baad mujhko phone bhi kar sakti thi, kabhi directory mein mera naam nahin dekha tha kia? Zaroor dekha hoga tumne, main ne phone lagte hi sabse pehle tumhare papa ke naam ka phone number dhunda tha aur mila bhi tha 1987 ye 1988 mein… to tumko bhi mera number dikha hoga kyunke mere ghar ka phone mere hi naam par registered hua tha….!!!
Ruhi: “haan Abhi dekha tha, pata tha… magar haan sahi keh rahe ho main ne hi nahin communicate kiya tha aap ko you are right….”
Abhi ne tab Ruhi ke haathon ko apne haath mein zor se dabaate hue kaha,
“Tumhi kehti rehti ho nah ke Shweta mujhse bachpan se pyar karti thi, to socho jab mujhse mili to kitna khush hui hogi? Kitna acha laga hoga ussko? Ussne jaise ek khoya hua chiz paa liya itni khush thi wo aur mujhse baar baar milna chahti thi…. Haan uss doctor se usski nahin bani, uss se pyar hi nahin karti thi kehti thi mujhe, doctor usska khayal bilkool nahin rakhta tha aur nah bachi ka khayaal rakhta tha usske liye buss usska kaam aur usske patients, yehi usski priority hua karte the, to Shweta tang agayi…. Aur bina mujhe bataaye pata nahin kab divorce le liya, usske bahot mahine baad mujhko bataya ke ab wapas tumhare chachi ke ghar rehti hai, tab mujhe pata chala ke doctor ko chorr diya ussne…..”
Ruhi ghaur se sun rahi thi tab pucha,
“To phir se kyun shaadi nahin kiya ussne? Kitni khubsurat hai, kitni achchi hai, ussko to ladkon ke line lagte honge proposal ke!”
Abhi ka chehre laal hua aur kaha,
“Wo ab tumhi puchna uss se nah! mujhe kia pata kyun nahin ki shaadi ussne, buss itna kaha ke dobara wo experience nahin karna chahti!”
Ruhi ne tab pucha,
“Aur Aruhi, dekha nah mera naam apni beti ke naam ke saath joda hai ussne aur mujhse ladaayi karne aayi thi magar mera naam rakha apni beti ke naam ke saath hahahaha, kaisi dikhti hai Aruhi ab 7/8 saal ki ho gayi hogi nah? aap se banti hai usski aap ne kaha? Khubsurat hogi wo bhi nah? main ne usski bachpan dekha hi nahin aap ne dekha nah? kuch batao to Abhi!”
Abhi: “Bahot cute hai, weise hi jaise Shweta thi bachpan mein, bahot intelligent bhi hai… samajh lo mujhse ussko baap ka pyar mila, mujhe baap hi samajhti hai… bahot pyar karti hai mujhe aur main bhi behad chahta hoon ussko….Navina se bhi khub ghul mil gayi hai ati hai hamare yahan kabhi kabhi….”
Ruhi ne Abhi ke chehre mein, usske aankhon ki gehraayi mein dekhte hue kaha,
“Abhi aap ka koyi pichle janam ka Rishta hai mujhse kia? Aap meri family se kitna close ho jaate ho? meri beti se aur usski beti ke itna close ho gaye aur mujhse kitne door rahe? Aap ko kudrat ne bheja hai hamare liye kia Abhi? 25 saal pehle aap Shweta se mile the, wo aap se behad pyar karne lagi, jab aap mujhse door hue to wo aap ko miss karti thi, aap ke liye roti thi, jab badi hui to aap se shaadi tak karna chahti thi.... kaise aap ke saath close hui wo Abhi? Wo to aap se behad pyar karti thi, aap ko chahti thi jaise hum donon ek dusre ko chahte the!! Aap ko usski nazron mein pyar nahin dikha apne liye Abhi? Aap ko kabhi nahin laga ke wo aap ko chahti hai?.... wait wait wait…. Abhi ussne kahin aap ki khatir to doctor se divorce to nahin liya nah?! hmm?!”
Abhi hadbadaane laga tha ab…. Ussko dikh gaya ke Ruhi ko shak hone laga to baat ko rokne ke liye Abhi ne bus itna kaha,
“What are you talking now? Kaha nah kyun doctor ko chorra? Aur baaki jo bhi puchna hai tum ussi se puch lena bolo kal lekar aaun donon ko? Weise Navina bhi tumse milna chahti hai…ussko bhi saath lekar aunga, kia khayal hai? Thik rahega kal?!”
Ruhi ne bhare hue aankhon mein kaha,
“Anytime Abhi, any time.. tum buss lekar aao sabko main sab se milna chahti hoon, magar Abhi main nah lunch nah dinner bana paungi…. Inn donon waqt mein mat ana please….”
Abhi: “Are kyun fikar karti ho, inn sab ke liye koyi fikar nahin, tumko bhi lechalunga kabhi apne ghar aur wahan sab lunch ya dinner karenge…. Aur mera yakeen karo ek din tum khud dinner ya lunch paka kar hum sab ko khilaogi!”
Ruhi: “Wo kaise Abhi? I can’t even stand!”
Abhi: “Why? Do you think from the wheelchair you will not be able to cook? You very well can do that…. Just someone must be there to help you or assist you…. Weise hua kia hai tumko? What is your health problem? Kyun nahin chal paati ya khada nahin ho paati ho? wo batao mujhe ab!”
Ruhi: “shuru ek sciatica issue se hua tha , baad mein pata chala spinal issues hein, bahot saare doctaron ke paas gayi, bahot ilaaj karwaya, it remais the same, rather it became worse… main ek laathi se chal paati thi pichle 5 saalon se ab wo bhi nahin kar paati… kamar mein taaqat hi nahin body ko sambhalne ke liye!”
Abhi: “Sirf medical ke taraf checkup karwaya? Ayurvedic massage ya medication kiya kabhi?!
Ruhi: Ayurvedic? No. never, sirf hospital aur physiotherapy kiya kayi saalon tak….”
Abhi: “Okay I will try something to help you I bet ke tum wapas khada ho paogi aur chalogi bhi…. Dekh lena!!”
To be continued…………… (2105 words)
Lovely update bro.
Abhi is reluctant to talk about Shweta with Ruhi. So strange to talk to a woman you loved earlier and now yoy love her daughter and have to talk about her with her mother.... very complicated indeed.
And obviously he cannot tell Ruhi that he is having an affair for past 7 years with her daughtet. That is very stupid thing to do. Of course he must never tell that with Ruhi. Ruhi may doubt thats okay but Abhi must NEVER tell that to Ruhi.
Great amazing, complicated situation update.
