Update 22
Precap
kuch der me fresh hoke jab me bahatlr aya to meri najar uss tasveer pe padi jo hum teen dosto ki thi unn dono ke chehre dekh muze bohot dard hota tha pata nahi kyu mene sneha se to kag diya ke mene unhe maaf kar diya lekin kya mene sachme maaf kiya he ye to muze bhi nahi pata aur jab wo mere samne ayenge to me kya karoonga ye soch hi raha tha ke muze kuch awaj sunayi di jab mene uss taraf dhyan diya to ek baar mere kamre me kuch khadkhadahat ki awaj ayi mene aas paas d2kha lekin waha kuch nahi tha ke achanak hi
‘DHADAAAAM’
Cntd
Ek jordar awaj mere kamre me gunj uthi aur ye awaj kahi aur se nahi balki meri almari me se aai thi jiske iswaqt darwaje ke tukde mere kadmo me pade hue the ye awaj bhi uss darwaje ke tut ke dur pheke jane ki wajah se hi thi lekin dhamaka aisa tha ke darwaje ke parkhachhe udd hlgaye the aur me iswaqt aine ke samne khada hoke andar ka najara dekh raha tha almari ka darwaja tutne se uske andar ka saman me saaf saaf dekh sakta tha lekin jiss wajah se darwaja tuta tha wo iswaqt mere sar ke paas ter rahi thi ye aur kuch nahi ek kitab thi jise dekhte hi mere ankhon me chamak aur chehre par muskaan aa gayi thi iss kitab ke upar kuch ajib se akshro se likha hua tha lekin me ise achchi tarah pehchanta tha ye thi meri
‘THE BOOK OF SECRETS’
Me kuch der uss kitab ko wese dekhta raha aur mene uski aur apna hath badhaya to kitab kuch piche hat gayi ise dekh meri muskaan aur gehri ho gayi mene apni ankhe bad kar uska pata lagaya aur muze samajh aa gaya ke wo muzse dur kyu hui mene apne hatho ko hawa me ghumaya aur kitab ko apni taraf khichne ka ishara kiya to wo kitab bhi kichti hui mere taraf badh gayi mene apna baya haath age kiya to wo uspe sthir ho gayi lekin abhi bhi wo muzse ek inch ki duri par thi mene apna daya hath uspe rakhne laga to muze apne hathi pe pressure feel hua ye utna jada nahi tha parntu mere mehsoos karne jitna tha jab uska pressure mere age na chala to wo kitab niche dabti chali gayi ye ek aisa hi pressure tha jaise kisi magnet ke do sire ekdusre ko milane ki koshi ki jaa rahi ho isikiye mene apna dabav badhaya to wo kitab dab ke mere baye hath pe touch ho gayi jo mene uss kitab ke niche rakha tha jab mera hath usase touch hua to kitab thoda uchal gayi aur mere daye hath ko bhi touch ho gaya jo uske upar tha mene bhi jada waqt nahi gawaya aur uss kitab ko apne hatho me daboch liya jaise hi meri pakad uss kitab pe majboot hui uss kitaab ne thodi hulchal ki aur wo badme sthir ho gayi usake andar se ek patla kala dua nikala jo teji se upar ki taraf badhne laga mene jaldi se apni muthi bich li iske sath hi wo kala dhua usi jagah rook gaya wo iswaqt hawa me atka hua tha aur idhar udhar jane ke liye chatpata raha tha jab uski koshish nakam rahi to uss dhue ne patli chadar ka roop le kar hawa me se gayab hone ki koshish ki lekin iske sath hi mene apni mutthi khol apni ungliyo ko gol ghumaya jaise spin gendbaaj karte he isi ke sath wo dhua ek air bubble me kaid hoke rah gayatabhi mere darwaje pe knock hua mene jake darwaja khola to ye sneha aur maya thi mene unn dono ko andar ane ko kaha jab dono andar aa gaye to mene phir darwaja band kar diya aur jaise hi me muda maya ne mere hath me wo kitab dekh li aur usne bade hi ascharya se pucha
“kya ye…………?”
“haa ye wahi he…?
“lekin ye yaha kese aur itni asani se kese mil gayi…”
“asani se hume nahi unhe mili thi aur wo yaha bhul gaye…”
“aisa to ho nahi sakta ke wo teeno aise hi koi chij humare hatho lagne de aur ye to…”
“aise hi nahi lagi he ye hath jara upar dekho…”
Jaise hi maya aur sneha ne upar dekha maya ki to ascharya se ankhe badi ho gi lekin sneha kuch asamnjas me thi
“ye kya he he bhai kali gend jaisa…”
“ye ek shakti he gudiya jo iss kitab ki raksha kar raha tha…”
“raksha kisase…aur ye kitab he kya ”.
“muzse aur ye kitab he the book of secrets hajaro salo se ye kitab gayab ho chuki thi lekin kuch salo pehle unn teeno sisters ko najane ye kese mil gayi lekin unke samne sabse badi samsya ye thi ke iss kitab ko sirf wohi padh sakta he jo iske yogya ho aur jab unhe mere bare me pata chala to unhone mera raktbimb bana kar ise iss kitab ko padhne ko kaha…”
“lekin shayad wo bhi iss kitab ko na padh saka ho kyunki wo sirf ek ansh tha inka isiliye wo sirf iss kitab ka kuch ansh hi padh sakta tha pura padhne ke liye use ya to inhe samapt karna tha ya tumhara dharak banna tha aur wo dono hi nahi kar paya…”
Meri baat ko maya pura karte hue boli.
Phir bhi sneha ki jigyasa kuch kam nahi hui thi ye uske chehre se spasht tha phir bhi mene uske prashna ka intejar kiya kuch hi kshano me aa gaya
“lekin ye ball kya chij he aur iss kitab me konsa secret he?”
“ye baat to koi bhi nahi janta ke iss kitab me konsa secret he aur abhi wo janane ka samy bhi nahi hua he…”
“wo kyu...?”
“kyunki na abhi tumne apni sari shaktiya payi he na hi me abhi uske liye tayar hu…”
“aur ye ball…”
“ye unn teeno ki shaktiyo se bani hui chadar he jisase iss kitab ko muzse chupa ke rakha tha lekin mere chute hi wo chadar hat gayi aur wo apne malik ke paas loatne lagi lekin mene use iss bubble me atka diya aur yahi rok diya…”
“ohhh to bhai ab aap kya karne wale ho iska…?”
Uska ye sawal sun me bas muskura diya meri muskaan dekh maya muze ajeeb tarike se dekhne lagi mene Apna hath age badhaya to wo ball mere taraf badhne laga lekin dheere dheere isi ke sath mene apni ungliyo ko gol ghumane laga to uss ball ka size bhi kam hote gaya aur jab wo meri hatheli pe aya tabtak uska akar ek moti jaisa ho chuka tha lekin wo puri tarah kale rang ka tha mene use muthi me pakad kitab ke front pe jo border bani thi usape apni do ungli ghumayi to waha ek chain mere hath me aa gayi mene uss chain ko utha kar uss moti ko touch kiya to apne aap wha ek pendant pan gaya uspe teen nishan the usme se ek me mene uss moti ko fix kiya aur sneha se kaha
“gudiya idhar aao…”
Sneha mere samne akar khadi ho gayi aur mene wo chain sneha ke gale me pehna di sneha ke use pehnte hi uss pendant ke upar ke do khali hisse gayab ho gaye aur bas uss moti rah gaya jo bilkul kale rang ka hone ki wajah se bohot hi sundar dikh raha tha
“bhai ye kya hua aur apne ye muze kyu pehnaya…?”
“waqt ane par sab samajh aa jayega gudiya lekin ab chalo hume niche jana hoga warna maa naraj ho jayengi”
Mene uss kitaab ko maya ke paas de diya aur usne kitab par apna hath phera aur meri tara badha diya wo kitab teji se meri taraf badhi aur mere andar sama gayi sneha bas ise qnkhen faade dekhti rahi aur hum teeno niche chale gaye.
Jab hum neeche pohche to maa aur papa dining table par bethe the aur kuch naukar waha khana saja rahe the
Aur unke piche thi meri dusri maa mona aunty unhe dekhte hi mere dil ko sukun aa gaya bas isiliye me age badha aur unhe gale laga liya aur bola
“kese ho aunty aap”
to wo boli
“are avi baba kya hua aaj subah hi to mile the aap
?”
“koi nahi mona aaj jappiya bat rahi he tu bhe lele…”
Maa ne pichese kaha aur me bas muskura diya aur table par beth gaya aur hum sab khana khane lage tabhi papa bole
“beta,tumhare college se call aya tha tumhara admission ho chuka he aur kalse tumhare lectures chalu hone wale…”
Mene iswaqt ek niwala apne muh me dala hi tha ke muze khasi aa gayi jab apne aap ko sambhal kar mene papa se pucha
“lectures…?”
“beta tum bhul gaye tumne hi to subah kaha tha ke tumhe age study karni he aur muze admission karwane ke liye kaha tha…”
Mene ek baar sneha ki taraf dekha to usane muze dekh ishara kiya aur me sab samajh gaya aur baat age badhate hue kaha
“nahi papa me bhula nahi bas lectures kalse shuru honge na isiliye sab tayari bhi karni hogi…”
“haa wo to he lekin koi baat nahi tum kuch dino baad chale jana…”
“nahi papa me kalse hi chala jaunga…”
“thik he jaisa tumhe sahi lage”
Aur usake baad hum sabne khana khatam kiya aur hall me aa kar beth gaye lekin phir sneha boli
“bhai chaliye na ab humari shopping bhi baki he subah to maya ki wajah se late ho gaye lekin kal college ke liye shopping to karni hogi na…”
“hmm chalo phir maa…papa hum shopping se ate he”
“thik he beta lekin jaldi ana subah ki tarah late mat kar dena…”
“jee papa hum jald hi aa jayenge…”
Aur hum teeno bahar aa gaye mene jaldi se apni gadi ghumayi aur sneha aur maya ko bithaya aur teji ke sath age badh gaya aur wk sunsan sadak ke kinare mene car ko roka aur sneha ke taraf palat ke bola
“ye college ka kya chakkar he…?”
“bhai ye to me batana hi bhul gayi actually uss raktbimb ne mere hi college me admission lene ke liye papa ko bola tha aur wo usase pehle bhi mere college me aya tha kuch kaam se aur jab mene pucha to usane muze kuch bhi nahi bataya tha…”
“gudiya itni badi baat tumne muze pehle hi bata deni chahiye thi…”
“isme kya hua bhai college admission hi to he choti si baat he……”
“gudiya ek baat samjhlo jo bhi chij muzse judi ho wo kabhi choti nahi ho sakti jarur isme bhi koi raaz he…”
“aur iss raaz ka pata hume lagana hi hoga…”
Abtak humari baate shanti se sun rahi maya boli.
“aur kuch he gudiya jo muze pata nahi he…?”
“haa bhai vishwas bhaiya ye papa ke purane bodygaurd the lekin ab papa ne inhe apka bodygaurd bana diya he ab wo apke sath hi rahenge aisa papa ka order he…”
“kya…ooofff chalo thik he is vishwas ke bare me badme sochenge abhi shopping karte he”
Aur hum teeno hi shopping karne lage sabhi ne bohot sare kapdo ki shopping kar li thi sabhi bags car me rakh hum nikal pade ghar ki aur lekin age badhte hue ek jagah meri najar gayi aur apneaap hi mere per brake pe dab gaye……
Aaj ke liye itna hi…
Word count-1919
